Pa kompromiset që kërkon udhëtimi në çift apo në grup, çdo detaj i rrugëtimit bëhet personal: destinacioni, mënyra e udhëtimit, oraret, ushqimi, ritmi i ditës. Në këtë liri absolute, ndoshta edhe pak anarkike, njeriu gjen veten, e njeh më mirë, dhe mëson të lidhet më fort me botën e tij të brendshme.

Asnjë rregull, vetëm ti dhe udhëtimi

Një udhëtim solo mund të jetë i thjeshtë dhe ekonomik, ose i shtrenjtë dhe luksoz. Mund të jetë plot aventura apo pushim total. Disa e kalojnë duke eksploruar qytete, të tjerë duke lexuar në dhomë hoteli ose duke biseduar me miq deri vonë. Edhe vetmia, që shpesh shihet si pengesë, këtu humbet kuptimin, sepse udhëtari solo takon njerëz të rinj, komunikon me vendasit, dhe shpesh gjen miqësi apo madje edhe dashuri të papritura.

Planifikimi

Për ata që nisen për herë të parë, planifikimi është thelbësor: zgjedhja e destinacionit, buxheti, akomodimi dhe mënyra e lëvizjes. Një këshillë e vlefshme është të keni gjithmonë një fond të fshehtë emergjent, për rastet kur jeta të befason.

Një tjetër sekret? Bagazhi minimal. Katër ndërrime rrobash, disa të brendshme dhe dy palë këpucë janë më se të mjaftueshme. Shumë udhëtarë zgjedhin të blejnë diçka nga vendi që vizitojnë, si kujtim praktik dhe sentimental. Dhe pavarësisht motit, një pallto apo një bluzë shtesë nuk i bën dëm askujt.

Magjia e të papriturës

Udhëtimi solo është edhe një ushtrim i vetëanalizës krijuese. Edhe pse planifikimi është i rëndësishëm, nuk duhet të jetë i ngurtë , sepse bukuria e udhëtimit qëndron në të papriturën. Nëse diçka nuk shkon sipas planit, mund të sjellë historitë më të veçanta. Një muze i mbyllur mund të të çojë drejt një rruge tjetër, një ekspozitë, apo një sheshi që do të mbetet përgjithmonë në kujtesë.

Këshilla praktike për udhëtarët solo
Mos i mbani të gjitha paratë në një vend.
Krijoni kopje fizike ose dixhitale të dokumenteve.
Mbani shënime me adresat e akomodimit, sepse telefonët priren të fikën në momentet më të papërshtatshme.
Mos kini frikë nga dështimi, çdo përvojë është një mësim.
Ndoshta udhëtimi juaj solo nuk do të jetë si në filmat “Ha, Lutu, Dashuro”, por mund të jetë edhe më i veçantë. Edhe nëse diçka nuk shkon sipas planit, provoni përsëri. Udhëtimi është pjesë e jetës, jo diçka e ndarë prej saj. Dhe kthimi pas do t’ju gjejë më të pasur shpirtërisht, më të qetë dhe me më shumë vetëbesim.

A do ta provonit një udhëtim vetëm? Dhe cili do të ishte destinacioni juaj i parë?

The post Udhëtim solo: Pse udhëtimi vetëm ndryshon mënyrën se si e shohim botën appeared first on Albeu.com.

Në Ballkanin Perëndimor, rritja e temperaturave dhe rënia e reshjeve kanë filluar të ndikojnë tek punëtorët. Shqipëria do të jetë më e dëmtuara në këtë proces vlerëson Organizata Ndërkombëtare e Punës (ILO).

Stresi nga nxehtësia do të ndikojë dukshëm vendet e Ballkanit Perëndimor, ku Shqipëria vlerësohet të jetë me e goditura në Rajon sa i takon produktivitetit të punës.

Skenarët e rreziqeve nga ndryshimi i klimës tregojnë se në Shqipëri, parashikohet të humbasin 0.07 për qind të orëve të punës në vitin 2030, ekuivalente me rreth 700 vende pune me kohë të plotë.

Stresi nga nxehtësia rrit rrezikun e aksidenteve në vendin e punës, me vdekje që shpesh ndodhin gjatë ditëve të para në një punë të re.

Temperaturat e larta kontribuojnë në rritjen e mungesave në punë, për shkak të sëmundjeve të lidhura me nxehtësinë, duke ulur më tej produktivitetin e punëtorëve.

Ndikimi i drejtpërdrejtë i fatkeqësive natyrore në vendet e punës në Ballkanin Perëndimor, u dëshmua gjatë përmbytjeve të vitit 2014.

Dëmtimet në infrastrukturën ekonomike dhe të transportit që çuan në humbjen e vendeve të punës për 33,500 punonjës në Bosnjë dhe Hercegovinë, si dhe humbjen e përkohshme të 51,800 vendeve të punës u dëmtuan përkohësisht në Serbi.

Përmbytjet e tetorit 2024 në Bosnjë dhe Hercegovinë zhvendosen 1,100 familje, duke shkatërruar 800 shtëpi dhe duke ndikuar rëndë në bujqësi dhe biznese të vogla.

Banka Botërore duke analizuar këto zhvillime referoi se ndikimet negative të rreziqeve natyrore në produktivitetin e punës, të ardhurat dhe asetet mund t’i shtyjnë njerëzit në varfëri.

Humbjet për shkak të ngjarjeve ekstreme të motit bien kryesisht mbi familjet e varfra.

Nga ana tjetër, njerëzit e varfër kanë qasje të kufizuar në kursime, kredi dhe sigurime për t’i ndihmuar ata të menaxhojnë humbjet e të ardhurave ose aseteve.

Ndërsa të dhënat aktuale mbi dëmet dhe humbjet në rajon kanë tendencë të përqendrohen në ndikimet e fatkeqësive në asetet dhe infrastrukturën publike, humbjet për shkak të ngjarjeve ekstreme të motit bien kryesisht mbi familjet e varfra./MONITOR

The post Stres nga nxehtësia/ Punonjësit shqiptarë më të cenuarit në Rajon nga ndryshimet klimaterike appeared first on Albeu.com.

1. Ndryshimet në lëkurë
Akne të papritura, skuqje ose irritime mund të jenë më shumë sesa thjesht probleme kozmetike – ato mund të jenë një përgjigje e trupit ndaj stresit të akumuluar.

2. Dhimbje të pashpjegueshme stomaku
Një nga mënyrat më të zakonshme me të cilat trupi reagon ndaj stresit është përmes sistemit tretës. Dhimbjet, fryrja ose shqetësimet e vazhdueshme në stomak mund të jenë sinjal që diçka nuk është në rregull emocionalisht.

3. Rënie e flokëve
Nëse vëreni se po humbni më shumë flokë se zakonisht, kjo mund të jetë një shenjë fizike e stresit të lartë. Rënia e flokëve shpesh ndodh me vonesë pas një periudhe të gjatë tensioni.

4. Ëndrra të çuditshme ose të shqetësuara
Stresi ndikon drejtpërdrejt në cilësinë e gjumit. Nëse po përjetoni ëndrra të pazakonta, ankthioze ose zgjoheni të lodhur, mund të jetë një shenjë që mendja juaj po përpunon stresin në mënyrë të pavetëdijshme.

5. Lodhje kronike
Ndiheni të lodhur edhe pas një gjumi të gjatë? Lodhja e vazhdueshme, pa shkak të dukshëm, është një alarm i qartë që trupi juaj po përpiqet të përballojë nivele të larta stresi.

Ekspertët këshillojnë që të mos injorohen këto shenja dhe të merren hapa të thjeshtë për menaxhimin e stresit si aktiviteti fizik, meditimi, ndarja e kohës për veten dhe kërkimi i ndihmës profesionale kur është e nevojshme.

The post 5 sinjale të fshehura që trupi të dërgon kur je nën stres (shumica i injorojnë) appeared first on Albeu.com.

Jemi të gjashtët në Europë, pas Qipros Veriore*, Maltës, Greqisë, Qipros, Luksemburgut, por më të stresuarit se gjithë vendet e tjera të Ballkanit.

Nga ana tjetër edhe pse kanë një punë, 42% e të punësuarve në Shqipëri mendojnë ta lënë atë dhe janë në kërkim të vazhdueshëm për një vend të ri pune.

Në Europë, punonjësit shqiptarë janë të parët që duan ta lënë punën. Të dytët pas nesh janë italianët, me 41%.

Të dhënat u bënë të ditura nga një raport i fundit i Gallup “State of the Global Workplace”.

Edhe në komponentët e tjerë të marrë në studim për gjendjen e vendin e punës nuk jemi më mirë.

20% e të punësuarve shqiptarë përjetojnë zemërim të përditshëm, sipas raportit jemi më shumë të zemëruar se një vit më parë.

Maqedonasit dhe malazezët, janë ndër më të zemëruarit në Europë. Ata zemërohen shpejt, por e përjetojnë me më pak stres.

19% e punonjësve shqiptarë përjetojnë trishtim të përditshëm. Pavarësisht stresit, zemërimit dhe trishtimit në vendin e punës, 27% tyre janë punonjës të angazhuar, të dytët në Europë, pas Rumanisë.

Nga ana tjetër, sa i përket klimës në tregun e punës, 54% e të punësuarve mendojnë se është një kohë e mirë për të gjetur një punë të re.

Sa i përket zhvillimit, rritjes në vendin e punës, jemi ndër të fundit në Europë, vetëm 34% e të punësuarve në vend po përjetojnë “ecuri pozitive” në vendin e punës.

Bota

Ndërsa puna mund të shtojë stresin, trishtimin dhe zemërimin në jetën tonë, disa gjithashtu gjejnë përmbushje, qëllim dhe lumturi përmes punës.

Sipas raportit të Gallup-it, 34% e të anketuarve në sondazh në raport global, thonë se po “zhvillohen” ndërsa 58% thonë se janë “nuk ndihen aq mirë në vendin e punës”. Rreth 8% e të anketuarve globalisht pranojnë se po “vuajnë” në punë.

Ata që kanë ecuri pozitive raportojnë “më pak probleme shëndetësore dhe më pak shqetësime, stres, trishtim, vetmi, depresion dhe zemërim. Ata raportojnë më shumë shpresë, lumturi, energji, interes dhe respekt”, sipas studimit, i cili bazohet në vlerësimin e përgjithshëm të jetës, i cili kombinon perceptimet e të anketuarve se ku qëndrojnë tani dhe në të ardhmen.

Studimi u përpoq të vlerësonte shëndetin mendor dhe mirëqenien e punonjësve, dhe mat angazhimin përmes përvojave pozitive si ecuri pozitive dhe kënaqësia, si dhe përvojat negative si stresi, zemërimi, shqetësimi, trishtimi dhe vetmia.

Sondazhi Botëror i Gallup, anketoi popullsinë e rritur të botës në më shumë se 160 vende dhe zona anembanë botës. Të dhënat për këtë raport të mbledhura në vitin 2023, përfshinin rezultate nga më shumë se 128,000 të anketuar të punësuar.

Vendet europiane dominuan listën me shtatë prej tyre që janë pjesë e 10-shes së parë. Rajoni regjistroi përqindjen më të ulët të punonjësve që thanë se “po shikonin ose po kërkonin në mënyrë aktive një punë të re” dhe përqindjen e dytë më të ulët të punonjësve që “po përjetojnë trishtim të përditshëm”, sipas raportit.

Veçanërisht, Europa regjistroi gjithashtu, “përqindjen më të ulët rajonale të punonjësve të angazhuar”, duke arritur në 13%, por rajoni është i njohur për mbrojtjen e fortë të vendit të punës, theksoi raporti.

Në të kundërt, Shtetet e Bashkuara renditen më ulët për mbrojtjen e punës, por më lart në angazhimin e punonjësve, sipas studimit.

“Njerëzit shpesh e krahasojnë kulturën “puno për të jetuar” të Europës Perëndimore me mentalitetin “jeto për të punuar” të Shteteve të Bashkuara”, thuhet në raport. Në fund të fundit, “punonjësit e angazhuar në vendet me ligje thelbësore për të drejtat e punës kanë shëndetin më të fortë emocional”.

Australia ishte ndër 10 më të mirat me 60% të të anketuarve, që thanë se ishin zhvilluar dhe 21% thanë se ishin të angazhuar në punë. Në Kosta Rika, 62% e të anketuarve raportuan se kishin ecuri pozitive, ndërsa 34% thanë se ishin “të angazhuar” në punë.

The post Sondazhi/ 46% e të punësuarve në Shqipëri përjetojnë stres të përditshëm, të parët në Europë që duan të lënë punën appeared first on Albeu.com.

“Analizat mjekësore të kryera të sulmuesit Myrto Uzuni, konfirmojnë se ai vuan nga tendinopatia e majtë e Akilit.

Rikthimi i tij në fushën e lojës varet edhe nga evoluimi i dëmtimit të tij”, njofton klubi i La Ligës.

Kështu, ende nuk dihet se kur beratasi do rikthehet në fushën e lojës, teksa ishte pjesë e listës së Sylvinhos për miqësoret e marsit, duke u detyruar të largohej për shkak të lëndimit.

🩺 𝗣𝗮𝗿𝘁𝗲 𝗠𝗲́𝗱𝗶𝗰𝗼: Myrto Uzuni
#𝙀𝙩𝙚𝙧𝙣𝙖𝙇𝙪𝙘𝙝𝙖 🇦🇹

— Granada CF ❤️⚪️ (@GranadaCF) March 26, 2024

The post Myrto Uzuni në stres para Europianit, ҫfarë ka ndodhur me të appeared first on Albeu.com.

Zakonet e veçanta të të ngrënit nuk përjashtohen nga ky realitet.

Në zbulimin e çajit Matcha, një çaj tradicional japonez, i cili përdoret shpesh nga murgjit budistë me synimin për të ruajtur qartësinë dhe qetësinë e tyre, në mënyrë që ata të mund të përballojnë orët e gjata të meditim.

Ky përdorim i tij nuk është aspak i rastësishëm, pasi Matcha është veçuar për përfitimet që mund t’i ofrojë shëndetit të njeriut, pasi, ndër të tjera, rrit disponimin dhe performancën mendore dhe lehtëson stresin .

Studiuesit nga Japonia kryen një studim të ri, duke dashur të studiojnë në mënyrë specifike përfitimet e mundshme kundër depresionit të këtij çaji.

Depresioni është sot çrregullimi mendor më i përhapur në mbarë botën , me numrin e njerëzve që përballen me simptoma depresive në rritje në një shkallë dramatike.

Megjithëse shkaqet e depresionit ndryshojnë midis individëve, sëmundja mendore zakonisht i atribuohet një rënie në dopaminën e trurit , një hormon neurotransmetues që luan një rol kyç në përmirësimin e humorit dhe nxitjen e ndjenjave të gëzimit dhe lumturisë.

Për të përballuar “makthin” e depresionit, janë krijuar një sërë antidepresantësh të ndryshëm , të cilët megjithatë paraqesin dy disavantazhe të mëdha; së pari, kanë efekte anësore të shumta dhe serioze dhe së dyti; trupi i njeriut zhvillon rezistencë me kalimin e kohës, si rezultat prej të cilave u kërkohen doza gjithnjë e më të larta ose ndryshim i shpeshtë i mjekimit.

Këto probleme i kanë shtyrë studiuesit të kërkojnë substanca të tjera jo farmaceutike, që mund të ndihmojnë në zbutjen e simptomave të depresionit.

Kohët e fundit Matcha ka fituar popullaritet si një produkt i tillë, pasi gjethet Camellia sinensis nga të cilat prodhohet janë të pasura me përbërës që përmirësojnë humorin.

Ekipi hulumtues përdori minj të ndjeshëm ndaj stresit që iu nënshtruan një testi eksperimental të stresit social.

Administrimi oral i pluhurit të çajit Matcha u tregua se zvogëlon sjelljen e ngjashme me ankthin duke aktivizuar funksionin e dopaminës përmes sinjalizimit të receptorit D1.

Gjetjet u publikuan në Nutrients.

Duke u thelluar më thellë në gjetjet, studiuesit vunë re se pirja e këtij çaji aktivizonte korteksin paraballor dhe bërthamën accumbens, dy zona thelbësore për kontrollin e niveleve të dopaminës në tru.

Këto rezultate, megjithatë, u konfirmuan vetëm në minjtë e ndjeshëm ndaj stresit, pasi ata më rezistentët nuk treguan asnjë ndryshim.

Për më tepër, u zbulua se administrimi i një bllokuesi të receptorit D1 përmbysi efektet antidepresive të çajit Matcha.

Dr. Yuki Kurauchi nga Universiteti Kumamoto arriti në përfundimin se  “pluhuri i çajit matcha ushtron një efekt antidepresiv duke aktivizuar sistemin dopaminergjik të trurit në varësi të gjendjes mendore të individit “.

Ai është optimist për të ardhmen e kësaj prove shkencore, duke argumentuar se më shumë studime si ky mund të ndihmojnë në zhvillimin e antidepresantëve më të mirë, që fokusohen më shumë në karakteristikat e veçanta të gjendjes mendore të çdo personi.

The post Njihuni me pijen që largon stresin dhe përmirëson humorin appeared first on Albeu.com.

E ardhur nga Shqipëria, kjo grua me përkatësi etnike rome thotë se tani jeton në një shtëpi të vjetër në qytetin e Ferizajt, ku banon me qira. Dhjetë vjetët e saj në Kosovë nuk kanë qenë të lehta.

“Shumë herë gjatë natës nuk më ka zënë gjumi, [duke menduar] se a do të mund ta sigurojë ushqimin të nesërmen për familje”, thotë ajo për Radion Evropa e Lirë.

E papunë, ajo çdo ditë udhëton nga Ferizaj në Prishtinë për të kërkuar lëmoshë nëpër lagje të ndryshme të kryeqytetit. 36-vjeçarja thotë se kështu fiton nga pesë deri në dhjetë euro në ditë, të cilat i përdor për blerje të ushqimeve për familjen e saj treanëtarëshe.

Por, paratë i duhet t’i kursejë edhe për pagesat mujore të qirasë dhe faturave të ndryshme. Kjo i është vështirësuar që kur çmimet e produkteve ushqimore janë ngritur.

“Çmimet për produktet ushqimore viteve të fundit janë rritur shumë, nuk di qysh po ia dal. Po, mërzitem, mërzitem shumë, çka të bëj…”, thotë ajo.

Kosova e kishte mbyllur vitin e kaluar me një normë mesatare inflacioni prej 11.6 për qind, ndërsa në muajin tetor, sipas Agjencisë së Statistikave të Kosovës, norma e inflacionit ishte 3.3 për qind.

Gjatë kësaj periudhe ka pasur ngritje të çmimeve duke filluar nga produktet ushqimore deri tek shërbimet.

Këto çmime të ngritura i kanë shkaktuar shqetësim dhe pagjumësi disa herë në jetë edhe Xhevahir Berbatovcit. Si punëtor në sektorin e ndërtimtarisë, ai që tre muaj paguhet nga 500 euro në muaj, ndërsa më parë merrte nga 450 euro.

Por, shkaku i këstit të kredisë prej 240 eurosh në muaj dhe çmimeve të ngritura, ai thotë se paga nuk i mjafton për t’i mbuluar të gjitha shpenzimet familjare.

“Nuk e di a me thanë stres, por i shqetësuar tej mase, vështirë është bërë të jetohet më këto paga”, thotë Berbatovci, baba i tre fëmijëve.

Sfida të ngjashme përjetojnë edhe shumë qytetarë të tjerë të Kosovës, sipas të dhënave të publikuara në raportin “Shqyrtimi i Dinamikës së Varfërisë së Amvisërisë Përballë Inflacionit” më 2 nëntor nga Programi i Kombeve të Bashkuara për Zhvillim (UNDP).

Gati gjysma e të anketuarve kanë raportuar se kishin përjetuar stres, ankth ose shqetësim – që më vonë kishin shkaktuar çrregullime në aktivitetet normale ditore, të tilla si gjumi dhe produktiviteti në punë.

Këto probleme janë shfaqur pasi që të hyrat financiare kanë mbetur të pandryshuara gjatë periudhës 2021-2023, derisa shpenzimet për nevojat bazë janë rritur gjatë këtyre viteve.

Deri sa në vitin 2021, 38.8 për qind e ekonomive familjare kishin shpenzuar 200 ose më shumë euro për gjëra ushqimore, përqindja u rrit deri në 59.5 për qind më 2023.

Kjo situatë më së shumti ka ndikuar në jetën e qytetarëve të komuniteteve rom, ashkali dhe egjiptas.

Ata kanë thënë se për blerjen e më pak produkteve, kanë shpenzuar më shumë para.

Mbi 90 për qind janë shprehur të shqetësuar se çmimet do të vazhdojnë të rriten edhe në të në të ardhmen dhe kjo do të ndikojë edhe më tej në cilësinë e jetës së tyre.

Çka thonë sociologët dhe psikologët?

Florent Osmani, psikolog në Klinikën psikoterapeutike “Empatia”, pohon se ka rritje të numrit të personave që kërkojnë shërbime që nga fillimi i pandemisë COVID-19, periudhë që korrespondon edhe me rritjen e çmimeve.

Osmani është i angazhuar si psikolog edhe në platformën online “Hajde Folim” ku thotë se shumë qytetarë shprehin shqetësim për ndikimin e gjendjes ekonomike në shëndetin e tyre mendor.

Brengosja nga pamundësia për t’i mbuluar obligimet e nevojshme për jetë mund të ndikojë në shëndetin mendor sepse njerëzit ndihen të pafuqishëm për t’u përballur me situatën, shpjegon Aliriza Arënliu, profesor i psikologjisë në Departamentin e Psikologjisë në Universitetin e Prishtinës “Hasan Prishtina”.

“Kjo më pas manifestohet me pagjumësi, probleme brenda për brenda familjes se si menaxhohet [buxheti familjar] dhe si nuk menaxhohet”, shprehet ai.

Se inflacioni krijon një pasiguri ekonomike për të ardhmen dhe zbeh motivimin për të menduar pozitivisht thotë edhe sociologia Linda Gusia, ligjëruese në Universitetin e Prishtinës.

“Krijohet një ndjenjë se gjërat janë duke ndryshuar për të keq, kjo e rritë nivelin e stresit. Nga kjo ndjenjë, njerëzit fillojnë të kursejnë. Zgjedhin produktet ushqimore më të lira, fillojnë të ushqehen më produkte që të ngopin më shumë dhe janë jo cilësore apo kalorike, duke neglizhuar shëndetin”, thekson Gusia.

Si të menaxhohet stresi dhe ankthi?

Ndryshimet ekonomike dhe politike i bënë njerëzit të pafuqishëm, pasi që janë ndryshime që janë jashtë kontrollit të tyre, thotë Arnliu. Ai shton se, për të siguruar të ardhura të mjaftueshme, njerëzit detyrohen të punojnë më shumë, që rrjedhimisht u lë më pak kohë për vete.

“Ushqimi i shëndetshëm ndihmon në përballim më të lehtë të kësaj situate”, thotë Arenliu.

Psikologu Osmani konsideron se aktivitetet fizike, që s’kërkojnë shpenzime financiare, mund të ndikojnë në uljen e stresit dhe ankthit.

“Nëse personi është duke u ndjerë keq, duhet të fillojë aktivitete që largojnë mendimet negative. Por, gjithsesi duke marrë parasysh situatën në të cilën gjendet [ai person], që [duhet] të kursejë… Ai mund të merret me aktivitete që nuk kushtojnë shumë. Ecjet në natyrë dhe aktivitetet sportive nuk kanë ndonjë kosto, por largojnë stresin, ankthin dhe janë dobiprurëse në psikologjinë njerëzore”, thotë Osmani.Raporti i UNDP-së tregon se kosovarët, vetëm për t’i ulur shpenzimet, kanë bërë sakrifica personale që kanë ndikuar në mirëqenien e tyre. Ndër këto sakrifica përmenden: kujdesi për vete, aktivitetet sociale me miqtë ose familjarë, pushimet, ushtrimet ose aktivitetet fizike, e të tjera./ REL/

The post “Nuk më zë gjumi natën”, rritja e çmimeve shton stresin dhe pasigurinë te qytetarët appeared first on Albeu.com.

Nga problemet që njerëzit sot përballen më shumë është stresi dhe të gjithë efektet e tjera që ai lë pas si lodhje e vazhdueshme apo pagjumësi. Pra siç thamë, zgjidhja duhet të fillojë nga brenda, duhet të kuptoni trupin tuaj dhe ta trajtoni me mënyrat më natyrale të mundshme.

Ndiqni mëposhtë 5 sugjerime të AgroWeb.org mbi këtë çështje të cilat do ju ndryshojnë shpejt regjimin dhe do ju sigurojnë pa dyshim një jetesë më të shëndetshme.

Ju dhembin gjunjët? Provoni susamin

Kur dhimbja e gjunjëve është e vazhdueshme dhe e bën të vështirë ngjitjen e shkallëve ose shijimin e një shëtitjeje sigurisht që jeta juaj e përditëshme ndikohet negativisht dhe ndiheni më të lodhur.

Për ta zgjidhur këtë thjesht fërkoni kyçet dhe gjunjët tuaj me disa pika vaj susami për secilin, pastaj mbështillini me një peshqir të ngrohtë.

Bëjeni këtë proces për 10 minuta në mënyrë që të largoni ënjtjen, kontraktimet dhe dhimbjen.

Kjo për shkak se në përbërjen e këtij vaji gjendet sesamina dhe sesamoli  të cilat përshpejtojnë riparimin e indeve të dëmtuara dhe frenojnë prodhimin e substancave që shkaktojnë dhimbje.

Ndiheni të lodhur? Shijoni një mollë

Ditët kur ndiheni të këputur e të lodhur që me mëngjes me siguri i keni përjetuar të gjithë dhe nëse keni për tu marrë me punë, kjo sigurisht nuk është aspak e favorshme.

Mollët e freskëta të vjeshtës janë të mbushura me antioksidantë ndihmojnë qelizat e trupit tuaj dhe rrisin prodhimin e një enzime kryesore për energjinë të quajtur ATP.

Studiuesit britanikë argumentojnë se një mollë largon lodhjen për më pak se 20 minuta.

Ose lani duart shpesh me ujë të ftohtë.

Lëvizjet e pakta që e karakterizuan këtë vit lanë rreth 60% të popullsisë pa kryer asnjë aktivitet fizik e të plogësht.

Larja e duarve me ujë të ftohtë të rrjedhshëm për 60 sekonda pasi  rënia e menjëhershme e temperaturës në  trup dërgon oksigjen energjik në tru.

Gjithashtu çliron hormonin revitalizues norepinefrinën duke larguar plogështinë dhe lodhjen për të paktën dy orë.

Keni probleme me fokusimin? Dëgjoni zhurmën e shiut

Kur ndiheni se e keni mendjen në shumë çështje e njëkohësisht ndiheni të çorientuar e të lodhur provoni të dëgjoni reshjet e shiut ose tinguj të tjerë në natyrë.

Studiuesit në Institutin Politeknik Rensselaer në NeW York,  thonë se njerëzit që dëgjojnë tingujt e natyrës janë më të përqendruar dhe produktivë sesa ata që dëgjojnë gjatë gjithë kohës zhurma të tjera ose asgjë.

Këtë mund ta arrini fare lehtë nëse dilni një xhiro në natyrë ose mund të dëgjoni tinguj të ngjashëm nëpërmjet telefonit tuaj.

Një mënyrë tjetër është t’i zhvendosni sytë për 30 sekonda rreth jush.

Lëvizini ngadalë sytë nga njëra anë në tjetrën në mënyrë që të mund të rrisni kujtesën afatshkurtër deri në 42% për një orë.

Keni uri të tepruar? Përsërisni këtë frazë

Nëse shijet e ëmbla ose ushqimet e “ndaluara” për ju janë gjithmonë në qendër të vemendjes tuaj, duhet të merrni ndonjë masë parandaluese për këtë.

Shkencëtarët e Kolegjit të Bostonit, shpjegojnë  se sekreti qëndron vetëm tek një togfjalësh i thjeshtë.

Në një studim mbi këtë çështje u vu re se  gratë që thanë frazën “Unë nuk mund ta ha këtë” dyfishuan aftësinë e tyre për t’u larguar nga tundimi dhe për të humbur peshë.

Shkencëtarët thonë se fjalët “nuk mundem” të bëjnë të ndihesh i privuar, ndërsa fjala “mos” të bën të ndihesh i kontrolluar, duke rritur kështu fuqinë e vullnetit tënd drejt tundimit.

Nuk mund të flini? Vishni rroba të gjera

Nëse keni vazhdimisht probleme me gjumin dhe nuk kuptoni se cili është shkaku, problemi mund të jetë veshja juaj e natës.

Pizhamat e papërshtatëshme ose temperatura jo e  duhur në dhomë mund të shkaktojnë ulje të melatoninës që është edhe hormoni i gjumit.

Rrobat sa më të lira do ju ndihmojnë të keni një temperaturë ideale trupi dhe gjaku do të funksionojë më mirë.

The post Pesë mënyra natyrale si të luftoni stresin, lodhjen dhe pagjumësinë appeared first on Albeu.com.

Por mesa duket shprehja “gjërat mund të jenë më keq” nuk na ndihmon aq sa mendojmë. Arsyeja? Ne mendojmë se problemi ynë nuk është aq i rëndësishëm sa duhet dhe, duke hyrë në këtë krahasim, nuk arrijmë në rrënjën e problemit.

The post Fjala e vetme që nuk duhet t’ia thoni kurrë vetes kur jeni të stresuar appeared first on Albeu.com.

Por mesa duket shprehja “gjërat mund të jenë më keq” nuk na ndihmon aq sa mendojmë. Arsyeja? Ne mendojmë se problemi ynë nuk është aq i rëndësishëm sa duhet dhe, duke hyrë në këtë krahasim, nuk arrijmë në rrënjën e problemit.

Zgjidhja nuk është nënvlerësimi i stresit, por identifikimi i problemit. Pra, hapi i parë është ta njohësh atë. Stresi është i pashmangshëm dhe është shumë e rëndësishme të pranojmë që na ndodh. Nëse nuk e bëjmë, ne ndikojmë në kiminë e trurit tonë dhe ngatërrojmë trupin tonë.

Menaxhimi i stresit është një çështje thjesht personale. Një aktivitet relaksues, pak meditim, dalje nga rrjetet sociale dhe madje edhe një vizitë te specialisti nëse mendojmë se stresi ka pushtuar jetën tonë, gjithçka që i përshtatet kujtdo mund të funksionojë.

The post Jeni të stresuar? Fjala e vetme që nuk duhet t’ia thoni kurrë vetes appeared first on Albeu.com.