Në një deklaratë për mediat, Brandon tha se ekziston një vonesë prej 16 muajsh, të cilën ai e cilësoi si të pashpjeguar.

Ai tha se, sipas jurisprudencës së Gjykatës së Strasburgut, shtetet anëtare, përfshirë Shqipërinë, kanë detyrimin që çështjet që prekin lirinë e individit t’i trajtojnë sa më shpejt të jetë e mundur.

“Kemi një vonesë prej 16 muajsh dhe një vonesë te pashpjeguar. Gjykata e Strasburgut e ka bërë të qartë që kur behët fjalë për lirinë e personit, vendet anëtarë, Shqipëria në këtë rast duhet ta trajtojë çështjen e heqjes së ndalimit të personit sa më shpejt të jetë e mundur.

Siç e përmenda edhe më herët kjo është një çështje që ka interes publik. Përveçse ndalimi ndikon te familja e tij, ndalimi ka edhe impakt të qytetarët e Tiranës që e kanë zgjedhur atë për të drejtuar qytetin.

Të ndalosh një person duhet të jetë masa e fundit. Ky është një standard që është vendosur nga Gjykata e Lartë e Shqipërisë.

Ne si përfaqësues ligjor ndërkombëtarë të tij mbështesim deklaratat e avokatëve shqiptarë gjatë procesit dhe mendojmë se ndalimi i tij si masë sigurimi është i panevojshme, ai duhet të lirohet menjëherë dhe të ushtrojë mandatin për të cilin është zgjedhur”, tha avokati ndërkombëtar.

The post Dosja e Veliajt në Strasburg, avokati Ben Brandon: Masa e ndalimit të tij është e panevojshme, duhet të lirohet menjëherë appeared first on Albeu.com.

Për avokatin Eduard Halimi, kjo ditë përbën një moment historik për drejtësinë në Shqipëri.

Në një reagim të publikuar në rrjetet sociale, Halimi njoftoi se Seksioni i Tretë i GJEDNJ-së ka bërë publike vendimet për Osmani, Kadana dhe Elezi.

Sipas tij, Gjykata e Strasburgut ka konstatuar shkelje të nenit 8 të Konventës Evropiane për të Drejtat e Njeriut, duke arritur në përfundimin se largimi nga detyra i tre magjistratëve nuk ka qenë në përpjesëtim me objektivin e procesit të rivlerësimit kalimtar.

“Strasburgu konstaton shkelje flagrante të nenit 8 të Konventës për shkarkimet në vetting, pasi ato nuk ishin proporcionale. Gjykata kërkon rishikim të procedurave dhe rikthim në sistem”, u shpreh Halimi.

Ai përgëzoi tre magjistratët për vendimet, duke nënvizuar se karriera e tyre ishte ndërprerë në mënyrë të padrejtë dhe se tani mbetet që institucionet shqiptare të mbajnë parasysh gjetjet e gjykatës evropiane.

Halimi tha gjithashtu se pritet tashmë që institucionet në Shqipëri të reagojnë, ndërsa veçoi edhe përgjegjësinë e Gjykatës Kushtetuese për zbatimin e standardeve të vendosura nga Strasburgu.

The post Strasburgu vendos në favor të tre ish-magjistratëve të larguar nga vetingu appeared first on Albeu.com.

Aktorja thekson se i janë përdorën të drejtat personale për ministre pa asnjë kontratë dhe gjykata këtë nuk e ka marrë fare parasysh, ndërsa shton se ajo do të vazhdoj padinë edhe më tej.

“Ky është vendimi i gjykatave shqiptare! Mua më përdorën të drejtat personale për ministre pa asnjë kontratë dhe gjykata këtë nuk e merr fare parasysh. Por unë do të vazhdoj padinë time më tej. Nëse nuk ja dal me gjykatat tona, absolutisht çështjen do e çoj në Strasburg!”, thuhet në reagimin e aktores Anila Bisha.

The post Administrativja rrëzoi kërkesën për sigurim padie të aktores, Anila Bisha: Do e çoj çështjen deri në Strasburg appeared first on Albeu.com.

Berisha u shpreh se, kartele të drogës, të lidhura drejtpërdrejt me Ramën, dominojnë tregjet e drogës në Europë dhe se Shqipëria është kthyer në një qendër të madhe të pastrimit të parave përmes ndërtimeve dhe resorteve turistike.

Në një debat tjetër, kryedemokrati Sali Berisha, kritikoi ashpër raportin mbi ‘terapinë konvertuese’, duke e cilësuar atë si një praktikë çnjerëzore dhe agresion ndaj fëmijëve.

Ai u shpreh se, në Shqipëri, në kopshte dhe shkolla fillore, po përdoren materiale mësimore që synojnë manipulimin e fëmijëve drejt ndryshimit të gjinisë, duke e lidhur këtë me atë që e quajti propagandë e ekstremit të majtë dhe ndikim të Xhorxh Sorosit.

Sipas kryetarit të PD-së Sali Berisha, kjo qasje synon vendosjen e një diktature të rrezikshme të ekstremit të majtë në Shqipëri dhe më gjerë.

Gjithashtu, ai theksoi se, ndonëse debatet mbi këtë çështje ishin të ndara, në audiencë pati rezerva të mëdha ndaj raportit, i cili sipas tij tentonte të legjitimonte ‘terapinë konvertuese’ ndaj fëmijëve.

FJALA E PLOTE:

Dje gjatë ditës në debatin e zhvilluar në grupin parlamentar të EPP-së për zgjedhjet në Shqipëri dhe raportin e ‘Terapisë konvertuese’ paraqita para audiencës rrezikun e madh që përfaqëson narkoshteti shqiptar më në krye Edi Rama apo siç quhet rëndom Ramaduro apo Noriega i Europës për sigurinë e vendeve të rajonit dhe vendeve të Europës.

Në fjalën time, paraqita dominimin e tregut të drogës në Europës, marijuanës, heroinës, kokainës nga kartelet e drogës të lidhura direkt me Edi Ramën, të komanduara direkt prej tij, i cili e ka shndërruar Shqipërinë në një parajsë të larjes së parave të tyre, në qindra kulla, ndërtesa, resorte turistike.
Shpreha kërkesën që vendet anëtare të Këshillit të Europës, parlamentet e këtyre vendeve të ngrenë zërin e tyre ndaj këtij rreziku serioz që u vjen nga një vend i vogël i cili ka të gjitha potencialet e mëdha të zhvillimit dhe e ka zhytur regjimi në drogë, vetëm për qëllime elektorale.

Po kështu, tek rreziku i madh që përfaqëson Shqipëria, u ndala tek AKSHI, kopshti familjar i Edi Ramës, në të cilin koordinatori kryesor i karteleve të drogës me anëtarët e familjes Rama, kanë plaçkitur qindra e qindra milionë euro. Por mbi të gjitha Ergys Agasi ka eksportuar të gjitha të dhënat e internetit që ekzistojnë në Shqipëri, tek klanet kriminale dhe armiqtë e NATO-s dhe kjo është një rrezik i madh që Shqipëria shpërndan në rajon dhe Europë.

Mirëkuptimi ishte i plotë nga audienca. Përveç kësaj mora fjalën në debatin që u zhvillua për raportin mbi ‘terapinë konvertuese’, terapinë ç’njerëzore, një agresion i vërtetë që bëhet ndaj fëmijëve për të ndryshuar gjinitë.

Ftova të pranishmit që të vijnë në Shqipëri, të shohin pasojat e rënda të transformimit të Shqipërisë në republikën e Xhorxh Soros apo në kopshtin e lulëzuar të këtij të fundit, ku fëmijëve në kopsht dhe në shkolla fillore, u jepen tekste, figurina dhe objekte mësimore për t’i manipuluar në drejtim të ndryshimit të gjinisë.

Theksova se, kjo propagandë është propaganda e ekstremit të majtë që synon rivendosjen e një diktature të rrezikshme të ekstremit të majtë, jo vetëm në Shqipëri, por dhe në Europë e botë. Debatet për këtë çështje natyrisht nuk ishin të njëjta, por në tërësi u shprehën rezerva shumë të mëdha për raportin i cili në një farë mënyre kërkonte të legjitimonte ‘terapinë konvertuese’ ndaj fëmijëve për ndryshim gjinie.

The post Berisha nga Strasburgu: Narkoshteti i Ramaduros rrezikon sigurinë e Europës appeared first on Albeu.com.

Sipas dokumentit zyrtar, padia është bërë bashkë me partneren e tij Erjola Hoxha dhe është depozituar më 8 maj 2024.

Çështja i është komunikuar zyrtarisht qeverisë shqiptare më 6 tetor 2025.

Akuza lidhet me kontrollin e ushtruar më 9 mars 2023 në banesën e Ahmetajt dhe Hoxhës, si dhe me sekuestrimin e telefonit të Hoxhës, mbi bazën e një urdhri të GJKKO.

Ahmetaj pretendon se kontrolli ishte i paligjshëm, pasi në atë kohë ai ishte deputet i Kuvendit të Shqipërisë, dhe sipas nenit 73, pika 2 të Kushtetutës, banesa e një deputeti nuk mund të kontrollohet pa miratim paraprak nga Kuvendi.

Në ankesën e tij, ish-ministri dhe partnerja e tij deklarojnë se nuk kishin asnjë mjet efektiv ligjor për të kundërshtuar urdhrin e kontrollit dhe sekuestrimit, duke pretenduar shkelje të nenit 8 (e drejta për respektimin e jetës private dhe banesës) dhe nenit 13 (e drejta për një mjet juridik efektiv) të Konventës Evropiane për të Drejtat e Njeriut.

Gjykata e Strasburgut i ka kërkuar qeverisë shqiptare që të sqarojë:

1. A ka pasur shkelje të së drejtës së kërkuesit të parë për respektimin e banesës së tij, të garantuar nga neni 8 i Konventës? Në veçanti, a është kryer kontrolli i banesës në përputhje me nenin 73 (2) të Kushtetutës mbi imunitetin e AP-ve? A ka shteruar kërkuesi i parë ndonjë mjet efektiv juridik në këtë drejtim?

2. A ofronin legjislacioni dhe praktika vendase mjete procedurale të mjaftueshme për të kundërshtuar ligjshmërinë e urdhrit të kontrollit, mënyrën e kryerjes së kontrolleve të banesës së tyre dhe të personit dhe telefonit celular të kërkueses së dytë, ose sekuestrimin e sendeve në banesën e tyre, siç kërkohet nga nenet 8 dhe 13 të Konventës? Në veçanti, a ishte vendimi gjyqësor i 8 marsit 2023 i ankueshëm?

The post Arben Ahmetaj padit Qeverinë në Strasburg (AKUZAT) appeared first on Albeu.com.

Tabaku pohon se opozitarët përveç shqetësimeve që i bënë publike në seancat plenare, kanë furnizuar me prova dhe dokumente evropianët për atë që e quajnë farsë elektorale.

“Takimet bilaterale janë zhvilluar, me reporterin e Shqipërisë, me drejtuesin e delegacionit dhe me përfaqësues të këtij komisioni. Janë informuar dhe u është vendosur në dispozicion edhe raporti që tregon se qëndrimet e opozitës janë të bazuara në prova dhe në fakte”, shprehet Tabaku.

Gjithashtu, deputetja demokrate pohon se këto takime nuk do të jenë të fundit, por presin misionin faktmbledhës nga Parlamenti Evropian, pasi sipas saj kapitulli i zgjedhjeve nuk mund të mbyllet lehtë.

“Ky është një proces që do të vazhdojë, pasi siç është deklaruar presim një mision faktmbledhës nga Komisioni i Jashtëm i Parlamentit Evropian. Ta harrojë kushdo që është i përshirë në procesin e integrimit se zgjedhjet janë një kapitull i mbyllur, rruga evropiane e Shqipërisë kalon nga zgjedhjet e lira dhe të ndershme”, shton Tabaku.

Zgjedhjet e 11 Majit u shoqëruan me shumë problematika, thotë Tabaku, dhe shton se në procesin e integrimit Shqipëria ka humbur pikë për shkak të tyre.

“Zgjedhjet e ishin një mundësi e humbur në procesin e integrimit, ishin zgjedhjet e para me negociata të hapura dhe fatkeqësisht një pjesë e kritereve të Kopenhagenit janë shkelur”, deklaron deputetja demokrate.

Sipas saj, shqetësimet e ngritura nga opozita bëhen tani sepse vendi po negocion me Bashkimin Evropian dhe çdo problematikë duhet adresuar.

The post Jorida Tabaku: Ta harrojnë se zgjedhjet janë një kapitull i mbyllur, presim misionin faktmbledhës nga KE appeared first on Albeu.com.

Në fjalën e tij, Bardhi ka ngritur shqetësimin për atë që ai e cilësoi si farsën elektorale të 11 Majit.

Sipas Bardhit, në zgjedhjet e 11 majit ka regres dhe cënim të parimit themelor të zgjedhjeve, lirisë dhe barazisë në zgjedhje.

Fjala e plotë:

Te nderuar kolege,

Shqiperia hapi negociatat, ne nje proces qe ben bashke mazhorancen dhe opoziten. Ajo qe na ndane eshte nese ky process do jete nje proces qe e ben Shqiperine si Europa, apo do te mbyllim syte ku Shqiperia ben hapa pas ne standardet minimale te nje shteti demokratik.

Në 11 Maj Shqipëria mbajti zgjedhje të përgjithshme parlamentare, në një klimë ku prej 12 vjetësh nuk refelektohet asnjë nga gjetjet apo rekomandimet e OSBE-ODIHR për zgjedhjet në Shqipërisë. Kjo bën që nga një proces zgjedhor në një tjetër Shqipëria të bëjë vetëm hapa pas.

Unë nuk do të flas sot këtu si dëshmitar i atij procesi. Nuk do të flas me gjuhën e opozitës, por me gjetjet, gjuhën dhe konstatimet e raportit paraprakt të OSBE-ODIHR. Nuk ka progress, nuk ka standarde, ka regres dhe cënim të parimit themelor të zgjedhjeve; lirisë dhe barazisë në zgjedhje.

Raporti Paraprak i OSBE-ODIHR thekson:

Zgjedhjet parlamentare të vitit 2025 u mbajtën në një mjedis tejet të politizuar, ku garuesit nuk gëzuan mundësi të barabarta. Mundësitë e garimit nuk ishin të barabarta. Partia në pushtet përfitoi nga përdorimi i gjërë i burimeve shtetërore dhe kapaciteteve institucionale, duke përfshirë edhe bërjen publike vetëm pak kohë para ditës së zgjedhjeve të faljes së një numri të madh gjobash, dhe zyrtarët e lartë qeveritarë u angazhuan në një numër të madh aktivitetesh zyrtare që shpesh përkonin me mesazhet e fushatës, duke e bërë të paqartë vijën ndarëse mes shtetit dhe partisë. Pati pretendime për presion ndaj nëpunësve të administratës publike, raste intimidimi të mbështetësve të opozitës, si dhe përdorim të rrjeteve të patronazhimit, cka bie ndesh me standardet ndërkombëtare. Cështje të tjera shqetësuese përfshijnë raportimet për shit- blerje votash, tentativat për të ndikuar pa të drejtë tek zgjedhësit e marxhinalizuar, si dhe pretendime për ndikim të elementëve kriminalë në disa parti politike.
Kandidatët raportuan se u përballën me intimidim.
Përqendrimi i pronësisë së mediave, që minon pluralitetin e burimeve të lajmeve, së bashku me autocensurën mes gazetarëve, kufizuan mundësitë e zgjedhësve për të bërë një zgjedhje të informuar.
Disa llogari [në rrjetet sociale] të palësh të treta raportohet se përdorën një sjellje të koordinuar joautentike në platformat online për të amplikuar sulmet ndaj opozitës. Ndalimi nga qeveria i platformës TiktTok që prej 6 marsit kufizoi mundësitë e disa kandidatëve për fushatë.
Disa bashkëbisedes të MVZ-së së ODIHR-it ngritën pikëpyetje lidhur me efikasitetin e policisë në trajtimin e krimeve zgjedhore dhe efikasitetin e përpjekjeve kundër krimit të organizuar të lidhur me politikën.
Dita e zgjedhjeve…pati një numër të lartë vlerësimesh negative, kryesisht për shkak të mangësive procedurale dhe një niveli presioni mbi votuesit. Parregullsitë serioze që u vërejtën përfshinin një numër të konsiderueshëm incidentesh të frikësimit dhe ndërhyrjes së vëzhguesve dhe përfaqësuesve të partive në proces, ndikim tek zgjedhësit dhe pretendime për shit-blerje votash. Përvec kësaj, fshehtësia e votës u kompromentua shpesh për shkak të mënyrës së organizimit të qendrave të votimit, mbipopullimit dhe ndërhyrjeve.”
Kam konsultuar gjatë këtyre ditëve raportet e OSBE-ODIHR për vendet anëtare të BE apo vendeve kandidate të BE. Askund nuk gjen që OSBE-ODIHR të vendos në diskutim lirinë dhe barazinë në zgjedhje. Ka patur vetëm një raport të ngjasëhm me atë të Shqipërisë 2025, por edhe ai shumë herë me më pak problematika, është Raporti për zgjedhjet e 2023 në Serbi. Unë mendoj që Shqipëria nuk duhet të afrojë apo tejkalojë standardet e zgjedhjeve në Serbi, por duhet të afrojë dhe tejkelojë standardet e zgjedhjeve në vendet e Bashkimit Europian. Nuk mund të ketë proges as në luftën ndaj korrupsionit, as në luftën kundër krimit të organizuar, as në sektor të tjerë themelor, pa garantuar zgjedhjet të lira dhe të ndershme.

The post Bardhi në Strasburg: Në 11 Maj, Shqipëria bëri regres! appeared first on Albeu.com.

Sipas raporteve lokale, rreth 30 persona janë plagosur, ndërsa skena kaotike është regjistruar në video që qarkullojnë në rrjetet sociale. Pamjet tregojnë pasagjerë që thyejnë dyert për të nxjerrë të lënduarit nga vagonët, ndërsa tymi mbulon stacionin nëntokësor.

Aksidenti ndodhi kur një nga tramvajeve, që lëvizi në mënyrë të paplanifikuar, goditi tramvajin tjetër të ndaluar në platformë. Një nga tramvajet ka dalë nga shinat pas përplasjes. Hetimet janë duke u zhvilluar dhe autoritetet konfirmuan ndërprerjen e trafikut të tramvajit në stacionin kryesor.

Tym i dendur ka mbushur stacionin e tunelit nëntokësor.

Në një video të publikuar tregohen dëmet e mëdha që kanë pësuar tramvajet, me skajet e përparme dhe të pasme të copëtuara pas përplasjes.

Një operacion shpëtimi është në zhvillim, ndërsa hetimet për shkakun e përplasjes janë duke u zhvilluar. Autoritetet lokale kanë konfirmuar ndërprerjen e trafikut të tramvajit në stacionin kryesor pas incidentit.

Shërbimi i Zjarrfikësve dhe Shpëtimit në Bas-Rhin ka konfirmuar aksidentin dhe ka angazhuar burime të shumta për ndihmën e viktimave.

The post E rëndë/ Përplasen dy tramvaje, dhjetëra të plagosur në Strasburg (FOTO) appeared first on Albeu.com.

Gjekmarkaj në një lidhje nga Strasburgu me SYRI TV ka theksuar se Partia Demokratike është në një sulm pozitiv për të informuar bashkësinë ndërkombëtare, PE, Parlamentin Gjerman, italian, francez do të jemi kudo për të gjitha shqetësimet që sot janë kryetema në Shqipëri.

Ai tha se sot ishte një ditë e mirë për Shqipërinë pas takimeve që kemi zhvilluar me bashkësinë ndërkombëtare dhe opozita është pritur në maksimumin e respektit dhe interesit

“Partia Demokratike është në një sulm pozitiv për të informuar bashkësinë ndërkombëtare, PE, Parlamentin Gjerman, italian, francez do të jemi kudo për të gjitha shqetësimet që sot janë kryetema në Shqipëri. Sot ishte një ditë e mirë për Shqipërinë pas takimeve që kemi zhvilluar me bashkësinë ndërkombëtare dhe opozita është pritur në maksimumin e respektit dhe interesit. Nuk jemi foksuar sa duhet te komunikimi dhe kemi lënë një informacion të njënashme për një Shqipëri që nuk ekziston dhe kemi harruar thelbin që është agjesimi i demokracisë, opozitës, arrestimet politike dhe besojmë që sot me takimet tona do ta përkthejns i duhet bisedën me opozitën e Shqipërisë. Mc Alister na ka dhënë një rpitje të ngrohtë dhe të gjatë kryefjala e diskursit tonë ishte arrestimi politik i kreut të PD, goditja ndaj opozitës, arrestimi i Salianjit, krimi zgjedhor, ndikimi që krimi ka në lista, korrupsionin dhe çdo gjë tjetër që e shqetëson Shqipërinë,” tha Gjekmarkaj.

The post Gjekmarkaj nga Strasburgu: Kemi vënë në dijeni bashkësinë ndërkombëtare për situatën e rëndë në të cilën ndodhet Shqipëria appeared first on Albeu.com.

Sipas njoftimit të PD-së, në takimet informuese dhe sensibilizuese Drejtuesit e grupeve të PPE dhe Konservatore garantuan se mbështesin një Shqipëri të angazhuar kundër krimit të organizuar, pastrimit të parave, korrupsionit dhe influencës së tyre në qeverisje. PD shton se ata u shprehën se do të mbështesin opozitën shqiptare në zgjedhjet e ardhshme parlamentare. Sipas njoftimit, PPE do të mbështesë PD në procesin zgjedhor dhe luftën e saj e te opozitës në përgjithësi për zgjedhje të lira e të ndershme.

Gjithashtu, sipas Partisë Demokratike, eurodeputetët theksuan se integrimi europian është një proces që sapo ka nisur dhe do kushtëzohet nga rekordi i Shqipërisë në luftën kundër krimit, korrupsionit dhe për zgjedhje të lira e të ndershme. Takimet e grupit Parlamentar të PD nisën paraditen e kësaj të mërkure në Strasburg dhe do të vijojnë edhe përgjatë ditës së enjte.

DEKLARATA E PD:

Situata politike në Shqipëri, sulmi i vazhdueshëm ndaj opozitës nga mazhoranca, burgosjet politike të lidershipit të opozitës, ndikimi në zgjedhje i krimit të organizuar, ishin temat e takimit të deputetëve demokratë me Kryetarin e Komisionit të Jashtëm McAllister dhe eurodeputetë të tjerë të grupit politik të PPE dhe te Konservatoreve Europiane.

Gjithashtu në takimet informuese dhe sensibilizuese Drejtuesit e grupeve të PPE dhe Konservatore garantuan se mbështesin një Shqipëri të angazhuar kundër krimit të organizuar, pastrimit të parave, korrupsionit dhe influencës së tyre në qeverisje. Ata u shprehën se do të mbështesin opozitën shqiptare në zgjedhjet e ardhshme parlamentare. PPE do të mbështesë PD në procesin zgjedhor dhe luftën e saj e te opozitës në përgjithësi për zgjedhje të lira e të ndershme.

Qëndrimi i eurodeputetëve është se Shqipëria, si vend anëtar i NATO duhet të respektojë voten e lirë të qytetarëve dhe të zbatojë rekomandimet e OSBE-ODIHR. Eurodeputetët theksuan se Integrimi europian është një proces që sapo ka nisur dhe do kushtëzohet nga rekordi i Shqipërisë në luftën kundër krimit, korrupsionit dhe për zgjedhje të lira e të ndershme. Takimet e grupit Parlamentar të PD nisën paraditen e kësaj të mërkure në Strasburg, të cilat do të vijojnë edhe përgjatë ditës së enjte.

The post Protesta në Strasburg, PD: Drejtuesit e PPE dhe Konservatorët do të mbështesin opozitën shqiptare në zgjedhjet e ardhshme appeared first on Albeu.com.