Kreu i shtetit, u është drejtuar me një paralajmërim të gjithë tregtarët që shesin prodhime bulmeti, qumësht dhe mish pa faturë teksa ka deklaruar se duke nisur nga java e ardhshme do të sekuestrohen.

Rama thotë se produktet e bulmetit apo mishit pa faturë, përbëjnë një kërcënim direkt të shëndetit sidomos me temperaturat e larta dhe subjektet tregtuese do të gjobiten skajshëm.

Ai shton se siguria ushqimore dhe formalizimi i të gjithë zinxhirit tregtar nga ferma në tryezë është një domosdoshmëri, e cila nuk pret më për një vend që synon të ulet në tryezën e Bashkimit Europian deri në fund të kësaj dekade.

POSTIMI:

STOP qumështit, mishit dhe prodhimeve të bulmetit pa faturë

Nga java e ardhshme çdo prodhim i tillë do të sekuestrohet, sepse përbën një kërcënim direkt të shëndetit sidomos me temperaturat e larta dhe subjektet tregtuese do të gjobiten skajshëm.

Siguria ushqimore dhe formalizimi i të gjithë zinxhirit tregtar nga ferma në tryezë është një domosdoshmëri, e cila nuk pret më për një vend që synon të ulet në tryezën e Bashkimit Europian deri në fund të kësaj dekade.

Ministrja e Bujqësisë dhe Zhvillimit Rural Anila Denaj dhe Ministri i Financave Petrit Malaj në takime ndërgjegjësuese me biznesin, për të garantuar mbrojtjen e konsumatorit dhe gjurmimin e plotë të dokumentacionit fiskal, të produkteve blegtorale por jo vetëm.

The post Rama: Stop qumështit, mishit dhe prodhimeve të bulmetit pa faturë, nga java e ardhshme do të sekuestrohen… appeared first on Albeu.com.

Kjo e fundit, në vitin 2018 sipas tij, i ka falsifikuar firmën, duke e bërë veten administratore të shkollës që posedonte Thanasi dhe më pas me një tjetër dokument, i dhuroi vetes kuotat e shoqërisë duke u bërë pronare e shkollës.

Thanasi e çoi çështjen në prokurori dhe organi i akuzës doli në konkluzionin që firma ishte e Thanasit pavarësisht se gjykatat e shkallës së parë dhe e apelit e rrëzuan kërkesën e Prokurorisë për pushim të çështjes. Prokurori Sajmir Hysaj vijon të ankimojë vendimet e gjykatave dhe nuk heton.

QKB pranon kontrata dhurimi mes palëve të shoqërive tregtare që nuk janë hartuar te noteri dhe sipas ekspertit Fatmir Laçej, kjo procedurë duhet të ndryshojë pasi krijon hapësira për abuzim. Gjithashtu me ndryshimin e administratorit dhe pronarit të shkollës në QKB, mbetet e parregulluar marrëdhënia për ndërtesën pasi nuk ka një kontratë qiraje mes palëve.

“Stop” shkon pranë shkollës në fjalë ku Kristi Gega flet në emër të të atit kur bëhet fjalë për të regjistruar nxënës.

Qytetarja: Juve jeni? Ça pozicioni keni juve këtu?

Qytetarja: Administratorja! Mua më thanë në fakt që nuk e di, është shkolla e Thanasit.

Kristi Gega: Po, po! Jam e bija!

Në takimin me gazetaren e “Stop”, Kristi Gega thotë se çështja është në gjykatë.

Gazetarja: Si jeni? Ju jeni Kristi? Unë jam Domenika, gazetare e emisionit “Stop” në Tv Klan.

Gazetarja: Erdha këtu, sepse babai juaj është drejtuar tek emisioni “Stop” në lidhje me dhurimin e kuotave. Pretendon që nuk e ka bërë.

Kristi Gega: E kam mbyllur unë në gjykatë.

Mëënyra sesi është bërë dhurimi i kuotave dhe qëndrimi i saj në këtë biznes është e paqartë pasi shkolla ka një tjetër pronar, babanë e saj, Thanas Gegën.

Kristi Gega: Kush je ti, që vjen? Ti tani do të dalësh!

Gazetarja: Do të dal se nuk më intereson të rri me ty!

Kristi Gega: Ec, vazhdo po të them!

Lidhur me këtë situatë, avokati Arben Llangozi shprehet se në kushtet kur pranuesi i dhurimit është mosmirënjohës ndaj dhuruesit, ky mund t’i drejtohet gjykatës me padi civile për prishjen e kontratës së dhurimit dhe çdo gjë kthehet në vendin e vet. /Emisioni “Stop”

The post Vajza i vjedh biznesin të atit me falsifikim firme, si u bë pronare e shkollës appeared first on Albeu.com.

Sipas familjarëve, ai u pranua së paku tre herë nga urgjenca e spitalit të Kurbinit ku kreu disa trajtime pa asnjë ekzaminim mjekësor. Më pas u dërgua në Infektivin e Tiranës me vonesë në gjendje kome ku fatkeqësisht humbi jetën. Ferizi thotë se të birit i bënë vetëm serume dhe temperatura nuk i binte.

Feriz Lami, denoncues: Mjekët neglizhuan. I bënë vetëm serume. Temperatura nuk i zbriste. Vetëm në datën 30 korrik ia bënë analizat dhe e dërguan për në Tiranë tek Infektivi, por për shkak të vonesës, humbi jetën. Pra, në 10 ditë vetëm serume, pa analiza.

Ndërkohë një tjetër banor i zonës që u kurua në kohë sot është në jetë.

Gazetari: Ke pasur temperaturë?

Banori X: Dy ditët e para.

Gazetari: Për herë të parë shkove tek urgjenca e spitalit të Laçit. Çfarë të bënë ty?

Banori X: Serum!

Gazetari: Pate përmirësime?

Banori X: Bëra serum edhe herën e dytë, të nesërmen në mëngjes bëra analizat.

Gazetari: T’i bënë aty në spitalin e Laçit?

Banori X: Po.Më thanë direkt për Tiranë.

Gazetari: Sa qëndrove në Tiranë?

Banori X: Fiks një javë.

Gazetari: Ku? Tek Infektivi?

Banori X: Tek Infektivi në kat të dytë.

Gazetari: Çfarë nxorrën si konkluzion mjekët, nga se ka ardhur?

Banori X: Prej miut thonë, unë nuk di gjë.

Gazetari: Ti, e takove Fatjonin e ndjerë në spital?

Banori X: E takova Fatjonin.

Gazetari: Në çfarë gjendjeje?

Banori X: Në gjendje të rëndë.

Mjekja Xhentiljana Nazaj shpjegon se kur pacienti vjen me temperaturë, dëgjohet edhe për shqetësime të tjera. Nëse mbas dy ose tri ditëve me mjekime, temperatura nuk ulet, duhen bërë ekzaminimet dhe të dërgohet te mjeku specialist infeksionist.

Xhentiljana Nazaj, mjeke: Kur pacienti vjen me temperaturë, dëgjohet edhe për shqetësime të tjera. Nëse mbas dy ose tri ditëve me mjekimet temperatura nuk ulet, duhen bërë ekzaminimet dhe të dërgohet te mjeku specialist infeksionist! Duhen bërë ekzaminimet që të zbulohet shkaku i vërtetë!

Agron Lala, shefi i Urgjencës në Laç përshkruan të njëjtin protokoll mjekëso.

Agron Lala, shef i Urgjencës Laç: Ulet te krevati, i merret anamneza dhe sipas të dhënave, bën trajtim. Zakonisht, serumin e përdorim, kur kanë të vjella.

Gazetari: E zëmë se e mori këtë mjekim për momentin dhe rikthehet mbas dy ose tri ditëve, prapë me të njejtat simptoma, ndoshta pak më të shtuara, ju prapë do bënit të njëjtat gjëra, prapë serum në këtë rast?

Agron Lala, shef i Urgjencës Laç: Sot erdhi, e marr si rast të parë.

Gazetari: Edhe pse erdhi për herë të dytë?

Agron Lala, shef i Urgjencës Laç: Po nuk e dimë nëse ka qenë për herë të dytë, vetëm në qoftë se e nxjerr me të pyetur.

Gazetari: Po një shënim e ka aty.

Agron Lala, shef i Urgjencës Laç: Po shënimi mund të jetë, por janë mbyllur shënimet. Në qoftë se vjen për herë të dytë, ai bën bilanc analizash.

Gazetari: I bën këtu në spital?

Agron Lala, shef i Urgjencës Laç: Po. Sipas analizave, kujt i përket. E zëmë është temperaturë, i përket Infektivit.

Në vazhdim, shefi i Urgjencës Laç pranon se për rastin e të ndjerit është neglizhuar.

Gazetari: Çfarë ka ndodhur me pacientin, që ka ndërruar jetë, Fatjon Lamin?

Agron Lala, shef i Urgjencës Laç: Ka qenë situatë më shumë…,sic e përshkruanin ata me mjekun që, hajde më shih miqësisht…

Gazetari: Pyetja ime është: Përse nuk i janë bërë analizat në kohën e duhur?

Agron Lala, shef i Urgjencës Laç: Ai, në fakt duhej ta kishte bërë kështu: U bë çfarë u bë ditën e parë, që u paraqit, tek rasti i dytë unë nuk kam pasur komunikim me mjekun që ka parë rastin.

Gazetari: Duheshin bërë analizat në rastin e dytë, apo jo?

Agron Lala, shef i Urgjencës Laç: Nuk do të kishte ndodhur nëse unë bëra, të pashë, do ishte vërtetuar më përpara.

Gazetari: Përse nuk ndodhi e njëjta gjë me bashkëfshatarin që ishte në të njëjtat kushte, ku ai shpëtoi dhe u drejtua për në Tiranë?

Agron Lala, shef i Urgjencës Laç: Unë të mirëkuptoj.

Gazetari: Epo, pacientët nuk janë numra. Kush do të mbajë përgjegjësi nga spitali këtu?

Agron Lala, shef i Urgjencës Laç: Po të kisha qenë unë mjeku, do të mbaja unë./ TvKlan

The post “10 ditë serume e pa analiza”, i riu humb jetën nga sëmundja e miut appeared first on Albeu.com.

I mituri ka braktisur shkollën dhe është bërë përdorues i lëndëve narkotike. E ëma thotë, se ai edhe vjedh në shtëpi për të siguruar substancat narkotike.

Ajo me të vëllain kanë konstatuar një grua që u shet mall të miturve.

“Fëmija më largohet nga banesa. Kam pyetur në qendër sepse në qendër më rri fëmija. Më kanë thënë se i kam bërë dhe vetë analizat që është konsumator i lëndëve narkotike. Ia japin më të rriturit sepse ai është i mitur. Sipas atyre që i kam bërë ka përdorur hashashin, metadonin. Ai është fëmijë dhe dikush nga më të rriturit ia jep. Ka shitur telefona, ka bërë në terren, që policia e di shumë mirë, ka bërë vjedhje. Unë nuk i njoh tamam personat që t’i identifikoj. Vetëm një grua, ajo nuk e pranon, por unë me atë e kam kapur djalin që e konsumon”, tha e ëma.

Në shkollën 9-vjeçare “Hasan Prishtina, ku duhet të studionte i mituri, drejtoresha Lindita Tufa dhe psikologia Albina Vocaj thonë, se situata për nxënësin në fjalë është jashtë kontrollit dhe nuk ato nuk kanë një zgjidhje.

“Në të vërtetë është shumë i vështirë menaxhimi sa i përket nxënësit në fjalë”, tha drejtoresha.

“Është e nevojshme një fazë rehabilitetimi apo ai edhe të detoksifikohet, por është një fushë që i takon pjesës mjekësore, specialistëve atje. Unë e mendoj si një rast të vështirë dhe që ende nuk është gjetur një zgjidhje për të”, tha psikologia.

Mamaja e 12-vjeçarit është përballur edhe me Lirën, siç quhet gruaja, që i shet të miturve drogë, por nuk ka marrë dot zgjidhje.

Prindi: Kur erdha unë, që ju pashë juve, çfarë po i jepte ajo gruaja X?

Daja i fëmijës: Çfarë lloj droge pi?

Fëmija dëshmitar: Kokainë, bidon!

Prindi: Asnjëherë nuk e ke provuar?

Fëmija dëshmitar: Për ta provuar e kam provuar njëherë me X, që ia mori ajo..

Prindi: Ia mori ajo dhe ia dha X.

Fëmija dëshmitar: I thosha ore leje, leje, leje!

Fëmija dëshmitar: E pivi me, X vdes për drogë.

Prindi: Siç e gjeta unë poshtë te garazhi eee, me shishe?

Daja: Pse e kape me shishe ti me atë?

Fëmija dëshmitar: Po me e kapi duke pi bidon!

Momenti kur zonja është përballur me Lirën.

Prindi: Do përfundosh në burg!

E dyshuara: Shko me, më lër rehat ti!

Prindi: Mizerje, Ec ti, ec! Mizerje, që drogon fëmijët!

Me Komisariatin numër 4, punonjësen e mbrojtjes së fëmijëve njësia 3 dhe nënën e fëmijës, është bërë e mundur gjetja e 12-vjeçarit bashkë me shokun e tij.

Shoku: Unë iki ditën në shpi, ai s’ikën fare.

Gazetarja: A shkon në shkollë?

Punonjësja e Mbrojtjes së Fëmijëve: Ku ke qenë ti gjithë këto ditë? Pse nuk e njofton mamin? Pse ikën nga shtëpia?

Punonjësja e Mbrojtjes së Fëmijëve: Jo nuk po pushoj, sepse të gjithë, që jemi mbledhur këtu, jemi për ty, të ndihmuar ty, a e di, që është e rrezikshme, që një fëmijë i moshës tënde të rrijë në rrugë?

X: Ta pështyj në surrat, t’ia… robt..!

Punonjësja e Mbrojtjes së Fëmijëve: Kjo është gjuhë e papërshtatshme.

X: Pështyva mos fol mo! Të q… robt!

Punonjësja e Mbrojtjes së Fëmijëve: Qetësohu! Qetësohu! Qetësohu!

Punonjësja e Mbrojtjes së Fëmijëve: Si je njohur me X?

Shoku: Më ka njoh një tjetër! Luçi.

Punonjësja e Mbrojtjes së Fëmijëve: Kush e kishte Luçin shok, ti apo X?

Shoku: E ka pas edhe ky edhe unë.

Punonjësja e Mbrojtjes së Fëmijëve: Mosha juaj, apo është më i rritur?

X: Lëjeni çunin e huaj, të iki, lejeni! Ky erdhi për me nejt në shpi me mu, ju më sollët këtu, ju q…!

U tentua komunikimi dhe akomodimi i tij në Qendrën “Nisma Arsis”, por 12-vjeçari e braktisi edhe atë. Pas rigjetjes, i mituri u dërgua në spitalin psikiatrik, për shkak edhe të çrregullimit të sjelljes, nga ku sërish u largua./ Tv Klan

The post “Pështyva mos fol mo!” I mituri braktis shkollën dhe bëhet përdorues i lëndëve narkotike appeared first on Albeu.com.

Sipas deklarimeve të tij, fillimisht janë paraqitur punonjës të Policisë Bashkiake të Belshit, të cilët i kanë ndaluar punimet me argumentin se objekti nuk kishte leje ndërtimi. Gjoshi pretendon se i është kërkuar një pagesë në këmbim të “zgjidhjes” së situatës dhe se ka dorëzuar 500 euro një punonjësi të Policisë Bashkiake, i cili më pas e ka lejuar të vijonte punimet deri pranë përfundimit të ndërtimit.

Ai deklaron se ndërtimi ka vijuar pa pengesa pas kësaj pagese, por situata është rishfaqur në momentin kur ka nisur rrethimin e objektit me mur. Në këtë fazë, sipas tij, janë paraqitur punonjës të Policisë së Shtetit nga Komisariati i Belshit, të cilët i kanë kërkuar para për të mos ndërhyrë.

Gjoshi pretendon se dy punonjës policie i janë paraqitur disa herë, fillimisht duke i kërkuar shuma më të vogla, ndërsa më pas i kanë kërkuar një pagesë prej 500 mijë lekësh. Ai thotë se paratë ua ka dorëzuar brenda automjetit të policisë dhe se këto veprime janë dokumentuar nga kamerat e sigurisë që kishte instaluar në banesë.

Sipas deklarimeve të tij, pagesa është kryer një ditë para largimit të policëve, ndërsa ai thekson se mban përgjegjësi të plotë për gjithçka që ka deklaruar, përfshirë edhe familjen e tij. Banori shton se pamjet filmike tregojnë qartë lëvizjet e punonjësve të policisë pranë banesës së tij.

Pas publikimit të këtyre pretendimeve, Drejtoria Vendore e Policisë Elbasan ka reaguar duke marrë masa administrative. Me vendim të drejtorit të policisë, dy punonjës të Policisë së Shtetit janë pezulluar nga detyra, në zbatim të nenit 222 të Rregullores së Policisë së Shtetit, deri në sqarimin e plotë të rrethanave të rastit.

Bëhet fjalë për inspektor Skender Nipolli , me detyrë ndihmësspecialist i Policimit në Komunitet në Stacionin e Policisë Belsh, si dhe inspektor Genc Çalja, me detyrë ndihmësspecialist, agjent krimesh, në Komisariatin e Policisë Cërrik. Sipas njoftimit zyrtar, pezullimi ka ardhur pas pretendimeve se punonjësit e policisë kanë marrë ryshfet për të lejuar një ndërtim pa leje në fshatin Seferan./Tvklan

Pezullohen policët Skender Nipolli dhe Gent Calja në Belsh pasi banori i denoncoi për rryshfet: Kërkuan 500 mijë lekë

The post Pezullohen policët Skender Nipolli dhe Gent Calja në Belsh pasi banori i denoncoi për rryshfet: Kërkuan 500 mijë lekë appeared first on Albeu.com.

Të gjitha automjetet që iu ndryshohet kilometrazhi nuk do ta kalojnë dot kontrollin fizik.

Drejtoria e Transporteve bën me dije se në vetëm 15 ditë janë 240 mjete që i është refuzuar drita jeshile.

Të gjitha mjetet që rezultojnë me anomali në odometër, me kavo të këputur, me matësa difektoz, do të pajisen me certifikatë kolaudimi vetëm pas rregullimit dhe përditësimit të statusit të kilometrave, si edhe do t’u shënohet historiku real në certifikatë.

Drejtoria njofton se kjo e dhënë do të jetë publike duke filluar nga janari 2023, për çdo të interesuar që kërkon të informohet për një mjet.

Shiste makina me kilometrazh të modifikuar, gjobë 4 mln dollarë dhe 5 vite burg për tregtarin.

Në Drejtori mirpritën rikontrolle vullnetare mjetesh për verifikim të kilometrazhit dhe inkurajon konsumatorët, subjektet, blerës potencial në treg, që të verifikojnë historikun e mjetit rrugor përpara çdo transaksioni.

Gjithashtu nga janari 2023, çdo mjeti i përdorur/me km do targohet për herë të parë vetëm pas leximit me mjete inteligjente dhe dokumentimit në sistem të statusit real fillestar të odometrit.

Pak javë më parë Drejtoria e Transportit zbuloi një rast ku një automjet në vitin 2020 gjatë kualidimin ka regjistruar diku tek 312 mijë km, e ndërsa po i njëjti automjet i cili e kishte kohën për kualidimin rezultoi me 202 mijë km, që sipas Drejtorisë pronari i saj ia ka ulur km më 110 mijë./Ora News/

The post STOP: Të gjitha automjetet që iu ndryshohet kilometrazhi nuk do e kalojnë dot kontrollin fizik appeared first on Albeu.com.

Naxhije Shkreta: Jam drejtuar “Stop”-it për një mashtrim ose më saktë kemi rënë pre e një mashtrimi familjarisht nga biznesmeni Fisnik Syla për të dërguar djalin në Belgjikë me letra të rregullta. Fillimisht u njoh im bir në Instagram. Pasi u takuam, na kërkoi një shumë të hollash që ishte deri në 20 mijë euro, pastaj erdhi gradualisht duke u ulur. Në momentin që tha duhen kaq dhe aq, unë kam qenë dërguesja e lekëve. Pagesa ka qenë për letrat sepse personi në fjalë nuk mund ta mbante tim bir pa letra në punë sepse sipas rregullave të shtetit bleg nuk mund të figurosh në punë pa letra. Shuma ka vajtur 10.499 euro. Letrat dhe faturat i kam këtu, dërgesat i kam bërë unë personalisht. Tani që unë flas, nuk kam asnjë zgjidhje.

Emisioni “Stop” kontaktoi në telefon me zotin Syla, i cili mohoi që të kishte lidhje, apo dijeni për këtë ngjarje. Ai tha se do e verifikojë situatën dhe si për habi, pak ditë pas telefonatës nga “Stop”, paratë u kthyen në llogarinë e familjes Shkreta.

Fisnik Syla: Kjo është një shpifje komplet e dikujt. Unë nuk e di e kujt qenka kjo, por unë e zbuloj menjëherë. Më vjen shumë mirë që më tregove. Unë kam hotele në Belgjikë, restorante, kam gjëra, po më këto gjëra s’jam marrë ndonjëherë.

Gazetarja: Unë nuk besoj se dikush tjetër ju përdor telefonin tuaj sepse besoj se bisedat janë bërë në WhatsApp, ku ne po flasim bashkë tani.

Fisnik Syla: Jo, jo! Nuk po them, absolut, ky është numri im. Edhe unë po të them. Ma dërgo numrin dhe unë i përgjigjem, ma dërgo numrin e atyre personave, që mos ta zmadhojmë këtë gjë dhe unë e kontaktoj familjen. Kaq di të them!

The post Qytetarja e denoncoi në emision se i ka vjedhur 10 mijë euro, reagon bashkëshorti i Fjolla Morinës appeared first on Albeu.com.

Ajo ka mbaruar provimet dhe 2 vitet master dhe ka mbrojtur edhe diplomën, por nuk i japin kartonin, me pretendimin se nuk ka bërë pagesën e masterit. Vajza i drejtohet Sekretarisë së Fakultetit, ku në fillim i mohohet, që ka dorëzuar dokumentet, për t’u përjashtuar nga tarifa. Më pas dokumentacioni u gjet.

Administratori i Fakultetit Ekonomik, Ermal Haxhiaj pranon gabimin e bërë dhe kërkon me shkresë orientim nga bordi i Fakultetit dhe rektorati. Punonjësi i fakultetit Ekonomik: Po të them të lutem, se u çova në këmbë dhe të erdha të flas aty, po të them të lutem!

Denoncuesja: Ti do të çohesh në këmbë, po mund të çohesh në këmbë, hajde!

Punonjësi i fakultetit Ekonomik: Ne të tjerët po punojmë. A ka mundësi të mos flasësh shumë, të na lesh dhe ne të tjerët të punojmë?

Denoncuesja: Unë po flas me personin në fjalë, për problemin, që unë kisha.

Punonjësi i fakultetit Ekonomik: Derisa zonja ta gjej atë, që ti kërkon. Mos fol!

Denoncuesja: Do flas, sepse zonja po flet për problemin tim, mbaroi dhe unë po bashkëbisedoja me atë! Ti nuk ke, pse ndërhyn!

Punonjësi i fakultetit Ekonomik: Lëre zonjën t’i gjejë gjërat që të duhet ty, nëse do të mbarosh punë! Nëse s’do të mbarosh punë, vazhdo e flit dhe s’ke për të mbaruar punë! Mirë?!

Denoncuesja: Atëherë…

Punonjësi i fakultetit Ekonomik: Mos vazhdo mo mor, boll!

Denoncuesja: Mbarove të flas unë? Mos ma plas derën ashtu!

I përplas derën në fytyrë.

Punonjësi i fakultetit Ekonomik: Unë i them boll, ajo vazhdon!

Takimi me admnistratorin e Fakultetit të Tiranës Ermal Haxhaiaj.

Administratori i Fakultetit Ekonomik: Mamaja e Joanës është invalide pune, pra ne në pretendimin, që kemi ngritur për t’u orientuar nga Rektorati, jemi në rregull. Në logjikën tonë, që i takon?

Punonjësja: I takon!

Administratori i Fakultetit Ekonomik: Joana unë prapë mendoj, që të takon! Jo mendon, por ty të takon! Atëherë do të bësh një gjë! Do t’ia fotokopjosh dokumentacionin, edhe VKM-në respektive, gjej dhe Vkm-në e 15-16,16-17!

Punonjësja: Të treja viteve të Bachelor-it.

Administratori i Fakultetit Ekonomik: Merre Joanën, bëni një shkresë drejtuar Bordit të Administrimit, bashkëlidhur më ka ardhur kjo përgjigje, t’i thotë, kam kërkuar te Adminstratori i Fakultetit dhe më ka orientuar për në Rektorat. Më ka ardhur kjo përgjigje.

Joana do të shprehesh, që kjo përgjigje nuk më zgjidh, pasi unë pretendoj, që pagesat, që kam bërë për Bachelor-in, nuk duhet që t’i bëj, kështu që më konvertohen për masterin. Të presim dhe përgjigjen e Bordit.

Fakulteti i Ekonomisë për të respektuar hierarkinë shprehet që fjalën e fundit vendimmarrëse duhet ta japë rektorati, bordi i administrimit dhe administratori i Universitetit të Tiranës. Në një mënyrë apo në një tjetër, vetë Fakulteti i Ekonomisë pranon gabimin e bërë rreth 5 vite më parë, por që ky gabim tashmë duhet të rregullohet sipas Fakultetit të Ekonomisë nga rektorati dhe administratori i Universitetit të Tiranës./tvklan.al

The post Studentes nuk i japin kartonin e studimeve, i mbyllet dera në fytyrë: Mos vazhdo mo mor, boll! (VIDEO) appeared first on Albeu.com.

Sipas denoncimit, bëhet fjalë për avokatin Gjergji Imeraj në Sarandë, dhe që sipas dokumenteve rezulton se djali i avokatit ka rrethuar një sipërfaqe toke që në fakt është në pronësi të një zonje

Gazetari i emisionit Stop, Genci Angjellari, shkoi në Sarandë dhe Ksamil për të verifikuar rastin.

Në muajin Prill 2021 avokati bashkë me familjarët e rrethojnë këtë pronë me forcë dhe nxjerrin jashtë zonjën, e cila e kishte në përdorim që nga viti 1988.

Stop verifikon pronën në terren që është rrethuar nga avokati dhe djali i tij ka aplikuar për legalizim me dokumente të falsifikuara. Në dokumente deklarohen ndërtime, kur aty nuk ka asnjë ndërtim.

Gazetari i Stop u interesua pranë Kadastrës për të pyetur për këtë procedurë, por thonë që kjo pronë me sipërfaqje 1800 metra katrorë nuk mund të legalizohet.

Gazetari: Kjo një mijë e tetëqind më duhet! Si e ka përfituar, me legalizim?

Kadastra Sarandë: Nuk ma do mendja të japi, nuk jep dot legalizimi 1 mijë e 800 metra , sepse ne jemi tre fish baze, maksimumi deri në pesëqind.

Por avokati përdor një vërtetim hipotekor, që i cilëson prona të tjera dhe i përdor si të dhëna të pronave, që po kërkon të përvetësojë.

Gjatë interesimit për këtë çështje, gazetari i Stop zbulon se avokati Imeraj ka bërë 6 aplikime në total që kërkon legalizim të pronës, kur në fakt nuk ka asnjë ndërtim por vetëm tokë.

Punonjëse, Kadastra Sarandë- Tani ti i do të tëra me deklarimet, që ke?

Gazetari-Po,po! Për sa ka aplikuar ky? 1,2,3,4,5,6?

Punonjëse, Kadastra Sarandë-Pesë i ka në emrin e tij dhe një në të djalit.

Gazetari-Gjashtë prona ka aplikuar për legalizim ë..?

Punonjëse, Kadastra Sarandë-Dy, katër, pesë, po!

Gazetari-Ku janë ato, në Ksamil dhe Sarandë dhe një në Finiq?

Punonjëse, Kadastra Sarandë-Tre janë në Ksamil, një në Finiq, një në Sarandë dhe kjo e katërta prapë në Ksamil. Gjergj Imeraj ka në Ksamil 649, 653. 649 është kjo, ky është objekt 3 kate në Ksamil, është ky këtu 460 metra, këtu ka kontratë shit-blerje, rrethimi.

Gazetari-Rrethim është, apo objekt?

Punonjëse, Kadastra Sarandë-Jo rrethimi, trualli është 460 metra, ka bërë dy aplikime për të njejtën gjë.

Punonjëse 2, Kadastra Sarandë –Jo nuk i ka bërë për të njëjtën gjë, i ka në të njëjtën kohë dy aplikime.

Punonjëse, Kadastra Sarandë-Këto fotot e kësaj.., aq më tepër janë në Sarandë.

Punonjëse 2, Kadastra Sarandë– Nuk e di fare..

Punonjëse, Kadastra Sarandë-S’e shikoj këtej mbrapa.

Punonjëse 2, Kadastra Sarandë- Nuk e di fiks.

Punonjëse, Kadastra Sarandë-Ndërkohë që aplikimi është bërë në Ksamil, kjo është nga privatizimi o Arta, nuk duhet të jetë e Ksamilit.

Punonjëse 2, Kadastra Sarandë –Ina është e njëjta gjë dhe tek ky aplikim, të njëjtat gjëra ka. Tani ai i di, se të tjerët nuk dinë të lexojnë?

Punonjëse, Kadastra Sarandë-Janë të dy aplikimet e Ksamilit, dhe në database janë, në databasën elektronik te kombëtari janë në Ksamil, tek tonat janë në Ksamil.

Gazetari-Në dosje është në Sarandë.

Punonjëse 2, Kadastra Sarandë-Është e Ksamilit, tek kjo këtu ka një hartë.

Punonjëse, Kadastra Sarandë-Kurse ajo tjetra është në vend tjetër.

Gazetari-Ja kjo i bie të jetë, zona kadastrale, me këtë objektin këtu, po s’ka objekt fare aty, është pajisur ky me këto?

Punonjëse, Kadastra Sarandë-Jo, jo, ky është në fazë fillestare fare, sa është aplikuar.

Gazetari-Aplikimi, çfarë ka deklaruar ky për kontenierin?

Punonjëse 2, Kadastra Sarandë –Po, për kontenierin, ka dhe këtë vërtetim hipotekor thotë, nga veriu me shesh ndërtimi të Vangjel Langos, nga jugu shtëpi e Rrapos.

Gazetari-Ishte rruga,i ndante dhe pastaj fillon.

Punonjëse 2, Kadastra Sarandë- A nuk marr vesh unë.., s’e kam idenë për çfarë është.

Punonjëse, Kadastra Sarandë-Është vërtetim hipotekor.

The post Avokati zapton pronën në Ksamil, kërkon legalizim me dokumente false appeared first on Albeu.com.

Pas një zënke të fëmijëve të tyre, janë rrahur edhe dy nënat, që janë prindërit përkatës. Fëmija i zonjës Rusa është me aftësi ndryshe dhe sipas të ëmës, mësuesja Valentina Jance e dhunon verbalisht, duke qenë dhe mësuese në të njëjtën shkollë.

Emisioni “Stop” pas denoncimit ka shkuar në shkollën “Qemal Mici”, ku është takuar me prindin e fëmijës, Fjoralba Rusa, e cila tregon të gjithë ngjarjen si ka ndodhur.

“Ditën e premte po prisja djalin për ta marrë nga shkolla, aty ka ardhur mësuesja Valentina Janca dhe filloi duke bërtitur. Më tha që “çuni jot më ka ngacmuar gocën”. Filloi me ofendime me gjuhë banale që nuk mund të flitet. Pastaj erdhi çuni me mësuesen dhe e kapi nga koka i hodhi kapelën. Pastaj më kapi mua më gërvishti këtu dhe më ofendoi me një fjalor degradues“, tregon Rusa.

Më pas gazetarët kanë zhvilluar dhe një takim me drejtorin e shkollës, Eduart Prenga, i cili na pohoi, që ka patur dhunë fizike mes mësueses dhe prindit, por që në këtë situatë, mësuesja ka qenë në rolin e prindit.

Drejtori tha, se ky prind është ankuar, që mësuesja hyn në klasën, ku ka djalin denoncuesja dhe për këtë i është tërhequr vëmendja.

“Është e vërtetë, pas përfundimit të të procesit mësimor, ka ndodhur mes zonjës dhe mësueses, që në rastin konkret është prind, ka ndodhur një përplasje verbale dhe fizike. Ne kemi raportuar në organet kompetente. Mësuesja ka vajzën në atë klasë, ashtu si zonja dhe mësuesja ka fëmijën në atë klasë. Nga prindi më është thënë që mësuesja të mos futet më në klasë pasi fëmija ka një lloj fobie prej saj. Pas kësaj mësuesja nuk ka shkuar më në atë klasë“, ka thënë drejtori i shkollës.

Por nga ana tjetër vetë mësuesja Valentina Jance mohoi të ketë patur dhunë fizike mes saj dhe prindit, duke deklaruar, se nuk i është tërhequr asnjëherë vërejtje, se hyn në klasën e vajzës së saj.

Mësuesja: Prindi me mua nuk ka patur asnjë konflikt. Të mbaj përgjegjësi vetë, se ku i ka bërë shenjat, të mbajë përgjegjësi vetë!

Gazetarja: Çfarë ka ndodhur?

Mësuesja: Siç bëjnë fëmijët gjithmonë, tentojnë të ngacmojnë në klasë, është pak agresiv por nuk është faji i fëmijës në këtë rast.

Gazetarja: Ju e dini sa minuta qëndron fëmija i zonjës Fjoralba në shkollë?

Mësuesja: Nuk e kam idenë fare. Nuk futem fare, nuk e kam idenë fare. Unë nuk futem fare në atë klasë. Nuk më është tërhequr asnjëherë vëmendja. Hap kamerat!

Gazetarja: Ty të është tërhequr vëmendja nga drejtoria e shkollës

Mësuesja: Nuk më është tërhequr asnjëherë vëmendja. Hap kamerat.

Gazetarja: pse po largoheni tani./ Tv Klan

The post Plas sherri mes nënave, mësuesja dhunon nënën e fëmijës me autizëm (VIDEO) appeared first on Albeu.com.