“Të shtunën dhe të dielën termometri në disa zona do të ngjitet në 26 gradë Celsius, temperatura këto shumë të larta. Nëse do të bënim një krahasim me tetorin, janë rreth 5-6 gradë më të larta se ç’duhet të jenë. Parashikohet që të dielën në mbrëmje të kemi zhvillim të vranësirave duke bërë që java tjetër të nisë disi më e paqëndrueshme”, u shpreh Lajda Porja.

Sipas parashikimeve të sinoptikanëve, ndryshe nga tetori, nëntori pritet të jetë një muaj i thatë.

“Muaji nëntor, i cili duhej të ishte në fakt i lagësht, pasi është ndër muajit më të lagësht të klimës shqiptare, parashikohet të jetë relativisht i thatë. Pjesa e parë e nëntorit, deri më 14-15 nëntor, do të ketë reshje, por shumë të pakta dhe parashikohet të ketë më shumë ditë me diell”, tha Porja për Klan News.

Në fundjavë, temperaturat pritet të arrijnë deri në 26 gradë Celsius.

The post Moti dhe stina pa lidhje mes tyre/ Nëntori nis me temperatura të larta, në fundjavë do të arrijnë deri në 26°C appeared first on Albeu.com.

Ky ndryshim të do të thotë zgjim më herët dhe ditë më e gjatë. Në këmbim të një ore gjumë më pak do të kemi një orë dritë më shumë.

Në pranverë, e gjithë Europa kalon në orën e verës për të optimizuar përdorimin e rrezeve të diellit dhe rrjedhimisht konsumon më pak energji elektrike. Prej kohësh, Komisioni Evropian ka diskutuar mundësinë e eliminimit të orës diellore, megjithatë, për momentin mosmarrëveshja është ende e hapur dhe asgjë nuk është miratuar. Kështu do të vazhdojmë me traditën, të flemë një orë më pak, nga ana tjetër do të kemi më shumë orë me diell gjatë ditës. Dhe të gjithë e dimë se sa të mira janë efektet e diellit për trupin tonë dhe humorin e mirë. Megjithatë, ky ndryshim nuk do të sjellë vetëm efekte të dobishme, ka edhe efekte negative që duhet të jeni në dijeni.

Ti fle më keq

Për disa, mund të duhen deri në tre javë për t’u mësuar me ndryshimin. Gjumi do të jetë i parehatshëm. Shkaqet e këtij çrregullimi mund të gjurmohen në ndikimin që shkakton ndryshimi i kohës në orën tonë të brendshme, e cila rregullon shumë funksione ciklike të trupit tonë.

Përqendrimi i ulur

Ulja ose përkeqësimi i gjumit shkakton humbje të përqendrimit dhe produktivitetit në punë dhe shkollë. Një studim raportoi se me ardhjen e orës diellore ka një rritje të sasisë së kohës që njerëzit humbasin duke shfletuar faqet argëtuese.

Sulmet në zemër

Ora e larguar nga gjumi rrit stresin, dhe rrit shanset për një atak në zemër për ata që janë në rrezik. Për më tepër, mëngjesi është koha më e ndjeshme e ditës për njerëzit në rrezik.

The post Pse ndryshimi i orës ndikon në shëndetin mendor? appeared first on Albeu.com.

Shega njihet si një frutat e pasura me vitaminë C dhe antioksidantë, shumë të rëndësishme për t’u mbrojtur nga viruset.

Lëngu i shegës është një përzierje vitaminash dhe antioksidantësh. Ai forcon sistemin imunitar në mënyrë të përkryer. Shega është e pasur me shumë elementë të rëndësishëm për shëndetin, siç janë magnezi, mangani, zinku, hekuri, natriumi dhe bakri, veç vitaminës C.

Në treg mund të gjeni shtrydhëse shege, por edhe nëse e konsumoni me kokrra, përfitimet do të vijnë njëlloj.

The post Virozat i parandaloni me frutin e stinës, zgjidhja e përditshme natyrale appeared first on Albeu.com.

Dihet tashmë që ndryshimi i stinëve sjell edhe ndryshim të madh në flokë e lëkurë. Për të parandaluar këtë proces që të ndodhë dhe për të bërë ndryshimin nga i ngrohti në të ftohtë për lëkurën tuaj vijnë në ndihmë disa ushqime të caktuara.

Frutat tropikale gjatë verës

Për një lëkurë që shkëlqen gjatë verës kujdesuni të konsumoni sa më shumë fruta tropikale.
Me përmbajtje të lartë uji dhe vitaminash, këto fruta do ta ndihmojnë lëkurën tuaj të luftojnë efektet e çdo dehidratimi që mubd t’ju ndodhë gjatë verës. Për shembull, mango është e pasur me mikronutrientë por gjithashtu përmban antinflamatorë që mbrojnë lëkurën tuaj nga çdo dëmtim i ADN-së nëse jeni djegur nga dielli i fortë i verës.

Shalqiri siç edhe e dini është jashtëzakonisht i pasur me ujë. Gjithashtu ndihmon edhe ne çdo sjqetësim që mund të keni me aknet apo puçrrat. Kjo për shkak të aftësisë së tij për të nxjerrë jashtë trupit toksinat. Përmban gjithashtu likopen, i cili ju ndihmon të keni lëkurë më të butë dhe të shkëlqyeshme.

Kunguj në vjeshtë

Vjeshta është koha kur trupat tanë fillojnë të përshtaten me ndryshimet e stinës së ftohtë dhe kjo është lehtësisjt e dukshme në lëkurën tonë. Gjatë këtyre muajve, ashtu si ne fillojmëtë përgatitemi për dimrin kështu bën edhe lëkura jonë kështu që shfrytëzoni ushqimet sezonale për të ndihmuar në këtë tranzicion.

Farat e kungullit dhe kungulli i vjeshtës veçanërisht, janë një nga burimet kryesore të beta karotenit, të cilin trupi e shndërron në Vitaminë A që është thelbësore për rigjenerimin e qelizave të lëkurës. Kungulli mbron gjithashtu lëkurën nga dëmtimi i rrezatimit ultraviolet, i cili është i ashpër mbi lëkurë edhe në ditët më të ftohta të vitit. Filloni gjithashtuntë përfshini në dietën tuaj arra, kokrra dhe bishtajore për të marrë sa më shumë acide yndyrore dhe hidratim të lëkurës gjatë vjeshtës.

Yndyrna të shëndetshme gjatë gjithë dimrit

Ata që jetojnë në vende shumë të ftohta do të dëshmojnë se ekstremitetet e motit janë më të dëmshmet për lëkurën. Nëse jetoni në një zonë me erëra të forta ose ku bie shumë dëborë gjatë dimrit duhet të kërkoni për çdo hidratues natyral që vjen nga ushqimet. Yndyrnat e shëndetshme si avokado, peshku vajor dhe arrat dhe farat veprojnë si një hidratues natyral për lëkurën duke ndihmuar në rregullomin e yndyrës në trup. Gjithashtu ushqimet e pasura me omega-3 veprojnë si antinflamatorë të fuqishëm për sëmundje të lëkurës si ekzema dhe psoriaza.

Ushqime të pasura me vitaminë C në pranverë

Kjo vitaminë e tretshme në ujë është një nga antioksidantët më të fuqishëm që mund të përfshijmë në dietat tona. Një vitaminë e cila është jetike për detoksifikimin dhe luftimin e radikalëve të lirë, duke ngadalësuar përfundimisht procesin e plakjes. Ashtu sikurse mund të përdorni ndonjë serum vitamine C për të pasur një lëkurë rrezatuese e të ndritshme edhe të konsumosh ushqime të pasura me vitaminë C është e njejta gjë.

Pranvera është periudha kur trupat tanë fillojnë të shkëputen nga gjumi letargjik i dimrit dhe kërkojnë më shumë energji e kujdes. Kshtu konsumoni sa më shumë luleshtrydhe, portokallë, limonë e speca. Një këshillë përgjatë gjithë vitit do të ishte të mos harroni të konsumoni shumë ujë pasi kjo do të ndihmojë shumë në mbajtjen e një lëkure të shëndetëshme e të re.

The post Stina po ndryshon, ja si të ndihmoni lëkurën të rigjenerohet appeared first on Albeu.com.

Vitaminat janë çelësi për ruajtjen e shëndetit të përgjithshëm të trupit tuaj, dhe shëndeti i flokëve nuk bën përjashtim.

Vitamina D është veçanërisht e rëndësishme për një cikël të shëndetshëm të rritjes së flokëve, sepse çdo gjëndër e flokëve përmban një receptor të vitaminës D.

Mungesa e vitaminës D është një nga mangësitë dhe arsyet më të zakonshme të rënies së flokëve si tek meshkujt ashtu edhe tek femrat, veçanërisht gjatë dimrit kur jemi më pak te ekspozuar ndaj diellit.

Megjithatë, ekspertët e flokëve thonë se ushqimi i mirë dhe ndryshimet në stilin e jetesës mund të ndihmojnë në zgjidhjen e problemit të rënies së flokëve të shkaktuar nga mungesa e vitaminës D.

Besohet se vetëm 30 minuta rreze dielli në mesditë në ditë ndihmon në ndërtimin e imunitetit, forcimin e kockave dhe ruajtjen e flokëve të shëndetshëm.

Meqë ka ardhur dimri dhe drita e ditës është zvogëluar, gjithnjë e më shumë njerëz kanë mungesë të vitaminës D. Midis tetorit dhe marsit, ne nuk marrim mjaftueshëm vitaminë D nga rrezet e diellit, sepse drita nuk përmban mjaftueshëm rreze UVB.

Kjo jo vetëm që dobëson sistemin imunitar, por dëmton edhe flokët tanë, ndaj duken të pajetë dhe pa shkëlqim, gjë që çon në rënie edhe më të madhe të flokëve.

Kur nuk ka diell jashtë, njerëzit duhet të marrin dozën e tyre ditore të vitaminës D përmes ushqimit ose përmes shtesave dietike.

“Vitamina D është e rëndësishme sepse metabolizohet në lëkurë nga keratinocitet. Këto janë qeliza të lëkurës që përpunojnë keratinën, një proteinë në flokë, thonj dhe lëkurë. Kur trupi nuk ka mjaftueshëm vitaminë D, keratinocitet në folikulat e flokëve kanë probleme me rregullimin e rritjes. dhe rënien e flokëve”, shpjegon Karl Christian, themeluesi i markës skandinave të shëndetit dhe mirëqenies New Nordic.

Christian këshilloi se çelësi për flokë të shëndetshëm dhe të plotë është skalpi i shëndetshëm.

Për këtë, ne duhet të shikojmë përtej rutinës sonë të zakonshme të larjes së flokëve, shpjegoi ai.

Ai tha se ngrënia e ushqimeve të tilla si peshku i yndyrshëm, mishi i kuq dhe vezët mund të ndihmojnë në rritjen e marrjes së vitaminës D.

“Në dimër, një dietë e shëndetshme nuk është domosdoshmërisht në krye të axhendës, kështu që marrja e suplementeve dietike është një ide e shkëlqyer. Ka një sërë suplementesh nga të cilat mund të zgjidhni”, shton ai.

Një këshillë tjetër është të masazhoni kokën sa herë që lani flokët.

Ndihmon në pastrimin e yndyrës dhe qelizave të akumuluara të vdekura të lëkurës dhe gjithashtu do të ndihmojë në stimulimin e rritjes së flokëve.

Rënia e flokëve nuk shkaktohet gjithmonë nga mungesa e vitaminës D.

Kjo mund të ndodhë edhe për shkak të mungesës së vitaminës B12 e cila gjendet zakonisht në produktet shtazore ose për shkak të mungesës së proteinave, e cila i bën flokët të brishtë.

Një dietë e përbërë nga mish pa dhjamë, vezë, peshk yndyror, djathë me pak yndyrë, quinoa, arra dhe tofu mund të ndihmojë në adresimin e mungesës së proteinave, ndërkohë që është mirë të kërkoni ushqime të pasura me vitaminë B12 dhe të merrni suplemente, veçanërisht nëse jeni vegjetarian.

The post Në dimër apo në verë? Ja në cilën stinë na bien më shumë flokët appeared first on Albeu.com.

Por në këto muaj kaq të komplikuar, kur kemi edhe Covid-in nëpër këmbë na duhet të dimë me saktësi çfarë i dallon dy gjendjet shëndetësore që të mos shqetësohemi kot.

Karakteristikat kryesore të alergjive janë: skuqje e syve, marrje fryme, fryrje e qepallave, lotim sysh, rrjedhje hundësh, teshtima (shumë të tilla), kollë e vazhdueshme, kruarje hunde, sysh ose goje.

Kijini parasysh këto simptoma për të bërë dallimin mes virusit që vazhdon të jetë në qarkullim, pasi sado të ngjashme duket se janë, difernca është e madhe. Shumë individë i kanë të përvitshme alergjitë, ndaj nuk është e vështirë të bëjnë dallimin, por për ju të tjerët, kini parasysh se teshtimat janë një nga simptomat kryesore. Në rastin e Covid-19 nuk kemi teshtima, por infektimi identifikohet në momentin që ndjeni temperaturë. Alergjitë nuk japin temperaturë.

Ato janë të formave të ndryshme, por në çdo rast duhet të konsultoheni me një mjek specialist për t’i trajtuar. Maska në këtë periudhë mund të ndikojë në parandalimin e disa alergjive respiratore pasi nuk lejojnë alergjenët të hyjnë në rrugët e frymëmarrjes.

Problemi i vetëm në këtë situatë është për ata persona që nuk e dinë që janë alergjikë. Nëse ju kontaktoni një mjek pas simptomave të sipërpërmendura dhe merrni një mjekim, do të shihni përmirësim të ndjeshëm, ndaj nuk do ketë asnjë arsye për t’u frikësuar nga Covid-i.

The post Jemi në stinën e alergjive, si t’i dallojmë nga Covid-i? appeared first on Albeu.com.