Kjo vjen mes paralajmërimeve të hershme nga aleanca se Moska mund të jetë e aftë të nisë një sulm nga viti 2029, shkruan skynews.

Moska ka mohuar sugjerimet se mund të jetë duke u përgatitur për një luftë me aleancën ushtarake perëndimore, por inkursionet e fundit të dronëve rusë në territorin e NATO-s kanë ngritur frikën e përshkallëzimit.

Ralf Hoffmann, kirurgu i përgjithshëm i Gjermanisë, tha se numri i trupave të plagosur në një konflikt do të varet nga intensiteti i betejës dhe se cilat njësi ushtarake ishin të përfshira.

“Realisht, po flasim për një shifër prej rreth 1,000 trupash të plagosur në ditë”, tha ai.

Ndryshe, ushtria evropiane, përfshirë shërbimet e tyre mjekësore, rriti përgatitjet për konflikt të mundshëm me Moskën pas agresionit rus në Ukrainë në 2022, konflikti më i madh i Evropës që nga Lufta e Dytë Botërore.

Gjermania gjithashtu po e përshtat vazhdimisht trajnimin e saj mjekësor, duke përfshirë mësimet nga lufta në Ukrainë.

The post Gjermania po përgatitet të trajtojë një mijë trupa të plagosur në ditë në rast lufte me Rusinë appeared first on Albeu.com.

Ministri i Mbrojtjes, Pirro Vengu. publikoi në rrjetet sociale momente nga kjo stërvitje e përbashkët.

“Operatorët specialë të të dy vendeve po punojnë vazhdimisht mbi detajet e ndërveprimit në operacionet e përbashkëta, kryesisht në goditje objekti dhe teknikat e luftimit në zonat e banuara”, u shpreh ministri.

Në stërvitjen e koduar “Joint Combined Exchange Training”, trupat elitarë shqiptarë e amerikanë, vepruan si një njësi e vetme gjatë luftimit në qendrat e banuara dhe goditjes së objektit.

Gjatë stërvitjes u realizua qitje e avancuar, si dhe u testua dhënia e ndihmës së shpejtë në fushën e luftimit.

The post Forcat Speciale shqiptare, stërvitje të përbashkët me trupat amerikane appeared first on Albeu.com.

Që kur nisi pushtimin në shkallë të plotë të Ukrainës, në shkurt të vitit 2022, marrëdhëniet e Rusisë me Perëndimin ranë në nivelin më të ulët të mundshëm që nga fundi i Luftës së Ftohtë.

Kjo, pasi aleatët perëndimorë të Ukrainës mbështetën luftën e saj kundër forcave pushtuese ruse, duke e ndihmuar me armatim dhe logjistikë.

Kjo është hera e parë që Ministria e Mbrojtjes e Rusisë shpall publikisht stërvitje, të cilat përfshijnë armë bërthamore taktike.

Njoftimi erdhi pasi Britania dhe Franca bënë disa deklarata që dukej se tregonin përfshirjen më të madhe të tyre në konfliktin më shumë se 2-vjeçar.

“Për të rritur gatishmërinë e forcave bërthamore jostrategjike, me qëllim kryerjen e misioneve luftarake, Shtabi i Përgjithshëm ka filluar përgatitjet për mbajtjen e stërvitjeve në një të ardhme të afërt”, tha Ministria e Mbrojtjes e Rusisë përmes një deklarate të shpërndarë në aplikacionin Telegram.

“Gjatë stërvitjes do të kryhen një sërë aktivitetesh për të praktikuar përgatitjen dhe përdorimin e armëve bërthamore jostrategjike”, thuhet në deklaratë.

Aty theksohet, po ashtu, se stërvitja është urdhëruar nga presidenti Vladimir Putin.

Roli i armëve bërthamore strategjike është t’i godasin objektivat e armikut larg vijës së frontit, ndërsa armët bërthamore taktike janë krijuar për t’u përdorur në fushat e betejës.

Rusia ka arsenalin më të madh të armëve bërthamore në botë.

Stërvitja ka për qëllim t’i rrisë aftësitë e ushtrisë ruse “për të siguruar integritetin territorial dhe sovranitetin e shtetit rus”, në përgjigje të “deklaratave provokuese dhe të kërcënimeve të zyrtarëve perëndimorë ndaj Federatës Ruse”, thuhet në deklaratë, pa u dhënë detaje të tjera.

Javën e kaluar, presidenti i Francës, Emmanuel Macron, përsëriti deklaratën se vendi i tij nuk mund ta përjashtojë dërgimin e trupave në Ukrainë, për ta ndihmuar atë në luftë.

Zyrtarët në Mbretërinë e Bashkuar, ndërkohë, u duk se i dhanë Kievit dritën jeshile për të përdorur armë me rreze të gjatë veprimi – të dërguara në Ukrainë – për të goditur objektiva brenda Rusisë.

Deri më tani në konflikt, Britania e Madhe i ka dhënë udhëzime Ukrainës, duke i sugjeruar që armët me rreze të gjatë të përdoren vetëm brenda territorit sovran të Ukrainës.

Në fundjavë, zëdhënësja e Ministrisë së Jashtme ruse, Maria Zakharova, tha se “NATO-ja po përgatitet për një konflikt të mundshëm” me Rusinë dhe përmendi stërvitjet e aleancës ushtarake Steadfast Defender si “dëshmi” për këtë.

Këto stërvitje që do të vazhdojnë edhe këtë muaj, përfshijnë mbi 90.000 trupa të NATO-s.

NATO-ja ka thënë se, gjatë tyre, do të praktikohet se si trupat amerikane mund t’i përforcojnë aleatët evropianë në shtetet që janë në kufi me Rusinë dhe në krahun lindor të aleancës, në rast të ndonjë konflikti.

The post Rusia do të kryejë stërvitje me armë taktike bërthamore appeared first on Albeu.com.

Helikopterët qëndronin mbi det ndërsa një nëndetëse e madhe dilte me ngadaltë nga deti pranë Katanias, në Siçili dhe disa anije të marinës monitoronin operacionin.

Në bordin e anijes komanduese, kundëradmirali amerikan Thomas Wall, komandant i njësive me nëndetëse të NATO-s, u duk se foli me gazetarët për të siguruar aleatët evropianë, në një periudhë kur kandidati republikan Donald Trump ka vënë në pikëpyetje përkushtimin e Shteteve të Bashkuara për mbrojtjen e vendeve aleate.

“Jo vetëm që po bëjmë këtë stërvitje të madhe, por njësitë tona detare po punojnë gjithashtu së bashku në të gjitha frontet. Stërvitja ‘Steadfast Defender’, stërvitja më e madhe e NATO-s prej dekadash po vazhdon në Atlantikun e Veriut. Në planin detar, sapo përmbushëm pjesën me zjarr luftarak, një demonstrim i qartë i unitetit dhe fuqisë sonë transatlantike”, tha kundëradmirali Wall.

Ish-presidenti Trump ka thënë se nëse rikthehet në Shtëpinë e Bardhë, nuk do të mbronte vendet e NATO-s që nuk plotësojnë shpenzimet për mbrojtjen. Komentet e tij shkaktuan alarm në Evropë.

Shtatë nëndetëse të NATO-s nga Greqia, Franca, Italia, Spanja, Turqia dhe Shtetet e Bashkuara marrin pjesë në stërvitjen komplekse pranë brigjeve të Siçilisë.

Mjetet detare që marrin pjesë në stërvitjen “Dynamic Manta 24”, shkëmbejnë rolet duke gjurmuar njëra-tjetrën, ndërsa koordinohen nga afër me mjetet ajrore dhe detare për të përmirësuar kapacitetet në dyluftimin në det.

Objektivi kryesor është përgatitja e ekuipazheve të NATO-s për t’u përshtatur dhe për t’iu përgjigjur çfarëdolloj kërcënimi që vjen nga nëndeti.

“Sot përballemi me mjedisin më të rrezikshëm dhe më të paparashikueshëm të sigurisë në dekada. Dimensioni nënujor është thelbësor për sigurinë në dete. Është pjesë ende jo e eksploruar mirë, por jetike për të gjitha vendet përreth Detit Mesdhe”, tha Alberto Tarabotto, komandant i marinës italine.

Nëndetëset veprojnë nën drejtimin e Komandës së Nëndetëseve të NATO-s dhe ndihmohen nga avionët për patrullimin detar nga Kanadaja, Gjermania, Greqia, Turqia, Britania dhe Shtetet e Bashkuara, si dhe nga mjete detare të Grupit të Dytë Detar të NATO-s, të komanduar nga kundëradmirali italian Pasquale Esposito.

“Është një stërvitje që përqëndrohet tek një formë beteje me kërcënimet që vijnë nga mjetet nënujore”, tha kundëradmirali Esposito.

Marina italiane është organizatore e stërvitjes dhe ofron mbështetje logjistike nga baza detare në Augusta, nga porti i Katanias dhe baza ajrore në Sigonella. Italia merr pjesë në manovra me fregatën Carlo Margottini, fregatën Morosini që kryeson Grupin e Dytë Detar të NATO-s, dy nëndetëse dhe dy helikopterë. Stërvitja do të vazhdojë deri më 8 mars.

The post NATO stërvitje masive me nëndetëse në Mesdhe appeared first on Albeu.com.

Përderisa dokumentet zyrtare të NATO-s nuk thonë në mënyrë direkte se po ushtrojnë për një ofensivë të mundshme ruse në territorin aleat, është shumë e qartë që ata duan të testojnë se si do t’ia dilnin “gjatë një skenari të simuluar konflikti në zhvillim me një kundërshtar të afërt”. Privatisht, burimet e NATO-s pranojnë pa hezitim se “sigurisht që këtu bëhet fjalë për Rusinë”.

Dhe, thjesht, hidhjani një sy gjeografisë dhe planit të stërvitjes së aleancës dhe kjo bëhet edhe më evidente. Përafërsisht, stërvitja Steadfast Defender 24 përfshin dy faza. E para, e cila do të fillojë ngadalë në fund të janarit, përfshin përforcimin transatlantik të forcave. Ky është në fakt çelësi për ta parë nëse Shtetet e Bashkuara mund ta vendosin një numër të madh trupash dhe pajisjesh në Evropën kontinentale për ta përgatitur një mbrojtje.

Mos e nënvlerësoni simbolikën e kësaj faze pasi që Shtetet e Bashkuara tani po hyjnë në fazën e nxehtë të fushatës zgjedhore presidenciale, që do të kulmojë në nëntor. Dhe me këtë, sigurisht që ka gjasa të konsiderueshme që votuesit amerikanë do ta kthejnë në Shtëpinë e Bardhë një president që ka vënë në pikëpyetje qëllimin e NATO-s dhe veçanërisht nenin 5 të saj, që thotë se një sulm ndaj njërit anëtar është sulm ndaj të gjithëve.

Pa angazhimin amerikan në këtë pikë, pyetja që shtrohet, në të vërtetë, është nëse aleanca ushtarake ka vdekur. Dhe kjo është një pyetje që nuk do të largohet shpejt.

Pra, përderisa imazhet e trupave amerikane që stërviten së bashku me kombet e tjera dhe llojeve të ndryshme të sulmeve në Atlantik dhe në brigjet e Britanisë së Madhe, Norvegjisë dhe Spanjës në dy muajt e ardhshëm mund të mos e zbusin plotësisht frikën evropiane që Shtetet e Bashkuara do të jenë më pak të përkushtuara në të ardhmen e afërt, ato megjithatë do të jenë pamje mbresëlënëse me më shumë se 50 anije detare si aeroplanmbajtëse, fregata dhe shkatërrues.

Faza e dytë e stërvitjes është po aq vendimtare dhe ka të ngjarë të jetë kjo fazë ajo që me të vërtetë do ta tregojë nëse NATO-ja mund ta mbrojë krahun e saj lindor më të rrezikuar.

Qëllimi i kësaj faze, sipas aleancës, është për ta parë nëse aleanca mund të “kryejë dhe të zhvillojë operacione komplekse me shumë domene për disa muaj, në mijëra kilometra, nga Evropa veriore në atë qendrore e lindore, dhe në çdo lloj të kushteve”. Sërish, bëhet fjalë për llojin e luftës që mund të pritej nëse Rusia do të sulmonte.
Duke filluar nga mesi i shkurtit dhe deri në fund të majit, do të keni një sërë ushtrimesh, kryesisht në tokë dhe në qiell, që përfshijnë deri në 80 platforma ajrore, si avionë luftarakë F35, helikopterë dhe dronë, si dhe mbi 1.000 automjete luftarake, përfshirë 166 tanke. Epiqendra do të jetë në Poloni dhe shtetet baltike, si dhe në Gjermani, që do të shërbejë si një qendër kryesore për përforcim dhe koordinim.

Por, gjithashtu priten ushtrime në të gjithë rajonin nordik, përfshirë Suedinë, si dhe Çekinë, Hungarinë, Maqedoninë e Veriut, Rumaninë dhe në vendet jo-anëtare të NATO-s, si dhe në Moldavinë me neutralitet kushtetues. Për arsye të qarta, asgjë nuk do të zhvillohet në Ukrainë dhe trupat ukrainase nuk do të marrin pjesë në asnjë nga stërvitjet.

The post Stërvitja më e madhe ushtarake e NATO-s që nga Lufta e Ftohtë, analiza: Çfarë do të thotë për Evropën Steadfast Defender 24? appeared first on Albeu.com.

“Ne do të organizojmë në Francë Lojërat Olimpike dhe Paralimpike, lojëra të gjelbra që do të respektojnë marrëveshjen e Parisit”, tha Macron, duke iu referuar marrëveshjes së nënshkruar në 2015, e cila parashikon një qëllim për të mbrojtur klimën.

Në mbyllje, të videos, ai u kujtua francezëve se sporti është bërë i detyrueshëm çdo ditë për 30 minuta në shkollat ​​fillore, duke theksuar se më shumë sporte të tjera janë përfshirë në shkollat ​​e mesme.

Macron madje u bëri thirrje të gjithëve të bëjnë stërvitje, të paktën 30 minuta në ditë sepse bën mirë për shëndetin.

pic.twitter.com/0douLOosu7

— Emmanuel Macron (@EmmanuelMacron) January 8, 2024

The post Macron mesazh për francezët: Bëni stërvitje, ju bën mirë për shëndetin appeared first on Albeu.com.

Sipas studimit përkatës, të publikuar në Mental Health and Physical Activity, sekreti qëndron në dy ndryshime të stilit të jetesës: aktivitetin fizik dhe vëmendjen. Shumë punime shkencore kanë theksuar më parë përfitimet e këtyre dy praktikave për shëndetin fizik dhe mendor, megjithatë gjetjet e reja mbështesin se përfitimi është edhe më i madh se kombinimi i tyre.

Studimi i psikologes Masha Remskar nga Departamenti i Shëndetësisë i universitetit argumenton se ndërgjegjja mund të ‘zhbllokojë’ adoptimin e ushtrimeve të rregullta, duke pasur parasysh se vetëm mendimi i tij shkakton shumë njerëz të kenë frikë, për shkak të përpjekjes që duhet të bëjnë, nga mundësia. dhimbje, por edhe ndjenjën e dështimit.

Analiza aktuale arriti në përfundimin se ndërgjegjja është shumë efektive në reduktimin e ankthit dhe stresit, duke i ndihmuar njerëzit të afrohen me qëllimin e një jete të lumtur dhe të përmbushur. Studimi zbuloi, në fakt, se përfitimet e kombinimit të këtyre dy praktikave janë po aq të rëndësishme si për njerëzit e shëndetshëm ashtu edhe për njerëzit që përballen me probleme shëndetësore.

Bazuar në gjetjet e hulumtimit, ekipi hulumtues krijoi dhe publikoi të parin nga dy kurset audio të ndërgjegjes, të cilat synojnë të ndihmojnë njerëzit të integrojnë ushtrimet në jetën e tyre. Në një fazë të dytë, do të publikohet një udhëzues i dytë, i cili do të fokusohet në ruajtjen e këtij zakoni.

Dr. Nga ana e saj, Remskar shpjegon se “fillimi i vitit 2024 i vendosur për të ushtruar më shumë mund të ketë përfitime reale për shëndetin tuaj fizik dhe mendor. Ne e kuptojmë se fillimi dhe mbajtja e një zakoni të ri është e vështirë. Mindfulness mund të na ndihmojë të ‘trajnojmë’ forcat psikologjike që na nevojiten për t’u ushtruar dhe për të qenë më në harmoni me trupin tonë , duke e bërë ushtrimin më interesant dhe duke na ndihmuar të njohim përfitimet e tij . “

The post Me çfarë ta kombinoni stërvitjen për më shumë mirëqenie dhe lumturi në vitin 2024 appeared first on Albeu.com.

Përdorimi i celularit gjatë ushtrimeve mund të krijojë probleme për personin që ushtrohet, ndonjëherë edhe në mënyrë të rrezikshme. Çfarë do të thotë kjo; Jo vetëm që zvogëlon intensitetin e stërvitjes, por gjithashtu ndikon negativisht në ekuilibrin, duke rritur kështu rrezikun e lëndimit.

“Nëse jeni duke folur në celular ose duke shkruar mesazhe gjatë ecjes ose çiklizmit me biçikletë të palëvizshme, vëmendja juaj është e ndarë dhe kjo mund të prishë stabilitetin (ekuilibrin) postural. Kur kjo ndodh, personi është i prirur ndaj dëmtimeve nga rrëzimi dhe lëndimeve muskulo-skeletore.

Studimet kanë treguar gjithashtu se mesazhet në celular ul stabilitetin postural me 45%, ndërsa të folurit me 19%.

The post Pse nuk duhet të flisni në telefon kur jeni duke u stërvitur appeared first on Albeu.com.

Ukraina, raporton Politico, i është drejtuar Francës me një kërkesë për të përgatitur ushtarët e ardhshëm për t’i bërë ballë kushteve të vështira luftarake dhe për të operuar në kushte të ftohta, të zhurmshme dhe pa gjumë.

Në kuadër të trajnimit, kufomat e kafshëve të ngordhura shpërndahen nëpër llogore, në mënyrë që “ukrainasit të mësohen me erën e vdekjes “, tha një zyrtar francez, duke theksuar se në disa vende janë të punësuar edhe përkthyes, në mënyrë që mos ketë keqkuptime në udhëzime.

Gjithashtu, po përdoren dronë, në mënyrë që ukrainasit të përshtaten me atë që do të përballen kur të thirren për të mbrojtur territoret e tyre nga rusët.

Raporti thotë se ushtarët ukrainas janë duke u stërvitur për katër javë, gjashtë ditë në javë dhe nga ora 5:30 e mëngjesit deri në 8 të mbrëmjes, dhe pritet të hidhen në fushën e betejës shumë shpejt.

“Roli i Francës në këto programe është të trajnojë ushtarët për armët dhe përdorimin e pajisjeve. Por kjo nuk është e gjitha. Do të thotë gjithashtu të ndajmë mentalitetin tonë perëndimor”, tha një nënkolonel francez që mbikëqyr stërvitjet.

“Për ne, mbi të gjitha, është shumë e rëndësishme t’i mësojmë partnerit tonë ushtarak se si të manovrojë, si të qëndrojë në këmbë, si t’i afrohet objektivit dhe si të shmangë zjarrin miqësor. Në të vërtetë kjo është shumë serioze, veçanërisht në terrene komplekse, siç është një rrjet llogoresh që çojnë në drejtime të ndryshme”, tha një oficer i ushtrisë franceze për Euronews.

Sipas Parisit, ushtria franceze pritet të trajnojë gjithsej rreth 7,000 burra ukrainas. Programi i trajnimit për ushtarët ukrainas i kushton Francës rreth 300 milionë euro, sipas një raporti të Parlamentit.

Por edhe ushtria franceze përfiton.

Vihet re se Shtetet e Bashkuara dhe Gjermania kanë trajnuar tashmë pothuajse 18 mijë ushtarë ukrainas, ndërsa Britania ka zbatuar një program të paprecedentë trajnimi ushtarak që parashikon stërvitjen e 30 mijë burrave.

The post Francezët stërvitin fshehurazi ushtarët ukrainas, i hedhin kafshë të ngordhura për t’u mësuar me “erën e vdekjes” appeared first on Albeu.com.

“Bomberi” kuqezi është kthyer në një “armë” më shumë për trajnerin Pochettino, por për fat të keq nuk mundi të ishte në dispozicion të Shqipërisë, të trajnerin Sylvinho.

Broja u largua pasi ndjente shqetësim në gjurin e dëmtuar, por më sa duket asgjë nuk është serioze pasi sulmuesi kuqezi zbriti menjëherë në stërvitje, ndërsa ka shfaqur një formë të mirë, i gatshëm për sfidën e së shtunës kundër Arsenal në Premier League.

Klubi i Chelsea-t me anë të një video në faqen zyrtare ka postuar momente nga stërvitja ku shihet i buzëqeshur dhe në formë shumë të mirë.

The post Broja i papërmbajtshëm në stërvitje, gati për sfidën me Arsenalin (VIDEO) appeared first on Albeu.com.