Kina pretendon të jetë neutrale në konflikt, por ka akuzuar SHBA-në dhe aleatët e saj për provokim të Rusisë dhe ka mbajtur lidhje të forta ekonomike, diplomatike dhe tregtare me Moskën.

Agjencia e lajmeve shtetërore kineze Xinhua ka njoftuar se stërvitja përfshin më shumë se 10 anije dhe mbi 30 avionë.

Ministria e Mbrojtjes dhe Xinhua nuk dhanë detaje, por stërvitjet besohet se do zhvillohen në pjesë të Detit të Japonisë në ditët në vijim.

Kina e ka mbështetur Rusinë dhe ka kundërshtuar SHBA-në për pushtimin e Ukrainës në forumet ndërkombëtare, por megjithatë ka thënë se nuk do t’i japë armë asnjërës palë në luftë.

Sipas një njoftimi nga Ministria e Mbrojtjes të mërkurën, anijet kineze, duke përfshirë shkatërruesit e raketave Qiqihar dhe Guiyang, luftë-anijet Zaozhuang dhe Rizhao dhe anija e furnizimit Taihu, bashkuan forcat me homologët e tyre rusë në mesditë. Raporti përmend gjithashtu se anijet kineze mbanin katër helikopterë.

Në marinën ruse përfshihen luftë-anijet Gromkiy dhe Otlichnyy, të cilat janë ekspozuar dhe kanë pritur vizitorë për një javë në qendrën financiare të Shangait, qyteti më i madh dhe porti më i madh i Kinës.

Stërvitjet e përbashkëta thuhet se fokusohen në komunikimet anije-anije, manovrimin në formacion, si dhe kërkim-shpëtimin detar.

Stërvitjet organizohen pas një takimi në Pekin midis ministrit të Mbrojtjes së Kinës dhe kreut të marinës ruse, bisedimet e para zyrtare ushtarake midis fqinjëve që nga një rebelim jetëshkurtër nga grupi mercenar rus Wagner.

Kina e ka siguruar Rusinë për mbështetjen e saj të vazhdueshme që nga kryengritja.

Kina operon marinën më të madhe në botë për nga numri i trupave dhe ia kalon shumë flotës ruse si në përmasa ashtu edhe në aftësi teknike.

Flotat e dy vendeve kanë mbajtur një sërë stërvitjesh dhe manovrash të përbashkëta që nga pushtimi rus i Ukrainës vitin e kaluar.

The post Kina dhe Rusia, gati për stërvitje të përbashkëta ushtarake detare appeared first on Albeu.com.

Fregata “Admirali i Flotës së Bashkimit Sovjetik Gorshkov”, e cila është e armatosur me raketa Zirkon merr pjesë zyrtarisht për herë të parë.

Raketat fluturojnë 9 herë më shumë se shpejtësia e zërit, me një rreze prej më shumë se 1000 km (620 milje), pretendon Rusia, shkruan Sky News. 

Ato përbëjnë pjesën qendrore të arsenalit të saj hipersonik, së bashku me automjetin rrëshqitës Avangard që hyri në detyrë luftarake në 2019.

“Admirali Gorshkov do të shkojë në pikën e mbështetjes logjistike në Tartus të Sirisë dhe më pas do të marrë pjesë në stërvitjet e përbashkëta detare me marinën kineze dhe afrikano-jugore”, sipas agjencisë shtetërore ruse, TASS, duke cituar një burim të paidentifikuar të mbrojtjes./Albeu.com/

The post Paralajmërim për botën? Luftanija ruse me raketa hipersonike stërvitje të përbashkëta me Kinën appeared first on Albeu.com.

Forcat amerikane të dislokuara rishtazi në kufirin lindor të NATO-s zhvilluan të shtunën stërvitje të përbashkëta me njësitë rumune në një bazë ajrore pranë Detit të Zi. Vetëm dy ditë më parë, Komanda Ajrore e NATO-s drejtoi një operacion dinamik me rreze të gjerë mbi qiejt e Rumanisë, ku u përdorën avionë rumunë F-16, avionë francezë Rafale dhe avionë gjermanë Tornado, të cilëve iu bashkuan avionët e grupit luftarak të aeroplanmbajtëses “USS Harry S. Truman” të marinës amerikane që është dislokuar në Detin Adriatik.

Njësitë e Divizionit 101 Parashutist të ushtrisë amerikane morën pjesë në stërvitje luftarake, së bashku me formacione helikopterësh dhe avionësh luftarakë në bazën ajrore rumune “Mihail Kogalniceanu”, pranë qytetit bregdetar Konstanta.

Në fjalën e tij, komandanti i misionit përmendi historikun e këtij divizioni të mirënjohur për sakrificat për të ruajtur paqen që Evropa ka përjetuar që nga viti 1945, angazhim të cilit po i përmbahet sërish.

“Kjo ceremoni, dhe ç ‘është më i rëndësishëm dislokimi ynë në Rumani, Bullgari, Hungari dhe Sllovaki përfaqëson angazhimin e Shteteve të Bashkuara me aleatët në NATO. Secili nga këto vende shërbeu përkrah Shteteve të Bashkuara në Afganistan dhe ne jemi të nderuar që shërbejmë përkrah tyre sot”, tha komandanti i divizionit amerikan, Gjeneral Major Joseph McGee.

Njësitë e Divizionit 101 mbërritën në Rumani në fund të qershorit, pjesë e një misioni që synon të rrisë praninë ushtarake të NATO-s në këtë rajon, për të siguruar aleatët dhe për të shkurajuar një agresion të mëtejshëm nga Rusia, thuhet në faqen në internet të Ushtrisë Amerikane në Evropë.

“Dua ta përfundoj fjalën duke vënë në dukje se jemi vetëm 318 kilometra nga lufta e ashpër që po zhvillohet sot në Kherson të Ukrainës. Pra, të dislokuar në Rumani, ne jemi njësitë e pozicionuara më në pararojë të ushtrisë së Shteteve të Bashkuara”, tha Gjenerali McGee.

Shtetet e Bashkuara dhe vendet e tjera anëtare të NATO-s kanë shtuar forcat e dislokuara në vendet e krahut lindor të NATO-s, si reagim ndaj rritjes së forcave ruse përgjatë kufijve të Ukrainës dhe sulmit që filloi në muajin shkurt./VOA./

The post Forcat amerikane stërvitje të përbashkët me forcat rumune në krahun më lindor të NATO-s appeared first on Albeu.com.

Me anë të një postimi në “facebook”, Ministri i Mbrojtjes së Kosovës Armend Mehaj shpreset së bashku jemi më të fortë.

Gjatë stërvitjes u kryen qitje me armë të ndryshme si dhe me mortaja.

“Fuqisë tonë luftarake për mbrojtjen e vendit i bashkohet edhe zjarri i mortajave dhe istikameve të pamposhtura. Së bashku jemi gjithmonë më të fortë!”, ka shkruar Mehaj.

The post Ushtria e Shqipërisë stërvitet me atë të Kosovës, Mehaj: Së bashku jemi më të fortë (VIDEO) appeared first on Albeu.com.