Mësohet se SPAK i ka përcjell policisë kërkesën për shpalljen në kërkim ndërkombëtar të biznesmenit.

Prokuroria e Posaçme akuzoi zyrtarisht biznesmenin Mirel Mërtiri, më 15 nëntor të vitit të kaluar, për korrupsion dhe pastrim parash në lidhje me aferën e inceneratorit të Elbasanit

“Shtetasit Mirel Mërtiri, Stela Gugallja dhe Klodian Zoto, kanë konsumuar veprat penale të korrupsionit aktiv i funksionarëve të lartë shtetërorë” kryer në bashkëpunim dhe “pastrim i produkteve të veprës penale e kryer në rrethana cilësuese në bashkëpunim”, thuhej askohohe në aktakuzën e SPAK.

Kujtojmë se pak ditë më parë u arrestua dhe Stela Gugallja për përfshirje në aferën 3.6 milionë euro të inceneratorit të Elbasanit, ndërsa Klodian Zoto mbetet në arrati.

Ajo kërkohej në cilësinë e ortakut të vetëm dhe administratorit të shoqërisë “Albtek Energy” sh.p.k kurse Klodian Zoto, në cilësinë e ortakut të vetëm dhe administratorit të shoqërisë “Integrated Technology Services” sh.p.k.

The post Afera me inceneratorët, SPAK lëshon urdhër-arrest për Mirel Mërtirin appeared first on Albeu.com.

Ajo ishte shpallur në kërkim nga SPAK për aferën e inceneratorëve, së bashku me Mirel Mërtirin dhe Klodian Zoton.

Ndërkohë, Prokuroria e Posaçme është njoftuar se në Gjykatën e Vjenës, në Austri, është duke u kryer procedura e ekstradimit të shtetases Stela Gugallja, nga Austria në Shqipëri, në zbatim të urdhrit të kërkimit ndërkombëtar për këtë shtetase, bën me dije gazetarja Klodiana Lala.

Prandaj SPAK, nëpërmjet Ministrisë së Drejtësisë të gjithë dokumentacionin e nevojshëm për procedurën e ekstradimit.

Për aferën e inceneratorëve janë arrestuar edhe disa ish-zyrtarë shtetërorë, ndër ta ish-ministri i Mjedisit, Lefter Koka dhe ish-deputeti Alqi Bllako. /albeu.com

The post U ndalua në Austri, gati procedura e ekstradimit për Stela Gugalljan appeared first on Albeu.com.

Stela Gugallja ishte në kërkim ndërkombëtar së bashku me Klodian Zoton.

Ajo akuzohet se është përfshirë në aferën 3.6 milionë euro të inceneratorit të Elbasanit. Stela Gugallja kërkohej në cilësinë e ortakut të vetëm dhe administratorit të shoqërisë “Albtek Energy” sh.p.k kurse Klodian Zoto, në cilësinë e ortakut të vetëm dhe administratorit të shoqërisë “Integrated Technology Services” sh.p.k.

Lefter Koka është arrestuar për këtë aferë më parë. Pas arrestimit të Kokës, SPAK ka thënë se në cilësinë e ministrit të Mjedisit ai ka shkelur procedurat për dhënien e licencës dhe miratimin e vijimit të ndërtimit të objektit, ndërsa Gugallja e Zoto, akuzohen se kanë pastruar para dhe kanë dhënë rryshfet në drejtim të Kokës me qëllim sigurimin e lejes për ndërtimin e inceneratorit për të gjeneruar më pas fatura fiktive duke u vjedhur shtetit rreth 3.6 milion euro.

Pas hetimeve të kryera, SPAK ka zbuluar se shuma prej 3.6 milion eurosh i është dhënë në formë rryshfeti pikërisht Lefter Kokës.

Si funksiononte skema

Pasi morën lejen përmes dhënies së rryfshfetit në drejtim të Lefter Kokës sipas SPAK, inceneratori i Elbasanit, në pronësi të kompanisë “Albtek Energy” sh.p.k, e administruar nga Stela Gugallja bënte fatura fiktive duke i faturuar punë të pakryera kompanisë “Integrated Technology Services” sh.p.k.

Duke qenë se inceneratorët ishin projekte, të cilat u ndërtuan me fondet e shtetit shqiptar, ishte buxheti që duhej të përballonte këto pagesa.

Rrjedhimisht, sipas SPAK, nëpërmjet kësaj skeme, buxhetit të shtetit i janë shkaktuar rreth 3.6 milion euro dëm. Këto para sipas SPAK i kanë kaluar në formë rryshfeti Lefter Kokës.

Pasi janë faturuar në mënyrë fiktive, sipas SPAK, shuma prej 3.6 milion euro i ka kaluar Lefter Kokës sërish përmes faturave fiktive, tashmë të lëshuara nga dy kompanitë “Albtek Energy” sh.p.k dhe “Integrated Technology Services” sh.p.k. ndaj kompanive në pronësi të ish-ministrit apo të të afërmve të tij.

/albeu.com/

The post Afera e inceneratorëve, arrestohet Stela Gugallja appeared first on Albeu.com.

Gazetari Hoxha është shprehur se policia ka pasur informacione që Klodian Zoto ka qenë në Shqipëri dhe jo jashtë vendit siç mendohej. Duke marrë informacione policia ka ngritur edhe një askion për arrestimin e tij, megjithatë nuk është realizuar me sukses.

Ndërkohë për Stela Gugalljan e cila po ashtu është në kërkim, sipas gazetarit Hoxha rezulton se fshihet jashtë Shqipërisë.

“Policia ka bërë tentativë për të arrestuar Klodian Zoton, brenda Shqipërisë. Stela Gugallja ndodhet jashtë Shqipërisë. Tentativat e  policisë vijnë se ka pasur informacion që ka qenë brenda territorit. Është tentuar që ta kapin brenda. Ka pasur informacion por nuk është bërë e mundur ndalimi i tyre. Kemi pjesën e funksionarëve publik por jo biznesmenët. Është në gjysmë historia.” tha Hoxha.

Për sa u përket hetimeve që po vijojnë në SPAK, gazetari Hoxha u shpreh se nën hetim janë figura të larta të politikës në rang ish-ministrash dhe ish-kryebashkiakësh.

“Janë nën hetim personazhe të rëndësishëm. Rang ministri dhe ish ministra. Rang të kryetarëve të bashkisë. Ende nuk është vendosur se si do procedohet. SPAK është nën presion në këto momente. Se e ka çuar topin deri tek inceneratori i madh i Tiranës. Po kërkohet deri ku do shkohet. Po testohet SPAK se deri ku i ka limitet. Përpjekja për të prerë fijet e Alqi Bllakos dhe të thuhet se përgjegjësit janë vetëm Bllako dhe Lefter Koka. Por kërkimi vijon.” tha Hoxha. /abcnews.al/

The post Artan Hoxha i thotë të gjitha: Si dështoi arrestimi i Klodian Zotos, bosit të inceneratorëve appeared first on Albeu.com.

Pjesë nga diskutimi:

Këlliçi: Nuk kemi gjetur një shpjegim se pse është vendosur çmimi 29 euro për ton për inceneratorin e Tiranës. Ky koncensionar paguhet nga lekët e shtetit

Balluku: Dua para se gjithash që të sqaroj faktin se impianti i Tiranës nuk ndërtohet me paratë e buxhetit të shtetit. Do ishte gabim dhe abuzim. I gjithë impianti ndërtohet përmes instrumentit të koncensionit. Koncesion do të thotë se koncensionari vendos nga paratë e veta dhe e ndërton atë dhe e përdor për 30 vite. Dhe më pas 30 vitesh vendos shtetit se çfarë do të bëhet me këtë impiantin. Ministria e Infrastrukturës nuk i kalon asnjë kokërr leku koncensionarit, zero. Ne mbështesim Bashkinë e Tiranës. Ato para kalojnë nga ministria te Bashkia, pëer të mbështetur bashkinë për menaxhimin e mbejteve. Pra ne nuk i japim asgjë koncensionarit. Nuk ka asnjë marrëdhënie përmes buchetit të shëtit dhe koncensionet. Koncesionet nuk ndërtohen nga buxheti i shtetit. Do më dëgjoni…zoti Bushati, po deshët! Unë nuk marr përsipër të hetojë apo të analizojë se si e menaxhon koncesionin firma koncensionare, pasi ka njësi për këtë punë. Por mos ta përdorim shprehjen se nga buxheti i shtetit kanë shkuar lekë te koncensionari. Koncensionari e mban për 30 vite me të ardhurat e tij. Nëse Bashkia paguan për shërbimin, duhet ta bëjë. Si mendoni ju s’do paguaj bashkia? Askush nuk i trajton mbetjet falas.

Këlliçi: S’do i hyja fare komentit për zërin e koncensulencës. Por tallje më të madhe se kjo s’ka. Këto para kanë shkuar për Klodian Zoton dhe Stela Gugalljan. Në landifillin e Sharrës në këto vite janë dhënë 37 mln euro, dhe ai është landfill ende.

Balluku: Pyetjet tuaja janë të shkurtra, por konkluzionet janë të gjata. Se çfarë ka qenë landfilli i Sharrës dhe çfarë është sot, nuk është diçka që ngelet këtu mes nesh në bisedë. Banorët e Kombinatit e dinin se ku jetonin. nëse ka pasur një emergjencë mjedisore në Tiranë, ka qenë Sharra. Mos bëni konkluzione mbi përgjigjet e mia se aty keni raportin.

Këlliçi: Me mijëra qytetarë janë proceduar penalisht se kanë rregulluar çatinë, apo kanë zgjeruar dritaren, sidomos aty në Kombinat ku jeni dhe ju deputete. Në Landfillin e Sharrës nuk është bërë vetëm për përgatitje për ndërtim, por është bërë një e tillë pa leje. Pronarët duhet të ishin paditur për ndërtim pa leje.

Balluku: Ju mund të thoni se aty janë bërë ndërtime pa leje. Por unë ju them se aty është përgatitur kantieri, dhe deri në zbardhjen e lejes, nuk ka pengesë.

Këlliçi: A keni kontakt më me zonjën Gugallaj, Zotot dhe Mërtiri

Balluku: I dashur Belind, jo vetëm që nuk kam marrëdhënie dhe si kam takuar së fundmi, por bëj pjesë te ata njerëz që nuk i kam njohura asnjëherë. Si kam parë as në foto. Pyetja se i kam takuar apo jo së fundi bie. Si njoh dhe si kam takuar më parë, dhe as që nuk i takoj së fundi.

Këlliçi: A keni zhvilluar ndonjë takim elektoral dhe apo keni marrë ndonjë mbështejte financiare nga kompania “Integrated Energy BV SPV”?

Balluku: Nuk ia kam lejuar vetes që të futem në landfillin e Sharrës, dhe ti me kë ndjekur këmba këmbës për të më kapur në konflikt interesi. Sigurisht nuk kam marrë asnjë mbështetje financiare ndonjëherë nga ndonjë subjekt që mund të kem ndonjë konflikt interesi për shkak të detyrës. Këtë e deklaroj me përgjegjësi të plotë.

The post Inceneratorët, Balluku: Zoton, Mërtirin e Gugalljën as s’i njoh e as s’i kam takuar ndonjëherë appeared first on Albeu.com.

Kojtojmë se Koka apeloi vendimin e shkallës së parë, duke pretenduar për masë sigurie më të butë.

Kujtojmë se Lefter Koka u arrestua për një sërë akuzash, duke filluar nga ajo e “korrupsionit”, “marrjes së ryshfetit”, etj.

Veç tij u shpallën në kërkim edhe dy pronarët e Inceneratorëve, Klodian Zoto dhe Stela Gugallja dhe u sekuestruan pasuritë e të treve, duke përfshirë këtu edhe vetë inceneratorët.

Arrestimi erdhi pas hetimeve të SPAK dhe pritet që ato të thellohen edhe më tej duke zbuluar dhe prangosur edhe persona të tjerë për këto afera.

Koka dyshohet se përfitoi rreth 3,6 milion euro nga kjo skemë./albeu.com/

The post A do ja hedhë? U prangos me bujë për aferën e inceneratorëve, zbulohet data e gjyqit ndaj Lefter Kokës! appeared first on Albeu.com.

Veç arrestimit të Lefter Kokës, u shpallën në kërkim edhe dy persona të tjerë, që kishin lidhje me aferën e inceneratorëve.

Bëhet fjalë për arrestimin e Stela Gugallja dhe Klodian Zoto, dy personat e shpallur në kërkim lidhur me dosjen e incineratorit të Elbasanit.

Gjithashtu bëhet me dije se policia ka vijuar kërkimet për kapjen dhe arrestimin e tyre.

Sipas burimeve, mësohet se janë ushtruar kontrolle dhe në dy hotele luksoze ku mendohet se mund të kenë qenë strehuar por ende nuk është arritur arrestimi i administratorëve të dy kompanive.

Ndërkohë nesër në Gjykatën Speciale pritet të jepet rivlerësimi i masës së sigurisë për ish-ministrin e Mjedisit Lefter Koka tashmë i arrestuar dhe dy personat e shpallur në kërkim.

Kujtojmë se Stela Gugallja që është pronarja e kompanisë Albtek Energy si dhe Klodian Zoto që është pronar i kompanisë “Integrated Technology Services”./albeu.com/

The post Pronarët e Inceneratorit “zhduken”, policia i kërkon në hotele luksoze appeared first on Albeu.com.

Vendndodhja e tyre ende nuk është gjetur nga policia. Sistemi “TIMS” i nxjerr të dy në Shqipëri, Zoton dhe bashkëpunëtoren e tij.

Abcnews.al mëson se Klodian Zoto në fillim të muajit dhjetor është rikthyer në Shqipëri dhe nuk ka dalë më.  Por nuk përjashtohet mundësia që të dy, Zoto dhe Gugallja të jenë larguar nga vendi duke mos u regjistruar në doganë, por fshehurazi.

SPAK shpjegon se e gjitha lidhet me ndërtimin e inceneratorit të Elbasanit, ku Lefter Koka, në cilësine e ministrit të Mjedisit ka shkelur procedurat për dhënien e licencës dhe miratimin e vijimit të ndërtimit të objektit, ndërsa dy personat e tjerë, akuzohet se kanë pastruar para dhe kanë dhënë rryshfet në dretim të Kokës me qëllim sigurimin e lejes për ndërtimin e inceneratorit për të gjeneruar më pas fatura fiktive duke u vjedhur shtetit rreth 3.6 milion euro.

Pas hetimeve të kryera, SPAK ka zbuluar se shuma prej 3.6 milion eurosh i është dhënë në formë rryshfeti pikërisht Lefter Kokës.

Kujtojmë se kompania “Integrated Technology Services” sh.p.k. ka në pronësi edhe inceneratorin e Tiranës.

Pasi morën lejen përmes dhënies së rryfshfetit në drejtim të Lefter Kokës sipas SPAK, inceneratori i Elbasanit, në pronësi të kompanisë “Albtek Energy” sh.p.k, e administruar nga Stela Gugallja bënte fatura fiktive duke i faturuar punë të pakryera kompanisë “Integrated Technology Services” sh.p.k.

Duke qenë se inceneratorët ishin projekte, të cilat u ndërtuan me fondet e shtetit shqiptar, ishte buxheti që duhej të përballonte këto pagesa.

Rrjedhimisht, sipas SPAK, nëpërmjet kësaj skeme, buxhetit të shtetit i janë shkaktuar rreth 3.6 milion euro dëm.

The post Lefter Koka u arrestua, por ku ndodhen Klodian Zoto dhe Stela Gugallja? appeared first on Albeu.com.

Burime për “ABC” thanë se bashkia me më shumë aksione do të jetë ajo e Elbasanit. Aktualisht ky incenerator është në punë, por sasia e përpunimit të mbetjeve është më e ulët se ajo e parashikuar në kontratë, pasi jo të gjitha bashkitë i dorëzojnë. Vetëm tre bashki, Elbasan, Librazhd dhe Cërrik i dërgojnë mbetjet në impiantin e ndërtuar.

Ndërsa ajo e Peqinit, Përrenjasit, Gramshit dhe Belshit, për arsye të kostos së lartë të transportit, nuk i dërgon mbetjet në këtë impiant. Gjatë 2020 buxheti i shtetit ka paguar 582,7 milionë Lekë, për inceneratorin e Elbasanit.

Borxhet e krijuara dhe detyrimet duhet ti shlyejë koncesionari dhe bashkitë marrin në dorëzim inceneratoin me zero borxhe.  Ky koncesion u fitua në 2014 nga “Albtek Energy”. Në atë kohë, shpallja fituese e kësaj kompanie u shoqërua me akuza kundrejt aksioneres Stela Gugallja. Por sot pas arrestimit të Lefter Kokës dhe shpalljes në kërkim të aksioneres Stela Gugallja, SPAK ka vënë nën sekuestro  kompaninë “Albtek Energy”.

SPAK ka deklaruar se kanë filluar procedurat që kjo kompani të vihet nën administrimin e agjencisë së administrimit të pasurive të sekuestruara dhe konfiskuara. Nuk dihet më pas nëse kjo kompani do të jetë në varësi të shtetit apo do të drejtohet nga shoqëria e bashkive të qarkut. Pas një problemi që zgjati përsa i përket pastrimit të qytetit, duket se është gjetur një zgjidhje. Tashmë është ngritur një grup punë me përfaqësues të 7 bashkive të këtij qarku.

Me 16 dhjetor nëpërmjet një shoqërie aksionere ata do të marrin në dorëzim impiantin e përpunimit të mbetjeve urbane. Ne 16 dhjetor inceneratori i Elbasanit do t’i kalojë nën administrim bashkive 7 bashkive të qarkut Elbasan të cilët nëpërmjet një shoqërie aksionere do të marrin në dorëzim impiantin e përpunimit të mbetjeve urbane. Burimeve për Abc thanë se kjo pritet të ndodh nesër sic është parashikuar edhe në kontratën paraprake që kur nisi të funksionojë ky incenerator. Nga të dhënat e para mësohet se bashkia me më shumë aksione do të jetë e Elbasanit.

Borxhet dhe detyrimet e trashëguara do t’i ketë vetë kompania private e cila do t’ia lerë në administrim dhe gjithçka tjetër shoqërisë aksionere të përberë nga shtatë bashkitë e qarkut Elbasan për këtë është ngritur një grup pune i cili po pritet që ditën e nesërme të marrë gjithcka në dorëzim përsa i përket inceneratorit të shumëpërfolur.

Koka dhe funksionimi i skemës që zbuloi SPAK?
Ish- ministri i Mjedisit Lefter Koka është vendosur në pranga dhe janë shpallur në kërkim biznesmenët Klodian Zoto dhe Stela Gugallja për aferën e ndërtimit të inceneratorëve. Në njoftimin zyrtar të prokurorisë së posaçme bëhet me dije se, ndaj Kokës janë ngritur katër akuza, “Shpërdorimi i detyrës”, “Korrupsioni aktiv i funksionarëve të lartë shtetërorë ose i të zgjedhurve vendorë”, “Korrupsioni pasiv i funksionarëve të lartë shtetërorë ose i të zgjedhurve vendorë” dhe “Pastrimi i produkteve të veprës penale apo i veprimtarisë kriminale”.

Biznesmeni Klodian Zoto që është pronari I kompanisë “Albtek Energy” që ka në zotërim inceneratorin e Elbasanit dhe Stela Gugallja që zotëron kompaninë “Integrated Technology Services” që ka ndërtuar inceneratorin, përmes një skeme fiktive kanë kaluar për llogari të ish-ministrit dy shuma monetare në këmbim të dhënies së licencës. Sipas prokurorisë, Zoto me kompaninë e tij ka kaluar për llogari të disa kompanive të ish-ministrit dhe familjarëve të tij shumën prej 2 milionë e 950 mijë euro, me pretendimin se janë paguar punime që në të vërtetë nuk janë kryer nga këto kompani.

Në të njëjtën formë edhe kompania në zotërim të Gugallës ka kaluar një shumë prej 735 mijë euro. Në total këta biznesmenë kanë paguar 3 milionë e 685 mijë euro shoqërive që dyshohet se janë në pronësi të ish ministrit Koka dhe familjarëve të tij. Prokuroria pretendon se tenderi për ndërtimin e inceneratorit të Elbasanit është përfituar në shkelje të ligjit.

Në procedurën e ndjekur për dhënien e koncensionit dhe lidhjen e kontratës me shoqërinë “Albtek Energy” është ndjekur procedura “me negocim, pa shpallje paraprake të njoftimit”, por ligji parashikon që për dhënien e koncensionit munden të përdoren vetëm një nga tre procedurat: A) procedura e hapur; B) procedura e kufizuar; ose procedura me negocim, me shpallje paraprake të njoftimit të kontratës. Për këtë, prokuroria bën përgjegjës ish-ministrin Koka si personi që ka organizuar tenderin dhe fitues është shpallur kompania në pronësi të Zotos.

Ndërkohë SPAK ka vendosur nën sekuestro inceneratorin e Elbasanit, kompaninë që e ka ndërtuar si dhe 88 përqind të aksioneve të kantinës së njohur të pijeve alkoolike Gjergj Kastrioti Skënderbeu në pronësi të Lefter Kokës. Hetimi i SPAK ka nisur pas kallëzimit të PD dhe LSI./Abcnews.al

The post U sekuestrua, bashkitë e qarkut Elbasan kërkojnë administrimin e inceneratorit appeared first on Albeu.com.

Prokurorët e SPAK pretendojnë se kanë zbërthyer edhe skemën e përdorur, përmes të cilës 3.6 milion euro u morën nga buxheti i shtetit përmes faturave fiktive dhe sërish nëpërmjet tyre i kaluan Lefter Kokës në formën e shpërblimit për shërbimin e bërë ndaj kompanive “Albtek Energy” dhe “Integrated Technology Services” duke lejuar ndërtimin e inceneratorit të Elbasanit në shkelje të plotë të procedurave.

SPAK nisi hetimet vetëm pas padisë së bërë në tetor të 2020 nga PD dhe LSI. 9 ditë pas kësaj padie, kreu i PD-së Lulzim Basha u shpreh në një konferencë me gazetarët se SPAK duhej të ndërhynte pasi mafia e plehrave sipas tij, po i bënte presion pikërisht pronares dhe administratores së inceneratorit të Elbasanit, Stela Gugallja.

Sipas tij, Gugallja ishte larguar nga Shqipëria fill pas padisë së PD-së dhe mbahej nën presion nga mafia e plehrave.

“Prej më shumë se një jave i kërkoj SPAK-ut të nisë hetimet për aferën e mafias së inceneratorëve. Një nga personat kyç për hetimin e inceneratorëve, është vënë nën presion nga mafia. Mafia e plehrave, presion mbi një prej personave kyç në skemën mafioze të inceneratorëve, Stela Gugallja. Nëse përgjegjësit e kësaj afere arratisen, përgjegjësia është e SPAK-ut. Paralajmëroj SPAK-un se nëse ndonjë prej të dyshuarve kryesorë në aferën e plehrave largohet, do të jetë përgjegjësia e SPAK”, tha Basha.

Aso kohe, Gugallja reagoi duke thënë se i vetmi person që po i bënte presion ishte Lulzim Basha.

“Nuk jam dhe nuk ndihem për asnjë moment e kërcënuar apo e shantazhuar nga askush. Në jetën e biznesit dhe jashtë saj nuk jam përfshirë në asnjë veprimtari të paligjshme që të më bëjë objekt shantazhi apo kërcënimi. I vetmi që më ka vënë nën presion dhe më shantazhon është zoti Lulëzim Basha dhe njerëz rreth tij. Prej kohësh jam vënë nën sulme politike nga Partia

Demokratike, në të cilën unë dhe familja ime kemi aderuar si anëtarë që në lindjen e saj, duke e mbeshtetur prej viteve 90”, tha ajo.

Gjithë këto denoncime dhe deklarata u lanë në harresë deri në momentin kur SPAK nisi hetimet dhe zbuloi skemën e përvetësimit të 3.6 milion eurove nga Lefter Koka në formën e rryshfetit.

The post Si Basha paralajmëroi arratisjen e Klodian Zotos dhe Stela Gugallës, pas denoncimit të aferës korruptive appeared first on Albeu.com.