Të paktën shtatë futbollistë me prejardhje shqiptare bëjnë aktualisht pjesë në klubet që kanë siguruar pjesëmarrjen në fazën e ligës të Ligës së Kampionëve për edicionin 2026/27.

Amir Rrahmani do të jetë në këtë kompeticion me Napolin, ndërsa Vedat Muriqi e arriti kualifikimin me Fenerbahçen pas triumfit kundër Lyonit.

Falë golit të shënuar sot nga sulmuesi i Kosovës, Fenerbahçe u rikthye në Ligën e Kampionëve pas një mungese prej 17 vitesh.

Shqipëria do të përfaqësohet nga Thomas Strakosha dhe Stavro Pilo. Dy futbollistët siguruan një vend në fazën e ligës me AEK-un e Athinës, pasi skuadra greke eliminoi Levski Sofian.

Në listë përfshihet gjithashtu Arijon Ibrahimović, lojtari shqiptar nga Prizreni që aktivizohet te Bayern Munichu. Talenti shqiptar mund ta ketë rastin të luajë në skenën më të rëndësishme të futbollit evropian me klubin e madh gjerman.

Veton Berisha, vëllai i Valon Berishës, do të jetë pjesë e garës me Vikingun në Norvegji. Ndërkohë, mesfushori Art Smakaj luan për LASK-un.

Nga ana tjetër, disa futbollistë të tjerë shqiptarë nuk ia dolën të vazhdonin në këtë kompeticion. Milot Avdyli dhe Veton Tusha u eliminuan me Celjen, pas disfatës ndaj Slovan Bratislavës në vazhdime. Edhe Arbër Hoxha humbi mundësinë për të luajtur në Ligën e Kampionëve, pasi Dinamo Zagrebi u mposht nga Vikingu.

The post Shtatë futbollistët shqiptarë që pritet të luajnë në Ligën e Kampionëve appeared first on Albeu.com.

AEK-u i Athinës ka siguruar pjesëmarrjen në fazën e ligës të Ligës së Kampionëve, pasi mposhti 4-0 Levski Sofian në takimin e kthimit të play-offit. Përballja e parë, e zhvilluar në Bullgari, ishte mbyllur pa gola.

Dy lojtarët e Kombëtares së Shqipërisë, Thomas Strakosha dhe Stavros Pilios, dhanë kontributin e tyre në suksesin e rëndësishëm të ekipit grek. Të dy ishin titullarë dhe qëndruan në fushë gjatë gjithë ndeshjes.

Skuadra athinase e vendosi praktikisht kualifikimin që në 45 minutat e para, kur realizoi tri herë. AEK-u shtoi edhe një gol në pjesën e dytë, duke e përmbyllur takimin me rezultatin e thellë 4-0.

Ky kualifikim përbën një tjetër arritje të rëndësishme për Strakoshën në aventurën e tij evropiane me fanellën e AEK-ut.

Portieri shqiptar konsiderohet një nga futbollistët kryesorë të skuadrës së Athinës. Edhe Pilios ka mbajtur një rol me peshë në formacion, veçanërisht në krahun e majtë të repartit mbrojtës.

Falë kësaj fitoreje, AEK-u rikthehet në fazën kryesore të Ligës së Kampionëve dhe siguron një vend për sezonin e ri mes ekipeve më të mira të Evropës.

The post Strakosha dhe Pilios kualifikohen me AEK-un në Ligën e Kampionëve appeared first on Albeu.com.

Stavro Pilo do të vazhdojë aventurën e tij me AEK-un e Athinës. Klubi grek konfirmoi nëpërmjet rrjeteve sociale se mbrojtësi shqiptar ka firmosur rinovimin e kontratës për 4 vjet, duke e zgjatur marrëveshjen deri në vitin 2030.

Futbollisti i krahut të majtë ka pasur një rol të rëndësishëm në prapavijën e AEK-ut gjatë gjithë sezonit të kaluar, ndërsa me skuadrën athinase ka arritur të fitojë edhe titullin kampion në Greqi.

Kontributi i tij spikati gjithashtu në Conference League. Pilo dha asistin vendimtar në suksesin 3-1 që ekipi i tij regjistroi kundër Rayo Vallecanos.

Te gjigantët grekë aktivizohet edhe një tjetër lojtar i Kombëtares shqiptare, portieri Thomas Strakosha, i cili po ashtu konsiderohet pjesë kyçe e formacionit titullar.

Në përfaqësuesen kuqezi, Pilo debutoi më 26 mars të këtij viti, pasi ish-trajneri Sylvinho i besoi një vend në gjysmëfinalen e “play off”-it të kualifikueseve të Kupës së Botës. Mbrojtësi bën pjesë edhe në planet e trajnerit Rolando Maran, me teknikun italian që e grumbulloi për ndeshjen miqësore ndaj Izraelit.

The post AEK-u blindon deri në vitin 2030 yllin shqiptar, vendoset e ardhmja e tij appeared first on Albeu.com.

Vetëm 4 minuta më vonë, Pilo “lexoi” bukur aksionin e Kombëtares, ndërsa u shërbye nga Broja në zonën e rreptësisë. Goditja e 25-vjeçarit la shumë për të dëshiruar, e majta e “vakët” u prit nga portieri Grabara. Ndonëse e kishte “rrezen” e lirë për të “shkundur” katërkëndëshin polak, Pilo gaboi.

Rasti në fjalë mund t’i kishte bërë shifrat 2 – 1 për Shqipërinë. Episodi në fjalë nuk kaloi në heshtje as nga mediat greke. Specifikisht “foxbet.gr”, shkruan se mbrojtësi humbi rast të shkëlqyer për të gjetur golin:

“Pavarësisht humbjes 2 – 1 dhe eliminimit nga Polonia për kualifikueset e Kupës së Botës, Stavros Pelios hyri si zëvendësues në ndeshjet në Varshavë, duke debutuar me ekipin kombëtar shqiptar.

Mbrojtësi i majtë i AEK-ut, i vlerësuar me 6.5, fitoi një duel me kundërshtarin dhe pati një rikuperim topi. Në fakt, ai humbi edhe një shans të shkëlqyer për të shënuar!”

The post Mund të kishte bërë historinë që në debutim te Shqipëria, mbrojtësi Stavro Pilo “kryqëzohet” edhe në Greqi appeared first on Albeu.com.

Në minutën e 26-të, ai avancoi në krahun e majtë dhe pas një kontrolli të saktë të topit, shërbeu në mënyrë perfekte për shokun e skuadrës, duke kontribuar në golin e tretë të takimit.

Falë performancës fantastike në ndeshjen e fundit, Pilo është përfshirë në formacionin më të mirë të javës nga mediat greke.

Trajneri Silvinjo pritet të ketë “armë” shtesë në repartin e mbrojtjes, aty ku Shqipëria ka qenë e “blinduar” në kualifikueset e Botërorit, duke qenë një skuadër që pëson shumë pak. Pilo feston ftesën te Shqipëria në mënyrën më të mirë të mundshme.

The post Ftesën në Kombëtaren shqiptare e festoi me asist, Pilo zgjidhet në formacionin më të mirë të javës appeared first on Albeu.com.

Me marrjen e shtetësisë greke, lojtari ndryshoi edhe mbiemrin e tij, nga “Pilo” në “Pilios”. Megjithatë, ai ka vendosur që në fanellën e Kombëtares shqiptare të rikthehet te mbiemri i tij i parë.

Mediat greke, raportojnë se mbrojtësi i majtë do të jetë pjesë e thirrjes së trajnerit Silvinjo, për ndeshjet e kualifikueseve të Kupës së Botës që zhvillohen në muajin mars.

Pilo ka shprehur pozitivitet dhe gatishmëri për të përfaqësuar kuqezinjtë. Nëse Pilo grumbullohet nga Shqipëria, padyshim që do të ishte një vlerë e madhe e shtuar në prapavijën kuqezi me rolin e tij si mbrojtës i majtë. Në atë pozicion, luan Mitaj.

The post Silvinjo kërkon të “blindojë” prapavijën, titullari i AEK-ut ka vendosur të përfaqësojë Shqipërinë appeared first on Albeu.com.