Sipas të dhënave të INSTAT, grupi i shoferëve me përvojën më të madhe, mbi 9 vjet zotërimi leje drejtimi, përbën pjesën më të madhe të aksidenteve me 925 të plagosur në 2024, nga 632 në 2023, teksa viktimat kanë rënë lehtë, nga 82 në 2023 në 73 në 2024.

Kjo kategori e drejtuesve të mjeteve, shkaktoi 44 për qind të plagosjeve në aksidentet rrugore gjatë vitit të kaluar dhe 42 për qind të viktimave.

Të dhënat më të fundit mbi aksidentet rrugore në Shqipëri, tregojnë një rritje të ndjeshme të numrit të të plagosurve dhe të vdekurve për vitin 2024, sidomos në rastet kur drejtuesit janë pa leje drejtimi, të mitur apo janë larguar nga vendi i ngjarjes.

Në kategorinë “Pa leje drejtimi”, në vitin 2024 u regjistruan 99 të plagosur, një rritje me 29% krahasuar me vitin 2023 (77 të plagosur).

Numri i të vdekurve në këtë kategori u rrit nga 12 në vitin 2023 në 20 në 2024, një rritje prej 66.6%, duke treguar një përkeqësim në pasojat e shkaktuara nga personat që drejtojnë pa leje drejtimi.

Ndërkohë, një tjetër grup shqetësues janë drejtuesit nën moshën 18-vjeç, përkatësisht në grup-moshën 0-3 vjet përvojë drejtimi, që zakonisht përfshin edhe drejtuesit e mitur.

Në vitin 2024, ata shkaktuan 391 të plagosur (nga 284 në 2023), me një rritje mbi 37%, ndërkohë që numri i viktimave mbeti thuajse i njëjtë nga 36 në 2023, dhe 35 në 2024.

Për grup-moshat me 3–6 vjet përvojë drejtimi, shifrat janë disi më të stabilizuara, nga 236 të plagosur në 2023, në 300 në 2024, ndërsa viktimat ranë nga 25 në 18.

Në të njëjtën kohë, drejtuesit me 6–9 vjet përvojë drejtimi shkaktuan 326 të plagosur në 2024, një rritje krahasuar me 277 në 2023, por me një ulje të viktimave nga 34 në 24.

Një tjetër shifër shqetësuese është rritja e rasteve kur drejtuesit janë larguar nga vendi i ngjarjes, pas një aksidenti. Nga 33 të plagosur dhe 3 viktima në 2023, në 39 të plagosur dhe 5 viktima në 2024.

Të dhëna sinjalizojnë se ka rënë vëmendja për kontrolle më të forta policore, ndëshkime më të rënda për drejtimin pa leje si për drejtuesit e papërgjegjshëm.

Aksidentet rrugore janë ende një shkaktar i madh i vdekjeve, sidomos në grup-mosha e reja dhe dëmtimin e rënde te një pjesë tjetër që kërkon kujdes shëndetësor gjithë jetën./ Monitor

The post Statistikat e INSTAT: Shoferët me shumë përvojë, kryejnë shumicën e aksidenteve rrugore me viktima dhe të plagosur appeared first on Albeu.com.

Vetëm në gjysmën e parë të vitit 2025, janë regjistruar 1260 denoncime të kësaj natyre, duke e kthyer këtë fenomen në një alarm social. Denoncimet pasohen me urdhër mbrojtje të lëshuara nga gjykata për periudha të caktuara që variojnë nga një muaj deri në një vit, por kjo nuk e ndal dhunën.

Pas çdo shifre fshihet një histori, një nënë, një fëmijë, apo shpesh herë edhe të moshuar të cilët dhunohen nga personat që presupozohet t’iu ofronin dashuri dhe mbrojtje

Vetëm një ditë më parë në Tiranë përfunduan në derën e komisariatit një nënë 39-vjeçare pasi rezultoi se dhunonte të bijën e saj të mitur ndërsa në një rast tjetër një 31-vjeçar u arrestua pasi ushtroi dhunë ndaj xhaxhait dhe gjyshes së tij, si dhe u kishte dëmtuar disa pajisje.

Sipas të dhënave zyrtare, shumica e viktimave të dhunës janë gra dhe fëmijë, ndërsa në shumë raste dhuna ndodh në heshtje, pa u denoncuar çka tregon se shifra reale e këtij fenomeni mund të jetë edhe më e lartë.

The post Shifra tronditëse/ Çdo ditë 7 gra rrihen, në 6 muaj 1260 denoncime për dhunë në marrëdhënie familjare appeared first on Albeu.com.

“”Ja përse Edi Censori kërkon të mbyll Tik Tok-un!

Statistikat e Ramës janë ato që nuk kanë shkuar as te 20-ta”, shkruan kreu i PD-së, Sali Berisha në “Facebook”.

The post Berisha publikon statistikat: Ja përse Edi Rama kërkon të mbyll Tik Tok-un appeared first on Albeu.com.

“Askush nuk po merr masa që shqiptarët të mos ikin. Po bëhen dekada që ne e dimë si ikin shqiptarët. E para ikin për mungesën e shtetit të së drejtës, këtu nuk ka barazi para ligjit. Shoku, miku i pushtetit është i pabarabartë krahasuar me ne të tjerët. Janë dhe arsyet kryesore që është arsimi dhe shëndetësia. Shëndetësia merr 2.9 të prodhimit të brendshëm bruto dhe po kaq merr arsimi. Kjo do të thotë që vëmendja është larg pritshmërisë që kanë shqiptarët për arsimin dhe shëndetësinë“, -shprehet Pano Soko, ekspert për ekonominë.

Gjithashtu, ai shtoi se; “Shifrat e fundit e 1/3 që kanë plan të largohen, është shumë shqetësuese. Besoj se vetmja formë sesi zgjidhet është ndryshimi politik, është në konceptin e mendësisë. Çiftet e reja të lidhin jetën dhe të bëjnë fëmijë këtu në Shqipëri. Sa kohë do të kemi të njëjtën sjellje politike, do të vazhdojmë të kemi të njëjtin trend largimesh”.

The post Largimet nga vendi/ Statistikat: 28% duan të emigrojnë. Analistët shpjegojnë arsyet appeared first on Albeu.com.

Në të gjithë vendin u numëruan 755,950 njësi familjare, ku 49% e tyre dominohen nga persona në moshë pensioni.

Të dhëna më të detajuara, tregojnë se 195 mijë familje kishin persona të grup-moshës 60-69-vjeç, të cilët përbëjnë 26 për qind të totalit të njësive familjare dhe është grupi dominues.

122,249 familje kishin persona të moshës 70-79-vjeç dhe përbënin 16 për qind të totalet të familjeve.

53 mijë familje kishin persona mbi 80-vjeç dhe këto përbenin 7% të totalit të njësive familjare.

Në të kundërt, familjet me grup-moshat më të reja janë shumë të pakët. P.sh ka vetëm 30 mijë familje në grup-moshën 20-29-vjeç, që përben vetëm 4 për qind të totalit të familjeve.

Vetëm 80 mijë familje kanë në përbërje të tyre grup-moshën 30-39-vjeç ose 10.6 për qind të totalit.

Siç shihet nga të dhënat e njësive familjare sipas grup-moshave, vihet re rritje e numrit të tyre që kanë përbërje persona mbi 50-vjeç.

Struktura e familjeve shqiptare, tregon se fenomeni i plakjes ka përparuar më shpejt se sa në treguesit zyrtar. Të dhënat e Censit 2023, tregojnë se mosha mesatare e popullsisë arriti 42.5 vite, duke u rritur me 7 vjet nga viti 2011, ku ky tregues ishte 35.5 vjet.

Faktorët ndikues të lindjeve, vdekjeve dhe migracionit ndërkombëtar dhe të brendshëm sollën ndryshimin e strukturës së popullsisë, në Censin e 2023.

Piramida e popullsisë bazuar në Censin e 2023, vjen e ngushtuar shumë poshtë për shkak të rënies së lindjeve dhe po zgjerohet në mes dhe lart nga rritja e popullsisë në moshë të vjetër.

Të dhënat tregojnë se një në pesë individë (19,7%) janë 65-vjeç e lart, krahasuar me një në nëntë individë (11,3%) në Censin e vitit 2011 dhe 7,5% në Censin e 2001.

Tranzicioni drejt një popullsie më të vjetër vihet re edhe në raportet e varësisë. Raporti i varësisë së të rinjve pësoi rënie në 24,0% nga 30,4% vlerësuar në Censin e 2011, dhe raporti i varësisë së të moshuarve pësoi rritje në 30,4% nga 16,7% në 2011.

Normat e ulëta të lindshmërisë dhe trendi në rënie, kombinuar me emigracionin e popullsisë në moshë riprodhuese solli ngushtimin e bazës së piramidës së popullsisë./Monitor

The post Statistikat/ Gjysma e familjeve në Shqipëri janë me persona mbi 60-vjeç appeared first on Albeu.com.

Sipas raportit, nga 359 çështje që janë trajtuar gjatë vitit 2023, Komisioneri vlerëson se për 344 çështje ka filluar shqyrtimi në bazë të ankesës.

“Nga këto në 283 raste ankesat janë paraqitur nga individë (235 ankesa të regjistruara gjatë vitit 2023 dhe 48 ankesa të regjistruara në vitin 2022), në 55 raste, ankesat janë paraqitur nga organizata me interesa legjitime (36 ankesa të regjistruara në vitin 2023 dhe 19 ankesa të trashëguara në vitin 2022), në 6 raste ankesat janë paraqitur nga grup personash (5 ankesa të regjistruara gjatë vitit 2023 dhe 1 ankesë e regjistruar në vitin 2022)”, vlerëson raporti.

Sipas Komisionerit, vihet re se gjatë 2023, ka një rënie të numrit të ankesave të organizatave me interesa legjitime, në krahasim me vitin 2022, por rezulton të ketë një rritje të ankesave të depozituara nga individ, krahasuar me një vit më parë.

Organizatat me interesa legjitime, kryesisht gjatë vitit 2023, kanë paraqitur ankesa, të cilat kanë patur në objekt të tyre mbrojtjen e një kategorie të veçantë, si p.sh. personat me aftësi të kufizuara apo pakicat e ndryshme kombëtare në Republikën e Shqipërisë.

Sipas përpunimit të të dhënave të bëra nga zyra e Komisionerit, rezulton se vazhdojnë të mbeten mbizotëruese pretendimet për diskriminim për shkak të aftësisë së kufizuar, bindjeve politike, përkatësisë në një grup të veçantë, gjendjes arsimore, gjendjes ekonomike, racës, etnisë, moshës dhe gjendjes shëndetësore.

Shpërndarja e çështjeve të trajtuara sipas 3 fushave, punësim, arsim, të mira shërbime, vazhdon të jetë e ngjashme me atë të vitit 2022, gjatë të cilit rezulton se, çështjet në fushën e arsimit zënë 3.9% të totalit të çështjeve të trajtuara gjatë këtij viti me një rënie të lehtë prej 0.8% krahasuar me vitin paraardhës, çështjet në fushën e punësimit zënë 40% të totalit të çështjeve të trajtuara gjatë këtij viti me një zbritje të lehtë prej 7 % krahasuar me 2022, çështjet në fushën e të mirave dhe shërbimeve zënë 56.1% të totalit të çështjeve të trajtuara gjatë këtij viti me një rritje të lehtë prej 7.8 % krahasuar me 2022./Monitor

The post Statistikat/ Mbrojtja nga diskriminimi, në 2023 u ankuan më shumë burra se gra appeared first on Albeu.com.

Pioli ka mbushur 4 vite në drejtimin e Milanit, pasi ka zbarkuar te kuqezinjtë në 9 tetorin e vitit 2019, në një periudhë të turbullt ku në fakt në klub pritej Rangnik. Por ai tregoi se mund të bëjë mirë me këtë skuadër e kësisoj, iu besua plotësisht drejtimi i ekipit, të cilit i dha titullin kampion, e ktheu në Ligën e Kampioneve dhe e çoi deri në gjysmëfinale të këtij turneu.

Në këto katër vite, mesatarja e tij e pikëve është 2,13 për ndeshje, një shifër e pabesueshme e paarritshme nga ndonjë emër tjetër i madh që ka drejtuar klubin kuqezi. Vetëm Lajosh Çzeizler, i cili ka drejtuar Milanin nga 1949, deri në 1952, ka të njëjtën mesatare pikësh.

Fabio Kapelo për shembull, i cili ka fituar gjithçka me kuqezinjtë, ka mesataren 2,01. Arrigo Saki, “dekani” i trajnerëve, e ka “vetëm” 1,95. Nereo Roko, mban mesataren 1,89. Kurse Alegri e ka 1,81 në vitet që drejtoi Milanin, një mestarë më e lartë se e Alberto Zakeronit i cili e ka 1,65.

The post E thonë statistikat, Pioli është trajneri më i mirë që ka patur Milani appeared first on Albeu.com.

Një statistikë shqetësuese për zikaltërit ku skuadra e Simone Inzaghit rrjedh nga të gjitha anët. Golat e pësuar jashtë janë 16-të, të shpërndara në shtatë ndeshje.

Deri më sot, janë të dhënat më të këqija të kampionatit të Serie A, edhe me të njëjtin numër ndeshjesh, Spezia në shtatë ndeshje ka pësuar 15 gola dhe Cremonese 13 gola të pësuar në 7 ndeshje. Dhe ta mendosh se këto dy klube luftojnë për mbijetesë.

Inzaghi duhet të veprojë sa më shpejtë, për të mos parë një Inter të rrëzohet më keq se kaq./ h.ll/albeu.com

The post Askush më keq se Inter në Serie A, 16 gola të pësuar si mysafir në 7 ndeshje appeared first on Albeu.com.

Charles De Ketelaere erdhi me zhurmë në Milano, ku të gjithë prisnin një lojtar të talentuar i cili do të bënte diferencë të madhe në fushën e lojës, por deri më tani asgjë nuk është kështu. Belgu është në hije dhe asnjëherë nuk ka qenë deri më tani në pritshmëritë e klubit.

Edhe pse ka shumë mungesa në ekip, Pioli vazhdon të refuzojë blerjet e reja në ekip duke mos i aktivizuar në fushën e lojës.

De Ketelaere deri më tani ka shfaqur një performancë të luhatur, ku nuk mund ta quash një protagonist të ekipit. Gjithashtu Origi, Dest, Vranckx apo Adli, nuk po përdoren nga Stefano Pioli.

Ky mund të quhet një problem taktik, ku mund të ndikojë shumë për rezultatet e Milanit nëse Pioli nuk vendosë t’i përdorë ata, sidomos në një kompeticion të rëndësishëm si Champions League dhe me aq shumë mungesa sa ekipi ka./ h.ll/albeu.com

The post Milan, De Ketelaere dhe transferimet e tjera të reja janë në hije appeared first on Albeu.com.

Një ndeshje e luftuar pritet të jetë mes dy ekipeve të cilat do të kërkojnë të bëjnë të tyrin trofeun e këtij kompeticioni, që sigurisht do të ishte një sukses i jashtëzakonshëm.

Kur jemi vetëm 2 ditë nga përballja e madhe, iu hedhin një sy edhe statistikave të dy ekipeve dhe ecurisë së tyre deri në finale, për të njohur akoma më shumë se cila mund të jetë favorite për trofeun e madh të kompeticionit.

Në Itali përgjithësisht skuadrat përdorin strategji mbrojtëse, teksa mbështeten shumë tek shprehja se “Sulmi më i mirë është mbrojtja”, dhe e tillë pritet të jetë edhe në “Air Albania”, teksa të gjithë ne do të prisnin me padurim të shikonim mbrojtësin e kombëtares tonë, Marash Kumbulla të zbriste në fushë.

Nga ana tjetër skuadra holandeze është më sulmuese, pasi trajneri Slot kështu do të shprehej dhe e tillë pritet të jetë edhe në Tiranë, ndaj “luftëtarëve” të Mourinhos.

Roma ka një humbje në nëntë ndeshje të Ligës së Konferencës, ka fituar pesë, dhe gjashtë nga 10 të fundit kanë parë mbi 2.5 gola të shënuar.

Ndërkohë, Feyenoord nuk ka shënuar vetëm në një nga 21 ndeshjet e fundit, por ka vetëm dy gola të pësuar në 18 ndeshjet e fundit. Një tipar i përbashkët pasi dhe skuadra holandeze ka mbi 2.5 gola.

Në 15 ndeshjet e fundit, 11 kanë shënuar mbi 2.5 gola. Katër herë në pesë ndeshjet e fundit të Ligës së Konferencës, Feyenoord ka shënuar tre gola dhe 10 nga 11 ndeshjet e fundit në kompeticion kanë prodhuar mbi 2.5 gola.

Kjo ndeshje pritet të nisë me ritme tepër të shpejta, duke qenë finale dhe teksa skuadrat shkojnë për një avantazh të hershëm. Megjithatë, pritet një përplasje strategjish me Romën, që rreshtohet më shumë mbrojtje, ndërsa Feyenoord pritet të jetë më sulmuese.

Roma: Rui Patrício; Mancini, Smalling, Ibañez; Karsdorp, Cristante, Sérgio Oliveira, Pellegrini, Zaleëski; Zaniolo, Abraham

Feyenoord: Marciano; Geertruida, Trauner, Senesi, Malacia; Til, Aursnes, Orkun Kökçü; Nelson, Dessers, Sinisterra. /h.ll/albeu.com

The post Roma-Feyenoord, statistikat dhe formacionet e mundshme të finales në Tiranë appeared first on Albeu.com.