Letra është bërë publike nga vetë Veliaj, përmes një postimi në llogarinë e tij në Facebook.
İmamoğlu thotë se ‘vendimi i Gjykatës Kushtetuese është më tepër se një lehtësim personal, ndërsa me tej thekson se drejtësia edhe kur vonohet, nuk mohohet.
Postimi i plotë:
Të dashur miq,
Me mirënjohje të thellë për të gjitha letrat dhe fjalët mbështetëse që më keni dërguar e më dërgoni çdo ditë, e të cilat i çmoj pa masë, po publikoj edhe këtë letër inkurajuese nga miku im, kryetari i Bashkisë së Stambollit, Ekrem İmamoğlu, të cilin e falenderoj nga zemra.
I nderuar Kryetar i Bashkisë, miku im i dashur Erion,
Nga vendi ku ndodhem i ndaluar në burgun e Silivrisë në Stamboll, e prita me kënaqësi të thellë lajmin se Gjykata Kushtetuese e Shqipërisë jua riktheu mandatin e fituar në mënyrë demokratike të Kryebashkiakut të zgjedhur të Tiranës. Dëshiroj t’ju përcjell urimet e mia më të ngrohta dhe më të përzemërta për këtë hap inkurajues dhe domethënës drejt rivendosjes së drejtësisë dhe demokracisë. E kuptoj se në këtë fazë mund të vazhdoni të përballeni me kufizime të lirisë suaj, dhe dua që ta dini se gjatë kësaj kohe jeni në mendimet e mia dhe keni gjithë solidaritetin tim.
Ky vendim përfaqëson shumë më tepër se një çast lehtësimi personal. Ai qëndron si një shenjë e rëndësishme besimi në qeverisjen demokratike, sundimin e ligjit dhe vullnetin sovran të popullit të Tiranës. Në një kohë kur drejtësia dhe integriteti institucional po vihen në provë në shumë pjesë të botës, ky vendim rinovon bindjen se drejtësia, edhe kur vonohet, nuk mund të mohohet.
Forca juaj e qetë, qartësia morale dhe përkushtimi juaj i palëkundur ndaj shërbimit publik gjatë gjithë kësaj periudhe të vështirë, kanë qenë thellësisht frymëzuese. Nën drejtimin tuaj në Tiranë dhe përkushtimit në Rrjetin e Qyteteve Ballkanike B40, keni treguar se demokracia nuk mbahet vetëm nga institucionet, por nga ata që e mbrojnë atë me guxim, integritet dhe bindje.
Si mbrojtës të demokracisë, përvojat tona të përbashkëta zbulojnë një të vërtetë që i tejkalon kufijtë. Lufta për demokraci në një vend është, në thelb, një luftë për demokraci kudo. Çdo qëndrim për drejtësi dhe çdo mbrojtje e sundimit të ligjit forcon përpjekjen e përbashkët që i lidh shoqëritë e lira dhe të drejta me njëra-tjetrën.
Qëndrueshmëria juaj përballë sfidave vazhdon t’i frymëzojë ata që besojnë në demokraci dhe drejtësi. Rruga përpara mund të sjellë ende vështirësi, megjithatë shembulli juaj u jep forcë shumëkujt që mbeten të përkushtuar ndaj vlerave demokratike.
Me këtë rast domethënës, dëshiroj të shpreh solidaritetin tim më të thellë, admirimin dhe miqësinë time. Pres me padurim të takohemi sërish në një të ardhme të afërt si kolegë, miq dhe besimtarë të palëkundur në premtimin e demokracisë.
Me përshëndetje të ngrohta dhe respekt të palëkundur,
Ekrem İmamoğlu
Kryetar i zgjedhur i Bashkisë së Stambollit

The post Kryebashkiaku i burgosur i Stambollit i shkruan Veliajt: Vendimi i Kushtetueses, më tepër se lehtësim personal. Drejtësia edhe kur vonohet, nuk mohohet appeared first on Albeu.com.

A mund të ishte parandaluar katastrofa me kaq shumë viktima në Turqi dhe Siri nëse do të ishte bërë një paralajmërim në kohën e duhur? Pse nuk bëhen dot prognoza dhe cila është gjendja aktuale e shkencës në këtë drejtim?

Shumica e tërmeteve krijohen përmes zhvendosjes së pllakave tokësore, që janë rregullisht në lëvizje, përplasen apo largohen nga njëra-tjetra- Nëse presioni mes dy pllakave bëhet shumë i madh, kjo tendosje shkarkohet duke krijuar tërmetin. Për të bërë një parashikim të saktë për këtë zhvillim, duhet të dihet vendi, magnituda dhe koha e tërmetit. “Vendin dhe magnitudën ne e njohim shumë mirë”, thotë Oliver Heidbach nga Qendra e Studimeve Gjeodezike në Potsdam për televizionin gjerman, ZDF. “Por ajo nuk njohim aspak është koha kur kjo ndodh.”

Pse nuk mund të dallohet koha e një tërmeti?

Një tërmet është një “proces shumë kompleks që ndodh papritur”, shpjegon Heidbach. “Merrni një tas dhe shtypeni fort e më fort. Nuk dihet se në cilën pikë kohore ky tas do të thyhet, por kur çahet kjo ndodh fuqishëm dhe papritur.” Një tërmet është ndyshe nga një uragan, ai është një proces “jo-linear”. Tek një uragan mund të vëzhgosh, se si krijohet, si fiton gjithnjë e më shumë fuqi dhe mund të bësh prognozë edhe për rrugën që përshkon. Kurse një tërmet vjen gjithmonë pa paralajmërim, thekson Prof. Oliver Heidbach.

Tërmetet me shumë ballë përveç kësaj krijohen në thellësi 7 deri në 8 kilometra ose edhe më thellë. “Aty nuk mund të vendosim instrumente matëse, për këtë arsye nuk i njohim cilësitë fizike dhe gjendjen shkëmbore në këtë thellësi. Nuk e kemi mundësinë e qasjes së drejtpërdrejtë.” Nëse do të bëje shpime në këto thellësi kjo mund të ishte vetë shkaktar i një tërmeti, sipas ekspertit.

Çfarë do të thotë kjo për rajonet sizmike të forta?

Nëse do të mendosh për masa evakuimi, kjo nuk mund të bëhet pa e ditur kohën e tërmetit, sqaron Heidbach. Ajo që bëhet është zhvillimi i normave të caktuara në ndërtim për të përballuar tërmetet. “Ne studiuesit e gjeodezisë ofrojmë për këtë informacione, se me cilat lëvizje të tokës mund të llogaritet në të ardhmen”. “Në rajonet e rrezikuara nga tërmeti, si për shembull në Gjermani në rajonin e Oberrheingraben duhet që në ndërtime të respektohen masa të caktuara, që e mbrojnë më mirë substancën e ndërtimit nga valët sizmike.”

Problematike është, kur në shumë pjesë të një qyteti ke një subtancë të vjetër ndërtimi. Në Itali për shembull, shpesh të prekur nga tërmetet, nuk është e mundur të stabilizosh të gjitha ndërtesat e vjetra. Edhe në zonat e tërmetit në Turqi dhe Siri shpesh janë “injoruar rregullat e ndërtimit” dhe kjo i ka bërë ndërtesat të “pasigurta”, ka thënë studiuesi i rreziqeve, Jens Skapski për televizionin ZDF.

Sistemet e hershme të paralajmërimit

Një mënyrë për të kufizuar katastrofën janë sistemet e hershme të paralajmërimit. Sisteme të tilla janë në përdorim në Japoni dhe Meksikë. Nëse ky sistem regjistron një tërmet, atëherë të gjithë njoftohen përmes celularit, TV apo radios. “Në këtë rast ke 20, 30 ose në rastin më të mirë 60 sekonda kohë për të vënë një helmetë në kokë apo për të kërkuar një vend nën tavolinë”, thotë eksperti Oliver Heidbach.

Në Japoni njerëzit kanë shumë përvojë me këtë dhe e dinë në momentin e paralajmërimit, se ç’duhet bërë. Ky sistem nuk funksionon njësoj me efektivitet në të gjitha rajonet. Sipas Heidbach, tek një paralajmërim për zonën e Stambollit, ku përmes zhvendosjes së pllakave pritet prej kohësh një tërmet i fortë, për shkak të afërsisë me zhvendosjen tektonike “do të mbeteshin vetëm pak sekonda kohë”.

A mund të paralajmërohen në të ardhmen tërmetet?

Një paralajmërimi të saktë shkenca mund t’i ofrohet vetëm hap pas hapi, thotë studiuesi Heidbach. Një faktor i rëndësishëm për të vlerësuar më mirë tërmetin paraprakisht është drejtimi nga shkon lëvizja tektonike në një tërmet. Nëse ne do e dinim, ku fillojnë tërmetet, dhe se për ku po shkon lëvizja tektonike, kjo është diçka komplet tjetër për parandalimin e dëmit, konstaton Heidbach. Në rastin e Stambollit mund të thuhet të paktën, nëse krisja do të shkonte në drejtim të qytetit apo larg tij. Kjo bën një dallim të madh për dëmin e pritshëm. “Këtu po punojmë tani, dhe shohim hapin tjetër, për të përcaktuar më saktë mënyrën e zhvillimit të tërmetit”, thotë Heidbach. “Të paktën në një rast të tillë do të mund merren masa përgatitore për katastrofën, që ne as nuk mund ta ndalojmë dot dhe as nuk mund ta parashikojmë.”/dw/

The post Pse nuk mund të parashikohen tërmetet? appeared first on Albeu.com.

Edhe përkundër faktit se bisedimet ishin përfunduar një orë me herët se sa që ishte pritur, lajmet pas këtij takimi s’kanë qenë të këqija. Në sytë e BBC-së, ky është një prej momenteve më domethënëse diplomatike që kur Rusia ka filluar pushtimin.

Pala ruse ka deklaruar se do të “zvogëlojë në mënyrë drastike” operacionet luftarake në drejtim të Kievit dhe Chernihivit, dhe kjo lë të kuptohet se ka lëvizje në qëndrimet e palëve, megjithatë mbetet të shihet nga afër se si një deklarim i tillë i rusëve do të implementohet në terren.

Derisa delegacioni i Ukrainës pas takimit ka shpjeguar qartë se ata duan garanci nga Perëndimi që do të ishte e barasvlershme me Artikullin e 5-të të NATO-s,  në këmbim të deklaratave për mbajtjen e një statusi neutral, gjë që është edhe kërkesa kryesore e Rusisë.

Lufta dhe agresioni rus në Ukrainë vazhdon dhe mes palëve ka një mungesë të madhe besimi, megjithatë takimi në Stamboll po shihet si një moment i rëndësishëm i përparimi nga gjithë negociatat që janë zhvilluar deri më tani.

Pas takimit ka folur edhe ministri i Punëve të Jashtme të Turqisë, Mevlut Cavusoglu, i cili ka thënë se “ne kemi parë se palët po afrohen me njëra-tjetrën në secilin hap”.

Cavusoglu ka thënë se mbetet me shpresë që takimi në Stamboll të çojë drejt një takimi në mes të ministrave të Jashtëm të Rusisë dhe Ukrainës, e që do të rezultonte pastaj me një takim në mes të dy liderëve, kërkese kjo e Presidentit të Turqisë.

“Progresi më i madh është bërë gjatë bisedave të sotme”, ka thënë Cavusoglu.

Në këtë takim në Stamboll ka marrë pjesë edhe manjati rus, Roman Abramovich, i cili në disa momente është parë teksa ka zhvilluar biseda me pjesëmarrës larg syrit të kameras.

Megjithatë pavarësisht zhvillimeve në Stamboll, Amerika s’i zë besë Moskës. Sekretari amerikan i Shtetit, Anthony Blinken ka thënë se “ s’ka parë shenja të seriozitetit të vërtetë” lidhur me arritjen e mundshme të paqes.

Blinken i bëri komentet pas negociatave mes Rusisë dhe Ukrainës në Stamboll dhe pas deklarimeve nga Moska se do të “ulë në mënyrë drastike” operacionet luftarake në Kiev dhe Chernihiv në mënyrë që të “rrisë besimin reciprok”.

Blinken tha se ka një ndryshim midis asaj që thotë Rusia dhe asaj që bën dhe SHBA është e fokusuar në këtë të fundit.

Ai shtoi se Rusia duhet t’i japë fund agresionit të saj tani dhe të tërheqë forcat e saj./GazetaExpress/

The post Muhabeti për paqe në Stamboll, mes kushteve ruse, fatit të Ukrainës dhe skepticizmit amerikan appeared first on Albeu.com.

Reshjet e dëborës kanë arritur nivele që nuk ishin parë më parë, dhe shumë prej rrugëve janë totalisht të pakalueshme.

Ndërkohë shumë qytetarë në zonat rurale kanë mbetur të bllokuar në shtëpitë e tyre.

Nëse situata do të mbetet e njëjtë edhe në ditët në vijim, qyteti rrezikon shumë./albeu.com/

The post Rrugë të bllokuara dhe kaos, Stambolli “zhytet” nën dëborë (VIDEO) appeared first on Albeu.com.

Mediat lokale raportojnë se mjaft biznese dhe shtëpi private kanë pësuar dëmtime për shkak të erës së fortë, e cila ka shkulur struktura të ndryshme metalike të vendosura prej tyre duke i hedhur dhjetra metra më tej.

Deri më tani nuk ka informacione për dëme në njerëz, por pritet të shohim njoftimet e autoriteteve në vijim./albeu.com/

Fierce storm causes damages in northwestern Turkey #Lodos #Fırtına pic.twitter.com/OCy2F9QuxY

— de Jonge Turken (@deJongeTurken) November 29, 2021

The post Shkatërrime të mëdha në Stamboll, qyteti në kaos (VIDEO) appeared first on Albeu.com.