stadiumi i kukesit Archives - Albeu.com

Sot në mbrërmje inagurohet stadiumi i ri i Kukësit, ja cili këngëtar është i ftuar (VIDEO)

admin — Sat, 23 Apr 2022 14:41:51 +0000

Pritja mori fund, sot Kukësi përuron stadiumin modern. Nga 23 maji i 2018-ës deri në 23 prillin e 2022-shit, skuadra verilindore ka qenë plot katër vite larg shtëpisë.

Ndeshja e fundit në “Zeqir Ymeri” ka qenë me Flamurtarin më 23 maj 2018, ndërsa sot në orën 20:00 ndaj Laçit, do të luhet në impiantin që ka ndryshuar edhe emrin, pikërisht “Kukës Arena”.

Plot 1430 ditë pritjeje dhe migrim nëpër thuajse të gjitha qytetet e Shqipërisë, të cilat kanë pasur ndikimin edhe në rezultatet e arritura. Investimi në stadium i ka kaluar 10 milionë dollarë, ndërsa kapaciteti është zyrtarisht 6200 vende. Për të bërë përurimin e impiantit do të jetë sot në Kukës kryeministri i vendit, Edi Rama.

Financimi ka qenë i përbashkët, qeveri-FSHF, teksa i pranishëm do të jetë edhe presidenti Armand Duka, si dhe drejtues të tjerë të institucionit të futbollit shqiptar. Gjithashtu, janë ftuar krerët e Federatës së Kosovës dhe Maqedonisë së Veriut. Për ndeshjen me Laçin, klubi verilindor ka menduar që hyrja në stadium të jetë falas.

KONCERTI – I ftuari special në koncertin që do të mbahet sot në orën 19:00 në stadiumin “Kukës Arena” do të jetë këngëtari i njohur Gold AG, i cili preferohet shumë nga të rinjtë.Drejtuesit kanë menduar të ftojnë reperin e famshëm nga Presheva, për të mundësuar afrimin e sa më shumë të rinjve në stadium. Duket se gjithçka është përllogaritur në detaje, në mënyrë që atmosfera në mbrëmje të jetë elektrizuese.

The post Sot në mbrërmje inagurohet stadiumi i ri i Kukësit, ja cili këngëtar është i ftuar (VIDEO) appeared first on Albeu.com.

Stadiumi i Kukësit ende nuk është gati

admin — Fri, 11 Feb 2022 19:17:58 +0000

Kukësi do të presë Kastriotin në Rrogozhinë.

“Kukës Arena” nuk është ende gati, teksa edhe këtë javë verilindorët nuk do të luajnë dot në shtëpinë e tyre, por do të rikthehen në Rrogozhinë vetëm pak ditë pasi luajtën sfidën me Egnatian, ku edhe koleksionuan një fitore në shifrat 2-0.

Po kthehet në një “Odise” më vete rikthimi në Kukës, me inaugurimin që po shtyhet javë pas jave dhe sipas të gjitha gjasave, pa u larguar dimri, skuadra do të duhet të shtegtojë në fusha të tjera.

Burime të gazetës pohojnë se vetëm në pranverë skuadra do të rikthehet në shtëpi, kjo e varur edhe nga gjendja e fushës, e cila për shkak të ngricave dhe temperaturave të ulëta, nuk po shkon dot në parametrat e duhur.

Me pak fjalë, verilindorët do të luajnë në qytetin e tyre kur të jenë zgjidhur jo pak gjëra sa i përket kampionatit dhe stadiumi mund të mos konsiderohet më si armë plus për të arritur synimet. Dy ditë më parë stadiumi u inspektua edhe nga kreu i Komitetit Teknik në FSHF, Arben Dervishi, i cili konfirmoi se fusha nuk është ende gati.

ATMOSFERA – Fitorja e fundit në kampionat ka rikthyer qetësinë dhe atmosferën pozitive në skuadër, për më tepër që e mban ende Kukësin në garë për titullin kampion dhe aktualisht ka siguruar një vend në Europë. /panormasport/

The post Stadiumi i Kukësit ende nuk është gati appeared first on Albeu.com.

Rama publikon pamje nga stadiumi i Kukësit: Në shtator do të jetë gati

E B — Fri, 18 Jun 2021 06:36:21 +0000

Kryeministri Edi Rama, përmes një postimi në Facebook, ka nxjerë pamje nga stadiumi i Kukësit. Shefi i qeverisë shkruan se në shtator do të jetë gati. Postimi i Ramës: MIRËMËNGJES dhe me punën që po ecën me ritme të shpejta për stadiumin e ri të Kukësit, që në shtator të jetë gati me kushte dinjitoze [...]