Stadiumi “Fadil Vokrri” pret finalen e play-off-it të Botërorit mes Kosovës dhe Turqisë.

Dardanët mbërrijnë pas një fitoreje të thellë në transfertë ndaj Sllovakisë (4-3), ndërsa Turqia kaloi Rumaninë në shtëpi me rezultatin 1-0.

Pas tre muajsh mungesë, Kosova rikthehet në këtë stadium – takimi i fundit aty ishte barazimi 1-1 kundër Zvicrës.

Në tetë sfidat e fundit si vendase, Dardanët kanë grumbulluar gjashtë fitore dhe dy barazime, duke e kthyer “Fadil Vokrri” në një pikë të fortë.

Që nga humbja 3-0 përballë Rumanisë më 6 shtator 2024, e vlefshme për Ligën e Kombeve dhe që përkoi me debutimin zyrtar të Franco Fodës në stol, Kosova nuk ka njohur më disfatë.

Pas atij takimi, erdhën fitoret në shtëpi ndaj Qipros (3-0) dhe Lituanisë (1-0), para se të kalonin me sukses play-off-in ndaj Islandës (2-1).

Në muajin qershor, dy miqësore të zhvilluara në “Fadil Vokrri” u fituan bindshëm: kundër Armenisë (5-2) dhe Komoros (4-2).

Rruga kualifikuese për në Botëror solli në këtë stadium tri përfaqësuese të forta: Suedinë, Slloveninë dhe Zvicrën.

Suedia u mund 2-0, ndërsa Sllovenia (0-0) dhe Zvicra (1-1) u ndalën në barazime.

Kështu, në ndeshjen e së martës, Kosova gëzon edhe përparësinë e fushës vendase, e cila nën drejtimin e Franco Fodës është kthyer në një kështjellë të pathyeshme.

Mbulimi special i ngjarjes sigurohet nga DFK Group, Daakonn Investments, Voom, Patos Kosova dhe 99esim. /Telegrafi/

The post Fadil Vokrri” – kështjellë e pathyer prej një viti e gjysmë, tetë takime radhazi pa humbje appeared first on Albeu.com.

Prishtina ka bërë të ditur se sfida e radhës në Albi Mall Superligën e Kosovës nuk do të zhvillohet në stadiumin “Fadil Vokrri”, siç ishte planifikuar fillimisht.

Ekipi kryeqytetas e ka nisur sezonin me dy fitore në shtëpi: 4-2 kundër Ballkanit dhe 4-0 ndaj Llapit. Ndërkohë, përballja e javës së dytë me Dritën është shtyrë.

Ndeshja e ardhshme, e programuar po ashtu si takim vendas, do ta gjejë Prishtinën në një tjetër impiant. Përballja kundër Vushtrrisë do të luhet të premten në Kampin Nacional në Hajvali.

Zhvendosja është vendosur në bashkëpunim me Federatën e Futbollit të Kosovës, pasi fusha e stadiumit “Fadil Vokrri” do t’i nënshtrohet rinovimit para ndeshjeve të Kombëtares së Kosovës në Ligën e Kombeve.

Sipas njoftimit të klubit, punimet në stadium do të nisin për riparimin e fushës, ndaj takimi FC Prishtina – FC Vushtrria do të zhvillohet në Kampin Nacional në Hajvali.

Prishtina ka sqaruar se ky vendim është marrë së bashku me Federatën e Futbollit të Kosovës.

The post Prishtina pret Vushtrrinë në Kampin Nacional, jo në “Fadil Vokrri appeared first on Albeu.com.