Hulumtime të ndryshme shkencore kanë analizuar se si elementët kimikë që përmban aroma e trupit mund të ndikojnë te perceptimi, gjendja shpirtërore dhe disa funksione fiziologjike te njerëzit.

Në një pjesë të këtyre studimeve, vëmendja është përqendruar te përbërësit e djersës së meshkujve, sidomos te një steroid i njohur si androstadienone, që gjendet në sekrecionet e sqetullave, transmeton Klankosova.tv.

Rezultatet e disa eksperimenteve laboratorike sugjerojnë se ekspozimi ndaj aromave të caktuara të trupit mashkullor mund të lidhet me ndryshime të lehta në gjendjen emocionale të grave. Këto efekte përfshijnë ulje të ndjenjës së tensionit dhe shtim të ndjesisë së qetësisë. Po ashtu, disa studime kanë raportuar ndryshime në nivelin e hormoneve të stresit, si kortizoli, si dhe ndikime të mundshme në sinjale hormonale të lidhura me ciklin riprodhues.

Sipas vëzhgimeve të shkencëtarëve, reagimi ndaj aromës së trupit nuk është i njëjtë për të gjithë dhe mund të ndikohet nga disa faktorë, mes tyre freskia e djersës, përbërja gjenetike dhe mënyra individuale e perceptimit të aromës. Djersa e freskët përmban substanca si androstenoli, ndërsa me kalimin e kohës disa prej këtyre përbërësve mund të shndërrohen në elementë të tjerë që prodhojnë një aromë më të fortë dhe më pak të këndshme.

Një tjetër drejtim studimi është përqendruar te gjenet e sistemit imunitar, në veçanti te HLA-ja (Human Leukocyte Antigen). Disa kërkime kanë hedhur idenë se njerëzit mund të dallojnë në mënyrë të pavetëdijshme sinjale të caktuara kimike që lidhen me përputhshmërinë gjenetike, ndonëse shkencëtarët vazhdojnë të diskutojnë për forcën dhe rëndësinë reale të këtyre efekteve te njerëzit.

Megjithatë, ekspertët nënvizojnë se ndikime të tilla zakonisht mbeten të vogla dhe nuk përbëjnë provë për ekzistencën e një “feromoni” njerëzor që kontrollon tërheqjen ose sjelljen.

The post Aroma e sqetullave te burrat mund të ketë efekt qetësues te gratë appeared first on Albeu.com.

Scrub për sqetullat

Në një filxhan kafeje përzieni së bashku 1 lugë çaji sodë buke dhe 1 lugë çaji vaj kokosi, derisa të formohet një pastë e trashë. Në vijim, aplikojeni në sqetulla dhe me lëvizje rrethore fërkojini lehtë për rreth 2-5 minuta. Pastaj shpëlahuni me ujë të vakët.

Pasi të keni përfunduar me scrub-in (pastrimin lokal), përgatituni për maskën zbardhuese. Në një tas përzieni së bashku 2 lugë gjelle vaj qiqrash, 1 lugë gjelle lëng të freskët limoni, 1 lugë gjelle qumësht dhe 2 lugë gjelle pluhur kurkume. Mandej, aplikojeni në sqetulla duke e lënë të veprojë rreth 15-20 minuta. Në fund, shpëlahuni me ujë të ftohtë. Për efekte sa më të mira përsëriteni 2-3 herë në javë.

PATATE: E keni menduar ndonjëherë si një ushqim kaq i shijshëm sa patatja mund të ketë potencialin për të zbardhur lëkurën tuaj? Ajo përmban enzima të veçanta të njohura si katekolase që ndihmojnë në zbardhjen e lëkurës . Zieni disa patate me madhësi mesatare, më pas shtypini derisa të formoni një pastë dhe më pas aplikojini në lëkurë në lëkurë. Mbajeni për 30 minuta dhe më pas lahuni me ujë të bollshëm.

KOSI: Kosi është një nga mjetet më efektive në trajtimin e njollave të errëta nën sqetulla. Ky nënprodukt i qumështit është i pasur me acid laktik dhe acid halfa hidroksid që ndihmojnë lëkurën të rikthejë tonalitetin e humbur. Mjafton të lyeni sqetullat çdo natë me pak kos dhe do të vini re ndryshime të jashtëzakonshme.

The post Përgatituni përl plazh, ja si të zbardhni njollat kafe të sqetullave me dy produkte nga kuzhina appeared first on Albeu.com.