Nëse e gjeni veten në këtë përshkrim, nuk jeni vetëm. Një anketë e fundit e zhvilluar nga aplikacioni Hint tregon se shumica e të rriturve vazhdojnë ta imagjinojnë ish-partnerin si vëzhgues të jetës së tyre edhe pasi lidhja ka marrë fund, shkruan Vice.

Sipas të dhënave të sondazhit, 74% e pjesëmarrësve kanë menduar se si do të reagonte ish-i i tyre ndaj një vendimi të rëndësishëm jetësor, ndërsa 68% kanë imagjinuar çfarë do të mendonte ai ose ajo për një sukses personal. Po ashtu, 59% thanë se kanë publikuar diçka në internet me shpresën se ish-partneri do ta shihte, ndërsa 52% pranuan se një arritje e kanë ndjekur pjesërisht edhe për t’i lënë mbresë një ish-i.

Megjithëse orientimi i vendimeve të jetës sipas perceptimit të një ish-partneri nuk konsiderohet zgjedhja më e shëndetshme, një sjellje e tillë mbetet më pak problematike sesa ndjekja pas ose përgjërimi i vazhdueshëm për një mundësi të dytë.

Pasi dikush ka qenë pjesë e jetës sonë për muaj apo vite, është krejt normale që ai person të zërë një vend të rëndësishëm në rutinën e përditshme dhe në mënyrën si marrim vendime. Fundi i një lidhjeje mund të shoqërohet edhe me simptoma të ngjashme me varësinë. Partnerët shpesh bëhen shokët tanë më të afërt dhe mbështetja më e fortë, ndaj është e kuptueshme që vazhdojmë të kemi dëshirë të ndajmë me ta momentet më të rëndësishme. Ky është një zakon që nuk zhduket lehtë.

Kjo mund të ndihmojë për të kuptuar pse 48% e të anketuarve thanë se e përfytyrojnë ish-partnerin si njeriun e parë me të cilin do të ndanin një arritje të madhe, në vend të dikujt nga jeta e tyre e tanishme. Sipas studimit, imagjinata shpesh i mban njerëzit të lidhur me ish-partnerët edhe kur kontaktet kanë ndërprerë, duke krijuar kështu një “audiencë të imagjinuar” dhe duke vepruar sikur jeta po jetohet për vëmendjen e tyre.

“Në shumë raste, njerëzit nuk po përpiqen të pajtohen me ish-partnerët e tyre”, shpjegon Kirill Liakh, drejtor i aplikacionit Hint. “Në fakt, ata po përpiqen ta portretizojnë veten në një dritë të re për personin që dikur kishte autoritet emocional mbi ta.”

Rrjetet sociale, ndërkaq, e vështirësojnë edhe më shumë këtë proces. Vëzhgimi i vazhdueshëm i jetës së një ish-i ushqen kureshtjen dhe krijon një ndjenjë të rreme lidhjeje, e cila mund të mos ekzistojë më në realitet. Sipas anketës, 61% e të pyeturve besojnë se mediat sociale e bëjnë më të vështirë shkëputjen përfundimtare emocionale nga ish-partneri.

“Njerëzit shpesh e mendojnë kapërcimin e një ndarjeje si një mënyrë të pastër emocionale, por kujtesa rrallë funksionon kaq mirë”, thotë Liakh. “Një ish-partner mund të zhduket nga jeta e përditshme e dikujt dhe të mbetet ende një masë me të cilën një person gjykon ndryshimet e veta.”

Kjo vërehet sidomos në platforma si Instagram dhe Snapchat, ku është shumë e lehtë ose të ndjekësh ish-partnerin, ose të publikosh përmbajtje duke menduar posaçërisht për të. Le të jemi të sinqertë: sa herë është postuar një foto nga një takim, një selfie seksi apo lajmi për një sukses, me shpresën e fshehtë që ish-i ta vërë re? Ndoshta kjo nuk ka qenë arsyeja e vetme e publikimit, por pa dyshim ka shërbyer si shtysë shtesë.

Shumë njerëz nuk do ta pranojnë hapur se kanë vepruar kështu, ndërsa disa mund të mos jenë as plotësisht të vetëdijshëm për motivet e tyre. Edhe pse ka nga ata që ndoshta e kanë lënë pas këtë sjellje, mbetet krejt njerëzore të kërkosh vëmendjen e dikujt që dikur ishte qendra e botës sate. Megjithatë, thelbi është që jeta të mos udhëhiqet vetëm nga dëshira për miratim prej një personi që nuk bën më pjesë në të. /Klankosova.tv

The post Studimi: Shumë të rritur postojnë online me shpresën që t’i vërejë ish-partneri appeared first on Albeu.com.

Artistja përgjatë karrierës së saj bujshme, ka grumbulluar një numër të madh të audiencës, falë artit të saj unik përmes këngëve dhe video-klipeve.

Së fundmi, ajo ka publikuar statistikat vjetore të dëgjuesve të saj në platformën ndërkombëtare Spotify, platforma që u lejon adhuruesve të muzikës të dëgjojnë këngët e artistëve të preferuar.

Sipas të dhënave që publikoi Dafina Zeqiri, këngëtarja pati 4.06 milionë dëgjues në vitin 2024, derisa projektet e saj muzikore në total janë dëgjuar 132 milionë herë.

Artistja ka pasur dëgjues nga 183 vende të botës, bazuar në statistikat e Spotify.

Platforma ndërkombëtare publikoi të mërkurën të dhënat Spotify Wrapped 2024, ato që ndryshe njihen si statistikat personale të secilit dëgjues.

The post Dafina Zeqiri me sukses të madh në Spotify, mbi 4 milionë dëgjues gjatë tërë vitit në platformën ndërkombëtare appeared first on Albeu.com.

Në mesin e tyre janë edhe Shaman (Yaroslav Dronov), Chicherina, Polina Gagarina, Grigory Leps, Oleg Gazmanov, dhe grupi i rokut Lyube, sipas kanalit në Telegram Rodnoy Zvuk.

Bashkimi Evropian vendosi sanksione kundër Gargarinas dhe Shamanit në fillim të kësaj jave. Chicherina, Gazmanov, dhe lideri i Lyube, Nikolai Rastorguev, u sanksionuan nga BE-ja në tetor 2022, ndërsa Leps në dhjetor të po atij viti.

Spotify, platforma më e madhe për transmetimin e muzikës në botë, i dha fund veprimtarisë së vet në Rusi në prill 2022, për shkak të pushtimit rus të Ukrainës. Lufta në Ukrainë ka nisur më 24 shkurt të vitit 2022.

Presidenti rus, Vladimir Putin, e quan luftën “operacion special ushtarak” për të çmilitarizuar Ukrainën. Perëndimi është përgjigjur ndaj Rusisë, duke goditur ekonominë e këtij shteti me sanksione të ashpra. Si pasojë e luftës kanë vdekur mijëra persona dhe miliona të tjerë janë zhvendosur nga shtëpitë e tyre.

The post Spotify largon artistët rusë që mbështesin luftën në Ukrainë appeared first on Albeu.com.

E para renditet “Dont start now” e dëgjuar 2.5 miliardë herë, “One Kiss” 2.1 miliardë herë, “New Rules” me pak më shumë se 2 miliardë herë, ndërsa së fundi, këtë kufi e kapërceu edhe Levitating.

Rekordin mes të gjithë këngëtarëve e mban The Weeknd me “Blinding Lights” që është dëgjuar mbi 4 miliardë herë.

The post Dua Lipa bën histori: Më e dëgjuara në Spotify appeared first on Albeu.com.

Spotify do të shfaqet në pjesën e përparme të fanellave të meshkujve dhe femrave, si dhe para kompleteve të tyre stërvitore, me Spotify që do të marrë gjithashtu të drejtat e emrit të “Camp Nou”.

Katalanasit ende nuk i ka konfirmuar shifrat e sakta, por EFE ka konsultuar ekspertë të cilët besojnë se kjo marrëveshje është ajo që klubi duhet të presë pas shpërthimit të COVID-19 dhe largimit të Lionel Messit nga blaugrana.

Kjo është hera e parë në histori që një markë fiton të drejtat e emërtimit të stadiumit të Barcelonës, i cili do t’i nënshtrohet rinovimit në vitet e ardhshme.

Një situatë e favorshme me reputacion për të dyja palët, Spotify ka më shumë se 400 milionë përdorues aktivë mujorë, një shifër e ngjashme me tifozët që Barcelona vlerësohet të ketë në mbarë botën. Mbështetësit e Barcelonës janë pikërisht aty ku mund të fokusohet Spotify, duke pasur tashmë deri në 180 milionë abonentë.

Gjëja më e re e marrëveshjes është vetë marka, kategoria e produktit, pasi Spotify është një rrjet social që nuk kishte pasur kurrë marrëveshje sponsorizimi sportiv./ h.ll/albeu.com

The post Marrëveshja dhe stadiumi “Spotify Camp Nou”, Barça do fitojë 70 milionë euro appeared first on Albeu.com.

Njoftimi zyrtar:

“Spotify, shërbimi më i popullarizuar i abonimit të transmetimit audio në botë, është partneri i ri kryesor dhe partneri zyrtar i transmetimit audio të Barcelonës.

Marka e Spotify do të shfaqet në fanellat e ekipeve të meshkujve dhe femrave duke filluar nga sezoni 2022/ 2023 dhe për katër sezonet e ardhsme. Spotify do të sponorizojë gjithashtu fanellat stërvitore duke filluar nga sezoni 22/23 për tre sezonet e ardhsme.

Si pjesë e bashkëpunimit, për herë të parë në historinë e klubit, stadiumi do të quhet Spotify Camp Nou.”/ h.ll/albeu.com

We’re partnering with @Spotify to bring football and music together like you’ve never seen before ?

— FC Barcelona (@FCBarcelona) March 15, 2022

The post Gjithçka zyrtare, Spotify është sponsori i Barcelonës (FOTO LAJM) appeared first on Albeu.com.

Që kur hapi dyert për të zëvendësuar Camp de Les Corts, Camp Nou nuk kishte pësuar kurrë një ndryshim emri. Po flasim për stadiumin më të madh në futbollin europian edhe sot. Një vend me histori aq të pasur sa që sot i shtoi një fjalë të re emrit.

Me marrëveshjen e re të Spotify, klubi më në fund do të marrë të ardhurat që i nevojiten për të tentuar transferimet që duan verën e ardhshme. Plus, ata do të mund të konkurrojnë në të gjitha turnet siç kanë bërë gjatë dy dekadave të fundit. Por kush e theu i pari historinë e emrit të ri zyrtar?

Sipas ‘RAC1’, emri i ri zyrtar i  stadiumit të FC Barcelona do të jetë ‘Spotify Camp Nou’ sapo marrëveshja mes dy palëve të bëhet zyrtare.

Ato 280,000,000 € do të ndahen në tre sezone në pjesë të barabarta. Thashethemet sugjerojnë se shumica e këtyre parave do të investohen në nënshkrimin e mundshëm të Erling Haaland, lojtarit IT të Borussia Dortmundit që çdo klub në Evropë dëshiron.

Nëse marrëveshja finalizohet, marrëveshja është që të dy ekipet e futbollit për meshkuj dhe femra do të mbajnë logon e shërbimit të transmetimit në pjesën e përparme. Plus, marrëveshja ishte për të marrë emrin e duhur të stadiumit. Një vendim që nuk u pëlqeu shumë njerëzve në Barcelonë./ h.ll/albeu.com

‼️ NOTÍCIA @EsportsRAC1 ?️@rogersaperas

?Barça i Spotify ja tenen pactades les quantitats pels title rights més enllà dels propers 3 anys.

? La xifra per augmentarà considerablement quan les obres del nou estadi hagin acabat.

? El nom oficial serà Spotify Camp Nou. pic.twitter.com/7GHouZh8HS

— Esports RAC1 (@EsportsRAC1) February 8, 2022

The post Camp Nou do të ketë një tjetër emër appeared first on Albeu.com.

Negociatat mes drejtuesve të Barçës dhe kompanisë së njohur të teknologjisë, e cila ofron shërbimin e riprodhimit të muzikës në transmetim përmes aplikacionit të saj, ka përfunduar në një fund të lumtur.

Marrëveshja mes palëve u bë e ditur ditën e hënë ashtu siç ishte paralajmëruar dhe sipas mediave spanjolle se gjithçka është mbyllur.

Zyrtarizimi i kësaj marrëveshje sipas “RAC1” do të bëhet ditën e sotme dhe në  këtë mënyrë katalanasit do të kenë edhe një sponsor të ri për sezonin e ardhshëm dhe një burim i rëndësishëm të ardhurash për të shpëtuar nga situata e vështirë ekonomike që po kalon klubi i Barcelonës.

Spotify do të sponsorizojë ekipin katalanas për 3 vitet e ardhshme për 280 milionë euro.

Nga ky bashkëpunim edhe stadiumi i njohur tashmë i Barçës “Camp Nou” mund të ndryshojë emrin e tij, pasi kompania ishte gjithashtu e interesuar të vendoste emrin e saj në stadiumin e Barcelonës, i cili mund të riemërtohet pastaj  “Camp Nou Spotify”. Mbetet të shikohet nëse blaugranat e kanë pranuar një kërkesë të tillë apo jo./ h.ll/albeu.com

The post Spotify, sponsori i ri i Barçës për 3 sezonet e ardhshme appeared first on Albeu.com.

Marrëveshja midis Barçës dhe Spotify që kompania suedeze të bëhet partneri i ri global i klubit dhe sponsori i fanellës mund të bëhet realitet.

Negociatat mes drejtuesve të Barçës dhe kompanisë së njohur të teknologjisë, e cila ofron shërbimin e riprodhimit të muzikës në transmetim përmes aplikacionit të saj, janë në detajet e fundit dhe Spotify do të lehtësojë Rakuten si sponsor kryesor.

Në mungesë të zyrtarizimit të marrëveshjes, “Gol.com” ka  theksuar se lajmi për sponsorizimin e ri të Spotify mund të bëhet i ditur të hënën e ardhshme, më 7 shkurt ose gjatë gjithë javës së ardhshme.

Në këtë mënyrë katalanasit do të kenë edhe një sponsor të ri për sezonin e ardhshëm dhe një burim i rëndësishëm të ardhurash për të shpëtuar nga situata e vështirë ekonomike që po kalon klubi i Barcelonës.

Ky sponsorizim mund t’i sjellë Barçës nga 30-60 milionë në vit , në varësi të variablave dhe fushave në të cilat dy markat mund të bashkohen gjatë marrëdhënies së tyre.

Mbetet për t’u parë nëse marrëveshja mes Barçës dhe Spotify përfshin edhe transferimin e “të drejtave të titullit” të “Camp Nou”, pasi kompania ishte gjithashtu e interesuar të vendoste emrin e saj në stadiumin e Barcelonës, i cili mund të riemërtohet pastaj  “Camp Nou Spotify”. Mbetet të shikohet nëse blaugranat do të pranon diçka të tillë apo jo. / h.ll/albeu.com

The post Barça me sponsor të ri, arrihet marrëveshja me Spotify appeared first on Albeu.com.

E si duket kësaj radhe vendi i parë i takon një këngëtareje që prej shumë vitesh gjendet në skenë, shkruan lajmi.net.

Remzie Osmani është pikërisht këngëtarja që kësaj radhe ka fituar vendin e parë në këtë platformë.

Sipas kategorizimit ajo ka pasur mbi 277 mijë dëgjues dhe 4.8 milionë transmetime. Për më tepër muzika e saj është dëgjuar në 123 vende të ndryshme të botës.

Si duket këngëtarja është njëra ndër më të preferuarat e publikut nëpër vende të ndryshme.

The post Kjo është këngëtarja e muzikës popullore shqiptare më e dëgjuar në Spotify (FOTO LAJM) appeared first on Albeu.com.