Mësohet se Topçiu merrte pjesë në një aktivitet në Korçë dhe duke diskutuar në mes të sallës,  ka pësuar një arrest kardiak dhe është rrëzuar përtokë.

“Lamtumirë Veteran Topçiu!Veteran Topçiu një prej ikonave të KF Skënderbeu është ndarë nga jeta si pasojë e problemeve kardiake në moshën 80-vjeçare. KF Skënderbeu shpreh ngushëllimet më të sinqerta për familjarët dhe gjithe komunitetin e Futbollit Korçar. U prehsh në Paqe Veteran!” – Shkruan Skënderbeu.

The post Sporti shqiptar në zi, ndahet nga jeta legjenda e futbolit Korçar pas një sulmi në zemër (EMRI-FOTO) appeared first on Albeu.com.

Peshëngritësi nga Kazakistani vetëm në moshën 35-vjeçare është vetëvrarë, sipas autoriteteve kazake, ndërsa familja e tij raporton se vuante nga depresioni.

Që prej të 20-ave, Sedov konsiderohej ndër peshëngritësit më të mire në botë, por karriera e tij u shënua nga dy raste dopingu.

Edhe në rastin e dytë i dha fund karrierës së tij sportive, duke fajësuar drejtpërdrejt trajnerin e kombëtares Aleksei Ni. Mosmarrëveshja e tyre arriti në gjykata, me peshëngritësin që pësoi një krizë nervore gjatë gjyqit.

Gjashtë muajt e fundit ai ishte në gjendje të mjerueshme psikologjike dhe para se të gjendej i vdekur ishte “zhdukur” edhe nga më të afërmit e tij. Një i afërm e ka gjetur të vdekur në shtëpinë e tij, në zonën e Karatalit.

The post Bota e sportit në zi, katër herë kampioni olimpik i jep fund jetës në mënyrë tragjike appeared first on Albeu.com.

Sipas “L’Equipe”, klubi francez po mendon të ndëshkojë argjentinasin pasi ai zbriti në aeroportin e Riadit pa leje.

Presidenti Al Khelaïfi është shumë i nevrikosur nga vizita e Messit në Arabi, sidomos pas humbjes së rëndë të PSG ndaj Lorient.

Ylli argjentinas shkoi në Arabinë Saudite për të promovuar turizmin e këtij vendi dhe humbi stërvitjen e së hënës, që u programua menjëherë pas humbjes ndaj Lorient. E hëna ishte programuar më parë ditë e lirë për lojtarët dhe Messi nuk mundi ta anulonte udhëtimin e tij.

The post Udhëtimi i Messit pa leje drejt Arabisë, PSG ka gati ndëshkimin appeared first on Albeu.com.

“Sportistët shqiptarë nuk marrin më rrugën e emigrimit për flamuj të tjerë. Luiza është anëtare e Forcave të Armatosura, duhet ta falënderojmë ministri Peleshi për ndihmën e dhënë. Ne nuk kërkojmë lëmoshë nga qeveria zoti kryeministër, ne qeverinë e duam partner. Zoti kryeministër do të të bëja një thirrje, nxirri ato kompani bastesh që gëlojnë. Ato para t’ua japim shpërblime elitare sportistëve, për të rregulluar atë Pallat Sportesh, për të ringritur palestra vende. Ne nuk mund të kërkojmë lëmoshë nga buxheti i shteti, kaq është buxheti i shtetit. Unë kam qenë në Parlament dhe e di se si ndahet buxheti i Shtetit dhe sa është, por i merr errësira, njerëz anonimë, përse duhet të ndodhë kjo? U bë shumë mirë që u mbyllën, afër çdo institucioni, çdo shkolle, poshtë pallateve kishte 10 lokale bastesh, por ka ardhur momentin që të bëhet një studim, kaq të pasur jemi që ne këto para t’ia lëmë këto para rrugës? Kaq të mëdhenj jemi ne? duhet bërë një studim zoti kryeministër, kompani bastesh ka Italia. Ne nuk mund të rrime në atë Pallat Sporti zoti kryeministër, duhen bërë ljëra olimpike, ne kemi një hap tonin që duhet të tregojmë dhe të promovojmë që Shqipëria ka bërë reforma. Kemi marrë dy projekte nga Komisioni Evropian,”- tha Ylli ndër të tjera.

Luiza Gega u shpall kampione e Europës në garën e 3000 metrave me pengesa, në eventin që po zhvillohet në Mynih të Gjermanisë. Ajo shënoi kohën 9’11”31, në një garë që e dominoi nga fillimi e deri në fund./albeu.com

The post “Nxirrini nga errësira kompanitë e basteve që po gëlojnë”, Fidel Ylli: Sporti s’kërkon lëmoshë, qeveria të jetë partnere appeared first on Albeu.com.

Vetë moderatorja është munduar ta mbajë sa më të fshehtë këtë lajm në fillimet e pritjes së ëmbël.

Mikesha e Ildës ishte ajo që postoi një foto me moderatoren, ndërsa kjo e fundit e ripostoi në story.

Në pozën e publikuar vihet re qartë barku i rrumbullakosur i Ildës, e cila duket e buzëqeshur dhe e lumtur.

Ilda nuk ka preferuar asnjëherë të flasë për jetën private dhe megjithëse prej dy vitesh kishte pranuar që ishte e dashuruar, por nuk na tregoi asnjëherë cili është mashkulli që i ka rrëmbyer zemrën.

Gjatë kohës si prezantuese sportive, nëpër media Ilda është përfolur shpeshherë për lidhje të mundshme me futbollistë. Dhe për partnerin aktual pati një aludim të tille por një intervistë ajo foli për partnerin aktual, duke mohuar që ai të ishte futbollist.

“Nuk mund të them kurrë që s’mund të jem në një lidhje më një futbollistë. Por nuk e di pse gjithmonë duan të më lidhin me ta. Nuk ka lidhje profesioni, por njeriu që do zgjidhja. Partneri im aktual nuk është futbollist”-tha ajo./albeu.com

The post E ka ndryshuar shtatzania, ja si duket Ilda Bejleri me barkun e rrumbullakosur appeared first on Albeu.com.

Ministrja theksoi se do të shtyjë investitorët për t’iu afruar sportit ndërsa nënvizoi se është e gatshme të mbështesë kërkesat e komunitetit të futbollit dhe gjetjen e mënyrave për incentivimin financiar të klubeve e akademive në mënyrë.

Në krahun tjetër, Duka vuri theksin në propozimet e tryezës së FSHF për ligjin e sponsorizimeve dhe rikthimin e basteve sportive, në mënyrë që të ardhurat nga taksat e këtij aktiviteti të përdoren për zhvillimin e futbollit.

“Ne organizuam një tryezë me klubet e kategorisë ‘Abissnet Superiore’ dhe Kategorisë së Parë në FSHF për të parë mundësitë dhe alternativat e financimit apo incentivimit për zhvillimin e futbollit në Shqipëri. Duke parë këtë vetë Ministrja e Arsimit, Rinisë dhe Sportit na ftoi në këtë takim sot. Në takim padyshim ajo që i parashtruam Ministres që zhvillimi i futbollit, jo vetëm si një garë profesioniste, jo vetëm si një garë elitare, por duke e parë si një edukim të fëmijëve e jo vetëm sportivisht, por edhe më gjerë, ka nevojë për mbështetje financiare.

Federata e Futbollit herë pas here gjen dhe propozon alternativa, siç ishte edhe siç vazhdon të insistojë në ligjin sponsorizimit apo në krijimin e një fondi për mbështetjen e futbollit. Në këtë këndvështrim bëmë edhe propozimin tjetër, meqë bastet sportive aktualisht luhen në Shqipëri, nuk janë ndërprerë, por vazhdojnë, atëherë taksambledhësi të mos jetë person privat, por të jetë shteti dhe këto të ardhura shteti t’i adresojë për zhvillimin e futbollit.

Qeveria mund të thotë se këto i dimë të gjitha vetë, lëre ligjin e sponsorizimeve, lëri bastet se ne do të vendosim një buxhet dhe mund të jetë edhe kjo një zgjidhje. Por gjithsesi, ne mundohemi që të japim ato alternativa dhe mundësi tonat.

Ligji i sponsorizimit mbetet shumë i rëndësishëm, sepse krijon një lidhje direkte të futbollit dhe biznesit. E shtyn akoma më shumë dhe mund të japë efektet e veta për shtimin e numrit të futbollistëve në Shqipëri, për rregullimin e infrastrukturës sportive, për përmirësimin e kushteve dhe për zhvillimin akoma më shumë të futbollit të vajzave dhe grave.

Sepse dihet që ka disa kërkesa specifike më shumë se sa futbolli i djemve. Kështu që për të gjitha këto kërkohet mbështetje financiare, nga Ministrja na u premtua që do ta vazhdojë, kemi bërë një takim të mëparshëm në fakt për ligjin e sponsorizimeve, do të vazhdojë të organizojë takime edhe me ekspertë dhe do t’ia propozojë qeverisë një nga këto zgjidhje”.

Sakaq, Presidenti i FSHF-së theksoi se futbolli ka nevojë për incentiva financiare pasi siç dihet është sporti më popullor në Shqipëri dhe ka nevojë për buxhete të mëdha. Gjithashtu, Duka u shpreh se Federata e Futbollit e vetme ka financuar dhe vazhdon të financojë projekte të rëndësishme për futbollin e fëmijëve.

“Ne sot i kemi dorëzuar Ministres propozimet tona të ndarë në tre çështje, një për ligjin e sponsorizimit, pothuaj atë që kemi propozuar edhe dy vjet më parë, për bastet sportive dhe detyrimin e Ministrisë së Arsimit e Sportit për të përballuar një fond minimal nga edukimi i fëmijëve që bën Federata e Futbollit. Ju e dini që Federata rreth 6 vite më parë ka filluar një projekt “Topi im”, që i jep topa falas çdo njeriu që luan futboll në Shqipëri. Për herë të parë në vitin 2022, fillojmë në shtator me furnizimin me uniforma loje dhe çdo lloj materiali sportiv që i duhet një fëmije për futboll.

Por nuk mjafton kaq për të shtuar numrin e fëmijëve, do të duhen fusha sportive, duhen paguar trajnerët, arbitrat, që janë buxhete jashtëzakonisht shumë të mëdha. Kështu që nga buxheti i saj, Ministria e Arsimit nuk ka pse e përjashton Federatën e Futbollit, gjithmonë me një lloj arsyetimi që futbolli është i pasur. Vërtetë ka buxhete më të mëdha se Federatat e tjera, por ka një numër shumë më të madh njerëzish që aktivizohen në futboll”.

The post Armand Duka i bindur për rikthimin e basteve sportive appeared first on Albeu.com.

E fokusuar te puna dhe pasioni për sportin, moderatorja e News 24 tha se pasioni për sportin e ka ngjitur aty ku është.

Enxhi gjithashtu pëlqen shumë udhëtimet, ndërsa është një tifoze e flaktë e Komëtares shqiptare.

Ndërkohë, ajo bën tifo për Tiranën, dhe sheh 3 skuadra favorite për titullin: Tiranën, Partizanin dhe Teutën.

Intervista e plotë:

1-Tashmë u bënë 3 vite si moderatore sporti në News 24, si lindi dëshira t’i bashkohej sportit me të shikuar në planet?

-Nuk është aspak rastesore që jam në ekran. E kam dashur gjithnjë ekranin edhe pse jam shkolluar për ekonomi dhe marketing në Universitetin e Tiranës. Kam bere “nxemjen” ne disa televizione me formate të ndryshme që kur kam qënë në fakultet. Para tre vitesh i thashe “PO” një ftese të drejtuesve të News 24 për të drejtuar “Sport News”. Erdhi si nje stacion i natyrshem i karrieres sime në televizionin informativ më të madh në vend.

2-A e keni pasur të vështirë në fillim, mund të na tregoni ndonjë emocion në ditët e para?

-Sporti ka qënë një nga pasionet e mia, por kur drejton një format të tillë duhet tjetër qasje. Edhe pse e mësuar me kameran, e mora si një sfidë të re të karrieres sime duke i dhënë prioritet përgatitjes profesionale. Emocionet me shoqërojnë gjithnjë sepse çdo ditë kërkoj të bëj më shumë se emisioni që ka kaluar.

3-Bukuria a te ndihmon për të pasur sukses sidomos në gazetari?

-Ekrani dhe e bukura janë një binom që kanë lindur bashkë, por unë bëj të gjitha përpjekjet që të bëj diferencën me anën profesionale. Përveç prezantimit të lajmeve sportive, kam realizuar dhjetera intervista dhe reportazhe në terren, biseda ne studio etj. Për të qëne e suksessshme, publiku i sportit kërkon më shumë përmbajtjen sesa anën estetike. Jam e ndërgjegjshme për këtë.

4-Përveç moderimit që ju zë më së shumti kohë, cilat janë pasionet e Enxhit?

-Një nga pasionet e mia më të rëndesishme është profesioni, e jetoj atë si adrenalinë por në mbrëmjet e qeta jam gjithmonë duke shfletuar një liber, me pëlqejnë udhëtimet, festat me miqtë dhe sidomos të bëj foto pa fund në natyre.

5-Cili është synimi juaj në të ardhmen?

-Synimi im në të ardhmen është të përmiresoj edhe më tej formatin që drejtoj. Që do jem në ekran, kjo është e sigurt. Me vullnetin dhe deshirën që me karakterizon, në kohën e duhur do të jem aty ku e meritoj.

6-Nga është me orgjinë Enxhi dhe cili është qyteti i preferuar për të kaluar pushimet e verës?

-Me origjinë jam nga Tirana dhe jam krenare për gjithcka që përfaqeson treva e Shqiperisë së mesme. Me pëlqen të shëtis në gjithë qytetet e Shqiperisë nga Riviera e deri në Theth, Valbonë e Vermosh. Nuk e ndaj dot pasionin për malin dhe detin.

7-Statusi juaj? (Jeta Private)..

-Që kur kam ndërtuar marrëdhënien me ekranin, kam vendosur që jetën time private të mos e ndaj me publikun. Mund të them vetëm që jam e bekuar me dashuri.

8-Si është mardhënja juaj me Daljanën? Si është të punosh me të dhe a keni rivalitet?

-Kam një marrëdhenie shumë korrekte dhe profesionale me Daljanën. E vleresoj për atë që ajo bën dhe mendoj se për një televizion amboicioz si News24, secila nga ne ka mundesinë dhe hapesirën për të shkëlqyer.

9-Messi apo CR7?

Messi, virtuozitet, punë, përulje!

10-Enxhi bën tifo me skuadrën…?

-Tiranës

11-Kush e fiton Kategorinë Superiore?

-Të themi se janë tre në lojë: Tirana, Partizani, Teuta.

12-Një parashikim për Kombëtaren për sdidën ndaj Hungarisë?

-Jam tifoze e çmendur e Kombëtares, dëshira dihet, por kam dhe bindjën që këte herë do te fitojmë. /albeu.com/

The post EKSKLUZIVE/ Enxhi Biba: Sporti pasioni im, jam tifoze e “çmendur” e Kombëtares (FOTO LAJM) appeared first on Albeu.com.