Përktheu: Alket Goce-AlbEu.com

Muajin e kaluar, dy vëllezër suedezë u dënuan për spiunazh për llogari të shërbimit sekret të ushtrisë ruse, Drejtoria kryesore e Shtabit të Përgjithshëm të Forcave të Armatosura të Federatës Ruse (GRU). Por dënimi i tyre është vetëm i fundit në një listë të gjatë dhe që po zgjerohet shpejt me rastet e spiunazhit në mbarë Evropën.

Dhe ndërsa pas shumicës së spiunazhit qëndron Rusia, në rritje të shpejtë është edhe aktiviteti i spiunazhit kinez. Gjithnjë e më shumë po duket sikur vitet 2020 mund të shndërrohen në “dekadën e spiunëve” në Evropës, njëlloj siç ishin 1980 në Shtetet e Bashkuara.

Në vitet 1980, në SHBA kishte mesatarisht 7-8 dënime për spiunazh çdo vit, duke përfshirë spiunët me një ndikim shumë të madh si Jonathan Pollard që spiunoi për llogari të Izraelit, Anna Montes për Kubën dhe John Walker për Bashkimin Sovjetik.

Dhe  ndonëse spiunët më famëkeq të SHBA-së, Aldrich Ames në CIA dhe Robert Hanssen në FBI, i nisën që të dy tradhtitë e tyre në të njëjtën dekadë, ata u demaskuan shumë vite më vonë. Ngjashëm, në një shqyrtim paraprak të çështjeve gjyqësore në Evropë që bëmë unë dhe një kolegu im për Agjencinë Suedeze të Kërkimeve të Mbrojtjes (Sw. FOI), identifikuam 42 individë të ndryshëm të dënuar për spiunazh në Evropë gjatë viteve 2010-2021, me 13 të tjerë në pritje të gjykimit.

Nga ata 37 nga të dënuarit spiunonin për Rusinë. Dhe numri i tyre ka pësuar një rritje dramatike. Gjatë viteve 2014-2018, dënimet për spiunazh u trefishuan në krahasim me ato të dhëna midis viteve 2010-2013, duke arritur në pothuajse 6 të tilla në vit.

Dhe që kur nisi lufta e agresionit të Rusisë kundër Ukrainës, këto shifra vetëm sa janë rritur. Kështu, vetëm në vitin 2022, të paktën 7 persona u dënuan për spiunazh për Rusinë dhe 3 të tjerë për Kinën. Meqë një dekadë më parë, në Evropë kishte vetëm 1 deri në 2 dënime në vit, këto të dhëna paraqesin një ndryshim shumë të madh.

Ndërkohë, është interesante të theksohet se këto dënime kanë ndodhur kryesisht në Evropën Veriore, sidomos në shtetet baltike, të cilat përfaqësojnë mbi 70 për qind të dënimeve, pavarësisht se kanë më pak se 2 për qind të popullsisë së Evropës.

Estonia ka arritur në përfundimin se mënyra më e mirë për të luftuar spiunazhin është ndjekja penale, duke denoncuar nxitësin e këtyre aktiviteteve në një përpjekje për të penguar spiunët e mundshëm. Dhe megjithëse dënime të tilla përfaqësojnë thjesht majën e ajsbergut, pasi shumë vende preferojnë rezultate më të fshehta të kundërzbulimit sesa akuzat e ngutshme, disa aleatë evropianë tani po miratojnë të njëjtën qasje, gjë që mund të shpjegojë pjesërisht edhe rritjen e madhe të shifrave.

Sidoqoftë, në një farë mënyre numri i rasteve ka më pak rëndësi sesa fakti se kush po e kryen në të vërtetë spiunimin dhe çfarë informacioni ka rrjedhur prej tyre. Është shqetësues fakti që rreth çereku i spiunëve evropianë të dënuar tashmë nga gjykatat, punonin për agjencitë e mbrojtjes apo të inteligjencës të vendeve të tyre.

Këto spiunë kishin më shumë qasje mbi informacione shumë të klasifikuara dhe të rëndësishme. Ata ishin më të paguarit dhe më aktivë se të tjerët dhe për një kohë më të gjatë. Rekrutuesit e tyre përdorën mjete tregtare më të përpunuara për t’i mbrojtur ata, përfshirë korrierët, takimet në vendet e treta, drogën dhe teknologjinë e përparuar.

Dhe nuk ka dyshim se ato ishin burimet më të vlerësuara, sepse ishin më të dëmshmet për Evropën. Rasti suedez i muajit të kaluar i përshtatet më së miri këtij modeli. Sipas vendimit të gjykatës, vëllai i madh, Peyman Kia, punonte si për Shërbimin Suedez të Sigurisë (Sw. SÄPO) po ashtu edhe për Shërbimin e Inteligjencës dhe Sigurisë Ushtarake (Sw. MUST), ku ai vodhi informacione të klasifikuara duke fotografuar ekranin e kompjuterit të tij.

I alarmuar mbi një spiun që po i dorëzonte sekretet Rusisë, SÄPO u përqendrua në mbikëqyrjen e vëllait të madh, pasi vëllai i tij më i vogël, Payam, vepronte kryesisht si korrier i tij. Ata u dënuan me burgim të përjetshëm.

Megjithëse prokurorët nuk dhanë detaje rreth informacionit të rrjedhur, dënimi tregon se të dhënat e dorëzua GRU-së ishin shumë të ndjeshme. Dhe në gjykatë, SÄPO tërhoqi paralele me gardianin e FBI-së, Robert Hanssen, spiunazhi i të cilit u përshkrua në një raport të Departamentit të Drejtësisë të SHBA-së si “ndoshta ngjarja më e keqe e shërbimit sekret në historinë e SHBA-së”.

Raste të tjera të profilit të lartë në Evropë përpara vitit 2021, përfshijnë një oficer të ushtrisë estoneze, një oficer të ushtrisë austriake, një oficer të kundërzbulimit portugez dhe një zyrtar të inteligjencës estoneze. Dhe duke parë përpara, ka që tani raporte – brenda vetëm 2 vitesh në këtë dekadë – mbi hetimet për një oficer të marinës italiane, një oficer të ushtrisë franceze, një ushtar gjerman dhe një oficer të inteligjencës gjermane, si dhe 7 bullgarë me lidhje me shërbimet e tyre të sigurisë kombëtare dhe ushtarake.

Vitin e kaluar, raportet mbi hetimet dhe rastet e reja të spiunazhit në Evropë ishin aq të shumta në numër sa që ishte shumë e vështirë të ndaleshe në detaje tek secili nga rastet. Natyrisht, ky ritëm mund të jetë pjesërisht rezultat i luftës së Rusisë kundër Ukrainës, dhe faktit që shërbimet e sigurisë së Moskës po punojnë me ritme larta dhe homologët e tyre perëndimorë po reagojnë në të njëjtën mënyrë.

Meqë shumica e këtyre rasteve dhe hetimeve në vazhdim duket se përfshijnë spiunazhin për llogari të GRU-së, kjo ngre gjithashtu pyetjen nëse mund të jetë komprometuar shërbimi i inteligjencës ushtarake të Rusisë, ose nëse ata po tregohen thjesht më të ngathët.

Për më tepër, ndërsa zyrtarët perëndimorë të sigurisë po e zhvendosin tanimë fokusin e tyre nga kundër-terrorizmi tek kundërzbulimi, në mendjen e tyre nuk është vetëm Rusia. Si britanikja MI5 ashtu edhe CIA amerikane kanë bërë paralajmërime se në fakt nuk është Rusia, por Kina ajo që përbën kërcënimin më të madh afatgjatë për sigurinë e Evropës.

Spiunët amerikanë të viteve 1980 janë të mirë-njohur në mesin e studiuesve të inteligjencës. Madje disa janë bërë emra të njohur. Dhe ndërsa Evropa po hyn në atë që mund të jetë “dekada e saj e spiunëve”, këtyre emrave mund t’u bashkohen së shpejti edhe tradhtarët evropianë po aq famëkeq. /albeu.com

Shënim:Michael Jonsson, zëvendësdrejtor i kërkimit në Agjencinë Suedeze të Kërkimeve në fushën e Mbrojtjes.

The post Si spiunët e Kinës dhe Rusisë po bëjnë namin në Evropë appeared first on Albeu.com.

Tre ‘spiunët’, iu drejtuan me rekurs Gjykatës së Lartë duke ankimuar vendimin e gjykatës  së Apelit Durrës, por shkalla më e lartë e gjyqësorit nuk e ka pranuar kërkesën e tyre për masë më të butë sigurie duke e rrëzuar në dhomë këshillimi. Rusët dhe ukrainasi te akuzuar për dy akuza, atë “Sigurimit të informatave” dhe “Goditja për shkak të detyrës”, do të hetohen  nën masën e arrestit me burg. Tre të huajit u arrestuan pasi në muajin gusht në uzinën e Gramshit sulmuan 2 ushtarë roje me spray neoparalizues.

The post Gjykata e Lartë ka refuzuar rekursin e dy rusëve dhe ukrainasit të akuzuar për spiunazh appeared first on Albeu.com.

Karamuço ka deklaruar se janë disa detaje që i kanë nxjerrë zbuluar të rinjtë.

Komentet ai i ka bërë teksa ka qenë i ftuar në “ABC e Mëngjesit”, ku ka thënë se janë gjetur disa skica dhe prova të tjera, që vërtetojnë gjithçka.

“Ajo që më ka bërë përshtypje është që si ka mundësit? Janë dy gjëra që e kanë nxjerrë zbuluar atë blogeren. E para, blogerja vjen shumë e promovuar, që është një blogere e famshme me miliona ndjekës, me mjete luksi dhe transporti etj. Edhe një ditë të bukur kur arrestohet ju bën thirrje shokëve të mbledhin lekë se nuk ka lekë për avokat. Do të thotë që rubinetat janë mbyllur gjatë kësaj kohe, nuk ka më financim.

E dyta, menjëherë pasi ajo arrestohet nga ana e autoriteteve shqiptare, gjykatat aty në Moskë nxjerrin një urdhër për ndalimin e saj sepse gjoja ajo ka hyrë në disa të dhëna që janë konfidenciale dhe sekret shtetëror edhe në Rusi. Pra, duan ta bëjnë të besueshëm që ne nuk e kemi. Nuk është agjentja jonë. Po këto janë fakte që provojnë të kundërtën. Përveç kësaj, unë nuk dua t’ju them se çfarë është gjetur nga ato që janë gjetur sepse unë jetoj në një komunitet që punoj me shumë njerëz që janë të sigurisë kombëtare. Edhe ato që i janë gjetur këtyre tre personave, ato si ansamblet treshe si diversantët e dikurshëm, njëri për dukje, tjetri kimist, ndërsa tjetri IT. Ato që janë gjetur, janë shumë komprementuese. Janë gjetur skica siç e keni dëgjuar dhe gjëra të tjera që s’keni për t’i marr vesh kurrë. 100%, ata jo vetëm që janë agjentë, dy prej tyre janë njëpërdorimsh që janë gjetur në rrethana të caktuara, qoftë edhe material shtrëngues, shkoni merrni informacion dhe hajdeni. Ndërkohë, njëra është e sprovuar që ka bërë edhe veprimtari tjetër. jo vetëm për sistemet tona, por edhe për skenarët e mundshëm se nga mund t’i vijë Shqipërisë nesër dëmi i madh dhe e keqja nga Rusia, sepse po studiojnë pikat tona të dobëta strategjike”, u shpreh Karamuço.

Kujtojmë se një muaj më parë tre persona u arrestuan në Uzinën e Gramshit, pasi akuzohen për spiunazh. Dy prej tyre ishin shtetas rusë, ndërsa njëri ukrainas, të cilët thuhet se sponsorizoheshin nga agjentura të huaja.

33-vjeçarja, Svetlena Timofoeva ishte një blogere me jetë luksi, ndërsa djemtë e tjerë, njëri kimist dhe tjetri IT. Kjo ka bërë që dyshimet të shtohen edhe më shumë rreth tyre./albeu.com/

The post Karamuço për rusët e arrestuar në Gramsh: Jam i sigurt se janë spiunë, kam prova appeared first on Albeu.com.

“Kanë fotografuar uzinën mekanike të naftës në Patos. Nuk ishte dëgjuar as ne seancën gjyqesore. Janë fokusuar sipas prokurorëve tek dyert kryesore për të marrë detaje. Kanë fotografuar bazën e Pashalimanit, Bënjën në Përmet, kanë fotografuar Moglicën, Bovillën dhe ka vepra të tjera”, tha Lala në Opinion.

Lala tregoi se njëri nga rusët, Mikhail Zorin, sipas burimeve të saj konfidenciale, ka pranuar përpara hetuesve shqiptarë se është rekrutuar nga shërbimeve inteligjente ruse.

“Mikhail Zorin ka pranuar që është kontaktuar nga shërbimi inteligjent rus për shkak të një dosje që ai kishte të hapur në Rusi. Kjo pjesë e dosjes është nën sekret hetimor, nuk është bërë e ditur në gjykatë. Ai nuk thotë që unë jam paguar për të bërë njohje të këtyre bazave apo uzinave, por kisha detyrë të fotografoja nga afër dhe të shikoja nga afër gjendjen e tyre në terren. Prokurorët dyshojnë që ai mund të jetë shtrënguar. Ai ka marrë pjesë në protestat kundër Putinit në Rusi dhe mund të rrezikonte deri në 2 vite burgim ndërkohë që ishte student i shkëlqyer. Dy personat e tjerë mohojnë në mënyrë kategorike të jenë përfshirë”, theksoi gazetarja Klodiana Lala.

The post “Kanë fotografuar edhe uzinën e naftës në Patos”, gazetarja: Njëri prej tyre ka pranuar që është “spiun” rus appeared first on Albeu.com.

Togat e zeza e kanë cilësuan të ligjshëm arrestimin e tyre dhe vendimi në fjalë u mor nga gjyqtarja Pajtime Fetahu.

Svetlana Timofoeva, 33 vjeçe, Mikhail Zorin dhe 25-vjeçari ukrainas Fedir Alpatov u arrestuan pasi tentuan që të hynin me forcë në ambientet e uzinës.

Gjatë kësaj tentative, njëri prej tyre sulmoi edhe dy ushtarët që ruanin godinën, Adrian Xhaka dhe Aldo Bici.

Kjo seancë u zhvillua me dyer të mbyllura, pasi hetimi përmban sekrete shtetërore./albeu.com/

The post U arrestuan në Uzinën e Gramshit, Gjykata jep vendimin për dy rusët dhe ukrainasin appeared first on Albeu.com.

Më vonë atyre pritet t’iu komunikohet masa e sigurisë, pasi dyshohen për spiunazh dhe akuza të tjera.

Kujtojmë se ata tentuan të hyjnë me forcë në uzinën ushtarake të Gramshsit mbrëmjen e 20 gushtit dhe sulmuan ushtarët shqiptarë që ruanin objektin, duke i lënë të plagosur./albeu.com/

The post U kapën në uzinën e Gramshit, dy “spiunët” rusë dhe ukrainasi mbërrijnë në gjykatë (VIDEO) appeared first on Albeu.com.

Peleshi shtoi se institucionet përkatëse po shqyrtojnë çdo skenar të mundshëm në lidhje me incidentin në uzinën e Gramshit, por dhe atë të Poliçanit, të ndodhur një ditë më pas.

Gjatë fjalës në konferencën për media, Peleshi tha se nuk ka asnjë cënim kombëtar, por minimalisht ka ushtrim dhune ndaj personave në detyrë.

“Nuk përbën cënim të sigurisë kombëtare. Por cënim të rregullores. Kemi ushtrim dhune ndaj personave në detyrë.

Por në këtë rast minimalisht kemi dhunë ndaj personelit me uniformë, agresion, maksimalisht nuk na lejohet të aludojmë. Por skenarët e mundshëm i mendojmë. Mund të jetë dhe tentativë për të fshehur skenar tjetër. Mos harroni se pak ditë më parë u përballëm me një sulm serioz kibernetik. Të gjitha ngjarjet i shohim të lidhura me njëra-tjetrën. Nuk na rezulton që këta shtetas, të kenë aplikuar dhe marrë leje apo herën e kaluar për të hyrë në uzinë”, tha Peleshi./albeu.com/

The post Trondit Niko Peleshi: Ngjarja me rusët në Gramsh mund të lidhet me sulmin kibernetik appeared first on Albeu.com.

Komentet Çuçi i bëri teksa ishte në një konferencë të përbashkët me Ministrin e Mbrojtjes Niko Peleshi, ku po flisnin mbi ngjarjen në uzinën e Gramshit, ku dy shtetas rusë e një ukrainas tentuan të hyjnë me forcë në ambientet e brendshme.

Çuçi ndër të tjera tha se të huajt kanë fotografuar objekte të deklasifikuara, por sipas tij, masat nisin vetëm në momentin që shkelet ligji.

“Të gjitha këto objekte të fotografuara janë të deklasifikuara. Në momentin që ai shkel një nen të Kodit Penal, ai do të fillojë procedimin ndaj tyre. Minimalisht ai ka bërë një agresion ndaj një personi me uniformë. Kjo është shkak ë të detyron hetimin e thelluar.

Nuk mund t’u vëmë agjent nga pas çdo turisti. Nuk është ky rasti. Shteti vepron në varësi të reagimeve të çdo turisti, qoftë ky me pasaportë ruse”, tha ai./albeu.com/

The post Ngjarja me rusët në Gramsh, Çuçi: S’mund t’u vëmë agjentë nga pas çdo turisti appeared first on Albeu.com.

Sipas burimeve për albeu.com, bëhet me dije se tre shtetas të huaj janë parë pranë Uzinës së Përpunimit të Amrëve në Gramsh, të cilët janë pikasur nga ana e ushtarëve shqiptarë.

Gjatë momentit që rusët janë afruar, ka patur një përplasje fizike mes ushtarëve shqiptarë dhe tre shtetasve rusë, ku këta të fundit i kanë sulmuar bashkëkombasit tanë me lëndë kimike.

Për pasojë, dy ushtarët shqiptarë Ardi Bici dhe Ardjan Xhaka, kanë mbetur të plagosur dhe ndodhen aktualisht në spitalin e Traumës jashtë rrezikut për jetën, raporton albeu.com/

Gjithashtu bëhet me dije se në çantën e njërit prej këtyre personave janë gjetur mjete që përdorin agjentët, si aparatë, harta e mikroçipa./albeu.com/

The post EMRAT/ Kush janë dy ushtarët shqiptarë që u plagosën nga rusët, “spiunët” i vinin uzinës vërdall me aparat e mikroçipe appeared first on Albeu.com.

Një “konsull i përgjithshëm” i lidhur me shërbimin më të madh të spiunazhit të Rusisë.

Në fund, një “teknik” me përvojë në përgjime.

Këto janë tre ndër identitetet e 21 diplomatëve rusë të dëbuar nga Belgjika në muajin prill.

Investigimi i gazetës online “EuObserver” sqaron se profilet ndihmojnë për të treguar historinë se si Moska e ktheu Bruksel-in në ‘kryeqytetin spiun’ të Evropës.

Spiuni më i vjetër në Belgjikë ishte 46-vjeçari Alexei Kuksov, një “zëvendës përfaqësues tregtar”.

Ai vinte nga një njësi elitare në shërbimin e inteligjencës ushtarake të Rusisë GRU, shkruan “EuObserver”.

Pas diplomimit nga një akademi ushtarake në vitin 2001, Kuksov shkoi për të shërbyer në njësinë 5476 të GRU-së.

Kjo, sipas dokumenteve të zbuluara nga The Dossier Center – një OJQ me qendër në Londër e financuar nga oligarku rus i kthyer në disident Mikhail Khodorkovsky, i cili gjuan spiunët rusë në Evropë.

Katër vjet më vonë, GRU e transformoi njësinë 5476 në Qendrën e saj të Kërkimit të Aftësive të Huaja Ushtarake.

Stafi mbledh informacione mbi ushtritë e huaja dhe raportet e saj kanë lidhje direkte me kreun e GRU-së, Igor Kostyukov dhe këshilltarin më të afërt të presidentit rus Vladimir Putin për sigurinë kombëtare, Nikolai Patrushev.

Konsulli i përgjithshëm i Rusisë në Antwerp, 44-vjeçari George Kuznetsov (i dëbuar gjithashtu) është një ish-punonjës i Konsorciumit të Avionëve të Bashkuar në Shën Petersburg, i cili iu bashkua ministrisë së Jashtme ruse në vitin 2001.

Por në një moment, ai gjithashtu duket se i është bashkuar shërbimit të brendshëm të inteligjencës ruse, FSB.

Adresa e Kuznetsov në Moskë dikur renditej si shtëpia numër pesë (kodi për Shërbimin e 5-të) në Varsonofievsky Lane.

Ndërkohë, 46-vjeçari Vadim Artyushov (i dëbuar) ishte një “teknik” në ambasadën ruse në Belgjikë.

Por ai shërbente në njësinë 47747 të GRU-së në Klimovsk afër Moskës, e cila dikur ishte e vendosur në Kubë për të përgjuar sinjalet e SHBA-ve.

Kjo e fundit, u zhvendos në Rusi në vitin 2001 dhe tani trajnon njerëzit për të përgjuar rrjetet lokale të telekomunikacionit jashtë vendit.

Artyushov nuk ishte i vetmi, i cili maskonte kredencialet më të mëdha ruse, në një pasqyrë të modus operandi-t rus.

40-vjeçari Ivan Kvasha, për shembull (i dëbuar), ishte përgjegjës për “mirëmbajtjen” e ambasadës në Belgjikë.

Por portieri mbante gradat e një koloneli të GRU-së kur ishte në shtëpi.

Dhe Igor Taut (i dëbuar), një “elektricist” 51-vjeçar i ambasadës, ishte në fakt një i diplomuar në Universitetin Teknik të Komunikimit dhe Informatikës në Moskë të lidhur me FSB-në.

Nëse Artyushov bënte përgjime, atëherë dy nga kolegët e tij të përjashtuar ishin gjithashtu specialistë komunikimi.

43-vjeçari Dmitry Chulaev, një “atashe” i ambasadës dhe një oficer në shërbimin e inteligjencës së jashtme të Rusisë SVR, ka të ngjarë të jetë përgjegjës për trajtimin e komunikimeve të sigurta të ambasadës me Moskën, sipas një burimi rus, i cili kërkoi të mos përmendet emri.

Dhe 36-vjeçari Aleksei Kozhevnikov, një tjetër “atashe”, ishte një oficer i GRU-së me të njëjtin sfond.

Kozhevnikov i regjistronte makinat e tij në 56 Volokolamskoye Shosse në Moskë, sipas bazave të të dhënave të policisë ruse.

Por jo të gjithë ata që Belgjika u dëbuan patën role magjepsëse.

46-vjeçari Alexey Strelkov, për shembull, një “atashe” dhe oficer SVR, ka punuar për VIM, një qendër kërkimore agro-inxhinierike në Moskë.

Në një vështrim më të gjerë të dëbimeve belge, të gjithë 21 spiunët e supozuar ishin burra, kryesisht rreth të 40-tave.

Më i madhi ishte 62-vjeçari Sergei Ignatov, një “atashe” dhe oficer i SVR-së, ndërsa më i riu ishte 28-vjeçari Sergey Spirin, zëvendëskonsulli rus në Antwerp dhe një njeri i GRU-së.

Në total, 10 nga rusët vinin nga GRU, nëntë vinin nga SVR dhe dy kishin prejardhje nga FSB.

GRU konsiderohet shërbimi më i rrezikshëm rus.

Ajo trajnon njerëzit në luftime të armatosura dhe të paarmatosura, përdorimin e helmeve dhe eksplozivëve dhe ka orkestruar operacione vdekjeprurëse në Evropë.

Këtu përfshihen helmimet e ish-spiunëve rusë në Mbretërinë e Bashkuar në vitet 2018 dhe 2006, vrasjen e një emigranti çeçen në Gjermani në vitin 2019 dhe shpërthime në depot e armëve çeke në 2014.

The post Kush ishin spiunët rusë në Mbretërinë e Belgjikës? appeared first on Albeu.com.