Mediat suedeze kanë raportuar se të dyshuarit janë një çift rreth të 60-tave dhe se në operacionin policor janë përdorur dy helikopterë Black Hawk.

“Një nga të arrestuarit dyshohet për aktivitete të rënduara të paligjshme të inteligjencës kundër Suedisë dhe kundër një fuqie të huaj. Personi tjetër dyshohet për ndihmë dhe nxitje. Për të dy kishte nisur një hetim prej kohësh,” tha Policia lidhur me aksionin.

Kontrollet vijnë pasi autoritetet suedeze akuzuan dy vëllezër me origjinë iraniane për spiunim për shërbimin e inteligjencës ushtarake të Rusisë (GRU) për rreth 10 vjet. Një nga të dyshuarit kishte punuar për agjencinë e brendshme të inteligjencës suedeze. Por të dy kanë mohuar çdo keqbërje.

The post Dyshohen për spiunazh ndaj Suedisë dhe një vendi tjetër, arrestohet në Stokholm çifti i të moshuarve appeared first on Albeu.com.

Balla u ndal edhe te ligjet e propozuara nga Autoriteti i Dosjeve, duke i kërkuar edhe opozitës të mbështesë nismën për “despiunizimin e politikës shqiptare” siç e quajti ai.

“Sipas adetit, kryetari i grupit të shumicës i duhet që përveçse të thotë me pak fjalë objektivat e mazhorancës në këtë sesion të tretë të kësaj legjislature, të them edhe dy fjalë mbi ato që u thanë nga kolegët e pakicës parlamentare. E falënderoj zonjën Açka për kujtesën që bëri për atë që përfaqëson 5 shtatori, që është edhe dita ndërkombëtare e bamirësisë. Kuvendi duhet të ketë më shumë vëmendje për sa i përket shtresave në nevojë.

Kuvendi nuk do të mbetet mbrapa sa i përket rolit që ka në çeljen e negociatave. Kuvendi ka rolin udhëheqës në këtë proces, të jetë e qartë edhe për qeverinë.

Kemi dakordësuar ngritjen e një komisioni të posaçëm për të ndryshuar rolin e kuvendit të Shqipërisë. Do jetë komision me mandat shumë të shkurtër për të përqasur rolin në këtë proces të ri. Komisioni i posaçëm duhet miratuar.

Çështja e despiunizimit të politikës shqiptare është me rëndësi dhe mendoj që ngjitja e bashkëpunëtorëve të sigurimit të shtetit në të gjitha majat e piramidës shtetërore të Shqipërisë, kërkon reflektim nga kuvendi. Grupi i PS ka depozituar dy projektligjet që erdhën si poropozim i Autoritetit të Dosjeve, kërkojmë edhe mbështetjen e opozitës. Kjo duhet bërë me urgjencë”, tha Balla.

Më tej Balla i bëri ftesë të hapur opozitës.

E ftoj opozitën të bëhet pjesë e diskutimit konstruktiv në të  mirë të ekonomisë dhe në të mirë të një lufte edhe më të afërt kundër terrorizmit dhe trafikimit të parave. Në fund, më lejoni t’ju them, punë të mbarë dhe opozita ka rolin e vetë. Mezi pres që të punojmë së bashku me tre krerët e grupeve parlamentare opozitare”, tha Balla./albeu.com

The post “Komision për rolin e Kuvendit në procesin e anëtarësimit në BE”, Balla: Me rëndësi despiunizimi i politikës appeared first on Albeu.com.

Sipas burimeve nga mediat e huaja, mbledhja do të mbahet për të diskutuar për arrestimin e dy rusëve e një ukrainasi si dhe të katër çekëve nga policia shqiptare, pasi u kapën duke tentuar të hyjnë dhe të fotografojnë uzinën e armëve në Gramsh dhe atë të Poliçanit.

“Policia shqiptare akuzoi zyrtarisht për spiunazh të dielën dy shtetas rus dhe një ukrainas, të arrestuar më parë për përpjekje për të hyrë në një zonë të kufizuar ushtarake dhe më pas spërkatje të rojeve ushtarake me spraj të dukshëm paralizë nervore”, shkruan Euroactiv.

Më herët atë ditë, katër persona me kombësi çeke u arrestuan për hyrjen në një fabrikë ushtarake të zhdukur në Poliçan në jug të vendit.

Këto incidente vijnë pikërisht në mesin e një dileme të vazhdueshme të vendeve të BE-së lidhur me bindjen ndaj thirrjeve të Ukrainës për të ndaluar hyrjen e turistëve rusë në bllok.

Letonia, Lituania dhe Polonia ndaluan lëshimin e vizave të reja turistike për shtetasit rusë menjëherë pas pushtimit të Ukrainës nga Kremlini.

Finlanda njoftoi javën e kaluar se do të zvogëlojë përpunimin e vizave në vetëm 10% të rasteve të mëparshme. Vendet e tjera të BE-së, përfshirë Gjermaninë dhe Portugalinë, kanë zgjedhur një qasje më të kujdesshme. Ukraina po i bën presion BE-së që të ndalojë hyrjen e turistëve rusë në bllok, por ka hasur në reagime të ndryshme.

The post Ngjarjet në Uzinën e Gramshit dhe Poliçanit mbledhin ministrat e BE-së në Pragë appeared first on Albeu.com.

Gjatë kontrolleve u gjetën pajisje të cilat mendoheshin se rusët do të fotografonin ambientet e brendshme ndërkohë ditën e sotme po dërgohen në laboratorin shkencor për ekzaminim pasi dyshohet se ishte pajisje spiunazhi.

Ka dyshime të forta se këta 3 shtetas mund të jenë pjesë e një celule spiunazhi në Rusi. Burime nga grupi hetimor dhe dëshmitarë të ngjarjes, bënë me dije se 3 shtetasit e huaj ndodheshin prej 3 ditësh në Gramsh.

Ata prej dy ditësh fotografuan nga larg uzinën dhe lëviznin me një mjet “chevroletë”. Shërbimi ushtarak u informua rreth kësaj lëvizje. Bazuar në veprimet që kanë bërë dje tre shtetasit e huaj dhe para dy ditësh rreth uzinës, bazuar edhe ne sendet që i janë sekuestruar ka dyshime te forta për një rrjet spiunazhi rus. Kujtojmë që edhe para disa ditësh u arrestua në Kosovë një gazetare ruse si pjesë e një celule spiunazhi ruse./albeu.com

The post Incidenti në Uzinën e armëve në Gramsh, rusëve iu gjetën pajisje me vete, dërgohen për ekzaminim, dyshohet për mjete spiunazhi appeared first on Albeu.com.

Ligjvënësit e Uashingtonit po debatojnë mënyrat për t’i dhënë Amerikës avantazhin në garën e teknologjisë me Kinën…duke vlerësuar se presidenti kinez, Xi Jinping po i vështron dhe po shpreson që ata të jenë të pasuksesshëm.

Universitetet kërkimore amerikane janë vënë në vijë të parë të frontit.

Studimet tregojnë se mbi 75% e studiuesve të huaj në Shtetet e Bashkuara merren me kërkime shkencore. Shtetet e Bashkuara kanë nevojë për më shumë studiues vendas, që janë diplomuar në fusha shkencore.

“Shumë nga të huajt e diplomuar, ata me diploma doktorature, largohen nga vendi për shkak të çështjeve të emigracionit”, thotë ish-Zëvendës Sekretarja e Mbrojtjes, Kari Bingen.

Zonja Bingen është një nga 18 ish-zyrtarët e sigurisë kombëtare të SHBA-së që nënshkruan një letër, ku i bën thirrje Kongresit, të heqë kufizimet për emigrantët me diploma të avancuara në shkencë dhe teknologji.

“Nëse duam të fitojmë garën në teknologji, ne kemi nevojë për trurin më të mirë që është lindur në SHBA dhe nga e tërë bota”, thotë zonja Bingen.

Por ekspertët e sigurisë thonë se Kina po e shfrytëzon aktivisht mbështetjen e Amerikës tek talentet e huaja.

“Kina ka dërguar individë në SHBA si studiues, studentë, vizitorë të përkohshëm dhe ata kanë kopjuar amerikanët në institucionet akademike dhe institucione të tjera përmes programit të tyre që quhet “Mijëra të Talentuar” në përpjekje për të vjedhur pronën intelektuale amerikane”, thotë eksperti i sigurisë kombëtare, Jamil Jaffer.

Profesori 58-vjeçar i Universitetit Shtetëror të Ohajos, Song Guo Zheng pranoi se ai ishte përpjekur të rekrutonte talente kineze, por i kishte mbajtur përpjekjet të fshehura, që të mos humbiste miliona dollarë fonde nga qeveria amerikane për një program për të ndihmuar Kinën në fushën e mjekësisë. Ai tani po vuan tre vjet burg.

Drejtori i FBI-së, Christopher Wray dërgoi një paralajmërim urgjent për bizneset ditpët e fundit në një paraqitje të përbashkët me shefin e inteligjencës britanike, MI5.

“Qeveria kineze është e vendosur të vjedhë teknologjinë tuaj dhe ta përdorë atë për të dëmtuar biznesin dhe për të dominuar tregun tuaj”, tha zoti Wray.

Kina rreagoi një ditë më pas.

“Këto vërejtje të zyrtarit të inteligjencës ekspozojnë plotësisht mentalitetin e tij të rrënjosur në Luftën e Ftohtë dhe paragjykimin ideologjik”, tha zëdhënësi i Ministrisë së jashtme të Kinës, Zhao Lijian.

Ish-këshilltari i Departamentit të Arsimit Dan Currell thotë se universitetet dhe entitetet që japin grante, duhet të zhvillojnë më shumë masa mbrojtëse për të mbrojtur kërkimet e rëndësishme shkencore.

“Në të vërtetë nuk ka një sistem për verifikimin e njerëzve që janë të përfshirë në programet kërkimore”, thotë zoti Currell.

Ekspertët thonë se zhvillimi i këtij sistemi tani është kritik për të ardhmen e Amerikës, pasi siç paralajmëron ish zëvendës sekretarja amerikane e mbrojtjes, mundësia për humbjen e garës teknologjike me Kinën është serioze./VOA

The post Inteligjenca amerikane ngre shqetësimin: SHBA-së i duhen studiues të huaj, por rrezikohet nga spiunazhi appeared first on Albeu.com.