Sipas burimeve të medias kroate “Index”, të dy të dyshuarit janë intervistuar të mërkurën dhe tash pritet vendimi ndaj tyre.

Sipas informacioneve, piloti kroat ishte i angazhuar edhe në KFOR në Kosovë dhe ai dyshohet se i ka dhënë të dashurës së tij serbe informacione konfidenciale për t’ia përcjellë më pas pjesëtarëve të Listës Serbe. Sipas “Index”, i dyshuari i dha informacione partneres së tij mbi lëvizjet e serbëve në veri të Kosovës që nga fundi i vitit 2022 deri këtë vit, ashtu si edhe për lëvizjet e trupave të KFOR-it.

Mes të tjerash, hetuesit dyshojnë se ai i zbuloi asaj informacione të rëndësishme lidhur me Zubin-Potokun, një prej komunave problematike mes serbëve e shqiptarëve të Kosovës në veri.

Zubin-Potoku ka qenë vend bllokadash, protestash e konflikti mes serbëve lokalë dhe autoriteteve të Kosovës, ashtu si edhe forcave ndërkombëtare, KFOR e EULEX.

Të dy po ashtu akuzohen për shkëmbim informacionesh lidhur me transportin e serbit të arrestuar Dejan Pantiq, ish-polic i Kosovës, i cili akuzohet për pjesëmarrje në sulmet ndaj zyrave të KQZ-së në Mitrovicën e Veriut.

Arrestimi i tij në dhjetor 2022 pati nxitur tensione nga serbët e Kosovës në komunat veriore – me barrikada të vendosura në Jarinje e Bërnjak që zgjatën për gati tri javë, me kërkesën e vetme: lirimin ose transferimin e Pantiqit nga burgu.

Meqë Kosova nuk ka helikopterë, Ministria e Brendshme kërkoi ndihmën e KFOR-it për transferimin e Pantiqit nga baza policore afër Jarinjës në një burg tjetër. Pas gati 19 ditësh, gjykata pati vendosur ta çonte në arrest shtëpiak. Dejan Pantiq është dënuar me dy vjet burgim për huliganizëm, por masa e tij e sigurisë është dorëzania prej 30.000 eurosh.

Sipas medias kroate, serbja e dyshuar ka punuar për një kompani të huaj në Serbi dhe në gazetari njihej si reportere nga Mitrovica.

Ata janë arrestuar më 25 korrik këtë vit. Piloti kroat është dërguar në paraburgim, kurse ndaj të dyshuarës ishte marrë vendimi për dëbim nga Kroacia dhe ishte vendosur në qendrën për të huaj në Trilje. “Index” raportoi se hetuesit kanë gjetur komunikime në telefonat e tyre përmes të cilave konkluduan se ishin pjesë të aktiviteteve të spiunazhit.

The post Arrestohet piloti kroat i KFOR-it dhe e dashura e tij nga Mitrovica e Veriut, dyshohet se spiunuan për Serbinë appeared first on Albeu.com.

Ajo u arrestua bashkë me dy të tjerë, Mikail Zorin me origjinë nga Rusia dhe ukrainasin, Fedir Alpatov, fiks dy vite më parë, në datën 21 gusht të 2022, në Çekin të Gramshit.

Ato u përplasën me ushtarët shqiptarë në këtë vend, pasi kishin hyrë pa leje në bunkërët luftarakë, të mbyllur për publikun.

Prokuroria shqiptare i akuzoi ata për spiunazh dhe pretendoi se treshja kishte ardhur në Shqipëri për të mbledhur informata ushtarake dhe strategjike të sigurisë kombëtare, ndërkohë që një vit pas ngjarjes Timofeeva dhe Alpatov do të linin burgun për t’u ndjekur në gjendje të lirë, ndërsa 23 vjeçari Mikali Zorin vijon ende masën e sigurisë “arrest shtëpie”.

Në një intervistë për Euronews Albania, Svetlana Timofeeva tregon se prej një viti është duke jetuar në Shqipëri pa asnjë lloj dokumenti e për shkak të këtij fakti, veprimet e saj janë shumë të limituara.

Ajo tregon se ka kërkuar leje për punë, por ajo nuk i është aprovuar nga gjykata. Svetlana tregon se kursimet e saj nuk mund të qëndrojnë përgjithmonë për t’i mundësuar jetesën në këtë vend për një kohë të gjatë, ndaj ajo ka kërkuar që të punojë në turizë, të funksionojë si një guidë për të promovuar Shqipërinë.

“Unë jetoj ne Shqipëri pa dokumente, me duhet njëherë në muaj të shkoj në komisariat, t’u tregoj qe ende jam këtu dhe pres. Kam kërkuar leje për të punuar nëpërmjet gjykatës, të marr dokumentet, vetëm për të bërë diçka zyrtarisht në Shqipëri por gjykata ma ndaloi.

Po përdor kursimet nga jeta e kaluar por ato nuk janë pa limit. Nuk mund të vazhdoj kështu. Unë kam kërkuar të punoj në turizëm, të promovoj Shqipërinë, të jem guidë, të bëj diçka këtu, por askush nuk më lejon”,- tha Timofeeva.

Lana tregon se jeta në Shqipëri për të është e mërzitshme, edhe pse ajo nuk ka hequr dorë nga hobi i saj për të vizituar vendet e braktisura dhe të eksplorojë natyrën shqiptare.

“Është pak e mërzitshme sepse është vend i vogël, sidomos kur je pa punë. Kam vizituar pothuajse çdo cep të Shqipërisë. Kam vizituar gjithçka, vende të braktisura, kam qenë në ishujt, parqet, pothuajse kudo.” vijon rusja, Svetlana Timofeeva.

Lana Sator, ashtu siç ajo ka emrin e blogut të saj ka një kërkesë për autoritetet shqiptare, ndërsa kërkon që zëri i saj të dëgjohet për t’i mundësuar integrimin në këtë vend.

The post U arrestua para dy vitesh për spiunazh, rusja kërkon punë në Shqipëri si promovuese turizmi appeared first on Albeu.com.

52 vjeçari Assange, ka rënë dakord të pranojë fajësinë për vetëm një akuzë penale, atë të komplotit për të siguruar dhe publikuar dokumente sekrete të mbrojtjes amerikane, sipas dosjes së depozituar në gjykatë.

Përmes një postimi në rrjetin X, më parë i njohur si Twitter, Wikilekas tha se Assange la burgun Belmarsh të hënën dhe pasditen e së njëjtës ditë u largua nga Britania duke udhëtuar me një avion privat. “Pas seancës ai do të kthehet në Australi”, thuhej në deklaratë.

Assange pritet të dënohet me 62 muaj burg, periudhë që tanimë ai e ka kryer. Seanca ndaj tij pritet të mbahet të mërkurën në Saipan, ishullin më të madh në ishujt Mariana Veriore, territor amerikan.

Pas seancës ai pritet të kthehet në shtëpi, në Australi. Një përfaqësues ligjor i zotit Assange nuk pranoi të komentonte.

Në vitin 2020 Wikileaks, publikoi qindra mijëra dokumente sekrete të ushtrisë amerikane mbi luftrat e Uashingtonit në Afganistan dhe Irak, rrjedhja më e madhe e këtij lloji në historinë e ushtrisë amerikane.

Prokurorët amerikanë thonë se 52-vjeçari Assange, nxiti dhe ndihmoi ish-analisten e zbulimit të ushtrisë amerikane, Chelsea Manning, të vidhte kabllogramet diplomatike dhe dosjet ushtarake që publikoi WikiLeaks, duke vënë në rrezik jetë njerëzish.

Problemet ligjore të Julian Assangit filluan në vitin 2010, kur ai u arrestua në Londër me kërkesë të Suedisë, e cila donte ta merrte në pyetje në lidhje me akuzat për përdhunim dhe sulm seksual të bëra nga dy gra.

Në vitin 2012 ai shkeli rregullat e lirimit me kusht duke mos u paraqitur në gjykatë, e cila kishte vendosur të lejonte ekstradimin e tij në Suedi, dhe kërkoi strehë brenda Ambasadës Ekuadoriane në Londër, ku autoritetet britanike nuk kishin autoritet të ndërhynin. Ai qëndroi atje për 7 vjet për të shmangur ekstradimin në Suedi.

Marrëdhënia e tij me strehuesit ekuadorianë, u përkeqësua dhe ai u dëbua nga ambasada në prill 2019. Policia britanike e arrestoi atë menjëherë dhe e burgosi në Belmarsh.

Që nga viti 2019 ai ndodhej në këtë burg të sigurisë së lartë dhe për thuajse 5 vjet ka luftuar për të kundërshtuar ekstradimin në Shtetet e bashkuara.

Gajtë periudhës së burgosjes në Belmarsh, zoti Assange u martua me partneren e tij Stella me të cilën bëri dy fëmijë, ndërsa qëndronte i izoluar në ambasadën ekuadoriane./VOA

The post Julian Assange pritet të lirohet lirohet pasi pranoi fajësinë mbi akuzat për spiunazh appeared first on Albeu.com.

Lufta ruse kundër Ukrainës nënkupton edhe një “kthesë për sigurinë e brendshme”, tha sagte ministrja e Brendshme Nancy Faeser, kur prezantoi në qershor 2022 raportin e mbrojtjes kushtetuese. Si mbështetëse e Ukrainës, Gjermania është vënë veçanërisht në fokusin e shërbimeve sekrete ruse. Faeser sërish tërhoqi vëmendjen së fundi për fushatat e desinformimit, sulmet kibernetike dhe spiunazhin e shërbimeve të huaja sekrete.

Shkas për këtë dha edhe arrestimi të mërkurën (9.08.2023) në Koblenz i Thomas H. Prokuroria federale e akuzon oficerin gjerman, se i ka shërbyer autoriteteve ruse. Ai akuzohet të ketë tradhëtuar tek rusët duke kaluar informacionepër materiale dhe armë të Ushtrisë Gjermane. Sipas gazetës “Tagesspiegel” i pandehuri kishte rënë në sy në qarqet e brendshme për shkak të simpatisë ndaj partisë pjesërisht të ekstremit të djathtë Alternativa për Gjermaninë (AfD) si dhe ndaj politikës ruse.

Një agjent i dyfishtë në Shërbimin Informativ Federal (BND)?

Në fund të vitit 2022 një rast i ngjashëm tërhoqi vëmendjen. Carsten L. ishte drejtor sektori në shërbimin BND përgjegjës për “sigurinë e personelit” – por ai ishte kthyer vet në një rrezik të madh. Ish-oficeri i Bundeswehrit akuzohet, se si agjent i dyfishtë ka punuar për shërbimin sekret rus FSB duke u interesuar veçanërisht për të dhëna mbi pozicionet e aviacionit të mbrojtjes kundërajrore, që shtetet perëndimore i kanë dhënë Ukrainës. Por në fakt Carsten L. nuk ka pasur akses në informacione të tilla. Ai u arrestua më 21.12.2022. Ndaj tij dhe një personi tjetër të involvuar po hetohet për tradhëti ndaj atdheut.

Familja Anschlag dëgjon valë të shkurtëra

Por raste të spiunazhit nga Gjermania në Moskë ka pasur prej kohësh jo vetëm tani me luftën në Ukrainë. Çifti i agjentëve rusë me emrat Andreas dhe Heidrun Anschlag për dekada paraqiteshin si një çift me jetë të rëndomtë: ai si inxhinier dhe ajo si grua shtëpiake. Por në fakt që të dy që nga fundi i viteve 1980 kanë qenë aktivë si agjentë për Moskën.

Ata spiunonin fillimisht për sovjetikët dhe më pas për shërbimin sekret rus duke u çuar atyre informacione nga Gjermania për NATO-n dhe Bashkimin Europian. Ata merrnin porosi me mesazhe të koduara përmes valëve të shkurtëra – asokohe spiunazhi ende nuk ishte një biznes digjital. Në vjeshtën e vitit 2011 ata u zbuluan – falë të dhënave nga shërbimi sekret i SHBA-së. Më 2013 të dy u dënuan me shumë vite burgim dhe më pas u dëbuan në Rusi.

Rreth 12.000 agjentë ka pasur gjatë luftës së ftohtë në Gjermaninë Perendimore, të cilët ishin në shërbim të Stasit (Sigurimi i Shtetit në RDGJ). Një ndër to ka qenë edhe Gabriele Gast, e cila u zbulua pas pas shpërbërjes së RDGJ-së në Gjermaninë Lindore dhe ribashkimit të Gjermanisë.

Gabriele Gast ishte nga Gjermania Perëndimore dhe më 1968 gjatë një udhëtimi për hulumtime për temën e dizertacionit “Roli i gruas në RDGJ” ajo u rekrutua nga një oficer i Stas-it në Gjermaninë Lindore. Me emër të rremë ajo bëri karrierë në shërbimin informativ, BND në RFGJ. Ajo konsiderohet si spiunia kryesore e RDGJ-së në Perëndim.

Një burim i ngjashëm ifnormacioni për Stasin ka qenë edhe Alfred Spuhler, një nëpunës i lartë në BND, i cili pati zbuluar qindra agjentë perëndimorë, të cilët kanë qenë aktivë në RFGJ. Ai u arrestua në nëntor 1989.

Si agjent i dyfishtë punonte edhe drejtori prej shumë vitesh i referatit të BND-së “kundërzbulimi Bashkimi Sovjetik”, Heinz Felfe. Ky ish- SS deri në vitin 1961 i raportonte KGB-së në Moskë. Gjatë jetës së tij Felfe ka punuar për shërbime të ndryshme sekrete, ndër to edhe për shërbimin britanik MI6 dhe “shërbimin e sigurisë” nacionalsocialist SS.

Spiuni në zyrën e kancelarit

Por rasti më spektakolar i spiunazhit nga koha e luftës ë ftohtë në Gjermani mbetet ai i Günter Guillaume, i ardhur në RFGJ si refugjat nga Lindja më 1956 bashkë me gruan e tij Christel. Detyra e tyre nga Stasi ishte të jepnin informacione të brendshme nga partia socialdemokrate SPD: Guillaume arriti të bëjë karrierë duke u ngjitur deri në postin e referentit personal të ish-kancelarit socialdemokrat Willy Brandt.

Kur Guillaume u zbulua kancelari Brandt si rrjedhojë dha dorëheqjen më 6 maj 1974. Günter Guillaume u dënua me 13 vjet burg dhe gruaja e tij me tetë vjet burg. Që të dy më 1981 u liruan duke u dërguar në RDGJ në kuadrin e shkëmbimit të agjentëve./dw

The post DW: Kujdes nga Rusia, pas skandalit të spiunazhit në Gjermani appeared first on Albeu.com.

Një marinar 22-vjeçar që shërbente në një anije luftarake në San Diego u arrestua të mërkurën, duke u përballur me akuza në lidhje me spiunazh dhe komplot për të dërguar informacion tek zyrtarët kinezë, raportoi AP, duke cituar zyrtarë amerikanë që folën në kushte anonimiteti.

Një tjetër marinar u arrestua në bazën e marinës amerikane në Ventura County, në veri të Los Anxhelosit. Ai akuzohet për konspiracion dhe financim nga një zyrtar kinez, sipas informacioneve nga i njëjti burim.

Vitet e fundit, marrëdhëniet e Uashingtonit me Pekinin janë tensionuar për arsye që lidhen me sigurinë kombëtare dhe çështjet tregtare. SHBA e ka akuzuar Kinën për spiunazh dhe sulme kibernetike, por pala kineze i hedh poshtë akuzat. Kina ka bërë akuza të ngjashme në të kaluarën.

Probleme të tjera në marrëdhëniet kino-SHBA janë ndalimi i eksportit të teknologjisë së avancuar nga SHBA, politika industriale e Pekinit, abuzimet e të drejtave të njeriut në Kinë, origjina e koronavirusit që shkaktoi pandeminë Covid-19, tarifat tregtare dhe çështja e Tajvanit.

The post Arrestohen dy marinarët amerikanë, akuzohen se spiunonin për Kinën appeared first on Albeu.com.

Alpatov ka thënë për gazetaren Klodiana Lala se kishte ardhur në Shqipëri për të mësuar për historinë.

Ai ka treguar ndër të tjera se kishte një punë të mirë, një karrierë e një të dashur para se të vinte në vendin tonë, por në 9 muaj humbi gjithçka.

“Për mua dhe për familjen time ishte një tragjedi e madhe. Përpara se të vija në Shqipëri unë kisha një punë shumë të mirë, kisha karrierë, kisha një të dashur. Kisha ardhur në Shqipëri për të mësuar për historinë, të mësoja për komunizmin, për Enver hoxhën dhe për gjëra të tjera interesante të historisë së shqipërisë. U arrestova gjatë udhëtimit tim dhe ata më akuzuan mua për spiunazh. 5-6 ditë më vonë Edi Rama tha se ne nuk jemi spiunë dhe objekti ishte i deklasifikuar. Por ata që më lanë mua në burg për 9 muaj. Unë humba gjithçka”, deklaroi Alpatov.

Ndër të tjera ai ka treguar me detaje çfarë ndodhi ditën që u arrestua dhe se nuk e dinin kush ishin personat që po i ndiqnin.
“Ishte një fabrikë e braktisur në Gramsh dhe ne vendosëm të shihnim çfarë kishte brenda. Nuk kishte dritare dhe ne vendosëm të futeshim brenda. Brenda godinës ne u përballëm me disa djemë, tentuam të iknim në drejtime të ndryshme. Mikhail shkoi në një drejtim, unë në një drejtim tjetër. Siç e di unë, Misha vrapoi dhe pas disa momentesh ishte një makinë e zezë nga ku dolën disa djem që ndaluan Mishën. Nuk dukeshin si ushtarakë, makina ishte një “Audi” e errët. Misha mendoi se ata po e sulmonin dhe vendosi të mbrohej me sprai me piper. Ata e morën, e goditën dhe e futën në stacionin e policisë”, ka thënë Alpaov.

Kujtojmë që ditën e djeshme gjykata la të lirë shtetasit rusë që u futën në uzinën e Gramshit para disa muajsh duke sulmuar rojet e subjektit.

Mikhail Zorin do vendoset në arrest shtëpie, ndërsa Fedir Alpatov dhe Svetlana Tomofoeva janë të ndaluar të dalin jashtë Shqipërisë.

Këta të fundit duhet gjithashtu të paraqiten një herë në muaj para oficerit gjyqësor.

The post “Humba gjithçka”, flet pas lirimit i riu rus që u arrestua për spiunazh: Erdha në Shqipëri për të mësuar historinë appeared first on Albeu.com.

Avokati i Zorinit kërkoi ndryshimin e masës së sigurisë për klientin e tij, duke pretenduar se kanë kaluar afatet kohore të paraburgimit. Gjykata vendosi që të pranojë kërkesën e Prokurorit dhe kërkoi që të paraqitet informacion mbi hetimet.

Si pasojë, seanca gjyqësore u shty dhe caktuan datën 14 prill 2023, në orën 13:00.

Zorin akuzohet se në bashkëpunim me Svetlava Timofeeva dhe Fedir Alpatov kanë mbërritur në Shqipëri me detyra të përcaktuara nga shërbimet sekrete ruse, për njohje territori, duke fotografuar objekte ushtarake dhe infrastrukturën kritike më vendin tonë. /albeu.com

The post Akuzohet për spinuazh, shtyhet seanca për shtetasin rus, kërkoi ndryshim të masës së sigurisë appeared first on Albeu.com.

Kina ishte në gjendje të kontrollonte balonën në mënyrë që të mund të bënte kalime të shumëfishta mbi disa prej vendeve  dhe të transmetonte informacionin e mbledhur në Pekin në kohë reale, thanë tre zyrtarët.

Inteligjenca e mbledhur nga Kina ishte kryesisht nga sinjalet elektronike, të cilat mund të merren nga sistemet e armëve ose të përfshijnë komunikime nga personeli i bazës, në vend të imazheve, thanë zyrtarët.

Tre zyrtarët shtuan se Kina mund të kishte mbledhur shumë më tepër inteligjencë nga faqet e ndjeshme.

Të hënën, një zëdhënës i Departamentit të Mbrojtjes përsëriti se çdo inteligjencë e mbledhur kishte “vlerë shtesë të kufizuar” për Kinën dhe tha se ajo nuk mund të konfirmonte që balona kishte transmetuar ndonjë informacion në Kinë në “kohë reale”.

Zëdhënësi i Këshillit të Sigurisë Kombëtare, John Kirby nuk pranoi t’u përgjigjej pyetjeve të hënën pasdite se çfarë lloj sinjalesh ose komunikimesh elektronike mund të kishte akses balona. /Albeu.com/

The post Balona kineze mori informacion nga faqet ushtarake amerikane, pavarësisht përpjekjeve për ta bllokuar atë appeared first on Albeu.com.

Gershkovich, i cili ishte në Rusi për të mbuluar luftën e vazhdueshme në Ukrainë, “dyshohet për spiunazh në interes të qeverisë amerikane”, tha në një deklaratë shërbimi i sigurisë i njohur si FSB, raportoi Interfax.

FSB tha se kishte “ndaluar aktivitetet e paligjshme të shtetasit amerikan Gershkovich Evan, i lindur në vitin 1991, korrespondent i zyrës së Moskës të gazetës amerikane The Wall Street Journal, i akredituar në Ministrinë e Jashtme ruse, i cili dyshohet se ka spiunuar për interesa të qeverisë amerikane”.

Ata shtuan se reporteri amerikan “mblodhi informacion që përbën një sekret shtetëror në lidhje me aktivitetet e një prej ndërmarrjeve të kompleksit ushtarak-industrial rus”.

Sipas Moscow Times, eksperti i PR Yaroslav Shirshikov tha në aplikacionin e mesazheve Telegram se ai mori një telefonatë gjatë natës nga një punonjës i WSJ, i cili nuk kishte mundur të kontaktonte zotin Gershkovich.

“Ai (Gershkovich) ishte online dje rreth orës 15:00 për herë të fundit. Ai organizoi të bënte një intervistë me mua”, citohet të ketë thënë Shirshikov. /albeu.com

The post Arrestohet gazetari i “Wall Street Journal” në Rusi: Spiunonte për qeverinë amerikane appeared first on Albeu.com.

Nikolai Malinov, i cili po ashtu është lider i grupit lobues pro-Rusisë në Bullgari, që njihet me emrin Lëvizja Kombëtare Rusofile, dhe garon për deputet në zgjedhjet parlamentare të muajt të ardhshëm në Rusi, u zgjodh me votë unanime si kryetar i MDR-së, gjatë kongresit të kësaj lëvizjeje që u mbajt në Moskë më 14 mars.

Në këtë ngjarje mori pjesë ministri i Jashtëm rus, Sergei Lavrov, zëdhënësja e Ministrisë së Jashtme ruse, Maria Zakharova, zëvendëskryetari i Dhomës së Ulët të Parlamentit rus, Konstantin Kosachev, ideologu Aleksandr Dugin dhe oligarku Konstantin Malofeyev.

Presidenti rus, Vladimir Putin, dhe patriarku rus Kirill, dërguan mesazhe urimi në këtë kongres.

Më 2019, Malinov, ish-deputet i Partisë Socialiste të Bullgarisë (BSP) u akuzua për financim dhe spiunim për dy organizata ruse dhe iu ndalua që të udhëtonte jashtë vendit.

Muajin e kaluar, Malinov u sanksionua nga Shtetet e Bashkuara dhe Britania për korrupsion së bashku edhe me shtatë politikanë të tjerë bullgarë, që kanë qenë anëtarë të Parlamentit apo kanë pasur pozita qeveritare.

Departamenti amerikan i Thesarit ka thënë se Malinov, të cilit i është ndaluar të udhëtojë jashtë vendit, kishte korruptuar një gjykatës bullgar për t’i lejuar që të shkonte në Rusi që personalisht të pranonte Medaljen e Miqësisë që ia ndau Putini më 2019.

Partia e Malinovit, Rusofilët për Ringjalljen e Atdheut dhe grupi Lëvizja Kombëtare Rusofile janë nën sanksione amerikane, sipas Aktit Magnitsky, që shënjestron shkelësit e të drejtave të njeriut dhe korrupsionin në mbarë botën.

Edhe pse ende ka akuzë për spiunazh, Malinov aktualisht është kandidat për zgjedhjet e 2 prillit nga koalicioni Bullgaria Neutrale, ku bën pjesë grupi i tij Lëvizja Kombëtare Rusofile. Është e paqartë se si atij iu lejua që të udhëtonte për në Moskë sërish, pasi ndaj tij ka urdhër që të mos lejohet të udhëtojë jashtë vendit./REL/

The post Ish-deputeti bullgar i akuzuar për spiunim, zgjidhet shef i grupit të mbështetur nga Moska appeared first on Albeu.com.