Spitali Traumes Archives - Albeu.com

ME EMRA/ 5 të plagosurit nga konflikti në Laç, kush janë 2 të rinjtë në rrezik për jetën te Spitali i Traumës. 3 të tjerët paraqiten në gjendje të…

D Marku — Sat, 03 May 2025 16:32:13 +0000

Pas incidentit të armatosur që ndodhi në qytetin e Laçit, pesë persona janë transportuar në Spitalin e Traumës në Tiranë, ku kanë marrë trajtim mjekësor. Të gjithë të plagosurit kanë pësuar plagë nga armë zjarri në gjymtyrët e poshtme.

Gjendja shëndetësore e të plagosurve është si më poshtë:

Angjelina Gjezaj, 58 vjeçe – Jashtë rrezikut për jetën. Po qëndron nën vëzhgim mjekësor për ndjekje të mëtejshme.

Amarildo Ndoj, 26 vjeç – Në gjendje të rëndë shëndetësore. Po trajtohet në repartin e terapisë intensive

Geri Bitri, 24 vjeç – Gjithashtu në gjendje të rëndë. Mjekët po bëjnë përpjekje për stabilizimin e parametrave jetësorë.

Liridon Ismaili, 26 vjeç – Në gjendje të stabilizuar, por ndodhet nën monitorim intensiv.

Daniel Gjeloshi, 26 vjeç – Po ashtu në gjendje të stabilizuar dhe nën mbikëqyrje mjekësore të vazhdueshme.

Çfarë ndodhi në Laç?

Ngjarja ka ndodhur pas një konflikti mes disa të rinjve në qytetin e Laçit. Policia e Kurbinit ka njoftuar se autori i dyshuar është identifikuar dhe puna për kapjen e tij vijon me intensitet.

Disa orë pas të shtënave, efektivët e policisë kanë gjetur armën e krimit, një pistoletë, e cila ishte hedhur në një kantier ndërtimi jo shumë larg vendngjarjes. Hetimet janë në vijim.

The post ME EMRA/ 5 të plagosurit nga konflikti në Laç, kush janë 2 të rinjtë në rrezik për jetën te Spitali i Traumës. 3 të tjerët paraqiten në gjendje të… appeared first on Albeu.com.

Qeveria do të shpenzojë 10 mln euro për rikonstruksionin e Spitalit të Traumës

V K — Mon, 14 Oct 2024 10:16:12 +0000

Qeveria shqiptare do të shpenzojë 10 milionë euro për rikonstruksionin e ambienteve të Spitalit të Traumës. Operatori i Blerjeve të Përqëndruara, ka shpallur tenderin me objekt “Rikonstruksion i Godinës së Korpusit Qëndror dhe Sistemimi i Ambienteve të Jashtme të Spitalit Universitar të Traumës”, i cili parashikon transformimin total të atij që njihet ndryshe dhe si ish Spitali Ushtarak.

Sipas dokumentave të publikuara në Agjencinë e Prokurimit Publik, data për zhvillimin e tenderit është caktuar 11 nëntori, ndërsa vlera e pritshme e kontratës është vendosur 1 miliardë e 13 milionë lekë ose 10.2 milionë euro me kursin aktual.

Punimet për rikonstruksionin e spitalit parashikohen të zgjasin 24 muaji.

Projekti për transformimin e qendrës spitalore, është hartuar nga studio Civil Cons dhe C.E.C group./Kapitali.al

The post Qeveria do të shpenzojë 10 mln euro për rikonstruksionin e Spitalit të Traumës appeared first on Albeu.com.

U kap në flagrancë duke marrë para, arrestohet mjeku te Spitali i Traumës

E S — Fri, 23 Sep 2022 13:14:14 +0000

Një mjek është arrestuar ditë ne sotme në Spitalin e Traumës për korrupsion. Abc mëson se mjeku është kapur në flagrancë duke marrë para dhe më pas është vënë në pranga nga policia. Nuk dihet ende shuma e parave të marra nga mjeku dhe identiteti i tij./albeu.com [...]

U plagos me 3 plumba, ky është momenti kur mbërrin te Trauma kryetari i njësisë administrative të Kallmetit (VIDEO)

E S — Fri, 01 Apr 2022 13:00:58 +0000

Albeu.com ka siguruar pamjet nga momenti i mbërritjes së Besnik Simonit në Spitalin e Traumës në Tiranë.

Simoni u plagos në mësditë nga Altin Marku, pas një konflikti në zyrë. Kryetari i njësisë adminsitrative të Kallmetit mori të plumba sipas policisë nga një armë tip pistoletë.

Dyshohet se mes Markut dhe Simonit ka pasur nj konflikt të hapur prej një viti që ka kulmuar në ngjarjen e sotme./albeu.com

The post U plagos me 3 plumba, ky është momenti kur mbërrin te Trauma kryetari i njësisë administrative të Kallmetit (VIDEO) appeared first on Albeu.com.