Arrestimi i mjekut është bërë pas denoncimit të bërë nga drejtori i Spitalit klinik të Tetovës, Pëllumb Vela.

Ai e ka cilësuar publikimin e videos si “të papranueshme”.

“Ky veprim për ne është i pakuptueshëm. Dënojmë çdo sjellje joprofesionale të stafit mjekësor ndaj pacientëve”, ka thënë për TV21, drejtori i spitalit, Vela.

Sipas njoftimit të Ministrisë së Punëve të Brendshme e Maqedonisë së Veriut, anesteziologu (V.D) 43 vjeç, është ndaluar në fshatin Odër të Tetovës.

“Për rastin është njoftuar prokurori publik, dhe pas dokumentimit të tij do të merren masa adekuate”, është thënë në njoftimin e Policisë.

Oda e Mjekëve e Maqedonisë së Veriut, e ka dënuar ashpër incidentin me anesteziologun dhe ka kërkuar marrjen e masave nga institucionet përkatëse.

“Kërkesa për respektimin e të drejtave personale nis nga respektimi i të drejtave të të tjerëve, në këtë rast të të drejtave të pacientëve. Në një kohë sa më të shkurtër do të thirren organet e Odës për shqyrtimin e rastit, dhe marrjen e veprimeve dhe masave”, është thënë në reagim.

“Mjekët janë të obliguar ta kryejnë profesionin e tyre me ndërgjegje dhe përgjegjësi, të respektojnë dinjitetin njerëzor dhe të drejtat e të sëmurëve dhe të ruajnë besimin e tyre”, ka thënë mes tjerash Oda.

Ky rast ka shkaktuar reagime të shumta në opinion, pasi qytetarët kanë kërkuar masa urgjente nga institucionet përkatëse, por edhe masa tjera për parandalimin e publikimeve të tilla që cenojnë privatësinë e njerëzve./rel

The post Publikoi video të pacienteve nga Gjinekologjia, arrestohet anestezisti në Teetovë appeared first on Albeu.com.

Vajza, babai i së cilës ishte në mesin e pacientëve që u shtruan në spitalin modular në Tetovë dhe fatmirësisht shpëtoi, dhe deklaratat e së cilës dolën sot në media, ajo sqarohet në rrjetin social për të treguar historinë e saj sepse, siç thotë ajo, ajo nuk dëshiron që një pjesë e mediave ta keqpërdorin dhe të shpifin për rastin në fjalë.

“Thashethemet se zjarri u shkaktua nga një prizë e thyer – po, unë thashë që kemi dëgjuar një thashethem të tillë, dhe me siguri të gjithë ju në Tetovë po e dëgjoni. Por! Motra dhe babai im nuk panë asgjë, gjithçka që ata donin në atë moment dhe ai panik ishte për të shpëtuar dhe në asnjë rast ata nuk pretendojnë se ishte pikërisht ky shkaku i zjarrit, sepse, e përmend përsëri, ata nuk panë! Ashtë një fakt që zjarri shpërtheu shumë shpejt, se njerëzit digjeshin të gjallë, për fat të keq, është një fakt, që prindërit dhe shumë të tjerë kanë ikur nga dritarja, është fakt që pavarësisht sa kritikoni për shoqëruesit e pacientëve, ata së bashku me personelin mjekësor ndihmuan që disa nga pacientët të evakuoheshin ”, thekson më tutje ajo./TS

The post Rrëfimi i tmerrshëm nga tragjedia në Tetovë: Njerëzit po digjeshin të gjallë appeared first on Albeu.com.