Tenderët e shëndetësisë janë kthyer në një gangrenë të madhe për buxhetin e shtetit pasi shifrat e mëdha që prokurohen si edhe mungesa e konkurrencës në një pjesë të mirë të rasteve bën që fondet publike të menaxhohen në formën më të keqe të tyre.

Rasti më tipik i këtyre ditëve vjen nga Spitali Rajonal i Vlorë, në të cilin drejtoresha Brunilda Mersini a organizuar një tender me vlerë totale 840 milionë lekë të vjetra me TVSH për blerje materialesh mjekimi për nevojat e spitalit si edhe të materiale konsumi për shërbimin e kirurgjisë.

Tenderi është ndarë me dy lote, ku kontraktori thekson se pret oferta nga kompani apo bashkim kompanish. Më konktretisht, loti 1 ka objekt ” Blerje materiale mjekimi te pergjithshme per nevoja te Spitalit Rajonal Vlore “ dhe fond limit 34 579 246 lekë (pa TVSH) kurse loti 2 ka objekt “Blerje materiale mjekimi konsumi dhe kirurgjikale per nevoja te Spitalit Rajonal Vlore” dhe një fond limit 35 589 422 lekë pa TVSH.

Sipas të dhenave të Agjencisësë së Prokurimeve Publike, konkratori, pra Spitali Rajonal i Vlorës ka shpallur fituesit dhe ka lidhur kontratat një vjeçare me tre kompani.

Bashkimi i kompanive  MONTAL SHPK me pronar Skënder Lusin dhe BIOMETRIC ALBANIA SHPK me pronar Artur Kadarenë kanë fituar lotin e parë, kurse loti i dytë është fituar nga EUROMED shpk, në rë cilën rezultojnë pronarë Hervin Fora dhe Engjëll Hoxha.

Pikërisht këtu nis edhe problemi me këtë tender, i cili për nga fondi limit konsiderohet tepër i madh për sektorin e shëndetësisë.

Në dyja rastet, dy lotet janë fituar me 99% të fondit limit!

Kjo konsiderohet një çmenduri në praktikën normale të prokurimeve publike dhe nëse dikush do të merrej seriozisht me këtë çështje, ata që kanë firmosur letrat duhet të përballen me pasoja ligjore serioze.

Por, gjithçka e ka një shkak!

Dhe kjo kosto e frikshme për fondet publike në tenderin në fjalë ka ardhur për shkak të mungesës së theksuar të konkurrencës.

Siç konstaton AlbEu.com, në të dyja lotet kanë ofertuar vetëm kompanitë fituese dhe aksush tjetër!

Megjithatë, kontraktuesi, pra Spitali Rajonal Vlorë ka vijuar me procedurat nuk mos iu dhimbsur asnjë qindarkë nga taksat e shqiptarëve.

I mbetet autoriteteve ligjore të vërtetojnë nëse shkaku i kësaj padhembshurie, është thjesht papërgjegjëshmëria apo korrupsioni.

Jo më kot, platforma Open Procurement Albania e ka shpallur me “flamur të kuq” këtë tender pasi mungon tërësisht konkurrenca dhe 840 milionë lekë me TVSH u janë dhënë pa të keq tre kompanive, të njohura për praktika problematike me tenderët në sektorin e shëndetësisë.

Kush janë kompanitë

Kompanitë fituese të këtij tenderi  MONTAL SHPK,  BIOMETRIC ALBANIA SHPK dhe EUROMED shpk njihen për statistikat e çuditshme të tenderëve të shendetësisë duke fituar shpesh me 98-99% të fondit limit.

AlbEu.com konstaton nga të dhënat e thesarit të publikuara nga platforma Open Data Albania se kompanitë në fjalë kanë një rritje të ndjeshme të volumit dhe fitimeve kryesisht pas vitit 2013, i cili përkon edhe me ardhjen në pushtet të maxhorancës së sotme. /AlbEu.com

The post “Masakër” me fondet publike, Spitali i Vlorës merr “karton të kuq”, 840 milionë lekë pa garë: Çmenduria në letra appeared first on Albeu.com.

Trupi i saj është zbuluar rreth orës 10:00, në shtepinë rezidenciale të fëmijës, nga stafi mjekësor.

Sipas informacioneve paraprake bëhet me dije se e reja vuante nga sëmundja e Epilepsisë prej një kohe të gjatë.

Trupi i pajetë do të dërgohet drejt morgut, ku pritet përgjigjja e ekspertizës mjekoligjore për të përcaktuar shkakun e vdekjes, ku paraprakisht dyshohet për shkaqe natyrale.

Grupi hetimor po punon për zbardhjen e plotë të rrethanave të ngjarjes./albeu.com

The post E rëndë në Vlorë, gjendet e pajetë 25-vjeçarja në shtëpinë rezidenciale të fëmijës appeared first on Albeu.com.

Ky skandal është denoncuar nga emisioni investigativ ‘Boom’ në Ora News. Anila Zeqiri kishte shtruar në spital babain në datën 27 dhjetor 2020, dhe kur kanë kaluar me shumë se dy muaj, ajo nuk dinte se ku ndodhej babai saj.

Spitali, me anë të një reagimi zyrtar, ka përcjellë versionin e tyre. Në të thuhet se në datën 27 dhjetor, nëpërmjet telefonatës drejt 127, z. L.Z është transportuar drejt spitalit me ambulancën e urgjencës, ku bashkë me të ndjerin ishte shoqëruese edhe e bija.

Në atë ditë, mjeku ka kërkuar të komunikojë me vajzën, por ajo është larguar nga spitali, pa lënë asnjë të dhënë. I ndjeri, me asistencë mjekësore në gjendje të rendë, është nisur drejt Spitalit Covid 1. Po sipas burimeve zyrtare, vetëm në muajin mars, e bija ka kërkuar informacion për të atin, me pretendimin që ajo ka bërë aksident me motor ditën që e ka sjellë atë në urgjencë.

Reagimi i plotë i spitalit:

Prej shume se nje viti, te ndergjegjshem qe misioni yne eshte sa i veshtire aq edhe i rendesishem ne jeten e qytetit, Spitali Rajonal Vlore ka qene pjese e rendesishme ne betejen antiCovid. Jane asistuar, triazhuar, trajtuar, transferuar shume qytetare te Vlores nga ekipet mjekesore cdo dite, duke pasur prioritet shendetin e cdo qytetari. Per sqarim te opinionit publik referuar emisionit te transmetuar diten e djeshme ne televizionin Ora News, ju bejme me dije se: Spitali Rajonal Vlore shpreh ngushellimet per humbjen e z.L.Z. Se pari, eshte detyrim moral edhe social te tregojme te verteten edhe ne situata te pakuptimta te sajuara deri diku nga hidherimi i vajzes se te ndjerit. Ne date 27 dhjetor nepermjet telefonates drejt 127, z. L.Z eshte transportuar drejt spitalit me ambulancen e urgjences, ku bashke me te ndjerin ishte shoqeruese edhe e bija.

Po ne ate date, ku mjeku i urgjences triazhon rastin, ka kerkuar te komunikoje me vajzen por ajo eshte larguar nga spitali pa lene asnje te dhene. I ndjeri, me asistence mjekesore ne gjendje te rende (sqarojme ketu qe ishte i patrajtuar) niset drejt Spitalit Covid 1 .Vetem ne mars, pra shume kohe me pas, e bija ka kerkuar informacion per te atin me pretendimin qe ajo ka bere aksident me motor diten qe e ka sjelle ate ne urgjence edhe u largua pa pritur as perfundimin e vizites mjekesore si dhe pa lene numer kontakti. Ne te dhenat e spitalit po ate dite s’ka asnje te rregjistruar per aksident edhe per me teper, nuk figurojne te demtuar qe kerkojne asistence edhe hospitalizim per te vertetuar pretendimin se ajo eshte aksidentuar dhe nuk ka qene ne gjendje per te levizur.

Nga rregjistrat e reparteve nuk ka asnje dite shenime qe familjare te tjere kane sjelle ushqime(e bija e pohon qe s’ka sjelle ajo vete per shkak te aksidentit, por nuk permend ne asnje rast emrat e familjareve qe jane paraqitur me ushqime prane spitalit ) dhe aq me teper te kerkojne informacion mjekesor per z. Zeqiri . Znj. Zeqiri, ne muajin mars, pra shume kohe pas dhjetorit, ka kerkuar informacion per te atin, ku eshte sqaruar edhe pajisur me Fleten e Daljes nga Spitali Rajonal Vlore per te ndjerin. Sipas Fletes se Daljes referuar karteles mjekesore, i ndjeri ka qendruar vetem dy ore ne Spitalin Rajonal te Vlores, ku brenda kesaj kohe i eshte dhene ndihma e pare, eshte pajisur me ekzaminime mjekesore dhe eshte transferuar drejt Spitalit Covid 1, ku sic behet edhe me dije, ka humbur jeten.

Ne emrin e personelit mjekesor kerkojme ndjese per komunikimin aspak etik (te personelit mbeshtetes, ne rastin ne fjale shoferi i ambulances) edhe sigurojme qe situata te tilla nuk duhet te ndodhin per asnje arsye. Kerkojme nga ana e organeve kompetente hetimin edhe transparencen e rastit duke treguar te verteten rreth kesaj ngjarje duke vene ne dispozicion cdo te dhene transparente nga ana e Spitalit Rajonal Vlore. Fokusi i pandemise mbetet ndergjegjja e cdo individi per te respektuar masat kufizuese dhe rekomandimet mjekesore si dhe solidariteti njerezor i sejcilit prej nesh.

The post Dërgonte ushqime të atit që kishte vdekur prej 70 ditësh, reagon spitali i Vlorës appeared first on Albeu.com.