Një vit pasi u premtua ngritja e një parku memorial për personat që humbën jetën në zjarrin e 8 shtatorit 2021 në spitalin modular të Tetovës, punimet nuk kanë nisur ende. Madje, zona e planifikuar për këtë park nuk është pastruar. Të afërmit e viktimave shprehin zhgënjim, duke e cilësuar këtë si përbuzje ndaj viktimave, njësoj siç, sipas tyre, ishte edhe procesi gjyqësor.

Mumin Ismaili, familjar i njërit prej viktimave, thotë se familjet janë mashtruar nga premtimet për memorialin e 14 viktimave.

“Me parkun memorial na zhgënjyen neve si familjar. Na u premtua parku e zgjodhën vendin ku do bëujej parku, asokohe ishte ministër Azir Aliu ku bëmë një marrëveshje për ta bë parkun por nuk u bë. Na premtuan na rrejtën. Pra në këtë shtet gjithnjë neve si familjar kur na është premtuar diçka na kanë rrejt. Ajo nuk u bë dhe nuk e di edhe ku janë më punët për tu bë memoriali i 14 viktimave”, shprehet Mumin Ismaili, familjar i njërës prej viktimave.

Ndërkohë, drejtori i Spitalit Klinik të Tetovës, Erzen Elezi, deklaron se institucioni që ai udhëheq i ka përmbushur obligimet e veta lidhur me projektin. Sipas tij, dokumentacioni i kërkuar i është dorëzuar Ministrisë së Shëndetësisë, e cila është përgjegjëse për realizimin e parkut.

“Ashtu siç ju kemi informuar edhe juve, nga ana e spitalit klinik të Tetovës është kërkuar vendi dhe pozita ku mund të ndërtohet një park memorial për tragjedinë që ndodhi në spitalin e Tetovës. ne në Ministrinë e Shëndetësisë i kemi dhënë gjitha dokumentet e nevojshme që janë kërkuar mirëpo kjo është projekt i Ministrisë së Shëndetësisë. Disa herë kemi kërkuar dhe kemi marrë informacion se procedura është tek tenderimi”, deklaroi Erzen Elezi, Drejtor i Spitalit Klinik Tetovë.

Një muaj më parë, gjatë vizitës së tij të fundit në Spitalin Klinik të Tetovës, ministri i Shëndetësisë, Sasho Klekovski, tha se nuk kishte qenë i njoftuar për këtë projekt të mbetur pa përfunduar.

“Realisht nuk isha në rrjedhë se kemi projekt të papërfunduar këtu, më njoftoi kreu i komunës, do e shoh dhe do i japim prioritet”, u shpreh Sasho Klekovski, Ministër i Shëndetësisë.

Disa javë përpara përvjetorit të tragjedisë në Spitalin modular të Tetovës, Prokuroria e mbylli hetimin e dytë për furnizimin e spitaleve modulare. Me këtë, familjarëve iu shuan edhe pritjet për një zbardhje të plotë të rastit. Nga zjarri që shpërtheu më 8 shtator të vitit 2021 në spitalin modular të Tetovës humbën jetën 14 viktima. Për këtë ngjarje, përveç Spitalit të Tetovës si person juridik, u akuzuan edhe dy drejtorët e spitalit, Florin Besimi dhe Artan Etemi, për mosvendosjen e aparateve kundër zjarrit në objektin e modularit në Tetovë. /Alsat/

The post Parku memorial për viktimat e modularit në Tetovë mbetet vetëm premtim appeared first on Albeu.com.

Reparti i Pediatrisë në Spitalin Klinik të Tetovës ka pranuar 139 raste të reja gjatë 48 orëve të fundit. Rritja e numrit të fëmijëve të paraqitur lidhet kryesisht me simptoma si temperatura e lartë, të vjellat dhe diarreja.

Sipas të dhënave të repartit, nga 139 fëmijët e trajtuar, 12 janë shtruar në spital, ndërsa pjesa tjetër është larguar për të vazhduar trajtimin në kushte shtëpie.

Dr. Isa Osmani, specialist i pediatrisë, thotë se në pjesën më të madhe të rasteve bëhet fjalë për viroza sezonale. Ai shpjegon se përhapja e tyre gjatë verës favorizohet nga temperaturat e larta, mënyra e ushqyerjes dhe kontakti i shpeshtë mes fëmijëve.

“Në këtë grupmoshë, pjesa dërrmuese e rasteve shkaktohet nga viroza sezonale. Temperaturat e larta, mënyra e ushqyerjes, përdorimi i qumështit artificial, që kërkon higjienë shumë të madhe gjatë përgatitjes, si edhe kontakti mes fëmijëve të sëmurë dhe atyre të shëndetshëm, ndikojnë në përhapjen e tyre. Këto viroza janë ngjitëse dhe shoqërohen me simptoma të caktuara. Megjithatë, një diarre ose e vjellë nuk do të thotë se fëmija duhet dërguar menjëherë në spital. Prindërit duhet të kenë në dispozicion elektrolite dhe të përdorin forma të ndryshme ushqyerjeje për të parandaluar dehidratimin. Shpesh, prindërit frikësohen se fëmija mund të dehidratohet”, deklaroi pediatri Isa Osmani.

Për numrin e rasteve në Tetovë ka reaguar edhe Aleanca për Shqiptarët, e cila ka kërkuar shpjegime nga institucionet për, siç thotë, heshtjen ndaj kësaj situate.

“Pse tani heshtin? Shëndeti publik nuk mund të trajtohet në varësi të komunës, kryetarit apo interesit politik të ditës. Kur shifrat përdoren për sulme politike në Gostivar, ndërsa për shifra serioze në Tetovë zgjidhet heshtja, qytetarët kanë të drejtë të kërkojnë përgjigje”, thuhet në komunikatën e ASH-së.

Mjekët u bëjnë thirrje prindërve të tregojnë kujdes të veçantë ndaj higjienës së ushqimit, t’u ofrojnë fëmijëve lëngje të mjaftueshme dhe të shmangin kontaktet me personat e prekur, për të frenuar përhapjen e mëtejshme të virozave.

The post 139 raste në Pediatri në Tetovë brenda 48 orësh, 12 fëmijë u hospitalizuan appeared first on Albeu.com.

Temperaturat e larta të ditëve të fundit kanë sjellë një numër të madh pacientësh të vegjël në Repartin e Pediatrisë të Spitalit Klinik të Tetovës.

Sipas të dhënave të repartit, gjatë 48 orëve të fundit janë paraqitur gjithsej 139 fëmijë. Prej tyre, 12 janë mbajtur në spital për hospitalizim, ndërsa pjesa tjetër është larguar për trajtim në kushte shtëpie.

“Në spitalin klinik të Tetovës, gjegjësisht në repartin e pediatrisë, kemi pasur 139 raste në 48 orët e fundit. Nga të cilët 12 fëmijë janë hospitalizuar, ndërsa të tjerët janë lëshuar me terapi shtëpiake”, bëjnë të ditur nga Reparti i Pediatrisë – Tetovë.

Temperatura e lartë, të vjellat dhe diarreja janë shqetësimet kryesore me të cilat fëmijët janë paraqitur te mjeku. Specialisti i pediatrisë, dr. Isa Osmani, thotë se bëhet fjalë kryesisht për viroza sezonale të verës, të ndikuara nga kushtet mjedisore dhe higjiena.

“Në këtë grupmoshë, në shumicën e rasteve kemi të bëjmë me viroza sezonale. Temperaturat e larta, mënyra e përgatitjes së ushqimit, përdorimi i qumështit artificial, që kërkon higjienë shumë të madhe gjatë përgatitjes, si dhe kontakti i fëmijëve të sëmurë me ata të shëndetshëm, janë faktorë që ndikojnë. Këto viroza janë ngjitëse dhe shoqërohen me simptoma të caktuara. Megjithatë, pas çdo rasti të barkqitjes apo të vjelljes nuk është e nevojshme të shkohet menjëherë në spital. Nëna duhet të ketë elektrolite dhe të përdorë mënyra të ndryshme ushqyerjeje, me qëllim që të shmanget dehidrimi. Por nënat tona shpesh shqetësohen se fëmija mund të dehidratohet”, deklaroi pediatri Isa Osmani.

Apeli i mjekëve për prindërit është që t’i kushtojnë vëmendje higjienës gjatë përgatitjes së ushqimit, të sigurojnë hidratim të mjaftueshëm dhe të kufizojnë kontaktet e fëmijëve me persona të prekur, në mënyrë që të frenohet përhapja e mëtejshme e virozave. /tv21

The post Fluks i shtuar në pediatrinë e Tetovës: 139 fëmijë u trajtuan brenda 48 orëve appeared first on Albeu.com.