spitali i fierit Archives - Albeu.com

Spitali i Fierit merr “karton të kuq”, kompania “OES Distrimed” përlan 240 milionë lekë pa garë

E S — Sat, 18 Mar 2023 19:33:21 +0000

Tenderët e zhvilluar në sektorin e shëndetësisë dhe infrastrukturës janë kryesisht me shifra të mëdha, prandaj edhe kërkojnë një kujdes të veçante nga autoritetet kontraktuese me qëllin menaxhimin e mirë të parave publike duke nxitur konkurrencën mes kompanive private që kërkojnë të fitojnë kontratën, por edhe kursimin e sa më shumë parave duke marrë një shërbim cilësor.

Pavarësisht se kjo është ajo që çdo drejtues institucioni ofertues duhet të ketë ndërmend kur zgjedh një fitues, duket se drejtuesit e spitaleve as që degjojnë nga ky vesh.

AlbEu.com denoncoi pak ditë më parë një tender me “flamur të kuq” në Vlorë, ku ishin përlarë 840 milionë lekë nga taksat e qytetarëve pa zhvilluar asnjë garë me njeri-tjetrin, ndërsa sot ndalemi në Fieri.

Spitali Rajonal i Fierit ka zhvilluar një tender me vlerë rreth 240 milionë lekë të vjetra me TVSH me objekt blerjen e “Materiale mjekimi konsumi dhe kirurgjikale per nevoja spitalore”.

Në fund të procedurës së firmosur nga drejtoresha Nevila Shuke, fitues i tenderit shpallet kompania OES Distrimed SHPK me pronarë Orjada Jahon dhe Ermal Rizajn.

Kjo kompani spikat në marrjen e tenderëve pa garë nëpër spitalet shqiptare krahas “Montalit” të Skënder Lusit dhe “Biometric Albania” të Artur Kadaresë.

Duket se disa kompani zhvillojnë një “valle” me taksat e qytetarëve shqiptarë duke mos i “prishur” pazarin njeri-tjetrit në kurriz të fondeve publike, ndërsa fituesi më pas duhet të “merret vesh” me atë që firmos në fund kontratën.

Le të rikthehemi të tenderi i Fierit.

Spitali Rajonal i Fierit ka shpallur një fond limit 19 922 668,00 lekë (të reja pa TVSH). Në këtë tender, edhe pse relativisht i madh dhe që nuk do ndonjë ekspertizë për plotësimin e kushteve të prokuruesit, ka marrë pjesë vetëm një kompani, pikërisht ajo Jahos dhe Rizajt duke e ofruar një çmim 19 875 090,00 lekë (të reja pa TVSH) ose rreth 240 milionë lekë të vjetra me TVSH.

Spitali i Fierit i jep 240 milione leke te vjetra kompanise OES Distrimed pa gare sipas Open Procurement Albania

Praktikisht, i bie që kompania OES Distrimed SHPK e ka fituar këtë tender jo vetëm pa garë, por edhe me gati 100% të vlerës së fondit limit.

Duket e çuditshme dhe shumë e guximshme nga ata që marrin dhe ata që firmosin tenderë të tillë, por një realitet në Shqipërinë e vitit 2023.

Jo më kot, Open Procurement Albania e ka shpallur këtë tender “me flamur” të kuq për shkak të mungesës së theksuar të konkurrencës, gjë e cila ka bërë që fituesi të marrë kontratën me gati 100% të fondit limit.

Ky nuk është rasti i vetëm, është një fenomen që po ndodh rëndom nëpër spitalet dhe bashkitë e Shqipërisë, ndërkohë që autoritetet përgjegjëse heshtin teksa fondet publike shpërdorohen në një nivel të tillë. /albeu.com

The post Spitali i Fierit merr “karton të kuq”, kompania “OES Distrimed” përlan 240 milionë lekë pa garë appeared first on Albeu.com.

E FUNDIT/ Helmohen disa persona në Fier (VIDEO)

admin — Thu, 08 Sep 2022 08:46:12 +0000

Ditën e sotme është raportuar se disa persona të helmuar janë paraqitur në Spitalin Rajonal të Fierit.

Deri më tani nuk ka të dhëna mbi gjendjen e tyre shëndetësore, arsyet e helmimit dhe numrin e tyre.

Ndërkohë bëhet me dije gjithashtu se forcat e policisë para spitalit nuk lejojnë futjen e gazetarëve në ambientet e brendshme të spitalit./albeu.com/

The post E FUNDIT/ Helmohen disa persona në Fier (VIDEO) appeared first on Albeu.com.

Zjarri në spitalin e Fierit, reagon policia: Flakët u shuan, nuk ka të lënduar

E B — Wed, 06 Jul 2022 08:34:03 +0000

Një zjarr ka rënë sot në Spitalin Rajonal të Fierit. Në lidhje me këtë ngjarje ka reaguar policia e cila njofton se zjarri ka rënë në sallën e grafisë, dhe flakët tashmë janë shuar. Nga zjarri nuk ka të lënduar, ndërsa mësohet se pacientët janë shoqëruar në një tjetër spital.

Njoftimi i policisë:

Fier
Informacion paraprak

Sot, rreth orës 10:00, në spitalin Rajonal Fier, në repartin e grafisë, ka rënë zjarr.

Në vendngjarje kanë shkuar shërbimet e Policisë dhe shërbimet zjarrfikëse të cilët bënë të mundur fikjen e zjarrit.

Nuk ka persona të dëmtuar.

Grupi hetimor po punon për zbardhjen e shkakut të rënies së zjarrit./albeu.com

The post Zjarri në spitalin e Fierit, reagon policia: Flakët u shuan, nuk ka të lënduar appeared first on Albeu.com.

Mjekët turq në Spitalin e Fierit paguhen 3 herë më shumë se kolegët e tyre shqiptarë

E B — Sat, 23 Apr 2022 13:05:08 +0000

Mjekët dhe infermierët largohen nga Shqipëria për shkak të niveli të ulët të pagave. Por kur vjen puna tek mjeket e huaj, qeveria nuk kursehet. Një vit më parë u inaugurua Spitali i Fierit, një investim i mundësuar nga qeveria turke. Bashkë me investimin në këtë spital do të shërbenin edhe mjekë e infermierë turq. Stafi turk i spitalit përfiton shpërblime mujore nga qeveria gati trefishi i pagës së mjekëve dhe infermierëve shqiptarë të spitalit të ri.

Euronews Albania ka krahasuar diferencën mes pagës së punonjësve shqiptarë dhe shpërblimit që i jepet të stafit turk. Një mjek turk merr 305 mijë lekë, kryeinfermieri 227 mijë dhe infermieri 181 mijë. Ndërsa një mjek shqiptar merr 80 mijë lekë, kryeinfermieri 56 mijë lekë dhe infermieri 53 mijë.

Stafi turk nuk i kushton vetëm shpërblimet shtetit shqiptar. Spitali ka hapur tender për akomodimin e stafit. 300 mijë euro do t’i kushtojë shqiptarëve fjetja dhe një vakt i stafit turk për një vit. Sipas kontratës së publikuar maksimumi i personave që do flenë në hotel do të jetë maksimumi 38. Sipas ‘Open Data’, Spitali i Fierit ka shpallur deri tani 25 tenderë për blerja medikamentesh dhe materialesh mjekësorë por 12 janë me fitues. Vlera e këtyre tenderëve është rreth 400 mije euro. Ndërsa vlera më e madhe e parave të tenderuara nga ky spital janë për karburant rreth 600 mije euro, 700 mijë euro për lavenderinë dhe 300 mijë të tjera për ushqimin.

The post Mjekët turq në Spitalin e Fierit paguhen 3 herë më shumë se kolegët e tyre shqiptarë appeared first on Albeu.com.