Nëpërmjet një reagimi në “Facebook”, Spitali Amerikan vlerëson bashkëpunimin dhe mbështetjen e dhënë për Chevening Scholarship.

Ky bashkëpunim ka kontribuar në formimin e studentëve shqiptarë në Mbretërinë e Bashkuar, të cilët sot janë profesionistë të suksesshëm dhe kontribuojnë në zhvillimin e vendit.

Postimi i Spitalit Amerikan:

🇦🇱 Jemi krenarë të vazhdojmë partneritetin tonë me Ambasadën Britanike në Shqipëri, duke mbështetur Chevening Scholarship edhe për 3 vitet e ardhshme. 🤝

Gjatë viteve të fundit, ky bashkëpunim ka kontribuar në formimin e studentëve shqiptarë në Mbretërinë e Bashkuar, të cilët sot janë profesionistë të suksesshëm dhe kontribuojnë në zhvillimin e vendit.

Ne besojmë fuqishëm në edukimin, mundësitë dhe investimin tek brezat e rinj.

Faleminderit për besimin dhe partneritetin e vazhdueshëm. Presim me entuziazëm kapitullin e radhës të këtij bashkëpunimi.

Spitali Amerikan, përqafoje jetën!
—

🇬🇧 We are happy to continue our partnership with American Hospital, supporting Chevening Scholarship for the next 3 years. 🤝🎉

For the past three years, this partnership has helped send talented students to the UK, students who have since grown into skilled professionals now giving back to our country.

Our sincere thanks to American Hospital for your ongoing belief in the power of education and opportunity. We’re looking forward to the next chapter of this partnership.

The post Spitali Amerikan vazhdon partneritetin me ambasadën Britanike në Shqipëri për të mbështetur studentët shqiptarë për studime në Britani appeared first on Albeu.com.

I themeluar në Shqipëri si institucioni i parë privat i kujdesit shëndetësor në vend, Spitali Amerikan është rritur duke përfshirë katër spitale në Tiranë, dy në Kosovë dhe qendra mjekësore në të gjithë rajonin — një trajektore rritjeje që përbën bazën për zgjerim të mëtejshëm. “Ne synojmë të ndërtojmë praninë tonë dhe të bëhemi një lojtar kyç në kujdesin shëndetësor privat në të gjithë Ballkanin,” thotë CEO Mario Karaj.

Fillimisht i specializuar në procedurat kardiake, grupi ka shfrytëzuar kapitalin dhe ekspertizën e SHBA-ve për të zgjeruar ofertën e tij – të nxitur nga kërkesa e pacientëve që rrjedh nga reputacioni i tij për ofrimin e kujdesit shëndetësor të nivelit të lartë.

“Reagimet nga pacientët tanë në SHBA dhe Mbretërinë e Bashkuar theksojnë nivelin tonë të kujdesit të personalizuar si arsyen kryesore që ata zgjedhin shërbimet tona,” thotë Karaj.

“Spitali Amerikan është i pozicionuar mirë për të udhëhequr në turizmin mjekësor.” Këtu, Karaj ndan njohuritë e tij mbi rolin në rritje të spitalit në kujdesin shëndetësor ndërkombëtar.

“Spitali Amerikan shquhet në Shqipëri si një lider me potencial të jashtëzakonshëm rritjeje”
Mario Karaj
CEO, Spitali Amerikan i Shqipërisë

Pyetje: Cili është vizioni juaj për Spitalin Amerikan në Shqipëri?

Në vitin 2010, Spitali Amerikan filloi të operojë në Shqipëri, duke filluar si një ofrues i vogël privat, por edhe kryesor i kujdesit shëndetësor. Që atëherë, ne jemi zgjeruar ndjeshëm, duke funksionuar në qendrat mjekësore në të gjithë rajonin. Vizioni ynë është ta vazhdojmë këtë rritje, por arritja e saj kërkon zgjerimin përtej tregut shqiptar, i cili është ekonomikisht i kufizuar për shkallën tonë të operimit. Për të adresuar këtë, ne po fokusohemi në turizmin mjekësor.

Pyetje: Si synoni të arrini rritje në turizmin mjekësor?

Ne vlerësuam performancën e spitalit tonë në krahasim me konkurrentët rajonalë dhe zbuluam se renditemi lart për sa u përket ambienteve dhe ekspertizës mjekësore. Ekipi ynë përfshin mjekë të kualifikuar shqiptarë dhe ndërkombëtarë nga vende si Italia. Greqia, SHBA, Gjermania dhe Turqia. Ky grup i larmishëm talentesh rrit aftësinë tonë për të tërhequr pacientë globalisht.

Strategjia jonë përqendrohet në qëndrueshmërinë dhe besimin. Në kujdesin shëndetësor, gabimet mund të kenë pasoja serioze, ndaj ne i japim përparësi ndërtimit të standardeve të forta dhe besimit të pacientit. Të sigurt në cilësinë e shërbimeve tona — shërbimet që i besojmë për familjet tona — tani po u drejtohemi pacientëve ndërkombëtarë.

Turizmi mjekësor u ofron këtyre pacientëve kujdes shëndetësor me cilësi të lartë me një fraksion të kostos në vendet e tyre, së bashku me mundësinë unike për të eksploruar bukuritë natyrore dhe kulturore të Shqipërisë.
Dy vjet më parë, ne filluam të synonim seriozisht tregjet ndërkombëtare, duke përfshirë Italinë. SHBA, dhe Mbretërinë e Bashkuar. Sot, pacientët na vizitojnë rregullisht për procedura të tilla si kirurgjia plastike, mbjellja e flokëve, trajtimet dentare dhe IVF. Ne presim që gama e shërbimeve të kërkuara nga pacientët ndërkombëtarë të rritet në të ardhmen.

Pyetje: Çfarë strategjish keni për të tërhequr dhe mirëpritur pacientë ndërkombëtarë?

Reagimet nga pacientët ndërkombëtarë, veçanërisht nga Mbretëria e Bashkuar, nxjerrin në pah cilësinë unike të kujdesit që ne ofrojmë. Një pacient nga Uellsi u shpreh se ishte hera e tij e parë që kishte një dhomë private në një spital, me një infermiere të përkushtuar që e ndiqte shpesh dhe një përkthyes që e ndihmonte gjatë gjithë qëndrimit të tij.

Ky nivel i kujdesit të personalizuar është një arsye kryesore pse pacientët nga vende si Mbretëria e Bashkuar dhe SHBA-të zgjedhin shërbimet tona. Që nga momenti kur ata mbërrijnë, ne i japim përparësi komoditetit të tyre. Një makinë premium i merr nga aeroporti, duke i bërë të ndihen si VIP. Në spital, ata prezantohen me stafin dhe strukturën nga dikush që flet gjuhën e tyre, duke siguruar një përvojë të qetë.

Për rikuperimin pas procedurës. ne organizojmë akomodim në hotelet e nivelit të lartë nëse është e nevojshme dhe planifikojmë vizita pasuese për të siguruar mirëqenien e tyre. Nëse kërkohet kujdes i mëtejshëm, ne koordinohemi me vendin e tyre, duke minimizuar nevojën për udhëtime shtesë.

Qasja jonë thekson kujdesin e personalizuar, me në qendër pacientin. Të gjithë trajtohen në mënyrë unike, me vëmendje ndaj nevojave të tyre specifike, duke siguruar që ata të ndihen të vlerësuar dhe të kujdesur mirë gjatë gjithë udhëtimit të tyre.

Pyetje: Si ndikojnë në rritjen tuaj partneritetet me investitorët amerikanë?

Ne jemi liderë jo vetëm për shkak të pajisjeve tona të avancuara, por për shkak të qasjes sonë strategjike dhe të kuptuarit të tregut. Me mbështetjen e një fondi kapitali dhe ekspertizën amerikane, ne zbatojmë vazhdimisht strategjitë e biznesit amerikan, duke siguruar që çdo investim të mbështetet nga një hulumtim i plotë i tregut. Puna me grupe nga SHBA sjell besueshmëri dhe standarde të larta.

Pyetje: Çfarë e bën Spitalin Amerikan një mundësi bindëse për investitorët amerikanë?

Spitali Amerikan prezantoi procedura novatore dhe vendosi standarde të reja në mjekësi, duke sjellë një epokë të re për vendin. Ndryshe nga SHBA-të, ku tregu është i ngopur me spitale me përvojë dhe të avancuara, Spitali Amerikan shquhet në Shqipëri si një lider me potencial të jashtëzakonshëm rritjeje. Për investitorët, kjo krijon një mundësi unike.

The post FOTO/ Lider në kujdesin shëndetësor në vend, tani Spitali Amerikan tejkalon kufijtë e Shqipërisë duke vendosur standarde të reja appeared first on Albeu.com.

Në reagimin e Spitalit Amerikan thuhet se avokati nuk ka pranuar zyrtarisht ndonjë aktakuzë, ndërsa rrjedhjen e saj paraprakisht e konsideron shkelje të konfidencialitetit që minon parimet themelore të procesit të rregullt ligjor dhe prezumimin e pafajësisë, të cilat janë gurëthemelet e shtetit të së drejtës.

Deklaratë Publike

Spitali Amerikan në Kosovë është thellësisht i shqetësuar për rrjedhjen e fundit të paautorizuar të aktakuzës, në të cilën institucioni ynë përmendet në cilësinë e palës së dyshuar. Në këtë moment, as ne dhe as avokati ynë nuk e kemi pranuar zyrtarisht aktakuzën. Kjo shkelje e konfidencialitetit minon parimet themelore të procesit të rregullt ligjor dhe prezumimin e pafajësisë, të cilat janë gurëthemelet e shtetit të së drejtës.

Ne jemi gjithashtu të shqetësuar për nevojën e Prokurorisë Speciale për publicitet në këtë rast, pasi Prokuroria ka nxjerrë një njoftim publik lidhur me aktakuzën, para përmbushjes së detyrimit të saj për t’ia dorëzuar aktakuzën Spitalit Amerikan apo avokatit të tij. Detyra e Prokurorisë është të ofrojë fakte dhe jo të krijojë perceptim publik për fajësinë e të pandehurve apo të promovojë punën e saj publikisht, në barrë të palëve që i heton.

Zbulimi i parakohshëm i një informacioni kaq të ndjeshëm ndaj publikut, jo vetëm që komprometon të drejtën për një proces të drejtë, por gjithashtu ngre çështje serioze në lidhje me integritetin e procesit gjyqësor. Autoritetet duhet të fillojnë hetime për shkelje ligjore për shkak të rrjedhjes së aktakuzës në publik dhe të sigurojnë që përgjegjësit të mbahen përgjegjës për shkeljen e konfidencialitetit dhe detyrave zyrtare. Prandaj, presim që organet përgjegjëse të iniciojnë hetimet lidhur me këtë rast.

Ne u bëjmë thirrje të gjitha palëve, përfshirë mediat dhe publikun, që t’i qasen kësaj çështjeje me kujdes dhe të përmbahen nga nxjerrja e përfundimeve bazuar në informacione jo të plota, selektive ose jozyrtare. Spekulimet publike dhe konkluzionet e pabazuara nuk i ndihmojnë informimit të drejtë lidhur me këtë aktakuzë. Prandaj, çdo spekulim apo konkluzion, pa vërtetimin e fakteve nga Gjykata, mund të ketë vetëm motiv keqdashës.

Spitali Amerikan është plotësisht i përkushtuar për adresimin e pretendimeve përmes kanaleve të duhura ligjore dhe ka besim në aftësinë e gjykatës për të zbardhur faktet dhe për trajtimin e drejtë dhe profesional të çështjes. I bëjmë thirrje autoriteteve përkatëse të sigurojnë respektimin e konfidencialitetit dhe të mos ndikohen nga spekulimet publike të padrejta. Ndërsa, lidhur me akuzat, do të deklarohet avokati ynë, pas pranimit të aktakuzës.

Spitali Amerikan është investitor i huaj në Kosovë me aksionar SEEF2/SEAF (Southeast Europe Equity Fund) dhe me partnerë institucionalë amerikanë dhe evropianë. Të gjitha vendimet e tij janë marrë në mënyrë kolektive, transparente dhe janë të mbuluara nga Bordi si dhe nga aksionari amerikan. Prandaj, akuzat e bëra nga Prokuroria dhe që janë bërë publike janë absurde. Spitali Amerikan rezervon të drejtën që të mbajë përgjegjëse autoritetet shtetërore të Kosovës dhe zyrtarët e saj për dëmtimin e reputacionit të tij.

Spitali Amerikan ka punësuar mbi 600 profesionistë shëndetësorë në Kosovë. Me investimin dhe punën e saj të palodhshme, Spitali Amerikan i ka kontribuar ndjeshëm arritjeve të shëndetësisë në Kosovë si dhe rritjes së cilësisë së shërbimeve shëndetësore në Kosovë, duke i mundësuar qytetarëve të Kosovës shërbime cilësore pa pasur nevojë që ata t’i kërkojnë këto shërbime jashtë shtetit. Spitali Amerikan do të vazhdojë përkushtimin e tij profesional, ndërsa lidhur me akuzat do të vendosë gjykata, pas vlerësimit të drejtë të fakteve.

Spitali Amerikan

The post Reagon Spitali Amerikan Kosovë: Akuzat e Prokurorisë janë absurde appeared first on Albeu.com.

The post E ngarkuara me punë në Ambasadën e SHBA në Tiranë, Nancy Van Horn viziton Spitalin Amerikan 3, pritet nga Kryetari i Bordit Klodian Allajbeu appeared first on Albeu.com.

Kjo speciale zbulon potencialet e Shqipërisë në turizëm, shëndetsi, farmaceutikë, ndërtimin, inovacion dhe ekonomi për tregun europian.

Pjesë e këtij publikimi ishte intervista e drejtorit ekzekutiv të Spitalit Amerikan, z. Klodian Allajbeu, i cili foli për historikun e spitalit Amerikan, si nje Udhëzues në fushën e Shëndetsisë dhe potencialin e turizmit shëndetësor në Shqipëri dhe për përfitimet që kjo industri mund të sjellë në vend për vitet në vijim.

Spitali Amerikan i Shqipërisë u themelua në dhjetor 2006 si spitali i parë privat në Shqipëri. Spitali filloi aktivitetin e tij duke iu shërbyer pacientëve me probleme kardiake brenda dhe jashtë Shqipërisë dhe përqindja e pacientëve që largoheshin nga Shqipëria për të marrë trajtim jashtë vendit ra për 85 për qind vetëm në vitin e parë. Që atëherë, spitali ka zgjeruar fokusin dhe specialitetet e veta dhe ka zgjeruar praninë e tij si në Shqipëri ashtu edhe në Kosovë. Synimi i tij i ardhshëm madhor është turizmi shëndetësor.

Intervistë me Klodian Allajbeu, Drejtor Ekzekutiv, Spitali Amerikan

Spitali Amerikan, i themeluar ne vitin 2006 si spitali i parë privat në vend, udhëhoqi rrugën e shëndetësisë në vend duke hedhur njëkohësisht themelet e Institucionit kryesor mjekësor privat.

Vizioni im mbetet që pacientët dhe familjet e tyre sot ta quajnë Spitalin Amerikan një vend të kujdesit, besimit dhe shpresës”, thotë Dr. Klodian Allajbeu, Themelues dhe CEO i Spitalit Amerikan ne Shqiperi, duke shpjeguar motivin e palëkundur pas evolucionit të institucionit.

Spitali Amerikan i krijuar fillimisht në kardiologji, ne vitin e parë te operimit dha rezultate të menjëhershme, duke shkaktuar një rënie prej 85% të numrit të pacientëve kardiakë që largohen nga Shqipëria.Pas këtij suksesi, grupi spitalor u zhvillua me rritme te shpejta dhe tani krenohet me 6 godina dhe 31 departamente, duke ofruar kujdes shëndetësor dhe trajtime në një gamë të gjerë specialitetesh.

Spitalit i përbërë nga profesionistë të kujdesit shëndetësor shqiptarë dhe ndërkombëtarë, realizoi transplantin e parë të veshkave në vend – një nga një sërë arritjesh pioniere që i ka dhënë Grupit merita për modernizimin e industrisë së kujdesit shëndetësor në Shqipëri.

“Mjekët tanë shqiptarë bashkëpunojnë me kolegë jashtë vendit për të mbështetur funksionin e spitalit duke vlerësuar, trajnuar dhe aplikuar shërbime shëndetësore të një niveli të lartë, në mënyrë që spitali ynë të jetë në përputhje me standardet evropiane të cilësisë”, thotë Allajbeu.

Mbeshtetur ne protokollet ndërkombëtare shëndetësore në qendër të kujdesit klinik të spitalit, Allajbeu pret rritje të vazhdueshme në fushën e turizmit shëndetësor, me një rrjedhë të qëndrueshme të pacientëve evropianë që tashmë kërkojnë trajtime duke përfshirë IVF, kirurgji plastike dhe kujdes dentar. “Misioni ynë është të ofrojmë mjekët më të mirë dhe kujdesin më të mirë shëndetësor me çmime të përballueshme.”

Si do ta përshkruanit misionin e spitalit?
Spitali Amerikan ofron të gjitha shërbimet ekujdesit shëndetësor nga diagnostikimi deri tek trajtimi, duke adresuar të gjitha rastet, bazuar në protokollet ndërkombëtare shëndetësore. Struktura jonë është krijuar për cilësinë maksimale dhe efikasitetin e shërbimeve tona, si dhe staf mjekësor dedikuar çdo pacienti.

Ofrimi i kujdesit të cilësisë më të lartë nënkupton plotësimin e nevojave të çdo pacienti dhe vendosjen e teknologjisë dhe sistemeve më efikase në mbështetje të kujdesit tonë shëndetsor.

Çfarë e dallon Spitalin Amerikan nga ofruesit e tjerë të kujdesit shëndetësor?
Vlen të theksohet që ne kemi promovuar një sistem shëndetësor privat cilësor në Shqipëri për 18 vjet, duke kontribuar në përmirësimin e përgjithshëm të shërbimeve shëndetësore në vend. Përpjekjet tona duket se kanë ndikuar pozitivisht si në sektorin privat ashtu edhe në atë publik.

Në turizmin shëndetësor, një tjetër avantazh që gëzon spitali është vendndodhja e tij, pranë atraksioneve në Durrës. Shqipëria është një vend i bukur me shumë për të ofruar, nga klima mesdhetare e deri te peizazhet malore.

Si po i integron Spitali Amerikan iniciativat e qëndrueshmërisë dhe të gjelbër në modelin e tij operacional?
Që në fillim, Spitali Amerikan ka përfshirë praktika të qëndrueshme dhe iniciativa të gjelbra në modelin e tij operacional, duke përfshirë ndryshime të thjeshta në arkitekturën e spitalit, me një plan të mirë të menaxhimit të mbetjeve spitalore, përdorimin e kimikateve më të sigurta, si dhe masat e kursimit të ujit dhe energjisë, ndërtesat e gjelbra. dizajni, burimet alternative të energjisë, transporti me karbon të ulët, ushqimi lokal dhe reduktimi i mbetjeve.

Modeli ynë operacional është i fokusuar në mirëqenien afatgjatë, e cila rrit atë të stafit tonë të kujdesit shëndetësor dhe përmirëson rezultatet e pacientëve duke reduktuar kohën e pritjes dhe kostot e përgjithshme.

Artikulli original: https://d.newsweek.com/en/file/469189/albania-report-february-2024.pdf

The post Newsweek: Spitali Amerikan, lider në fushën e shëndetësisë në Shqipëri appeared first on Albeu.com.

Spitali shpjegon se për ndërhyrjen kirurgjiale janë ndjekur të gjitha procurat standarde dhe protokollet që ndiqen në raste te tillë.

“Pacientja I. H. në datë 29 Janar ka kryer ndërhyrje kirurgjikale pranë Spitalit Amerikan, ndërhyrje rutinë e kryer me çdo detaj sipas protokollit mjekësor dhe profesional. Operacioni është kryer konform çdo standarti mjekësor, pasi janë kryer të gjitha kontrollet, konsentet dhe analizat pre operatore të nevojshme.Operacioni ka përfunduar me sukses dhe pa asnjë problem”, thekson Spitali Amerikan, ndërkohë që rezulton se gjendja e pacientes është përkeqësuar më pas.

“Në datën 30 Janar pacientja pësoi një përkeqësim të menjëhershëm nga një komplikacion post operator mjaft i rëndë dhe me shkallë të lartë mortaliteti, i cili është pjesë e riskut të çdo ndërhyrjeje kirurgjikale.

Pavarësisht përpjekjeve maksimale nga mjekët dhe stafi më i specializuar i Spitalit për gjatë disa orësh për ta risjellë pacienten në gjendje normale, fatkeqësisht pacientja humbi jetën.

Spitali Amerikan, si në çdo rast, është në dispozicion për të bashkëpunuar me institucionet ligjzbatuese për sqarimin e kësaj ngjarje të dhimbshme për të gjithë, duke kërkuar shmangien e çdo deformimi apo dhe keqinformimi të publikut nga persona që nuk kanë informacion mbi situatën reale”, deklaron Spitali Amerikan duke theksuar se mbetet në dispozicion të autoriteteve për të bashkëpunuar në drejtim të zbardhjes së shkaqeve që çuan në këtë ngjarje.

Deklarata e plotë

Nisur nga vëmendja dhe interesi publik, Spitali Amerikan, me pikëllim dhe dhimbje të thellë, ndien detyrim moral dhe profesional të japë informacion të saktë ndaj rastit të pacientes I.H për ndarjen e saj papritur nga jeta, më datë 30 Janar.

Pacientja I. H. në datë 29 Janar ka kryer ndërhyrje kirurgjikale pranë Spitalit Amerikan, ndërhyrje rutinë e kryer me çdo detaj sipas protokollit mjekësor dhe profesional. Operacioni është kryer konform çdo standarti mjekësor, pasi janë kryer të gjitha kontrollet, konsentet dhe analizat pre operatore të nevojshme.

Operacioni ka përfunduar me sukses dhe pa asnjë problem.

Në datën 30 Janar pacientja pësoi një përkeqësim të menjëhershëm nga një komplikacion post operator mjaft i rëndë dhe me shkallë të lartë mortaliteti, i cili është pjesë e riskut të çdo ndërhyrjeje kirurgjikale. /albeu.com

The post Spitali Amerikan reagon pasi pacientja humbi jetën 24 orë pas operacionit: Ishte komplikacion i rëndë appeared first on Albeu.com.

Ai është mirëpritur nga CEO i spitalit, z.Klodian Allajbeu.

Gjatë kësaj vizite Dr. Allajbeu i prezantoi infrastrukturën spitalore, investimet e filluara që prej 2008 nga Southeast Europe Equilty Fund ll të cilët kanë përmirësuar shërbimin shëndetsor në Shqipëri.

Teknologjia inovatore e ofruar nga General Elektrik, Medtronic, Jonson and Jonson, Boston Scinetific etj, e shoqeruar me ekspertizën e mjekeve shqiptare dhe të huaj ka sherbyer si katalizator jo vetëm  për Spitalin Amerikan por edhe për shërbimin  shendetsor publik në vend duke i dhënë mundësi pacienteve shqiptar të marrin shërbime Shendestore të avancuara ku vite para ato ishin të mundshme vetëm  jashtë  vendit.

Wisner vizitoi Departamentin e Radiologjisë e Qendren STROKE dhe takoi ekipin mjeksor të drejtuar nga Prof. Dr. Mentor Petrela për të mësuar më shumë rreth shërbimeve mjeksore të avancuara që ofrohen në Spitalin Amerikan.

Dr. Allajbeu i prezantoi historikun e përgjithshëm të spitalit, sukseset, sfidat e kaluara dhe aktuale me të cilat perballet sistemi shendetsor, si edhe planet për të rritur  prezencën e brendeve amerikane me qëllim përmirësimin e shërbimit mjeksor ndaj qytetarëve shqiptare./albeu.com

The post I ngarkuari me punë pranë Ambasadës së SHBA viziton Spitalin Amerikan, pritet nga CEO, Klodian Allajbeu appeared first on Albeu.com.

Me një infrastrukturë bashkëkohore, pajisjet e teknologjisë së fundit dhe një staf i përkushtuar, Spitali Amerikan oforn shërbime të shumta për pacientët.

Në më shumë se 200 raste të transplaniti të veshkës, mjekët tregojnë se nuk ka pasur asnjë rast të mospranimit të organit.

“Spitali Amerikan prej vitesh është lider sidomos në kirurgjinë e veshkave dhe transplantin e veshkës. Janë raste të kryera me sukses, nuk ka mortalitet”, tregon Lindita Shosha, kryemjeke në Spitalin Amerikan.

Në raste kur transplanti nuk është i mundur për arsye mjekësore, Spitali Amerikan ofron shërbimin e dializës.

Ky shërbim ofrohet në katër qendra në Tiranë dhe tre të tjera në rrethe, teksa pacientët janë të mundësuar edhe me konsulta me mjekët apo shërbime të tjera që u nevojiten.

Ndërkohë, Qendra e Syrit në Spitalin Amerikan, më e mira në rajon, ofron risi dhe teknologji më të fundit e ndër të tjera edhe trasnplantin e kornesë.

Aparaturat e reja kanë bërë të mundur që shumë shërbime që dikur mund të merreshin vetëm jashtë vendit, të ofrohen edhe në Shqipëri, në Spitalin Amerikan, teksa bëhet fjalë për sektorë si imazheria apo sëmundjet kancerogjene.

Ndër të tjera, Spitali Amerikan ka mundësuar një ëndërr për shumë persona që nuk kishin mundur të bëheshin prindër, teksa një 56-vjeccare është bërë nënë për herë të parë falë këtyre shërbimeve.

Por jo vetëm aparaturat e teknologjitë kanë rëndësi. Spitali Amerikan organizon konferenca të ndryshme, kombëtare e rajonale, me qëllim përgatitjen sa më të mirë të personelit mjekësor.

The post Nga transplanti i veshkës te teknologjitë dhe aparaturat më të fundit, Spitali Amerikan ofron çdo ditë shërbimet më të mira shëndetësore për qytetarët appeared first on Albeu.com.

Kanë kaluar vetëm dy ditë nga shkrimi dhe si për të përligjur paralajmërimin e Mulosmanit, Top Channel njoftoi këtë të hënë se emisioni i radhës i Inside Story do të ketë titullin “Oligarku i Shëndetësisë.” Është e qartë se bëhet fjalë për Klodian Allajbeun, pronarin e Spitalit Amerikan.

I njëjti biznesmen, të cilin vetëm pak kohë më parë i njëjti televizion na e shfaqte si histori suksesi.

Trajtimi i degradimit të sektorit shëndetësor në media është një e mirë publike. Investigimet që tregojnë korrupsionin galopant në këtë sektor po ashtu i shërbëjnë interesit publik. Por a është ky rasti?

A është nisur me të vërtetë emisioni nga interesi publik për të investiguar padrejtësitë dhe korrupsionin në sektorin e shëndetësisë? Ne këtë nuk e dimë.

Por të sigurtë dimë se Nadir Causholli për shumë kohë ishte një kriminel që kishte korruptuar gjithë sistemin e shëndetësisë. Dhe befas një ditë u shndërrua në një nga biznesmenët më model në fushën e shëndetësisë. Për 250 mijë arsye.

Dimë se inceneratori rriti jetëgjatësinë e banorëve të Elbasanit, Fierit dhe Tiranës. Thonë për 8 milionë e gjysmë arsye.

Se AZHBR është një institucion i zhytur në korrupsion. Sipas aplikimit që publikoi Kryeministri për 120 mijë arsye.

Të gjitha këto i kemi mësuar nga investigimet e të njëjtit emision.

Tashmë do mësojmë dhe bëmat e Oligarkut të Shëndetësisë. Këtë herë- thonë- për 300 mijë arsye. Në vit, në vit. Jo one-off.

Dimë dhe një gjë të fundit. Sot shantazhi mediatik është biznesi më fitimprurës në Shqipëri. Me normë fitimi më të lartë se tregtia e kokainës dhe normë taksimi më të ulët se hotelet me 5 yje.

Tashmë na mbetet vetëm të mësojmë edhe dicka tjetër. A do të bëhet sërish “Oligarku i shëndetësisë” Klodian Allajbeu biznesmen model? Apo do të refuzojë t’u përgjigjet 300 mijë arsyeve? Mbani frymën miq. Sfida ka nisur.Kapitali .al

The post Biznesmeni i suksesshëm që u bë oligarku i shëndetësisë për 300 mijë arsye appeared first on Albeu.com.

Kreshnik Hoxha është studenti ekselent i Cili ka përfituar bursë nga Spitali Amerikan se bashku me programin Chevening te akorduar nga CEO i spitalit Dr.Klodian Allajbeu, për të vijuar studimet master në University College London në Britaninë e Madhe.

Kjo mbeshtetje vjen falë bashkëpunimit të shkëlqyer 3-vjeçar që Spitali Amerikan ka me Ambasadën Britanike në Shqipëri në kuadër të programit ndërkombëtar të bursave Chevening.

Falë këtij programi shumë studentë të ekselencës mund të përfitojnë bursa studimi në universitetet më prestigjoze në Mbretërinë e Bashkuar, një mundësi shumë e mirë jo vetëm për të përfituar njohuritë dhe përvojën e vendeve më të zhvilluara, por edhe për t’i implementuar ato më pas në vendin e tyre.

Spitali Amerikan, përqafoje jeten

Spitali Amerikan, përqafoje jetën!
#spitaliamerikan

The post Lajm i mirë! Spitali Amerikan dhe Ambasada Britanike ofrojnë bursa për studentët ekselentë të mjekësisë appeared first on Albeu.com.