Mësohet se të arrestuarit janë katër punonjës të Bashkisë Dimal si edhe dy punonjës të kompanisë së ndërtimit “Ed Konstruksion”. Bëhet fjalë për drejtorin e Zyrës së Urbanistikës në Bashkinë Dimal Altin Pali, Valentina Jançe, shefe e Urbanistikës, Agim Cuni, Specialist te Emergjencat, dhe Arben Guraj, Përgjegjës i sektorit të Shërbimeve

Vait Koshi dhe Arjan Demiraj janë punonjës së kompanisë “Ed Konstruksion”. Kjo kompani ka marrë shumë tenderë publikë, si duket përmes formave korruptive siç zbuloi SPAK, ndërsa mësohet se ka në pronësi edhe spitalin “United Hospital” në Prishtinë.

Mbetet për t’u parë nëse hetimet e SPAK do të shtrihen edhe në Kosovë për të gjetur gjurmë të raporteve korruptive të pronarëve të “Ed Konstruksion”,  Eduart dhe Alfred Ibrahimi, me autoritetet lokale atje.

Pse u kryen arrestimet

4 zyrtarët jepnin leje ndërtimi kundrejt ryshfetit që varionte nga 2500 euro deri në 3 mijë euro.

Mirëpo kjo nuk është e vetmja, pasi jepnin lejet e ndërtimit, i impononin qytetarët që ndërtimin në terren nga qytetarët të bëhej pikërisht nga kompania e preferuar e zyrtarëve të bashkisë.

Pra kemi të bëjmë me favorizim të kompanive të ndërtimit nga ana e zyrtarëve të bashkisë.

Vetëm gjatë viteve të fundit, kompania Ed Konstruksion ka marrë mbi 110 milionë USD tendera nga pushteti vendor dhe qëndror. /albeu.com

The post Korrupsion me tenderët, arrestohen punonjësit e kompanisë “Ed Konstruksion”. Ibrahimët, pronarë të spitalit privat në Kosovë appeared first on Albeu.com.