Sasia e lëndës shpërthyese ishte vedosur në hotelin “Bizanti”, të shtetasit Spiro Çabiri.

Shpërthimi është dëgjuar në gjithë Sarandën dhe ka shkaktuar dëme në bizneset afër hotelit.

Ndërkohë, mësohet se prona ka qenë ka qenë objekt procesesh gjyqësore me palë paditëse Dhimitër Evangjeliu dhe të paditur Spiro Çabiri dhe Vangjel Shtuka, që rezultojnë bashkëpronarë në QKB bashkë me Miranda Qabirin.

Sipas policisë, procesi gjyqësor vijon prej vitit 2002, ndërsa fatmirësisht nga shpërthimi nuk ka patur të lënduar.

Por historitë e tritolit nuk janë të panjohura për qytetin e Sarandës.

Në dhjetor të vitit 2022 u hodh në erë muri rrethues i një banese në pronësi të shtetasit Lefter Lefteri.

Ky i fundit më parë kishte punuar në IKMT dhe ishte kallëzuar më herët madje dhe shoqëruar në komisariat lidhur me një objekt në ndërtim e sipër në lagjen nr.1 të qytetit. /albeu.com

The post Tritol hoteleve në Sarandë, “lufta” që po dërrmon turizmin në qytetin që dikur na bënte krenarë, sot vjen era barut appeared first on Albeu.com.

Si pasojë e shpërthimit janë dëmtuar edhe objektet në afërsi, ndërsa nuk ka asnjë person të lënduar.

Nga të dhënat paraprake rezulton se prej vitit 2002, dy bashkëpronarët janë në një proces gjyqësor për pronësinë e këtij hoteli.

Njoftimi i policisë:

Rreth orës 05:55, në lagjen nr.1, Sarandë, në një hotel dy-katësh i ndërtuar që prej vitit 1996, në pronësi të shtetasve S. Ç., dhe E. Dh., ka shpërthyer një sasi lënde, e dyshuar eksplozive, ku si pasojë ndërtesa është rrëzuar dhe janë shkaktuar dëmtime të fasadave të objekteve në afërsi të objektit të rrëzuar.

Nga shpërthimi nuk ka asnjë person të lënduar.

Shërbimet e policisë kanë shkuar menjëherë në vendngjarje dhe vijojnë kontrollet në zonë për kapjen e autorit/ve.

Menjëherë është ngritur një grupi i posaçëm hetimor me ekspertë më të mirë të DVP Vlorë dhe nga Departamenti i Policisë Kriminale dhe nën drejtimin e Prokurorisë vijon puna për zbardhjen e ngjarjes. /albeu.com

The post Shpërthimi me tritol në Sarandë, reagon policia: Bashkëpronarët janë në gjyq prej vitit 2002 appeared first on Albeu.com.