Tre partitë gjermane, Social Demokratët, Të Gjelbrit dhe Liberalë demokratët kanë arritur një marrëveshje për të formuar një qeveri të re që do t’i japë fund epokës së kancelares Angela Merkel dhe Olaf Scholz është emri që do ta zëvendësojë atë në detyrë.

Qeveria e re në Gjermani mbështet Shqipërinë dhe Maqedoninë e Veriut në integrimin europian.

Scholz, kreu i socialdemokratëve të qendrës së majtë, tha se ai pret që anëtarët e partive të japin bekimin e tyre për marrëveshjen në 10 ditët e ardhshme. Në një konferencë shtypi, Scholz dhe udhëheqës të tjerë dhanë disa indikacione se si do të qeveriste koalicioni.

Ministri gjerman i Financave do të drejtojë qeverinë e re gjermane, pasi drejtoi Partinë e tij Social Demokratike (SPD) drejt një fitoreje të ngushtë në zgjedhjet parlamentare në Gjermani. SDP fitoi 25.7% të votave, ndërsa Unioni Kristian Demokratik (CDU) i Angela Merkel mori 24.1%, sipas numëruesve të votave, teksa Partia e Gjelbër mori 14.8% të votave dhe Partia Liberale Demokratike (FDP) mori 11.5 % e votave.

Sipas CNN, Scholz e ka pozicionuar veten si një pragmatist dhe një lider i qëndrueshëm. Në fakt, stili i tij politik nuk është i ndryshëm nga ai i Merkel, të dy janë të ngjashëm në shumë mënyra, pavarësisht se vijnë nga partitë rivale. Ai dikur quhej me pakënaqësi si “Scholzomat” (Scholzomaton), por ai ia doli të lërë prapa imazhin e tij të vjetër robotik, teknokratik dhe siguroi një marrëveshje për të qeverisur. Ish-kryebashkiaku 63-vjeçar i Hamburgut u premtoi votuesve vazhdimësi pas 16 vitesh nën drejtimin e zonjës konservatore Merkel, edhe pse ai ishte kandidat për rivalin e Partisë Social Demokrate (SPD).

“Ai shfaqet si i qetë, i matur, i qëndrueshëm. Drejtuesit e SPD janë kryesisht të prirur nga e majta dhe fillimisht nuk e mbështetën atë. Kështu që ne nuk e dimë akoma kë do të mbledhë rreth tij dhe kush do të ndikojë në stilin e tij të udhëheqjes”, tha Corinna Hoerst e Fondit Gjerman Marshall të Shteteve të Bashkuara (GMF) në Bruksel.

63-vjeçari, një anëtar i përjetshëm i SPD, lindi në Gjermninë perëndimore. Scholz shërbeu si ministër i Punës dhe Çështjeve Sociale në qeverinë e parë të koalicionit të Merkel në fund të viteve 2000. Në vitin 2011 ai u zgjodh kryebashkiak i Hamburgut, një pozicion që ai e mbajti deri në 2018. Që atëherë, ai ka shërbyer si zëvendëskancelar dhe ministër i financave në qeverinë e madhe të koalicionit të Merkel, një pozicion i fuqishëm në politikën kombëtare gjermane.Profili i tij u rrit edhe më tej kur ai mbikëqyri programet bujare të Gjermanisë për kompensimin e koronavirusit për bizneset, punonjësit dhe ata që humbën të ardhurat sepse duhej të karantinoheshin gjatë pandemisë.

Sidoqoftë, karriera politike e Scholtz është prekur dhe nga shumë skandale. Si kryebashkiak i Hamburgut, ai u kritikua për qasjen e tij në Samitin e G20 në 2017, pasi ngjarja arriit në dhunë mes protestuesve dhe policisë. Ai është akuzuar edhe nëse ai u përpoq të ndikonte ndaj autoriteteve tatimore në emër të një banke në Hamburg, një skandal që i kushtoi shtetit gjerman miliarda euro. Ai mohoi të ketë kryer ndonjë krim, ndërsa nuk ka pasur prova specifike kundër tij. Kohët e fundit, Scholtz u detyrua të kthehej nga Berlini, ku po bënte fushatë, për t’iu përgjigjur pyetjeve të komitetit të financave të parlamentit. Kjo ndodhi pasi prokurori urdhëroi një hetim në Ministrinë e Financave për pengim të drejtësisë në njësinë për luftimin e pastrimit të parave.

Sidoqoftë, Scholz doli i pastër dhe akuzat ndaj tij nuk u bazuan në prova që mund ta përfshinin drejtpërdrejtë.

The post PROFIL/ Olaf Scholz, Kancelari i ri gjerman dhe njeriu që zëvendësoi Angela Merkel appeared first on Albeu.com.

Fituese u shpall partia e krahut të majtë, SPD, me një rezultat të ngushtë.

Kancelarja gjermane Angela Merkel vendosi që të tërhiqet nga jeta politike pas zgjedhjeve parlamentare të shtatorit.

Mbrëmja e djeshme ishte një natë e vështirë për Merkel. Ajo mori pjesë në zgjedhjet në selinë e Unionit të Krishterë (Konraus Adenauer Hause) në Berlin së bashku me zyrtarë të tjerë të partisë.

Ndërkohë në një video e cila bëri xhiron e rrjetit, Merkel shfaqet e emocinuar dhe siç duket e ka pasur të vështirë për të mbajtur lotët./albeu.com

Germany’s Social Democrats narrowly won Sunday’s national election, projected results showed, and claimed a ‘clear mandate’ to lead a government for the first time since 2005 and to end 16 years of conservative-led rule under Angela Merkel https://t.co/QSYMsTvflZ pic.twitter.com/lkEGX3Bici

— Reuters (@Reuters) September 27, 2021

The post E fshehur pas maskës, Merkel jep lamtumirën mes lotësh (VIDEO) appeared first on Albeu.com.

SPD siguroi 25.7% të votave, ndërsa blloku konservator CDU/CSU në pushtet fitoi 24.1%.

Të Gjelbrit arritën rezultatin më të mirë në historinë e partisë së tyre, duke dalë në vendin e tretë me 14.8% të votave.

Tani duhet krijuar një koalicion për të formuar një qeveri, raporton albeu.com.

Kreu i SPD, Olaf Scholz, tha më herët se partia e tij kishte një mandat të qartë për të sunduar, pasi ata filluan të kryesojnë..

Gjithsesi, pavarësisht rezultatit të zgjedhjeve do të duhet kohë për krijimin e qeverisë.

Kancelarja në largim, Angela Merkel duhet të presë derisa të krijohet një koalicion, pra thuajse deri për Krishtlindje.

The post Zgjedhjet në Gjermani, qendra e majtë fiton ngushtë kundër partisë së Merkel appeared first on Albeu.com.

Peter Ammon tha se ai priste që Angela Merkel të mbetej në vendin e saj si kancelare ndërsa palët kërkonin të formonin “një koalicion trepalësh”.

Ai vuri në dukje se Olaf Scholz ishte në pozicionin kryesor për t’u bërë kancelar i ardhshëm pasi Partia e Gjelbër e kishte bërë të qartë preferencën e tyre për një koalicion me SPD.

Më tej shtoi se FDP nuk mund të refuzojë përsëri për të bërë të mundur formimin e një qeverie.

Megjithatë, Ammon vuri në dukje se çdo koalicion i mundshëm trepalësh mund të jetë më pak i qëndrueshëm se një koalicion tradicional i dyanshëm.

Ai tha se ndryshimi i klimës kishte qenë “tema më e rëndësishme” në zgjedhje, megjithëse ai theksoi se Gjermania pasqyronte kombet e tjera perëndimore ku linjat e ndarjes ishin formuar në të gjithë spektrin politik./albeu.com

The post Ish-ambasadori gjerman: Formimi i qeverisë së re do të zgjasë me muaj appeared first on Albeu.com.

Jashtë, aktivistët e rinj të partisë e kanë mbajtur barmenin të zënë në stendën e birrës dhe ka një zhurmë të madhe festive.

Por kjo do të jetë një natë e gjatë, dhe rezultatet nuk duket të jenë ato që qendra e majtë shpresonte vetëm një javë më parë.

Projeksionet i japin socialdemokratëve të qendrës së majtë një epërsi të ngushtë në garën për të pasuar kancelaren Angela Merkel. Kandidati i tyre, Olaf Scholz, tha se vendi kishte votuar për ndryshimin dhe se ai ishte gati të formonte dhe drejtonte qeverinë e ardhshme

Kandidati Demokristian (dhe pasardhësi i zgjedhur i zonjës Merkel) Armin Laschet, tha se edhe ai donte të udhëhiqte qeverinë e ardhshme, megjithëse ai pranoi se rezultati i partisë së tij nuk ishte ai që kishte shpresuar.

Të Gjelbrit dolën të tretët në zgjedhje, me FDP-në liberale pas tyre. Me mundësisht tre parti të nevojshme për shumicën, bisedimet e koalicionit pritet të jenë të gjata dhe të vështira.

Mund të presim javë për të mësuar se kush do të jetë udhëheqësi i ardhshëm i Gjermanisë./albeu.com

The post PROJEKSIONET/ Hapet “shampanja” në selinë e SPD appeared first on Albeu.com.

Sipas një sondazhi të transmetuar në ZDF, SPD mbetet në krye me 25% të votave e ndjekur nga unioni CDU-CSU që tashmë drejtohet nga Armin Laschet pas largimit të Angela Merkel që renditen të dytët me 22%. Një rënie të lehtë kanë pësuar të gjelbrit me 16% ndërsa pas tyre renditen me nga 11% liberalët dhe ekstremistët e djathtë të AFD.

Por kryesimi i sondazheve e ka prishur atmosferën në kampin e socialdemokratëve pasi kandidati për kancelar Olaf Sholtz është thirrur të dëshmojë në nisje të javës së ardhshme për një skandal në ministrinë e financave të drejtuar prej tij.

Shkak është bërë një hetim për transferimin në Afrikë nga një bankë private të një shume prej 1.7 milionë eurosh për të cilën strukturat në varësi të tij kanë heshtur. Deri tani nuk ka të akuzuar, por hetuesit kanë ushtruar kontrolle në ministrinë e financave. Vetë socialdemokratët thanë se ky hetim është nxitur nga politika për të dëmtuar fushatën e tyre elektorale./albeu.com

The post SONDAZHI/ Zgjedhjet në Gjermani, a është partia e Merkel sërish e para? appeared first on Albeu.com.