Policia njoftoi se në qendrën e qitjes “Erebinë” do të zhvillohen stërvitjet vjetore me armë zjarri, ku do të marrin pjesë pjesëtarë të policisë së Tetovës dhe Gostivarit.

Sipas Sektorit për Punë të Brendshme në Tetovë, aktivitetet janë planifikuar për datat 02, 05, 08, 15, 16, 18, 19 dhe 25.10.2026, si dhe më 01.11.2025.

SPB Tetovë u kërkoi banorëve të Komunës së Zhelinës që jetojnë pranë qendrës të jenë të informuar për ushtrimet, në mënyrë që të shmanget paniku. /Telegrafi/

The post SPB Tetovë paralajmëron ushtrime me armë në qendrën “Erebinë appeared first on Albeu.com.

Ministria e Punëve të Brendshme e Maqedonisë së Veriut bëri të ditur se më 30.09.2026, rreth orës 11:05, në zonën e quajtur “Bunec”, efektivët e Njësisë Policore Mavrovë ndaluan shtetasin afgan Sh.M.A., 33 vjeç.

Gjatë kontrollit të taksisë me targa të Shkupit, ku ai ishte pasagjer, policia zbuloi sasi marihuane, si edhe letra për mbështjelljen e cigareve, të njohura si rizlla.

Sipas SPB Tetovë, 33-vjeçari u shoqërua në stacionin policor dhe më pas u paraqit para gjyqtarit të Gjykatës Themelore në Gostivar. Gjykata vendosi ndaj tij sanksionet përkatëse kundërvajtëse dhe ndalimin e hyrjes në Republikën e Maqedonisë së Veriut për një periudhë prej një viti.

The post Arrestohet në Maqedoninë e Veriut një afgan, iu gjetën marihuanë dhe rizlla appeared first on Albeu.com.

Një aksident i rëndë trafiku është regjistruar pranë fshatit Dobroshtë, në rrugën rajonale që lidh Jazhincën me Tetovën, ku kanë mbetur të lënduar dy persona.

Sipas të dhënave të SPB Tetovë, ngjarja ka ndodhur më 28 shtator, rreth orës 13:00. Në përplasjen rrugore janë përfshirë një motoçikletë dhe një automjet pasagjerësh tip “Golf”, të dyja me targa të Tetovës.

Motoçikleta drejtohej nga 41-vjeçari S.M. nga Dobroshtë, ndërsa në drejtimin e automjetit ndodhej 34-vjeçari F.I.E., po ashtu nga Dobroshti.

Si pasojë e aksidentit, drejtuesi i motoçikletës dhe pasagjeri i tij, D.N. nga fshati Gllogjë, pësuan lëndime të rënda trupore. Të dy të plagosurit u dërguan për trajtim në Spitalin Klinik të Tetovës, ku iu konstatua gjendja e rëndë.

Pas ngjarjes, ekipet e SPB Tetovë zhvilluan këqyrjen në vendin e aksidentit.

The post Përplasje mes motoçikletës dhe një “Golf”-i në aksin Tetovë-Jazhincë, plagosen rëndë dy persona appeared first on Albeu.com.

Katër shtetas të Polonisë janë ndaluar në Tetovë, pasi dyshohet se dëmtuan derën hyrëse të magazinave ushtarake në zonën e Erebinës.

Sipas njoftimit të SPB Tetovë, ngjarja është raportuar më 28.09.2026, rreth orës 18:24, nga Policia Ushtarake e URMV-së. Në denoncim thuhet se në hapësirën ku ndodhen magazinat ushtarake, disa persona që lëviznin me katërrotorë (ATV) dëmtuan derën e objektit.

Personeli ushtarak në detyrë ndaloi katër persona, të gjithë shtetas polakë: H.M.A. (55), D.K.V. (55), K.V. (41) dhe K.J.R. (36). Ndërkohë, tre persona të tjerë që përdornin katërrotorë u larguan dhe janë shpallur në kërkim.

Të ndaluarit u privuan nga liria për shkak të dyshimit të bazuar se kanë kryer veprën penale të paraparë në nenin 350 të Kodit Penal, “hyrje epaautorizuar në objekte ushtarake”.

Policia po vijon veprimet për lokalizimin e tre personave të tjerë. Pas përfundimit të dokumentimit të rastit, ndaj tyre do të ndërmerren parashtresat përkatëse, bëri të ditur SPB Tetovë./Telegrafi/

The post Katër polakë arrestohen pas dëmtimit të hyrjes së magazinave ushtarake në Tetovë appeared first on Albeu.com.

SPB Tetovë ka ngritur kallëzim penal ndaj E.V. (43) nga fshati Nikushtak, Komuna e Likovës, H.A. (53) nga Kosova, A.A. (34) nga fshati Hotël, Komuna e Likovës dhe E.A. (34) nga fshati Nikushtak, Komuna e Likovës. Ata dyshohen për gjithsej dhjetë vepra penale: katër raste të “vjedhjes së rëndë” dhe gjashtë raste të “vjedhjes së rëndë në tentativë”.

Sipas njoftimit të SPB-së, më 19.09.2026, në fshatin Palçisht i Poshtëm, nga banesa e A.A. është vjedhur një kasafortë që përmbante stoli ari, armë dhe municion, me vlerë të përgjithshme rreth 160.000 euro.

Ndërkaq, nga data 24.11.2025 deri më 28.11.2025, në një shtëpi në fshatin Pallçisht i Poshtëm, në pronësi të B.I., të dyshuarit kanë marrë stoli ari dhe para në vlerë rreth 70.000 euro.

Rasti tjetër ka ndodhur më 10.05.2026, në një bastore sportive në fshatin Tearcë, ku ata kanë hapur me forcë një kasafortë dhe kanë marrë paratë që ndodheshin brenda saj.

Gjithashtu, gjatë periudhës 23.05.2026-26.05.2026, nga hapësirat e magazinës së një pompe benzine në fshatin Pirok, janë vjedhur disa paketa cigare.

SPB Tetovë bën të ditur se nga prilli deri në shtator të këtij viti, të kallëzuarit kanë hyrë në gjashtë raste në shtëpi dhe objekte të tjera në fshatrat Kamjan, Pallçisht i Poshtëm, Nerasht, Tearcë dhe Radiovcë. Ata kanë kontrolluar ambientet, por nuk kanë marrë asgjë.

The post Katër persona kallëzohen penalisht për vjedhje të rënda dhe tentativa në rrethinën e Tetovës appeared first on Albeu.com.

Dy persona, S.I. (20) nga fshati Lisec dhe R.Xh. (20) nga Tetova, janë ndaluar dje, më 24.09.2026, rreth orës 20:25 në Tetovë. Sipas njoftimit të MPB-së së Maqedonisë, ata dyshohen për kryerjen e veprës penale nga neni 215 i Kodit Penal, që lidhet me prodhimin dhe shpërndarjen e paautorizuar të drogave narkotike, substancave psikotrope dhe prekursorëve.

Operacioni u realizua nga nëpunësit policorë të Njësisë për tregti të paligjshme me drogë dhe armë pranë SPB Tetovë, pas sigurimit të një urdhri gjykate për kontrollin e banesës dhe hapësirave ndihmëse të R.Xh. në Tetovë.

Gjatë bastisjes, policia gjeti dhe sekuestroi tri paketime të mëdha, si dhe një qese najloni që përmbante marihuanë.

Të dyshuarit janë shoqëruar dhe mbajtur në stacion policor. MPB bëri të ditur se, pas përfundimit të dokumentimit të rastit, ndaj tyre do të dorëzohet kallëzim përkatës.

The post Kontroll policor në Tetovë, sekuestrohet marihuanë dhe arrestohen dy 20-vjeçarë appeared first on Albeu.com.

Një grua e moshuar nga Tetova ka përfunduar në Spitalin Klinik të qytetit me dëmtime serioze trupore, si pasojë e një sulmi nga qentë endacakë. Ngjarja ka ndodhur në rrugën “Gjorçe Petrov”, ku 68-vjeçarja me inicialet SH.O. është ndeshur me një grup qensh të rrugës.

Gjatë tentativës për t’iu shmangur kafshëve, e moshuara është rrëzuar dhe ka marrë plagë të rënda. Më pas ajo është dërguar me urgjencë në Spitalin Klinik të Tetovës për ndihmë mjekësore.

Rasti është raportuar në SPB Tetovë më 24.09.2026. Sipas denoncimit të bërë, viktima ka pësuar lëndimet pikërisht teksa përpiqej të largohej nga tufa e qenve endacakë që e kishin sulmuar.

The post Tetovë: 68-vjeçarja pëson lëndime të rënda pasi sulmohet nga një tufë qensh endacakë appeared first on Albeu.com.

Njësia për Krim Kompjuterik në Tetovë, në bashkëpunim me Sektorin për Krim Kompjuterik dhe Forenzikë Digjitale të Ministrisë së Punëve të Brendshme, ka arritur të sqarojë tërësisht incidentin e një videoje të shpërndarë në platformën “TikTok”, ku shfaqej djegia e flamurit shtetëror të Maqedonisë.

Sipas njoftimit zyrtar të MPB-së, më 22 shtator 2026, gjatë kontrolleve rutinë në rrjete sociale, oficerët e policisë identifikuan një përmbajtje video që përbënte veprën penale “nxitje e urrejtjes, përçarjes ose intolerancës mbi baza kombëtare, fetare dhe diskriminuese”, e sanksionuar nga neni 319, paragrafi 1 i Kodit Penal.

Autoritetet konfirmuan se pas një sërë veprimesh hetimore dhe operacionale, më 23 shtator 2026 u zbulua se mbrapa këtij profili fshihej një i mitur nën moshën 14-vjeçare, banues në Tetovë. Në stacionin policor, përballë prindit dhe punonjësve të Qendrës për Punë Sociale Tetovë, i riu u mor në pyetje dhe pranoi autorësinë e veprës. Pajisja celulare nga e cila ishte ngarkuar videoja u sekuestrua me miratimin e prindit, për të shërbyer si provë materiale në proces.

Gjatë marrjes në pyetje, i mituri përmendi përfshirjen e tre bashkëmoshatarëve të tjerë në këtë akt. Ata pritet të thirren së shpejti për të dhënë llogari në stacionin policor, me qëllim hetimin e plotë të çështjes. MPB-ja theksoi se sapo të përfundojë dokumentimi i dosjes, do të dërgohet kallëzimi përkatës pranë Prokurorisë Themelore Publike në Tetovë.

The post Detaje të reja nga video e flamurit të djegur në Maqedoni, adoleshenti nga Tetova ndalohet nga autoritetet appeared first on Albeu.com.

MPB Maqedoni njoftoi se më 19.09.2026, në orën 16:55, në Tetovë, nëpunësit policorë të SPB Tetovë, në bashkëpunim me Departamentin e Policisë Kriminalistike – Sektorin e Krimit të Përgjithshëm dhe të Dhunshëm, privuan nga liria S.U. (26) nga fsh. Pallçisht e Poshtme dhe A.E. (34) nga fsh. Llopkovë, komuna e Likovës. Ata dyshohen për kryerjen e veprave penale “vjedhje” dhe “vjedhje e rëndë”, të parashikuara në nenet 235 dhe 236 të Kodit Penal.

Gjatë veprimeve policore, A.E.-së iu sekuestrua një automjet udhëtarësh “Audi” me targa të Kumanovës. Ndërkohë, në disa lokacione në zonën e fshatrave Kamjan dhe Pallçishtë u gjetën dhe u sekuestruan një pushkë gjuetie, një karabinë gjuetie, një sasi më e madhe municioni dhe fishekësh të kalibrave të ndryshëm, si dhe disa sende që dyshohet se burojnë nga veprat penale.

Po atë ditë, në orën 18:50, policët e SPB Tetovë, në bazë të një urdhri gjykate, bastisën shtëpinë dhe ambientet ndihmëse të B.U. (26) në fsh. Pallçisht i Poshtëm. Pas bastisjes, edhe ai u privua nga liria.

Në vijim të hetimeve, më 20.09.2026, në orën 02:20, në Stacionin Policor Tetovë u ndalua A.A. (34) nga fsh. Hotël, rrethina e Likovës. Ai ishte privuar më herët nga liria nga nëpunësit policorë të SPB Kumanovë, ndërsa atij iu sekuestrua një automjet “Volkswagen Polo” me targa të Kumanovës.

MPB-ja bëri të ditur se të gjithë personat janë mbajtur në stacion policor dhe se, pas dokumentimit të plotë të rasteve, ndaj tyre do të paraqiten kallëzime përkatëse.

The post Katër persona ndalohen në zonën e Tetovës, dyshohen për “vjedhje” dhe “vjedhje të rëndë appeared first on Albeu.com.

SPB Tetovë ka dhënë informacion të ri për rastin e raportuar një ditë më parë në disa media, ku pretendohet se një stomatolog ka ngacmuar seksualisht një paciente 23-vjeçare.

Policia njofton se personi i denoncuar është ndaluar, ndërsa ndaj tij do të vijojnë procedurat përkatëse.

Sipas njoftimit zyrtar, më 19.09.2026, në orën 10:55, zyrtarët e Stacionit Policor Tetovë i kanë privuar lirinë një 61-vjeçari nga Tetova. Ai dyshohet për kryerjen e veprës penale të parashikuar në nenin 190-a të Kodit Penal, “ngacmim seksual”, rast i denoncuar një ditë më herët nga një 23-vjeçare nga Tetova.

Burri është mbajtur në stacionin policor dhe, pasi të përfundojë dokumentimi i rastit, ndaj tij do të përgatitet parashtresa përkatëse, bëjnë të ditur nga SPB Tetovë.

The post Dyshime për ngacmim seksual ndaj një pacienteje, ndalohet stomatologu 61-vjeçar në Tetovë appeared first on Albeu.com.