Mirlind Daku e ka nisur në mënyrën më të mirë aventurën me ekipin e tij të ri, Spartak Moska.

Në paraqitjen e parë zyrtare si titullar për skuadrën moskovite, sulmuesi i kombëtares shqiptare luajti rol vendimtar. Në minutën e 20-të, ai fitoi topin në një duel dhe dha menjëherë asistin që kontribuoi në suksesin e Spartakut.

Daku qëndroi në fushë gjatë gjithë takimit, ndërsa Spartak Moska triumfoi 2-1 dhe rimori vendin e tretë në kampionat.

Ky debutim ka shtuar entuziazmin për pozicionin që sulmuesi pritet të ketë në planet e stafit teknik, në ndryshim nga periudha e mëparshme te Rubin Kazan.

Asisti i Mirlind Dakut

The post VIDEO/ Daku shkëlqen si titullar, asist vendimtar në rikthimin e Spartak Moskës te fitorja appeared first on Albeu.com.

Mirlind Daku ka lënë pas paraqitjen zhgënjyese të debutimit me Spartakun e Moskës, duke marrë sërish rol protagonisti. Në minutën e 20-të të sfidës mes Baltikës dhe Spartakut, ai dalloi hapësirën dhe shërbeu saktë Ugalden, të cilin e nxori të vetëm përballë portierit.

Sulmuesi nga Kosta Rika e konkretizoi mundësinë duke dërguar topin në rrjetë, pas asistit të Dakut. Megjithatë, avantazhi i skuadrës kryeqytetase zgjati shumë pak, pasi vetëm 3 minuta më vonë Mendel realizoi golin e barazimit për Baltikën.

Dy realizime brenda 3 minutash kanë dhuruar spektakël në përballjen mes Baltikës dhe Rubin Kazanit, e cila vijon me rezultatin 1-1, ndërsa mbetet ende kohë deri në përfundimin e pjesës së parë. Ndeshja luhet për javën e 4-t të Premier League ruse.

Asisti i Dakut.

The post VIDEO/ Dy gola në 3 minuta, Mirlind Daku protagonist me Spartakun e Moskës appeared first on Albeu.com.

Mirlind Daku e nisi me gol sezonin e ri në Premier League-n ruse. Sulmuesi i Kombëtares shënoi në minutën e 12-të, por Rubin Kazan u mposht 1-3 në shtëpi nga Krasnodar.

Paraqitja e tij duket se ka forcuar interesimin e Spartakut të Moskës. Sipas raportimeve të mediave ruse, klubi nga kryeqyteti është i gatshëm t’i paguajë Rubin Kazanit 11 milionë euro për kartonin e 28-vjeçarit.

Daku konsiderohet objektivi kryesor i skuadrës moskovite, e cila pritet t’i propozojë sulmuesit shqiptar një kontratë shumë fitimprurëse dhe 3-vjeçare, që do ta mbante në klub deri në vitin 2029.

Tashmë mbetet për t’u parë se si do të zhvillohen negociatat mes palëve. Ditët në vijim pritet të sjellin më shumë qartësi për të ardhmen e sulmuesit të Kombëtares.

The post Mirlind Daku shkëlqen në startin e sezonit, Spartaku i Moskës gati të ofrojë 11 milionë euro appeared first on Albeu.com.