Kalimi i Mirlind Dakut nga Rubin Kazan te Spartaku i Moskës ka shkaktuar reagime të ashpra në Serbi. Sipas mediumit rus “Hoboctn”, një episod i tillë u shënua gjatë përballjes mes Crvezna zvezda (Ylli i Kuq) dhe Partizanit të Beogradit, e zhvilluar më 6 shtator dhe e mbyllur me rezultatin 2-1 për skuadrën vendëse.

Në sektorin e ultrasve të ekipit vendas u shfaq një banderolë ku përmendej sulmuesi i Kombëtares shqiptare. “Një shqiptar në klub, një turp për Spartakun e Moskës”, ishte mesazhi i tifozëve të Crvena zvezdas, i përshtatur nga serbishtja në shqip.

Pavarësisht polemikave jashtë fushës, Daku e ka nisur në mënyrë mbresëlënëse aventurën e tij të re. Në fanellën e Spartakut, ai ka regjistruar 2 asiste dhe një gol, ndërsa edhe te Rubin Kazan e kishte filluar sezonin me ritëm të lartë, duke shënuar 3 gola.

Transferimi i sulmuesit nga Rubin Kazan te klubi moskovit u realizua për shumën e 11 milionë eurove. Përballë kundërshtimeve, shqiptari ka zgjedhur të mos reagojë dhe të përqendrohet te objektivat e Spartakut.

The post Tifozët e Crvena zvezdës sulmojnë Mirlind Dakun pas transferimit te Spartaku i Moskës appeared first on Albeu.com.

Spartaku i Moskës siguroi një fitore 3-1 në Kupën e Rusisë, ndërsa Mirlind Daku dha kontribut të rëndësishëm në suksesin e skuadrës së tij.

Sulmuesi i Kombëtares shqiptare asistoi në minutën e 35-të, duke ndihmuar ekipin të barazonte rezultatin dhe ta çonte ndeshjen në shifrat 1-1. Edhe pse nuk e gjeti rrugën e rrjetës, Daku u zëvendësua në minutën e 46-të.

Pas këtij triumfi, Spartaku i Moskës ngjitet në krye të Grupit A, me shtatë pikë të grumbulluara.

Asistimi i Mirlind Dakut në golin e barazimit

The post VIDEO/ Mirlind Daku shkëlqen në Rusi, sulmuesi kuqezi protagonist në triumfin e Spartakut appeared first on Albeu.com.

Spartaku i Moskës po përballet me Orenburgun në javën e gjashtë të Premier League-s ruse, në një takim që vijon në barazim.

Sulmuesi shqiptar Mirlind Daku riktheu ekuilibrin në minutën e 76-të, duke realizuar nga pika e penalltisë.

Ky ishte një gol me rëndësi për vendasit, të cilët janë pranë marrjes së një pike në këtë përballje. Për Orenburgun kishte shënuar Kul në minutën e 66-të.

Goli i Mirlind Dakut

The post VIDEO/ Mirlind Daku shënon golin e parë me Spartakun e Moskës appeared first on Albeu.com.

Mirlind Daku ka dhënë një paraqitje premtuese që në stërvitjen e parë me Spartakun e Moskës, edhe pse ende nuk e ka zhvilluar ndeshjen e tij të parë zyrtare me klubin rus pas transferimit nga Rubin Kazan.

Sulmuesi shqiptar i ka konkretizuar të katër tentativat e tij brenda zonës, duke i dërguar të gjitha në rrjetë. Spartaku i Moskës ka publikuar edhe videon e këtij momenti në rrjetet sociale.

Daku pritet të jetë i gatshëm për përballjen e radhës ndaj Krasnodarit, e vlefshme për javën e 3-të të Premier League ruse, që do të luhet nesër.

The post VIDEO/ Mirlind Daku nis në mënyrë perfekte te Spartaku i Moskës, “vrastar” para portës appeared first on Albeu.com.

Mirlind Daku është zyrtarisht futbollisti më i ri i Spartak Moskës, skuadër që garon në Premier League ruse. Klubi kryeqytetas njoftoi përmes rrjeteve sociale se sulmuesi i Kombëtares ka nënshkruar një marrëveshje 3-vjeçare.

Në prezantimin e tij, bardhekuqtë e cilësuan Dakun si një prej sulmuesve më të fortë të elitës së futbollit rus.

Spartak Moska konfirmoi se Mirlind Daku është sulmuesi i ri i skuadrës, duke theksuar se një nga lojtarët ofensivë më të spikatur të Premier League ruse ka firmosur për 3 vjet. Klubi gjithashtu i uroi mirëseardhjen futbollistit shqiptar.

The post Merr fund pritja, Mirlind Daku firmos me bardhekuqtë dhe merr vëmendjen pa debutuar ende appeared first on Albeu.com.

Spartaku i Moskës është pranë zyrtarizimit të transferimit të Mirlind Dakut, pasi klubi ka vendosur të aktivizojë klauzolën prej 11 milionë eurosh në favor të Rubin Kazanit. Sulmuesi shqiptar i ka përfunduar me sukses testet mjekësore dhe pritet të nënshkruajë një kontratë trevjeçare me skuadrën e re.

Kalimi i tij te klubi kryeqytetas rus është shoqëruar me debate që në nisje. Grupi i tifozëve “Veriu i Çmendur” e kundërshtoi publikisht afrimin e futbollistit, duke përdorur edhe shprehje ekstreme si: “Jashtë, fundërrina shqiptare. Nuk pranojmë futbollistë shqiptarë në ekipin tonë”.

Pavarësisht reagimeve të tifozëve, drejtuesit e Spartakut nuk kanë ndërmend të ndryshojnë plan. Me Dakun në repartin ofensiv, ata synojnë të gjejnë futbollistin që mund t’u garantojë gola gjatë sezonit të ri. Dy golat e realizuar në dy javët e para të kampionatit shihet si dëshmi e zgjedhjes së tyre.

Një shkrim i publikuar nga media ruse i kushton vëmendje të veçantë këtij transferimi dhe përpiqet të shpjegojë përse 27-vjeçari mund të jetë elementi që i nevojitet ekipit.

Artikulli ndalet te rruga e vështirë e jetës dhe karrierës së Dakut, duke theksuar se përvojat e tij e kanë formuar si një person me karakter të fortë. Sipas medias ruse, personaliteti i sulmuesit është shumë më kompleks nga sa mund të krijohet përshtypja gjatë një ndeshjeje në stadium.

“Mirlindi është rritur në rrugë. Jeta e tij nuk ka qenë aspak e lehtë. Lufta, vështirësitë ekonomike dhe sfidat e përditshme e kanë formuar karakterin e tij. Kur ishte vetëm 9 vjeç, përjetoi vrasjen e një të afërmi dhe, për një periudhë, rrezikoi të përfshihej në një mjedis të gabuar, ku droga, alkooli dhe krimi ishin pjesë e realitetit.

Edhe rrugëtimi i tij në futboll nuk ishte i lehtë. Te Osijek nuk arriti të gjente hapësira për të luajtur, ndaj u huazua te Mura, ku shpërtheu duke shënuar mbi 20 gola. Pikërisht aty tërhoqi vëmendjen e trajnerit të Rubin Kazanit, Rashid Rahimov, i cili udhëtoi për ta parë nga afër.

Pas takimit me Dakun, ai u kthye i bindur për potencialin e sulmuesit. Më vonë, Rahimov do të shprehej me një figurë: “Edhe po ta fusje në një kafaz me kafshë, ai do të bëhej njëri prej tyre”, duke iu referuar karakterit të fortë dhe aftësisë së Dakut për t’u përshtatur në çdo situatë.

Vështirësitë nuk u zhdukën pas transferimit te Rubin Kazan. Daku u shndërrua në një nga sulmuesit më të mirë të skuadrës dhe siguroi një vend në Kombëtaren shqiptare për Europianin e vitit 2024. Gjatë turneut, ai u përfshi në një incident që shkaktoi polemika për shkak të thirrjeve të bëra pas ndeshjes, të cilat vazhdojnë të kujtohen edhe sot.

Megjithatë, njerëzit që e njohin nga afër japin një tablo tjetër. Mbrojtësi serb Uros Vujacic ishte një nga shokët e tij më të afërt te Rubin Kazani. Pas kthimit nga Europiani, Daku u kërkoi falje atij dhe futbollistëve të tjerë serbë të ekipit, të cilët e pranuan kërkimfaljen. Në Kazan, shqiptari shihej si një prej liderëve të grupit dhe si një figurë që ndihmonte në ruajtjen e unitetit të skuadrës.

Edhe pse për një pjesë të opinionit publik mbetet një personazh i debatueshëm, autori i shkrimit mendon se pikërisht ky temperament mund ta bëjë të vlefshëm për trajnerin Juan Carlos Carcedo.

Sipas analizës, Spartaku ka futbollistë cilësorë, të disiplinuar dhe të përkushtuar, por i mungon një lojtar me personalitet sfidues. Bëhet fjalë për një futbollist që nuk stepet në përballje dhe që është në gjendje të ndryshojë ritmin emocional të një ndeshjeje.

Mirlind Daku përshkruhet si profili i tillë. Ai lufton për çdo top, nuk i shmang kontaktet fizike, di të provokojë kundërshtarin kur situata e kërkon dhe luan me instinktin e futbollit të rrugës. Sipas medias ruse, pikërisht mënyra e tij e lojës, e ndikuar nga origjina dhe përvojat e jetës, e bën Dakun një futbollist të veçantë.

The post Mediat ruse dalin në mbrojtje të Mirlind Dakut: Ja pse Spartaku i Moskës beson te sulmuesi shqiptar appeared first on Albeu.com.