“Trafikim i lëndëve narkotike”, e kryer në formë të veçantë të bashkëpunimit, atë të grupit të strukturuar kriminal, parashikuar nga nenet 283/a paragrafi i parë dhe 28/4 të Kodit Penal;

“Grup i strukturuar kriminal”, e kryer në formën e pjesëmarrjes në një grup të strukturuar kriminal, e parashikuar nga neni 333/a paragrafi i dytë i Kodit Penal;

“Kryerje e veprave penale nga organizata kriminale dhe grup i strukturuar kriminal”, e parashikuar nga neni 334 pika 1 i Kodit Penal;

“Shpërdorim i detyrës”, e parashikuar nga neni 248 i Kodit Penal.

Shkëlzen Ruska, i akuzuar për veprat penale:

“Kultivim i bimëve narkotike”, e kryer në formë të veçantë të bashkëpunimit atë të grupit të strukturuar kriminal, parashikuar nga nenet 284 paragrafi i parë dhe 28/4 të Kodit Penal;

“Grup i strukturuar kriminal”, e kryer në formën e pjesëmarrjes në një grup të strukturuar kriminal, parashikuar nga neni 333/a paragrafi i dytë i Kodit Penal;

“Kryerje e veprave penale nga organizata kriminale dhe grupi i strukturuar kriminal”, e parashikuar nga neni 334 pika 1 i Kodit Penal;

“Shpërdorim i detyrës”, parashikuar nga neni 248 i Kodit Penal.

Të pandehurit Ervis Alisinanaj, i akuzuar për kryerjen e veprës penale:

“Shpërdorim i detyrës”, e parashikuar nga neni 248 i Kodit Penal.

Ky proçedim penal është ndarë nga çështja penale nr.169 e vitit 2022.

Nga hetimet e kryera rezulton se gjatë viteve 2019-2021, në zonën e Sarandës ka vepruar një grup i strukturuar kriminal i përfshirë në kultivimin dhe trafikimin e bimëve narkotike. Drejtuesi dhe organizatorët e këtij grupi dyshohet se janë shtetasit nën hetim, K.Q (alias J.H, alias J.Q) dhe E.A (alias K.A), Anëtarët e këtij grupi kishin detyra të përcaktuara për sigurimin, transportin dhe trafikimin e lëndëve narkotike nga Shqipëria drejt Greqisë.

Hetimet kanë dokumentuar rastin e trafikimit, më 7.3.2020 përmes pikës së kalimit kufitar në Qafë Botë, të një sasie prej 1144.9 kg cannabis sativa të papërpunuar, 4.068 kg cannabis të përpunuar (çokollatë) dhe 0.916 kg cannabis i përpunuar (vaj), me vlerë rreth 1.700.000 euro. Kjo sasi u është sekuestruar dy shtetasve italianë të dënuar në Greqi.

Kur anëtarë të grupit arrestoheshin nga agjencitë e zbatimit të ligjit, anëtarët e tjerë interesoheshin për ndihmën ekonomike të personave të arrestuar dhe sigurimin e mbrojtjes në proceset gjyqësore. Sipas hetimeve, anëtarët e këtij grupi të strukturuar kriminal kishin krijuar kontakte dhe lidhje shoqërore me punonjës të Policisë së Shtetit, për të bërë të mundur vijimësinë e aktivitetit kriminal.

I tillë është rasti i Erdit Hazizaj, në atë kohë mbante detyrën e specialistit në Sektorin e Hetimit në Mbulim, në Drejtorinë e Forcës së Posaçme Operacionale, i cili i ndihmonte drejtuesit e grupit të strukturuar kriminal me këshilla dhe informacione të vazhdueshme për zhvillimin e aktivitetit të kundraligjshëm.

Gjatë viteve 2019-2021, në zonën Tepelenë-Gjirokastër, ka vepruar një grup i strukturuar kriminal, i përfshirë në kultivimin e bimëve narkotike, nën drejtimin e shtetasit nën hetim, L.B (alias E.S), ndërsa pjesëtarët e grupit kishin detyra të ndara për kultivimin e bimës narkotike në zonën Tepelenë – Gjirokastër. Hetimet kanë dokumentuar rastin e datës 1.10.2020, në rrugën mes fshatit Dukaj dhe fshatit Salari (Tepelenë), ku Drejtoria Vendore e Policisë Gjirokastër zbuloi dhe sekuestroi 1360 bimë narkotike, me gjatësi 30-120 cm, në gjendje të njomë, me peshë totale 1280 kg. Sasia e bimëve narkotike ishte kultivuar nga ky grup kriminal.

Drejtuesi i tij kishte krijuar kontakte dhe lidhje shoqërore edhe me punonjës në Policinë e Shtetit, në rastin konkret, me të pandehurin Shkëlzen Ruska, i cili asokohe mbante detyrën e specialistit në Drejtorinë Vendore të Policisë Gjirokastër. Ai dyshohet se ka ndihmuar drejtuesin e grupit të strukturuar kriminal duke ofruar informacione dhe garanci për aktivitetin e kundraligjshëm.

Nga tërësia e provave të administruara rezulton se të pandehurit, Erdit Hazizaj, Shkëlzen Ruska dhe Ervis Alisinaj, në vazhdimësi, gjatë vitit 2020, në kundërshtim me detyrimet ligjore dhe funksionale, si punonjës të Policisë së Shtetit, kanë kryer veprime dhe mosveprime që kanë cenuar rëndë funksionimin e rregullt të strukturave policore, duke mos ndërmarrë masa për parandalimin dhe goditjen e veprimtarive kriminale në kultivimin dhe trafikimin e narkotikëve apo veprime të tjera të kundraligjshme.

Këto veprime, bazuar në hetimet e kryera, kanë sjellë pasoja të rënda për interesat e ligjshme të shtetit si dhe kanë cenuar besueshmërinë e Policisë së Shtetit përpara publikut dhe kanë dëmtuar ushtrimin e misionit të saj në garantimin e rendit dhe sigurisë publike, në zbatim të Kushtetutës dhe ligjit.

Sqarim: Çdo person prezumohet i pafajshëm deri sa nuk vërtetohet fajësia e tij me vendim gjyqësor të formës së prerë.

The post “File, ndonjë fletë hoteli për çunat jep dot”/ Lidhje me grupe kriminale në trafikun e drogës, SPAK dërgon për gjykim tre ish-punonjës policie appeared first on Albeu.com.

Më tej, ai pretendoi se është sulmuar fizikisht, duke shtuar se këto shqetësime i ka raportuar edhe më herët.

Kleviol Ahmeti u paraqit këtë të enjte në mesditë në ambientet e Gjykatës së Posaçme kundër Korrupsionit dhe Krimit të Organizuar, ku pritej të dëshmonte në gjyqin ndaj Laert Haxhiut në lidhje me episodin e vendosjes së tritolit në dyqanin e reperit Noizy në Durrës, por seanca u shty.

Deklarata e Cllevios:

“Kjo seancë u shty, sepse pala e dëshmitarëve të tjerë janë të zënë me punë dhe unë, tha ai, do t’i shtyj sa herë të jemi të zënë me punë. Laert Haxhiun e kam shok të ngushtë. Kam pasur konflikte me Noizyn. Unë jam palë dëmtuese këtu, jam goditur me grushte. Babai i atij vjen këtu dhe thotë se s’më njeh mua. Ai është baba shembullor dhe duhet të mbajmë përgjegjësi këtu. Çfarë ka ndodhur, ka ndodhur. Më ka goditur, më ka goditur me çunat e burgut. Këtë e kanë goditur me tritol, di gjë unë çfarë problemesh ka ky? Unë lëviz me makina të blinduara nga frika e Noizyt, sepse ai paguan lekë për të më vrarë. I kam raportuar dhe këto i di edhe Stresi.

Nuk i kam kallëzuar këto, sepse mua nuk m’i marrin parasysh, këtij ia marrin. Kam pasur një konflikt që e kam sharë në mënyrë artistike dhe nëpërmjet rrjeteve sociale. E kam sharë siç shahen njerëzit ose siç shahen në Parlament. Mundësi pajtimi ka. I kam bërë thirrje edhe kryeministrit të më pajtojë, por nuk më është përgjigjur. Kam thirrje që ai të vijë në gjyq këtu dhe të mos na i shtyjë seancat, të vijë të dëshmojë çfarë ka për të dëshmuar dhe të iki edhe unë në punën time, që të mos dëshmoj unë se mungon ai. Herën tjetër do mungoj unë kur të vijë ai. Kështu që të vijë këtu dhe të përballet, të japë intervistat, të thotë për këto çfarë ka ndodhur dhe a do gjejmë zgjidhje apo jo. Mua më thanë: ‘Hajde paraqitu dhe do vij’”, tha Ahmeti.

The post Cllevio në GJKKO, shtyhet dëshmia për çështjen e tritolit te Noizy: Unë lëviz me makina të blinduara nga frika e Noizyt appeared first on Albeu.com.

Sipas SPAK operacioni u realizua nga një skuadër e përbashkët hetimore e ngritur me mbështetjen e Eurojust dhe lidhet me hetimet për vrasjen e Francesco Diviesti, ngjarje e ndodhur më 25 prill 2025 në Canosa di Puglia.

Në kuadër të operacionit, GJKKO ka lëshuar 10 masa sigurimi, ndërsa autoritetet italiane edhe 5 të tjera. Masat janë vendosur ndaj 11 shtetasve shqiptarë dhe 4 italianëve, përfshirë edhe katër gra të vendosura në arrest shtëpie ose detyrim paraqitjeje.

Operacioni është shtrirë në Tiranë, Fier, Vlorë, Barletta, Romë, Agnani dhe Madrid.
Akuzat ndaj grupit

AKUZAT

Të dyshuarit akuzohen për vrasje me paramendim me metoda mafioze, Trafik ndërkombëtar droge, Tentativë zhvatjeje, Mbajtje pa leje të armëve, Favorizim të autorëve të krimit, Shkelje të masave të sigurisë, Pastrim ndërkombëtar parash.

Sipas hetimeve italiane, një shtetas shqiptar dyshohet si autor i ekzekutimit të Diviestit, ndërsa dy italianë nga Barletta dyshohet se ndihmuan në fshehjen e gjurmëve të krimit.

Vrasja e Francesco Diviestit

Hetuesit italianë kanë rindërtuar se mbrëmjen e 25 prillit 2025, Diviesti u përfshi në një konflikt në një bar në Barletta dhe më pas u dërgua në një zonë të izoluar në Murgia të sipërme, pranë Canosa di Puglia, ku u qëllua pesë herë me armë zjarri.

Më pas, autorët i vunë flakën trupit të tij brenda gomave të automjeteve, duke përdorur një metodë tipike të ekzekutimeve mafioze të viteve ’90 në atë zonë. Trupi u gjet katër ditë më vonë.

Shtetasi shqiptar i dyshuar për vrasjen u arrestua më 25 qershor në Hungari, në qytetin Roszke, me 24 kilogramë kokainë të pastër.

Sekuestrohen para, kompani dhe pasuri

Në kuadër të hetimeve janë sekuestruar:

4 kompani tregtare;

8 automjete;

10 llogari bankare;

mbi 680 mijë euro cash të bllokuara në Muriqan në nëntor 2024;

si dhe mbi 412 mijë euro të tjera tek familjarë të të dyshuarit kryesor.

Njoftimi i SPAK

SPAK dhe Drejtoria Distriktuale Antimafia e Barit zhvillojnë një operacion të gjerë në kuadër të hetimeve për një grup të strukturuar kriminal, trafik ndërkombëtar droge dhe pastrim parash

Struktura e Posaçme kundër Korrupsionit dhe Krimit të Organizuar (SPAK) dhe Drejtoria Distriktuale Antimafia e Barit (DDA) zhvilluan mëngjesin e sotëm një operacion të përbashkët dhe të gjerë në kuadër të hetimeve ndërkombëtare në Shqipëri dhe Itali, i realizuar nga Skuadra e Përbashkët hetimore, e ngritur më mbështetjen e Eurojust.

Hetimet u përqëndruan në zbulimin e vrasjes së Francesco Diviesti-t, ngjarje e ndodhur më 25 Prill të vitit 2025, në Canosa di Puglia, në jug të Italisë dhe të një organizate kriminale shqiptare, me bazë në Tiranë, të përfshirë në trafikun ndërkombëtar të drogës dhe pastrimin e produkteve të veprës penale, nga Italia në Shqipëri.

Gjykata e Posaçme kundër Korrupsionit dhe Krimit të Organizuar ka lëshuar 10 masa sigurimi personal, ndërsa 5 të tjera janë lëshuar nga autoritetet gjyqësore italiane. Këto masa janë vendosur ndaj 11 shtetasve shqiptarë, 4 italianë, (përfshirë 4 gra, të vendosura nën masën e arrestit në shtëpi dhe detyrim paraqitje). Masat u ekzekutuan në bazë të një urdhër arresti ndërkombëtar në Tiranë, Fier, Vlorë (Shqipëri), në Barletta, në burgun e Romës dhe Agnani, (Itali) si dhe në Madrid (Spanjë).

Veprat penale:

Vrasje me paramendim, e kryer duke përdorur metoda mafioze të ekzekutimit

Tentativë zhvatjeje;

Posedim dhe mbajtje e paligjshme e armëve të zjarrit dhe municioneve;

Favorizim personal;

Shkelje të masave parandaluese personale;

Pastrim ndërkombëtar i produkteve të veprës penale nga Italia në Shqipëri

Në masën paraprake të lëshuar nga Gjykata e Barit është konfirmuar qëndrueshmëria e provave ndaj tre personave, të hetuar si ekzekutorë material krimit të kryer ndaj Francesco Diviestit; një shqiptar (autori) dhe dy italianë nga Barleta, një burrë dhe një grua, që ndihmuan në fshehjen e gjurmëve të krimit duke mos e raportuar atë tek autoritetet gjyqësore.

Ekzekutimi i Francesco Diviesti-t –  25 Prill 2025 

Hetimet zbuluan se në mbrëmjen e datës 25 Prill 2025, Francesco Diviesti u përfshi në një konflikt, në një bar të Barletta-s dhe u dërgua brenda disa shpellave, pranë një zonë të izoluar në Murgia-n e sipërme, në Casosa di Puglia, ku është qëlluar 5 herë nga dy pistoleta dhe më pas, i është vënë flaka brenda disa gomave, me qëllim që kufoma të digjej, sipas një metode të përdorur në vitet ’90, në këtë zonë. Duke iu referuar kësaj mënyre të ekzekutimi, hetimi u mor përsipër nga Drejtoria Antimafia e Barit, duke lokalizuar kufomën brenda katër ditëve.

Më 25 Qershor, shtetasi shqiptar i përfshirë në krim, i cili ishte larguar dy ditë pas ekzekutimit të Diviesti-t, u arrestua në qytetin Roshe të Hungarisë, jo për vrasje, por për posedim të 24 kilogramëve kokainë të pastër, në kuadër të procedimit të Prokurorisë së Tranit. Drejtoria Antimafia e Barit i kishte dërguar provat kësaj Prokurorie për të bërë të mundur arrestimin e tij për këtë krim.  Në të njëjtën kohë, tek familjarë të tij u sekuestruan mbi 412.000 euro ‘cash’ si dhe u dokumentua përfshirja e tre shtetasve italianë në këtë çështje penale në hetim.

Rindërtimi i vrasjes së Diviesti-t dhe identifikimi i grupit kriminal të përfshirë në pastrimin e produkteve të veprës penale u bë i mundur falë një hetimi më të gjerë ndaj shtetasve shqiptarë të vendosur në Puglia, të zhvilluar nga Drejtoria Hetimore Antimafia e Barit, nën drejtimin dhe koordinimin e Drejtorisë Antimafia të Barit, në kuadër të trafiqeve ndërkombëtare të drogës nga Shqipëria në Puglia.

Lidhur më shtetasit e hetuar, GJKKO ka caktuar gjithashtu edhe sekuestron preventive për 4 shoqëri tregtare, 8 automjete, 10 llogari bankare dhe shumën prej 680.595 euro, të cilat u sekuestruan nga Policia e Shtetit në 14 Nëntor 2024 në Pikën e Kalimit Kufitar të Muriqanit, pas informacionit të marrë nga Qëndra Operative DIA, Bari.

Operacioni i sotëm është pjesë e një projekti hetimor shumëvjeçar mes SPAK dhe DDA-së të Barit kundër trafikut ndërkombëtar të kokainës dhe heroinës, të menaxhuara nga organizata kriminale shqiptare dhe pason operacionet:

Shefi

Kulmi

Shpirti

Ura

Nga viti 2018 deri në 2025, këto operacione kanë çuar në vendosjen e 170 masave të sigurisë, sekuestrimin e pasurive në vlerën e miliona eurove dhe kapjen e mbi 7 tonëve drogë  (kokainë, heroinë, kanabis).  Në shkallë të ndryshme të gjykimit janë vendosur dënime deri në 20 vjet heqje lirie për secilin të pandehur..

SPAK i shpreh mirënjohjen Drejtorisë së Përgjithshme të Policisë së Shtetit për ekzekutimin e masave të sigurimit personal të kryera sot në Shqipëri.

Theksojmë se procedimi ndodhet ende në fazën e hetimeve paraprake.

The post Goditja e grupit të Igli Kamberit/ SPAK njoftim zyrtar: 15 masa sigurie në Shqipëri, Itali dhe Spanjë, mes tyre edhe 4 gra appeared first on Albeu.com.

Në konferencën e përbashkët për shtyp nga Bari, një prej prokurorëve italianë antimafie në Bari deklaroi se ky grup ka kryer edhe vrasje, ndërkohë analizoi sjelljen e tyre si një mafie por që ka brenda edhe elementë familjarë dhe kulturorë shqiptar.

Sipas tij, grupet shqiptare kriminale që operojnë jashtë territorit shqiptar, kanë marrë një rol lidershipi dhe tashmë në Itali ka filluar procesi i delokalizimit të tyre.

Prokurori italian: Grupet kriminal operojnë përtej territorit shqiptar dhe kanë marrë rol lidershipi. Në kuadër të këtij roli lidershipi ka nisur procesi i delokalizimit të krimit shqiptar. Është fjala për një grupi të strukturar kriminal që operon në Shqipëri. Ky grup ka kryer vrasje në Itali. Kemi dhe këtu mafie, që lidhet me kodet e tyre edhe si sillen. Edhe lidhje familjare edhe lidhje kriminale, besim, nder. Interesant në këtë hetim, që ai që akuzohet për këtë vrasje e justifikon këtë ekzekutim duke thënë sepse nuk është zbatuar rregullat e një kontrate por të një familjeje, kemi një transferim edhe çështje kulturore, tradita, marrëdhënie raporti i një lloj matrice mafioze dhe mënyra që pë4rdorin. Këto të dhëna kanë të bëjnë me modernen, me njohur shumë të mira teknologjike, edhe investimet që bëjnë, me procese spekulative dhe transferojnë në Shqipëri fitimin e paligjshëm. Ka pasur fillimisht edhe përfshirje të një prokurorie të një qyteti tjetër. Model sinergjik që bëmë së bashku dhe bëmë lidhjen si funksiononte dhe arritëm të kuptonim me këtë fenomen. Vetëm së bashku kuptojmë fenomenin.

The post Goditja e përbashkët Shqipëri-Itali ndaj grupit të Igli Kamberit, flet prokurori italian i antimafies: Kanë kryer dhe vrasje! Grupet shqiptare kanë marrë rol lidershipi appeared first on Albeu.com.

Më konkretisht, janë sekuestruar 4 shoqëri tregtare ( Shoqëria “Fermer Fatos Buzi”, Shoqëria “Igli Kamberi”, Shoqëria “Auto Rend&Sell – Albania” dhe Shoqëria “Lefter Nelaj”) 8 llogari bankare dhe 8 automjete.

Dy llogari bankare i përkisnin bashkëshortes së Ergys Kastratit, Desmira Ceco, dy të tjera në emër të bashkëshortes së Igli Kamberit, Nevila Kamberi dhe së ëmës së saj, Dituri Buzi. Ndërsa të atit, Fatos Buzi iu sekuestrua shoqëria “Fermer Fatos Buzi”.

Kokës së grupit kriminal, Igli Kamberi iu sekuestrua shoqëria tregtare me emrin e tij “Igli Kamberi”. Shoqëria tjetër e sekuestruar “Auto Rend&Sell – Albania” rezulton në emër të Bardhok Gjergjit, të cilit iu sekuestruan edhe 5 automjete dhe 1 llogari bankare. Dy llogari të tjera të sekuestruara janë në emër të Saimir Pirrës, si edhe një automjet.

Lefter Nelajt iu sekuestrua shoqëria me emrin e tij “Lefter Nelaj” si edhe një llogari bankare. Po ashtu u vunë në sekuestro edhe dy automjete të Edi Brahajt.

Kujtojmë që në kuadër të këtij operacioni të përbashkët me autoritetet italiane janë lëshuar 15 masa sigurie, nga të cilat 10 në Tiranë. Në pranga janë vënë 4 persona, mes të cilëve Ergys Kastrati alias Bishja dhe Igli Kamberi.

Igli Kamberi, i konsideruar si koka e grupit, është arrestuar në Itali pasi akuzohet për vrasjen e një berberi italian në vitin 2025. Ergys Kastrati, i njohur si “Bishja”, u kap në një vilë në një zonë rezidenciale në Tiranë.

LISTA E PASURIVE TE SEKUESTRUARA:

Desmira Ceco (bashkëshortja e Ergys Kastratit)

-Dy llogari bankare

Nevila Kamberi (bashkëshortja e Igli Kamberit) dhe Dituri Buzi (e ëma)

-Dy llogari bankare

Fatos Buzi (babai i Nevila Kamberit)

-Shoqëria “Fermer Fatos Buzi”

Igli Kamberi

-Shoqëria tregtare “Igli Kamberi”, person fizik

Bardhok Gjergji

-Shoqëria “Auto Rend&Sell – Albania”

-5 automjete dhe 1 llogari bankare

Saimir Pirra

-Dy llogari bankare e 1 automjet

Lefter Nelaj

-Shoqëria “Lefter Nelaj” person fizik

-Një llogari bankare

Edi Brahaj

-Dy automjete

The post Goditja e grupit të pastrimit të parave/ SPAK sekuestron pasuritë e Ergys Kastratit, Igli Kamberit dhe të afërmve appeared first on Albeu.com.

Braho deklaroi se gjatë hetimeve janë sekuestruar rreth 1 milion euro cash, ndërsa me kërkesë të Prokurorisë, GJKKO ka vendosur sekuestrimin e pasurive të tjera, përfshirë shoqëri tregtare, automjete dhe llogari bankare.

“Janë caktuar 15 masa sigurimi personale, 10 nga GJKKO në Tiranë. Është një element i këtij rasti jo vetëm goditja e aktivitetit të trafikut të drogës, por edhe goditja e aktivitetet që ka rrjedhur nga kjo veprimtari.

Gjatë hetimeve janë sekuestruar 1 mln euro para në gjendje cash, nga GJKKO në Tiranë pas kërkesës së Prokurorisë janë sekuestruar pasuri të tjera, shoqëri, automjete dhe llogari bankare”, u shpreh Braho.

The post Operacioni i përbashkët me Antimafien Italiane, Kreu i SPAK, Klodian Braho: Janë sekuestruar 1 milion euro, biznese dhe llogari bankare appeared first on Albeu.com.

Ndër personat e arrestuar, janë Ergys Kastrati alias Bishja dhe Igli Kamberi.

Operacioni ka në fokus persona të dyshuar për përfshirje si në vrasjen e të riut italian Francesco Diviesti, ashtu edhe në një rrjet të dyshuar të pastrimit të parave mes Italisë dhe Shqipërisë.

Sipas mediave italiane, një nga të dyshuarit është vendosur në arrest shtëpie, tre të tjerë janë lënë nën detyrim paraqitjeje, ndërsa pjesa tjetër është dërguar në burg.

Hetimet po përqendrohen në një organizatë kriminale që dyshohet se vepronte në mënyrë të qëndrueshme mes dy brigjeve të Adriatikut, me bazë në Tiranë dhe aktivitet kryesor transferimin e paligjshëm të shumave të mëdha të parave nga Italia drejt Shqipërisë.

Sipas hetuesve, sistemi i dyshuar i pastrimit të parave lidhet edhe me hetimet për vrasjen e Diviestit, e ndodhur më 25 prill 2025.

26-vjeçari, i cili punonte si berber në Barletta së bashku me të atin, ishte zhdukur mbrëmjen e 25 prillit pasi kishte dalë nga shtëpia rreth orës 20:30.

The post Operacioni i SPAK për grupin që pastronte para, mediat italiane japin detaje: U lëshuan 14 masa sigurie, lidhjet me vrasjen e të riut në Canosa di Puglia appeared first on Albeu.com.

Gazetarja Klodiana Lala, raporton se mes të arrestuarve konsiderohet si personazhi kryesor Ergys Kastrati allias Bishja. Ai u kap në një vilë në një zonë rezidenciale gjatë operacionit të forcave speciale.

Ndërkohë, në Itali është arrestuar edhe kreu i dyshuar i grupit, Igli Kamberi. Sipas hetimeve, ai akuzohet edhe për përfshirje në vrasjen e një shtetasi italian.

The post EMRAT/ SPAK operacion kundër pastrimit të parave, arrestohen 4 persona appeared first on Albeu.com.

Karçanaj është parë duke hyrë në SPAK e shoqëruar nga avokatja e saj, ndërsa nuk ka dhënë deklarata për mediat.

Ajo po hetohet për skandalin tek AKSHI, ndërsa GJKKO ka caktuar ndaj saj masën ‘Detyrim paraqitje’, ku SPAK po heton dyshime për shkelje të barazisë në tendera dhe veprimtari të kryera në kuadër të një grupi të strukturuar kriminal.

Hetimet e SPAK lidhen me disa procedura prokurimi me vlera të larta, ku dyshohet se kriteret e tenderave janë favorizuar për kompani të caktuara.

The post Rreth 4 orë në prokurori/ Ish-drejtoresha e AKSHI-t, Mirlinda Karçanaj del nga SPAK appeared first on Albeu.com.

Karçanaj është në mesin e 8 të pandehurve për skandalin me tenderat e AKSHI-t, të cilët akuzohen si pjesë e një grupi të strukturuar kriminal, duke manipuluar procedurat tenderuese, favorizuar kompani dhe ushtruar presion ndaj operatorëve konkurrues.

Ndaj tyre u ngritën akuzat për veprat penale: konkurrencë e paligjshme nëpërmjet dhunës, heqje e paligjshme e lirisë, shkelje e barazisë në tendera, grup i strukturuar kriminal, si edhe pastrim parash.

DOSJA AKSHI

Sipas SPAK, Ergys Agasi dhe Ermal Beqiri konsiderohen si dy nga personat kryesorë të skemës kriminale. Ata akuzohen për konkurrencë të paligjshme përmes dhunës, heqje e paligjshme e lirisë, shkelje të barazisë në tendera, grup i strukturuar kriminal dhe pastrim parash. Sipas hetimeve, ata kanë ushtruar presion dhe intimidim ndaj përfaqësuesve të kompanive pjesëmarrëse në tendera për t’i detyruar të hiqnin dorë nga ankimimet, me qëllim që kompanitë e favorizuara të shpalleshin fituese. Të dy mbeten ende në kërkim.

Ish drejtuesja e AKSH-t Mirlinda Karçanaj dhe zëvendësja e saj, Hava Delibashi akuzohen për shkelje të barazisë në tendera dhe grup i strukturuar kriminal. Sipas SPAK, ato dyshohet se kanë pasur rol në procedurat e manipuluara të tenderimit dhe në favorizimin e kompanive të caktuara përmes kritereve të vendosura në mënyrë të paligjshme.

Ish zëvendës drejtori i Policisë së Tiranës Erion Ismaili akuzohet për konkurrencë të paligjshme përmes dhunës dhe grup i strukturuar kriminal. Biznesmenët Andis Papa, Gëzim Hoxha dhe Rogers Rryta akuzohen për pastrim parash dhe grup i strukturuar kriminal.

PASURITE E SEKUESTRUARA

SPAK sekuestroi pasuri me vlerë me 40 milionë euro në Mirlinda Karçanajt, Ergys Agasit, Ermal Beqirit, Andis Papës dhe Erion Ismailit. Karçanajt iu sekuestrua një apartament dhe një pronë në Tiranë, një pasuri në Qerret, një ullishte në Sauk, një makinë Volksëagen Tiguan dhe disa llogari bankare.

Ergys Agasit iu sekuestruan dhjetëra pasuri, përfshirë vila dhe prona në Petrelë, Lundër, Durrës dhe Vlorë, apartamente, garazhe, troje, tokë arë dhe pyje me mijëra metra katrorë. Po ashtu iu bllokua një automjet Land Rover Defender 2023, kompania “E.A.S” dhe disa llogari bankare në banka të ndryshme.

Ermal Beqirit SPAK i sekuestroi troje në Green Coast dhe Tiranë, vila në Rolling Hills, apartament në Golem, një jaht me emrin “Skyfall”, dy kompani private, automjete dhe llogari bankare në emër të tij dhe subjekteve të lidhura.

Ndërkohë, ndaj Andis Papës janë sekuestruar mbi 505 milionë lekë në dy kompani të ndryshme, ndërsa ndaj Erion Ismailit është sekuestruar një shumë prej rreth 100 milionë lekësh në subjektin “A”.

The post Skandali tek AKSHI, Mirlinda Karçanaj paraqitet në SPAK appeared first on Albeu.com.