Në prag të nisjes së sezonit të ri të Ligës Premier, mediat angleze sollën sërish në kujtesë rrëfimin e pabesueshëm të sulmuesit ndoshta më të dobët në historinë e kampionatit elitar anglez, senegalezit Ali Dia. Ai, i cili të enjten mbushi 61 vjeç, konsiderohet autori i mashtrimit më të madh futbollistik të shekullit.

Rrugëtimi i tij futbollistik nisi në ligat e ulëta të Francës. Pasi kaloi disa sezone, i lindi mendimi të shtirej si i afërm i George Weah, fitues i Topit të Artë. Në mungesë të internetit, verifikimi i informacioneve ishte gati i pamundur, kështu që erdhën kontratat e para dhe gjatë vitit 1995 ai ndërroi jo më pak se tre ekipe, nga finlandezët e FinnPA te PK-35 dhe më pas te gjermanët e Lübeck. Atë sezon ai zhvilloi vetëm 10 paraqitje dhe shënoi një gol.

Shumë shpejt ai ndryshoi strategji. Një mik i tij u telefonoi klubeve të Ligës Premier për t’u ofruar shërbimet e kushëririt të tij “jashtëzakonisht të talentuar”, i cili mburrej me të kaluarën te PSG-ja dhe me paraqitjet për kombëtaren e Senegalit.

Harry Redknapp, trajneri i West Ham, e ndjeu se bëhej fjalë për mashtrim, ndërsa Graeme Souness i Southamptonit mendoi ndryshe dhe i ofroi një kontratë njëmujore. Para firmosjes, ai donte ta provonte lojtarin në një ndeshje miqësore, por takimi u ndërpre për shkak të shiut dhe kontrata u nënshkrua pa asnjë minutë prove.

“Ai luajti me George Weah te Paris Saint Germain dhe luajti në divizionin e dytë në Gjermani”, shpjegoi Souness.

Gjatë stërvitjes u bë shpejt e qartë se diçka nuk shkonte; Dia nuk arrinte t’i ndiqte shokët e ekipit. Ai kishte mangësi të dukshme teknike dhe mezi përfshihej në ushtrimet bazë me grupin. Megjithatë, fati vazhdoi ta përcillte.

Për shkak të një sërë dëmtimesh në skuadër, ai u grumbullua për ndeshjen kundër Leeds United. Kur Matt Le Tissier u lëndua në minutën e 32-të të takimit, Dia mori mundësinë e tij. Paraqitja e tij u karakterizua nga gabime të shpeshta dhe lëvizje të ngathëta, dhe një Souness i zemëruar e zëvendësoi në minutën e 85-të. Të nesërmen klubi i ndërpreu kontratën.

“Në ekip mendonim se ai e kishte fituar garën për të luajtur me ne. Dukej si Bambi në akull, ishte e sikletshme ta shihje. Ishte pothuajse faji im, u lëndova dhe kështu u shfaq lojtari më i keq në historinë e Ligës Premier”, kujtoi Le Tissier vite më vonë.

Në total, “aventura” e tij në Ligën Premier zgjati vetëm 53 minuta, por mjaftoi për ta kthyer në legjendë. Nga Southampton ai kaloi te Gateshead i kategorisë së pestë, ku qëndroi një sezon dhe i dha fund karrierës. Ai luajti për 12 klube, duke bërë gjithsej vetëm 30 paraqitje, por të mjaftueshme për ta bërë këtë lojtar amator të pavdekshëm.

“Më kanë portretizuar si mashtrues dhe lojtar i keq, por nuk jam asnjëri. Natyrisht, jam i zhgënjyer që nuk ia dola të kualifikohesha në Ligën Premier, por besoj te aftësitë e mia dhe shqetësimi im i vetëm tani është Gateshead. Kontrata ime është vetëm deri në fund të sezonit”, i tha Dia Gateshead Post në atë kohë.

Pasi u tërhoq nga futbolli, ai u diplomua në Shkollën e Biznesit të Newcastle në Universitetin Northumbria dhe më pas mori një Master në Administrim Biznesi nga Universiteti Shtetëror i San Franciskos. Më pas u shpërngul në Doha, ku sipas raportimeve jeton edhe sot.

Askush në botën e futbollit nuk ka dëgjuar më për të, por emri dhe mbiemri i tij ende renditen në krye të listës së The Times me 50 futbollistët më të këqij në Angli të të gjitha kohërave.

The post Mashtrimi i shekullit në futboll: historia e Ali Diasë appeared first on Albeu.com.

Kalimi i De Jong nga Ajaxi te Barcelona, me vlerë 86 milionë euro, e vendos mesfushorin në krye të listës historike.

Vetëm 500 mijë euro më pak kushtoi transferimi i Matthijs de Ligt nga Ajaxi te Juventusi, që e pozicionon atë të dytin me 85.5 milionë euro. Në vendin e tretë është Virgil van Dijk, për të cilin Liverpooli i pagoi Southamptonit 84.7 milionë euro.

Renditja vijon me një tjetër lëvizje të De Ligt, këtë herë nga Juventusi te Bayern Munich. Mbrojtësi kaloi te klubi gjerman për 67 milionë euro dhe zë vendin e katërt.

Xavi Simons është i pesti, pas transferimit nga RB Leipzig te Tottenham Hotspur për 65 milionë euro. Në gjashtëshen e parë përfshihet edhe Crysencio Summerville, i cili u largua nga Ëest Ham drejt Al Hilal për 64.5 milionë euro.

Tijjani Reijnders renditet i shtati falë kalimit nga Milan te Manchester City, një marrëveshje e vlerësuar në 61 milionë euro.

Tre pozicionet e fundit plotësohen nga Jan Paul van Hecke me 60 milionë euro, Teun Koopmeiners me 58.4 milionë euro dhe sërish Tijjani Reijnders, transferimi i mëparshëm i të cilit nga AZ te Milani kushtoi 54.9 milionë euro.

Në total, katër prej dhjetë transferimeve kryesore lidhen me futbollistë që u larguan nga klubet holandeze. Megjithatë, rekordi vazhdon t’i përkasë Frenkie de Jong.

The post De Jong në krye: Dhjetë transferimet rekord të futbollistëve holandezë appeared first on Albeu.com.

Një nga figurat më të shquara të futbollit anglez, Kevin Keegan, është ndarë nga jeta, duke lënë pas një trashëgimi të pasur si lojtar dhe trajner. Ish-kapiteni dhe ish-tekniku i kombëtares së Anglisë u shua në moshën 75-vjeçare, vetëm shtatë javë pasi kishte bërë publike diagnozën e tij me kancer në fazën e katërt.

Familja e të ndjerit ishte ajo që dha lajmin e trishtë, duke treguar se Keegan u largua nga kjo botë pranë bashkëshortes dhe vajzave të tij. Në një komunikatë për shtyp, ata theksuan se ai ishte një njeri i përkushtuar ndaj familjes dhe shprehën mirënjohje për stafin mjekësor që u kujdes për të.

“Kevin, dy herë fitues i Topit të Artë, ishte një bashkëshort, baba dhe gjysh i dashur. Familja dëshiron të falënderojë ekipin e tij të jashtëzakonshëm mjekësor për gjithë mbështetjen. Ky është një moment jashtëzakonisht i vështirë dhe kërkojmë privatësi,” thuhej në deklaratën e familjes.

Lajmi i sëmundjes së tij erdhi në qershor, kur vetë Keegan zbuloi se po përballej me fazën më të përparuar të kancerit, e cila tashmë ishte përhapur në disa organe të tjera të trupit.

Karriera e tij si futbollist ishte e mbushur me trofe dhe momente të paharruara, duke veshur fanellat e skuadrave si Scunthorpe United, Liverpool, Hamburg, Southampton dhe Newcastle United. Ai u rendit pa dyshim ndër lojtarët më të mëdhenj dhe më të dekoruar që ka nxjerrë futbolli anglez.

Arritja e tij kurorë ishte triumfi në garën prestigjioze të Topit të Artë, të cilin e fitoi në dy edicione radhazi, më 1978 dhe 1979, duke e futur emrin e tij në listën e legjendave të këtij sporti në kontinentin evropian.

Edhe pasi i dha fund karrierës në fushën e blertë, Keegan vijoi të shkëlqejë në rolin e trajnerit. Ai mori drejtimin e skuadrave si Newcastle United, Fulham, Manchester City, si dhe atë të përfaqësueses së Anglisë, duke demonstruar të njëjtin pasion dhe përkushtim.

Menjëherë pas konfirmimit të ndarjes së tij nga jeta, klubi i Newcastle United publikoi një reagim emocionues, duke e përshkruar Keeganin si një prej njerëzve më ikonikë, më me ndikim dhe më të dashur që ka njohur ndonjëherë historia e klubit.

“Kevin ishte shumë më tepër sesa një futbollist apo trajner legjendar. Ai ishte zemra e Newcastle United për breza të tërë tifozësh. Ndikimi i tij nuk do të matet me numrin e ndeshjeve apo rezultatet, por me kujtimet që krijoi, ëndrrat që frymëzoi dhe brezat e tifozëve në mbarë botën që u dashuruan me futbollin falë tij,” shprehej njoftimi i klubit.

Me vdekjen e Kevin Keegan, bota e sportit humb një nga ikonat e vërteta të tij, një personalitet që la gjurmë të thella dhe të përjetshme si brenda katër vijave të fushës, ashtu dhe në pankinë.

The post Futbolli anglez në zi: Shuhet në moshën 75-vjeçare ikona Kevin Keegan appeared first on Albeu.com.

Çështja është serioze pasi Southampton ka thyer rregullat e Federatës së Futbollit. Ekipi i Middlesbrough ka prova se analisti i Southampton, William Salt, ka regjistruar stërvitjen e tyre. 48 orë përpara ndeshjes, Salt është fotografuar duke regjistruar stërvitjen e Middlesbrough pas një peme në “Rockliffe Park”.

Ditën e djeshme klubi i Middlesbrough ka bërë me dije nëpërmjet një njoftimi për mediet se pretendon përjashtimin nga gara të Southampton nga finalja përballë Hull City.

“Sjellja e rivalëve, përkatësisht vëzhgimi dhe regjistrimi i seancës sonë stërvitore përpara një ndeshjeje me një rëndësi kaq të madhe, godet në zemër integritetin sportiv dhe konkurrencën e ndershme”, bëri me dije Middlesbrough (u mund 2-1 në ndeshjen e dytë të së martës).

“Në këto rrethana, e vetmja përgjigje e përshtatshme është një sanksion sportiv që do ta pengonte Southampton FC të merrte pjesë në finalen e play-off të Kampionatit EFL”, thuhej në njoftimin e bërë publik mbrëmjen e kaluar. Middlesbrough ka shprehur gjithashtu zhgënjim që nuk do të lejohet të jetë pjesë e seancën dëgjimore. Ata besojnë se Southampton, nën menaxhimin e Tonda Eckert, e ka kthyer në praktikë vëzhgimin e ekipeve rivale.

The post Southampton i spiunoi në stërvitje, Middlesbrough kërkon përjashtimin nga finalja e play-off e Championship appeared first on Albeu.com.

Një shumë prej 160 milionë euro fitimet nga të ardhurat nga transmetimi dhe paratë e tjera janë të garantuara për klubin e bregdetit jugor.

Golin e vetëm në ketë ndeshje e shënoi Adam Armstrong në minutën e 24-të.

Southampton kthehet në Ligën Premier së bashku me Leicester dhe Ipswich, të cilët morën dy vendet e para që sigurojnë automatikisht promovimin.

Përveç 36 milionë eurove fillestare për paraqitjen, skuadra që fiton finalen e kampionatit do të arkëtojë 160 milionë euro në tre sezonet e ardhshme.

Megjithatë, nëse Suothampton mbijeton në Ligën Premier sezonin e ardhshëm, shifra do të rritet në 310 milionë euro, të cilat ai do t’i marrë gjatë pesë sezoneve të ardhshme.

Ndaj me të drejtë kjo ndeshje quhet “më e shtrenjta në botën e futbollit”, më e vlefshme edhe se finalja e Ligës së Kampionëve.

Southampton ishte në Ligën Premier nga 2012-2023, një periudhë e lavdishme për klubin që njihet për nxjerrjen e lojtarëve të talentuar nga akademia, me emra si Gareth Bale dhe Theo Walcott, që qëndrojnë në krye. /Telegrafi/

The post Southampton triumfoi në ndeshjen që vlen më shumë para se finalja e Ligës së Kampionëve, shuma që fitoi është e jashtëzakonshme appeared first on Albeu.com.

Skuadra e Russell Martin do të jetë në aksion në shtëpi të mërkurën në orën 20:45, pasi ata kërkojnë të vazhdojnë të shtyjnë për rikthim në Ligën Premier.

Por pamjet u shfaqën herët pasditen e së mërkurës që tregojnë një ndërtesë industriale pranë stadiumit – që besohet të jetë një fabrikë – që është kapluar nga zjarri.

Zjarrfikësit janë munduar me të gjitha forcat që ta lokalizojnë zjarrin e madh, ndërsa në deklaratë thuhej: “Ekuipazhet janë duke tentuar ta lokalizojnë zjarrin në Marine Parade Southampton. Thirrja fillestare erdhi në orën 14:05”.

“Zjarri po prek njësitë industriale pranë stadiumit të futbollit St Mary. Aktualisht janë tetë makina zjarrfikëse, dy makina me shkallë të larta dhe mjete të tjera të specializuara”.

“Njerëzit në zonë këshillohen të mbajnë dritaret dhe dyert të mbyllura për shkak të sasisë së tymit”, thuhej më tej në njoftim.

Nuk dihet në këtë fazë nëse do të ndikohet ndeshja e Southamptonit.

The post VIDEO / Tym dhe flakë mbi stadiumin ikonik të Anglisë appeared first on Albeu.com.

Fillimi i ndeshjes i takoi Southamptonit që krijoi disa raste para portës së Liverpoolit me Sekou Mara dhe Kamaldeen Sulemana që tentuan nga dy herë.

Liverpooli rrezikoi tek në minutën e 42-të me Harvey Elliott, por që nuk arriti të shënojë.

Bobby Clark asistoi te Louie Koumas që shënoi për 1-0 në të mirë të Liverpoolit pak pa u mbyllur pjesa e parë.

Në pjesën e dytë, Liverpooli e siguroi fitoren në minutën e 73-të, kur Jayden Danns shënoi për 2-0.

I njëjti shënoi në minutën e 88-të për rezultatin 3-0, duke konfirmuar formën e mirë të talentëve të Liverpoolit.

Me këtë fitore Liverpooli kaloi në çerekfinale të FA Cup. /Telegrafi/

The post Liverpooli me fitore bindëse ndaj Southampton në FA Cup appeared first on Albeu.com.

Golin për The Gunners e shënoi Granit Xhaka, ndërsa për The Saint realizoi Stuart Armstrong.

Ky barazim e mban sërish Arsenalin në vendin e parë me 28 pikë, 2 më shumë se Man City i vendit të dytë. SHIKO GOLIN /G.D albeu.com/

The post Ndalet seria pozitive e Arsenalit, bllokohet nga Southampton (VIDEO) appeared first on Albeu.com.

Vendimtar në këtë takim për skuadrën e Erik ten Hag rezultoi të ishte Bruno Fernandes, i cili në një aksion model ku Dalot në fund pason për portugezin, i cili  godet menjëherë dhe zhbllokon ndeshjen duke mposhtur kështu portierin e kundërshtarë.

Një gol që e festoi me bashkëkombasin e tij, Cristiano Ronaldon, me këtë të fundit që po bënte nxehmjen, pasi edhe këtë takim e nisi nga stoli.

Kujtojmë se kjo është fitorja e dytë e djajve në 4 ndeshje të luajtura në kampionat, teksa ka dhe dy humbje, ndërsa nga krahu tjetër Southampton nuk ia doli dot të të siguronte një tjetër 3 pikësh në këtë sfidë, pasi fitores me Leicesterin javën e kaluar.

/f.a/abcnews.al

The post Javë fantastike për Man.United, pas Liverpooli-t “Djajtë e Kuq” kalojnë edhe Southampton në transfertë (VIDEO) appeared first on Albeu.com.

Futbollisti shqiptar e ka të paqartë të ardhmen pasi e kaloi një sezon të suksesshëm në formë huazimi në Southampton.

Sidoqoftë, ai iu bashkua “Blues” në përgatitje para se ta kuptojë se cili do të jetë klubi i tij i ardhshëm, shkruan mediumi britanik “Evening Standard”.

Interesim për përfaqësuesin shqiptar kanë shfaqur West Hami dhe Evertoni në Angli, por edhe Milani në Itali.

Ndërkohë, bashkë me të përtej Atlantikut ka fluturuar edhe Raheem Sterling, i cili do të transferohet në Chelsea nga Manchester City dhe menjëherë do t’ju bashkohet shokëve të rinj të skuadrës së Thomas Tuchelit.

Chelsea ndërkohë është duke tentuar ta transferojë edhe Cristiano Ronaldon nga Manchester United./albeu.com

The post Do t’i bashkohen Chelseat, Broja dhe Sterling fluturojnë drejt Los Angelesit appeared first on Albeu.com.