Mbështetësit kanë mbërritur nga Kosova dhe vende të ndryshme të Europës, duke u mbledhur në pritje të shpalljes së aktgjykimit ndaj katër ish-drejtuesve të UÇK-së. Në mesin e tyre janë parë flamuj të UÇK-së dhe simbole shqiptare.

Në zonën pranë Gjykatës Speciale, është shtuar edhe prania e forcave të policisë, ndërsa grumbullimi i shqiptarëve ka vijuar në orët para nisjes së seancës.

Mbështetësit shprehen në solidaritet me Thaçin, Veselin, Selimin dhe Krasniqin, të cilët ndodhen në paraburgim në Hagë që prej nëntorit 2020.

The post Sot jepet vendimi/ Shqiptarët mblidhen në Hagë në mbështetje të ish-krerëve të UÇK-së appeared first on Albeu.com.

Dhomat e Specializuara të Kosovës kanë caktuar seancën për orën 10:00. Vendimi vjen pas një procesi gjyqësor që nisi në prill të vitit 2023 dhe zgjati më shumë se tre vjet.

Ndërsa ish krerët e UÇK-së ndodhen në qeli që prej vitit 2020.

Katër të akuzuarit përballen me akuza për krime lufte dhe krime kundër njerëzimit, përfshirë vrasje, torturë, përndjekje, burgosje dhe zhdukje me forcë.

Sipas aktakuzës, krimet e pretenduara lidhen me periudhën mars 1998-shtator 1999 në disa zona të Kosovës, si dhe në Kukës dhe Cahan.

Gjatë procesit gjyqësor dëshmuan 134 persona, ndërsa deklaratat përmbyllëse u zhvilluan në shkurt të këtij viti.

Seanca e shpalljes së aktgjykimit është publike dhe do të transmetohet edhe në gjuhën shqipe. Vendimi i sotëm pritet me interes të madh në Kosovë, Shqipëri dhe në diasporë.

The post Sot shpallet vendimi në Hagë për 4 ish-krerët e UÇK-së appeared first on Albeu.com.

Të ardhur nga Anglia dhe vende të ndryshme të Bashkimit Europian, ata kanë udhëtuar për tre ditë me radhë, duke formuar një kolonë automjetesh të mbushura me flamuj kuqezi, simbole kombëtare dhe slogane politike.

“Shqipëria e shqiptarëve” është një prej mesazheve që shoqëron automjetet e tyre gjatë rrugëtimit drejt Shqipërisë.

Pjesëmarrësit shprehen se janë nisur drejt vendit për të protestuar dhe për të përcjellë një mesazh politik, duke kërkuar ndryshim dhe largimin e qeverisë aktuale.

Shqiptarët e diasporës, thonë se pengesat më të mëdha i kanë hasur gjatë kalimit në kufirin me Malin e Zi.

“Kemi tre ditë që udhëtojmë drejt Shqipërisë dhe pengesat më të mëdha i kemi hasur në kufirin me Malin e Zi”, kanë deklaruar disa prej pjesëmarrësve.

Pavarësisht problemeve të hasura gjatë rrugës, kolona ka vijuar udhëtimin dhe tashmë ka mbërritur në pikën kufitare të Morinit, në hyrje të Shqipërisë.

The post Me flamuj dhe simbole, prej tre ditësh diaspora shqiptare udhëton nga Anglia dhe Evropa për të marrë pjesë në protestën kombëtare kundër qeverisë appeared first on Albeu.com.

Në sheshin “Skënderbeu” të Prishtinës mbahet sot Marshi për Liri, i organizuar në përkrahje të Hashim Thaçit, Kadri Veselit, Jakup Krasniqit dhe Rexhep Selimit, vetëm pak ditë përpara se Gjykata Speciale të shpallë vendimin për ish-udhëheqësit e Ushtrisë Çlirimtare të Kosovës.

Organizatorët e kësaj nisme, të quajtur “Liria ka emër”, u kanë bërë thirrje qytetarëve që të dalin masivisht në shesh për t’i mbështetur ata.

Në këtë tubim, të pranishëmve do t’u drejtohen kryetari i Partisë Demokratike të Kosovës, Bedri Hamza, si dhe kryetari i Aleancës për Ardhmërinë e Kosovës, Ardian Gjini.

Përfaqësuesit e platformës “Liria ka emër” kanë ftuar edhe spektrin politik që t’i bashkohet marshit.

Kryeministri në detyrë, Albin Kurti, të mërkurën nuk dha përgjigje në pyetjen e gazetarëve nëse do të jetë pjesëmarrës në këtë tubim apo jo.

Eliza Hoxha dhe Ismail Tasholli, përfaqësues të platformës qytetare “Liria ka Emër”, i kishin ftuar udhëheqësit e katër partive parlamentare shqiptare që të marrin fjalën gjatë marshit, por bënë të ditur se ftesës i janë përgjigjur pozitivisht vetëm Bedri Hamza nga PDK-ja dhe Ardian Gjini nga AAK-ja.

Një ditë më parë, Hoxha prezantoi edhe programin e marshit dhe listën e folësve.

“Në emër të platformës ‘Liria ka Emër’ do të flasim ne të dy së bashku, do ta hapim, në fakt, pjesën formale të Marshit. Në emër të shoqatave të dala nga lufta do të flasë Hysni Gucati. Do të flasë Liriona Sulejmani në emër të fëmijëve të dëshmorëve, si vajza e dëshmorit Bajram Sulejmani, duke sjellë zërin dhe mesazhin e një brezi që trashëgon kujtesën dhe sakrificën e luftës edhe në familje. Qytetarëve do t’u drejtohen gjithashtu Ardian Gjini dhe Bedri Hamza, si dhe Buna Mustafa, e bija e Salih Mustafës-Calit. Programi do të shoqërohet edhe me këngë, të cilat do të jenë pjesë e mesazhit të këtij tubimi, këngë patriotike, natyrisht, që na kanë frymëzuar dhe na kanë kujtuar gjithmonë për përkushtimin tonë për liri”, u shpreh Hoxha.

Ajo shtoi se nga platforma “Liria ka emër” është siguruar transport me autobusë nga të gjitha qytetet e Kosovës.

“Ejani me familjet tuaja, ejani me fëmijët tuaj, ejani me prindërit tuaj, me miqtë tuaj, ejani të gjithë bashkë në Marsh më 12 shtator, në orën 14:00, në Sheshin ‘Skënderbeu’, të Marshojmë për çlirimtarët tanë”, tha ajo.

Ndërkohë, Ismail Tasholli i ftoi qytetarët të marrin pjesë në marsh, duke theksuar se mesazhi i organizatorëve nga Prishtina deri në Hagë mbetet i pandryshuar: të qëndrojnë të bashkuar dhe pranë njëri-tjetrit në momente që, sipas tij, kanë rëndësi të veçantë.

“Prandaj, sot dua t’ju drejtoj një ftesë të gjithë qytetarëve. Bashkohuni me ne më 12 shtator, në orën 14:00, në Sheshin ‘Skënderbeu’ në Prishtinë. Mos ejani vetëm, ejani me familjet tuaja, merrni fëmijët, prindërit, vëllezërit, motrat dhe miqtë tuaj, ashtu siç erdhi edhe Eliza. Le të jetë ky Marsh një Marsh qytetar, familjar, paqësor dhe dinjitoz. Le të jemi sa më shumë, le të jemi bashkë. Më 12 shtator, ora 14:00, Sheshi ‘Skënderbeu’. Dhe më 15 shtator, nga ora 22:00, takohemi përsëri në Hagë, në natën e pritjes, për të qëndruar së bashku deri në nisjen e seancës së gjyqit”, tha ai.

Këtij marshi mbështetje i kanë shprehur edhe shumë figura publike.

The post Sot zhvillohet Marshi për Liri në sheshin “Skënderbeu” në Prishtinë appeared first on Albeu.com.

Tubimi i sotëm vjen një ditë pas protestës së 103-të, e cila u zhvillua mbrëmjen e së djeshme në kryeqytet.

Protestuesit janë mbledhur dhe kanë vijuar marshimin në bulevardet e Tiranës, ndërsa gjatë tubimit janë dëgjuar thirrje kundër qeverisë dhe kryeministrit Edi Rama.

Mesazhet e protestuesve kanë qenë të fokusuara te kërkesat për ndryshim politik dhe largimin e qeverisë.

Gjatë protestës qytetarët kanë marshuar në bulevard, ndërsa janë dëgjuar thirrje si “Dorëheqje”, “Arrestoni Ramën” dhe “Arrestoni Berishën”. Protestuesit janë ndalur edhe pranë “Air Albania”, ndërsa janë bërë thirrje për vijimin e rezistencës.

Protesta është shoqëruar gjithashtu me bllokime të disa akseve rrugore në Tiranë. Nga protesta janë bërë thirrje edhe për qytetarët që t’i bashkohen tubimit, ndërsa aktivistët kanë kërkuar lirimin e personave të arrestuar gjatë protestave.

The post Sot protesta e 104, qytetarët mbushin sërish sheshim: Rama jep dorëheqjen! appeared first on Albeu.com.

Përveç marshimeve, protestuesit kaluan në bllokimin për disa minuta të kryqëzimeve dhe akseve të rëndësishme të Tiranës, duke shkaktuar probleme në qarkullimin rrugor.

Dita e 101-të nisi me grumbullimin pranë Kuvendit, ku po zhvillohej seanca e parë plenare e sesionit të ri parlamentar. Për më shumë se dy orë pati tensione dhe përplasje, ndërsa protestuesit hodhën vezë dhe domate në drejtim të disa automjeteve të deputetëve dhe efektivëve të Policisë.

Pas ndërhyrjes së Policisë për lirimin e zonës pranë Parlamentit, protesta nuk u mbyll. Qytetarët nisën marshimin nëpër Tiranë, duke ndryshuar disa herë destinacionin dhe duke u ndalur në kryqëzime, ku bllokuan përkohësisht trafikun.

Protesta u zhvendos më pas drejt Drejtorisë së Policisë së Tiranës dhe Komisariatit nr. 6, ku qytetarët kërkuan lirimin e personave të shoqëruar gjatë incidenteve të ditës.

“Nuk jeni vetëm” dhe “Lironi shqipet”, ishin disa prej thirrjeve të protestuesve jashtë komisariatit. Gjatë mbrëmjes u lirua edhe gazetari Shpend Gashi, ndërsa gjatë ditës u raportua për rreth 20 persona të shoqëruar.

Kështu, dita e 102-të nis pas një proteste që të martën tregoi një dinamikë të re. Skenat e tensionit pranë Kuvendit janë parë
edhe më herët, por bllokimi i kryqëzimeve dhe qëndrimi për minuta të tëra në rrugë përbënë elementin e ri të reagimit.

Mbetet për t’u parë nëse kjo strategji do të vijojë edhe sot dhe nëse dita e 102-të do të konfirmojë përshkallëzimin e protestës që u pa një ditë më parë.

The post Sot dita e 102 e revoltës qytetare/ Protestuesit sërish para Kryeministrisë! Të vendosur për largimin e qeverisë Rama appeared first on Albeu.com.

Protesta e sotme vjen pas tubimit të zhvilluar një ditë më parë, kur qytetarët vijuan marshimin në kryeqytet dhe përsëritën kërkesat e tyre për ndryshim politik. Në qendër të thirrjeve të protestuesve janë dorëheqja e kryeministrit Edi Rama dhe krijimi i një qeverie teknike.

Për protestën e ditës së 100-të, aktivistët kanë bërë thirrje që qytetarët të bashkohen jo vetëm nga Tirana, por edhe nga qytete të tjera të vendit. Aktivisti Ilir Xhemalaj ka kërkuar pjesëmarrje masive dhe ka deklaruar se aksioni duhet të vijojë përmes mosbindjes civile.

Në deklaratat e bëra gjatë ditëve të fundit, aktivistët kanë paralajmëruar edhe përshkallëzim të protestave. Ata kanë folur për vijimin e mosbindjes civile dhe kanë përmendur bllokimin e institucioneve dhe rrugëve si forma të mundshme të aksionit.

Protesta e sotme pritet të jetë një nga tubimet më të rëndësishme të kësaj periudhe, ndërsa mbetet për t’u parë nëse thirrjet për pjesëmarrje masive do të shoqërohen me një mobilizim të gjerë qytetar dhe nëse lëvizja do të kalojë në një fazë të re të mosbindjes civile.

The post Sot dita e 100 e revoltës qytetare, paralajmërohet protestë masive: Rama jep dorëheqjen! Ju ka ardhur fundi appeared first on Albeu.com.

Në deklaratat e tyre, tonet janë ashpërsuar teksa u bëjnë thirrje qytetarëve, por edhe studentëve që të bashkohen në shesh.

Ata paralajmërojnë se, “nuk ndalemi pa ikur kjo klasë e vjetër politike”. Protestuesit do të jenë përpara Kuvendit në çdo seancë deri në dorëheqjen e Edi Ramës dhe qeverisë së tij.

Aktivistja Sidorela Vatnikaj, kërkoi lirimin e protestuesve të arrestuar dy ditë më parë, gjatë tensioneve përpara Kryeministrisë. Ajo theksoi se sulmi i policisë tregoi mënyrën se si ka qeverisur Edi Rama gjatë këtyre viteve.

Sipas saj, kryeministri po e përdor policinë e shtetit si “polici pushteti” për të vepruar kundër qytetarëve që protestojnë.

Megjithatë, siç shtoi ajo, intimidimet e tyre nuk do t’i ndalin dhe se do të jenë çdo ditë në shesh derisa Rama të japë dorëheqjen si kryeministër. “14 protestues janë duke u mbajtur padrejtësisht në burg prej dy netësh.

Arrestimi i tyre tregon formën se si ka qeverisur Edi Rama dhe qeveria e tij përgjatë gjithë këtyre mandateve, pavarësisht se e mburr veten si kryeministri më demokratik, kontraversial. E ka përdorur policinë e shtetit si polici të pushtetit, e cila ka arrestuar qytetarët me urdhra politikë, duke shkelur çdo rregull me qëllim për të na zmbrapsur, frikësuar e intimiduar. Nuk e kanë kuptuar ende se intimidimi i tyre nuk na frikëson, por na shton revoltën, qëndresën dhe na bën të jemi këtu përsëri për t’i thënë policisë së pushtetit arrestoni Ramën”, theksoi ajo.

Aktivistja deklaroi se sot do të mblidhen përpara gjykatës penale, ku protestuesit e arrestuar do të dalin për masën e sigurisë.

The post Sot në orën 10:00 protestë para Gjykatës Penale! Qytetarët kërkojnë lirimin e protestuesve appeared first on Albeu.com.

Për shkak të temperaturave të larta që parashikohen gjatë ditës, Ministria e Infrastrukturës dhe Transportit ka njoftuar vendosjen e kufizimeve të përkohshme për automjetet që transportojnë mallra dhe kanë masë totale mbi 20 tonë.

Ndalimi do të jetë në fuqi në autoudhë, nga ora 11:00 deri në 17:30, pasi temperaturat pritet të arrijnë 32 gradë Celsius ose më shumë.

Automjetet e kësaj kategorie do të mund të lëvizin normalisht në rrugët nacionale, rajonale dhe lidhëse, ku nuk do të aplikohet asnjë kufizim.

Nga kjo masë nuk preken mjetet e organeve të rendit dhe sigurisë publike, shërbimet emergjente dhe automjetet e institucioneve shëndetësore.

Ministria u ka kërkuar operatorëve ekonomikë dhe ngasësve që të zbatojnë orarin e vendosur dhe të organizojnë lëvizjet e tyre në përputhje me këtë kufizim.

The post Kufizohet sot qarkullimi në autoudhë për mjetet e mallrave mbi 20 tonë appeared first on Albeu.com.

Jetlira Foniqi, 25 vjeç, do të varroset këtë të hënë në varrezat e Lagjes Foniqi, me fillim nga ora 18:00.

Familjarët e të ndjerës kanë bërë publik njoftimin lidhur me ceremoninë e varrimit.

E reja ishte në javën e 34-të të shtatzënisë. Sipas Prokurorisë, për vrasjen e saj dyshohet bashkëshorti i saj, 26-vjeçari Egzon Bytyqi.

Policia ka raportuar se çifti është gjetur i plagosur në dhomën e gjumit në Malishevë.

Edhe i dyshuari ka pësuar plagë, ndërsa QKUK ka njoftuar se ai ndodhet në gjendje të rëndë.

The post Jetlira Foniqi përcillet sot për në banesën e fundit në Malishevë appeared first on Albeu.com.