Gjithashtu, axhenda përfshin edhe një seancë të dedikuar për trajtimin e ankesave dhe problematikave të ngritura nga vetë zgjedhësit në terren.

Në qendër të analizës parlamentare janë tre institucione kyçe: Komisioni Qendror i Zgjedhjeve, Inspektorati i Lartë i Deklarimit dhe Kontrollit të Pasurive dhe Konfliktit të Interesave si dhe Banka e Shqipërisë, puna e të cilave do të vlerësohet për vitin 2025 përmes projekt-rezolutave përkatëse.

Përtej këtyre, ligjvënësit do të angazhohen në një vlerësim të gjerë edhe për një numër të konsiderueshëm organesh të tjera rregullatore dhe institucione publike.

Lista përfshin Autoritetin e Mbikëqyrjes Financiare, Institutin e Statistikave, Autoritetin e Komunikimeve Elektronike dhe Postare, si dhe Radiotelevizionin Shqiptar.

Pjesë e këtij procesi monitorues janë edhe Autoriteti i Mediave Audiovizive, së bashku me Entin Rregullator të Energjisë dhe Entin Rregullator të Ujit.

Pjesa përmbyllëse e kësaj seance do t’u dedikohet çështjeve të emergjencës qytetare, ku deputetët pritet të ngrenë zërin për shqetësime konkrete të nxjerra në pah nga banorët e zonave të tyre elektorale.

Seanca do të hapet me miratimin e procesverbaleve të dy seancave të mëparshme, përkatësisht atyre të datave 30 qershor dhe 2 korrik 2026, si dhe do të pasohet nga njoftimet, në përputhje me rregulloren e Kuvendit.

Më pas, deputetët do të kalojnë në shqyrtimin me radhë të projekt-akteve për secilin institucion, sipas rendit të përcaktuar.

Rendi i plotë i Ditës:

1. Miratimi i procesverbaleve të seancave plenare të datave 30.6.2026 dhe 2.7.2026. (Neni 44, pika 2, të Rregullores së Kuvendit)

2. Njoftime. (Neni 44, pika 3, të Rregullores së Kuvendit)

3. Projektrezolutë “Për vlerësimin e veprimtarisë së Komisionit Qendror të Zgjedhjeve për vitin 2025”.

4. Projektrezolutë “Për vlerësimin e veprimtarisë së Inspektorit të Përgjithshëm të Inspektoratit të Lartë të Deklarimit dhe Kontrollit të Pasurive dhe Konfliktit të Interesave për vitin 2025”.

5. Projektrezolutë “Për vlerësimin e veprimtarisë së Bankës së Shqipërisë për vitin 2025”.

6. Projektrezolutë “Për vlerësimin e veprimtarisë së Autoritetit të Mbikëqyrjes Financiare për vitin 2025”.

7. Projektrezolutë “Për vlerësimin e veprimtarisë së Institutit të Statistikave për vitin 2025”.

8. Projektrezolutë “Për vlerësimin e veprimtarisë së Autoritetit të Komunikimeve Elektronike dhe Postare për vitin 2025”.

9. Projektrezolutë “Për vlerësimin e veprimtarisë së Radiotelevizionit Shqiptar për vitin 2025”.

10. Projektrezolutë “Për vlerësimin e veprimtarisë së Autoritetit të Mediave Audiovizive për vitin 2025”.

11. Projektrezolutë “Për vlerësimin e veprimtarisë së Entit Rregullator të Energjisë për vitin 2025”.

12. Projektrezolutë “Për vlerësimin e veprimtarisë së Entit Rregullator të Ujit për vitin 2025”.

13. Diskutime për çështje të evidentuara nga zgjedhësit.

The post Parlamenti shqyrton sot punën e institucioneve të pavarura për vitin 2025, fokusi te raportimi vjetor dhe shqetësimet e qytetarëve appeared first on Albeu.com.

Protestat qytetare janë karakterizuar nga masiviteti, energjia dhe vendosmëria për ta mbajtur të gjallë kauzën pavarësisht se ka kaluar mbi një muaj që qytetarët mbushin rrugët çdo ditë.

Ndërkohë, mijëra qytetarë u mblodhën të shtunën në Bulevardin “Dëshmorët e Kombit”, përpara Kryeministrisë, në ditën e 42-të të protestave kundër qeverisë së kryeministrit Edi Rama.

Pas fjalimeve të mbajtura para godinës së Kryeministrisë, protestuesit nisën marshimin në rrugët e kryeqytetit, duke shprehur pakënaqësinë e tyre ndaj qeverisë dhe klasës politike.

Gjatë marshimit u dëgjuan thirrje si; “Ju erdhi fundi”, “Revolucion”, “Nesër më shumë”, “Arrestoni Ramën”, “Rama në burg, Berisha në burg” dhe “Shqipëria kërkon revolucion”.

Protestuesit u shprehën të vendosur se nuk do të ndalen deri në largimin e kryeministrit Edi Rama, ndërsa marshimi vijoi në rrugët kryesore të Tiranës prej disa orësh.

The post Sot protesta e 43-të kundër qeverisë, shqiptarët kërkojnë dorëheqjen e Ramës appeared first on Albeu.com.

Protesta e sotme është mbarëkombëtare, ku diaspora pritet të jetë në Tiranë në mbështetjes së revoltës 35 ditore.

Autokolonat janë nisur që nga dita e djeshme, ndërsa policia ka deklaruar se çdo shtetas shqiptar që do të hyjë në territor këto ditë do t’i nënshtrohet një kontrolli të imtësishëm.

Kjo është parë si përpjekje që diaspora të mos jetë pjesë e protestës në Tiranë.

Grumbullimi i protestuesve është parashikuar të nisë në sheshin “Skënderbej”, ndërsa më pas marshimi do të vijojë drejt godinës së Kryeministrisë, ku protestuesit do të shprehin kërkesat e tyre.

Kërkesa kryesore e protestës mbetet dorëheqja e kryeministrit Edi Rama. Organizatorët kanë deklaruar se protestat do të vazhdojnë deri në përmbushjen e kësaj kërkese, duke ftuar qytetarët të marrin pjesë masivisht në atë që cilësohet si protesta e 34-t radhazi.

“Ju erdhi fundi”, është mesazhi që organizatorët kanë përcjellë në thirrjen e tyre për pjesëmarrje në protestën.

The post Rama jepe dorëheqjen, 35 ditë revoltë, Diaspora “zbarkon” sot në Tiranë appeared first on Albeu.com.

Ceremonia e varrimit do të mbahet në orën 15:00, në varrezat e fshatit.

Sipas të dhënave, hoxha humbi jetën pasi u ther me thikë nga i dyshuari Beshir Hamza, i njohur me nofkën “Kalorësi i Dragashit”.

Burime të grumbulluara nga media bëjnë të ditur se viktima ishte goditur pesë herë me thikë, pas një konflikti për një copë toke që ai e kishte kositur. Në momentin kur ndodhi ngjarja, pranë Beshirit ndodhej edhe babai i tij.

Më pas, ai u largua nga vendi i ngjarjes dhe në një kafiteri njoftoi banorët për incidentin, ndërsa i biri ishte në arrati. I pari që i doli në ndihmë viktimës ishte mjeku Alden Mrcolar, edhe pse në atë kohë ishte jashtë orarit të punës.

Kapja e të dyshuarit zgjati gjatë gjithë mbrëmjes dhe përfundoi vetëm në orët e paradites të së martës.

Për arrestimin e tij, Policia angazhoi njësitin K-9, dronë termikë dhe po ashtu edhe policinë kufitare, për shkak të territorit ku po kërkohej. Megjithatë, ai nuk përfundoi i vetëm në qeli, pasi disa orë më vonë u arrestua edhe babai i tij, i cili dyshohet për veprën penale “Mosdhënie e ndihmës”.

Hetimet për këtë rast po vazhdojnë, ndërsa sipas burimeve të Klanit, në ngjarje është përfshirë edhe nëna e Hamzës, e cila dyshohet se e ka shtyrë atë ta kryejë vrasjen.

The post Sot varroset në Dragash imami Gazmend Tairovci, i vrarë mbrëmjen e së hënës appeared first on Albeu.com.

Grumbullimi i protestuesve është parashikuar të nisë në orën 19:00 në Sheshin “Skënderbej”, ndërsa më pas marshimi do të vijojë drejt godinës së Kryeministrisë, ku protestuesit do të qëndrojnë për të shprehur kërkesat e tyre.

Kërkesa kryesore e protestës, mbetet dorëheqja e kryeministrit Edi Rama. Organizatorët kanë deklaruar se protestat do të vazhdojnë deri në përmbushjen e kësaj kërkese, duke ftuar qytetarët të marrin pjesë masivisht në atë që cilësohet si protesta e 28-të radhazi.

The post Mbahet sot protesta e 29-të, qytetarët kërkojnë dorëheqjen e pa negociueshme e Ramës appeared first on Albeu.com.

Në qendër të kërkesave të protestuesve mbetet dorëheqja e kryeministrit Edi Rama dhe largimi i kabinetit qeveritar.

Megjithatë, kritikat nuk drejtohen vetëm ndaj mazhorancës. Gjatë tubimeve të fundit janë artikuluar vazhdimisht qëndrime kundër opozitës tradicionale, ndërsa slogani “Opozita jemi ne” është kthyer në një nga mesazhet më të spikatura të protestës, duke reflektuar pakënaqësinë ndaj partive të vjetra politike dhe kërkesën për një përfaqësim të ri qytetar.

Organizatorët kanë bërë të ditur se protesta do të nisë në orën 19:00, një orar i përshtatur për shkak të temperaturave të larta që kanë përfshirë vendin gjatë ditëve të fundit.

Edhe protesta e një dite më parë u shoqërua me pjesëmarrje të konsiderueshme, ku mijëra qytetarë mbushën sheshin përpara Kryeministrisë dhe marshuan në rrugët kryesore të kryeqytetit, duke vijuar kështu serinë e tubimeve të përditshme kundër qeverisë dhe establishmentit politik.

The post Sot protesta e 19-të, mijëra qytetarë në sheshe e rrugë për largimin e qeverisë appeared first on Albeu.com.

Në rendin e ditës parashikohen 6 interpelanca, ku 5 janë për ministrat dhe një është thirrur nga deputeti Agron Shehaj, me kryeministrin Edi Rama.

RENDI I DITËS:

Në mbështetje të urdhrit nr. 37, datë 9.6.2026 të Zëvendëskryetares së Kuvendit, znj. Klodiana Spahiu, rendi i ditës është si më poshtë vijon:

1. Miratimi i procesverbalit të seancës plenare të datës 4.6.2026.

2. Njoftime.

3. Interpelancë urgjente me Ministrin e Mjedisit, z. Sofjan Jaupaj, kërkuar nga një grup deputetësh të Grupit Parlamentar të Partisë Demokratike.

4. Interpelancë urgjente me Ministrin e Punëve të Brendshme, z. Besfort Lamallari, kërkuar nga një grup deputetësh të Grupit Parlamentar të Partisë Demokratike.

5. Interpelancë me Kryeministrin e Republikës së Shqipërisë, z. Edi Rama, kërkuar nga deputeti Agron Shehaj.

6. Interpelancë me Ministren e Ekonomisë dhe Inovacionit, znj. Delina Ibrahimaj, kërkuar nga deputeti Enno Bozdo.

7. Interpelancë me Ministrin e Financave, z. Petrit Malaj, kërkuar nga deputetët Agron Shehaj dhe Erald Kapri.

8. Interpelancë me Ministrin e Financave, z. Petrit Malaj, kërkuar nga deputetët Agron Shehaj dhe Erald Kapri.

9. Diskutime për çështje jashtë rendit të ditës.

The post Qytetarët prej 12 ditësh kërkojnë largimin e Ramës/ Sot seancë plenare, gjashtë interpelanca në rend dite appeared first on Albeu.com.

“Rama jep dorëheqjen”, “Mos u përçani! Poshtë patronazhistët”, “Rama ik”, ishin disa nga thirrjet qe shoqëruan dje tubimin qytetar.

Ndërkohë, sot është njoftuar një tjetër protestë, në orën 18:00, ndërsa marshimi do të nisë nga sheshi Skënderbej, për t’u ndalur te Kryeministria.

Peticioni “Rama out”

Pakënaqësia ndaj qeverisë po reflektohet gjithnjë e më shumë edhe në hapësirën online. Peticioni “Rama Out”, që kërkon largimin e kryeministrit Rama, ka mbledhur rreth 1.5 milionë firma dhe po përhapet me shpejtësi në rrjetet sociale.

Organizatorët e fushatës bëjnë thirrje për pjesëmarrje sa më të gjerë, ndërsa numri i firmëtarëve vijon të rritet. Paralel me protestat në sheshe, mbështetetës të shumtë po i shtohen edhe peticionit online “Rama out”.

Peticion online me sloganin e qartë “Rama Out” po përhapet me shpejtësi të jashtëzakonshme në rrjetet sociale, duke u kthyer në një nga fushatat më të mëdha digjitale të kohëve të fundit në Shqipëri.

Organizatorët e platformës kanë lëshuar një thirrje të fortë publike drejtuar çdo qytetari që kërkon një rrugë të re për vendin: “Nëse besoni se vendi ka nevojë për ndryshim, mos qëndroni në heshtje”.

The post Sot mbahet protesta e 10-të, mijëra qytetarë në shesh për të kërkuar largimin e kryeministrit Rama! Pjesëmarrja rritet çdo ditë appeared first on Albeu.com.

Zgjedhjet e sotme janë të tretat brenda më pak se një viti e gjysmë, pas zgjedhjeve të rregullta të 9 shkurtit 2025 dhe një tjetër palë të parakohshme më 28 dhjetor.

Të parat dështuan të prodhojnë qeveri, ndërsa të dytat, ndonëse i dhanë Lëvizjes Vetëvendosje mbi 51% të votave – shumicën më të madhe në Kosovën shtet – nuk sollën marrëveshje për presidentin, sipas një vendimi të Gjykatës Kushtetuese.

Kjo çoi automatikisht në shpërndarjen e Kuvendit mesnatën e 28 prillit – vetëm dy muaj e gjysmë pas konstituimit të tij dhe dy ditë më vonë ushtruesja e detyrës së presidentit, Albulena Haxhiu, shpalli zgjedhjet e reja.

The post Kosova sot sërish në zgjedhje të parakohshme, të tretat në më pak se një vit e gjysmë appeared first on Albeu.com.

Mijëra maturantë në të gjithë vendin, do t’i nënshtrohen testimit të njohurive si pjesë e procesit të përfundimit të arsimit të mesëm.

Sipas kalendarit të përcaktuar, nxënësit duhet të paraqiten në ambientet e shkollave në orën 08:30, ndërsa provimi do të zhvillohet nga ora 10:00 deri në 12:30.

Ministria e Arsimit ka publikuar udhëzimet për zhvillimin e provimeve, duke theksuar se gjatë testimit është rreptësisht e ndaluar mbajtja e telefonave celularë, orëve inteligjente dhe çdo pajisjeje tjetër që mund të lidhet me inteligjencën artificiale ose komunikimin elektronik.

Po ashtu, nuk lejohen kopjet, komunikimi mes nxënësve dhe përdorimi i materialeve të paautorizuara, ndërsa shkelja e rregullave mund të sjellë përjashtimin nga provimi.

Autoritetet rikujtojnë se maturantët duhet të kenë me vete një dokument identifikimi të vlefshëm, si letërnjoftim ose pasaportë, si dhe mjetet e nevojshme shkollore për zhvillimin e testit.

The post Sot provimi i parë i maturës shtetërore, nxënësit testohen në gjuhën e huaj appeared first on Albeu.com.