Në një dalje për mediat, deputeti i zgjedhur i PD, Klevis Balliu tha se “Hetimi i George dhe Alex Soros nuk mund të jetë kurrë i plotë pa hetimin në Tiranë të Edi Ramës, Linda Ramës dhe Delina Ficos”.

DEKLARATA E DEPUTETIT TË PD, KLEVIS BALLIU:

Partia Demokratike i kërkon këshillit bashkiak të Tiranës që të mblidhet në mënyrë urgjente dhe të heqë titullin “Qytetar Nderi i Tiranës” akorduar George Sorosit nga Edi Rama kur ishte kryebashkiak.

Në Shtetet e Bashkuara Presidenti Trump e ka shpallur George Soros “armik i demokracisë” dhe është e padenjë dhe sfiduese që në Shqipëri ai të jetë ende “nderi” i kryeqytetit.

Kur Edi Rama ishte kryetar bashkie i dha titullin “Qytetar Nderi i Tiranës” pikërisht atij personi që sot Presidenti i SHBA kërkon ta hetojë si drejtues të një organizate kriminale.

George Soros dhe djali i tij janë shpallur praktikisht ‘non grata’ nga Presidenti i Shteteve të Bashkuara. Jo vetëm kaq, por administrata Trump ka kërkuar që ata të hetohen mbi bazën e Aktit RICO, ligj që përdoret kundër organizatave kriminale.
Si është e mundur që i shpalluri nga Presidenti i aleatit tonë të madh si kreu i një strukture kriminale të gëzojë titullin si nderi i kryeqytetit të Shqipërisë?

Ndërsa në SHBA Sorosi konsiderohet një kartel dhune dhe kërcënim i drejtpërdrejtë ndaj demokracisë, në vendin me popullin më pro-amerikan në botë ai ka instaluar qeverinë e tij personale. Sot, praktikisht, kemi një qeveri që bashkëpunon hapur me armiqtë e shpallur të SHBA-së.

Është e domosdoshme që ky nder i pamerituar t’i hiqet menjëherë. Titulli “Qytetar Nderi i Tiranës” duhet t’u rezervohet vetëm personaliteteve që mbrojnë lirinë, demokracinë dhe vlerat universale dhe ato të kombit tonë.

Ky titull korruptiv është arsyeja më e vogël se pse FBI duhet të shtrijë hetimet ne Shqipëri, ku provat e krimeve të kartelit woke dhe anti-demokratik Soros janë të pafundme.

The post Balliu: Soros s’mund të jetë “Qytetar Nderi i Tiranës”, titulli duhet hequr appeared first on Albeu.com.

Komentet Berisha i ka bërë në “Context”, në ATV ku ishte i ftuar. Ndër të tjera ai ka folur edhe për sanksionet që SHBA i ka vendosur atij dhe familjes së tij.

“Shpallja ime “non-grata” është një diktim i lobimit korruptiv të George Sorrosit dhe Edi Ramës pa asnjë provë dhe interes. Dhe fatmirësisht këtë nuk e them vetëm unë por ia thanë sekretarit amerikan edhe kongresmen”, tha Berisha në Context.

“Unë kam deklaruar publikisht që George Soros të shpallet “non grata”. Edi Rama është njeriu më i pushtetshmë duke u krahasuar edhe me Ramiz Alinë dhe këtë ndihmë e ka nga Sorros”, theksoi Berisha.

Berisha gjithashtu ka përsëritur se edhe kundërshtimi i tij për ndryshim kufijsh të Kosovës ka qenë një nga faktorët e këtij penalizimi./albeu.com/

The post Berisha tregon kush loboi që ai të shpallet “non-grata” nga SHBA, cila është lidhja me Kosovën? appeared first on Albeu.com.