Ambasadori i BE-së, Luigi Soreca ka zhvilluar takim me ministren e Ekonomisë dhe Financave Delina Ibrahimaj.
Soreca, përmes një postimi në Twitter shkruan se i ka dhënë disa këshilla, përfshirë këtu vënien në fokus të veprimeve kundër pastrimit të parave.
“Takimi i parë zyrtar sot me ministren e sapoemëruar të Financave dhe Ekonomisë Delina Ibrahimaj. Ndërsa Shqipëria po tregon shenjat e para të rimëkëmbjes, është thelbësore të dyfishohen përpjekjet për të çuar përpara agjendën e reformave dhe për të përmirësuar klimën e biznesit në Shqipëri.
Inkurajova ministren të ketë fokus të lartë në veprimet kundër pastrimit të parave, prioritet vendimtar në procesin e pranimit në BE. Thelbësore të përmbushen angazhimet për ndihmën makro-financiare prej 180 milion eurosh, dhe për të luajtur plotësisht rolin kryesor të Ministrisë në mbështetjen buxhetore dhe koordinimin e donatorëve”, shkruan Soreca./albeu.com
1/2 First official meeting today with newly appointed Minister of Finance and Economy @DelinaIbrahimaj??. While #Albania is showing first signs of recovery, it is essential to redouble efforts to move forward the reforms agenda and to improve business climate in??. I encouraged… pic.twitter.com/uAo9IWj0DI
— Luigi Soreca?? (@LSorecaEU) October 18, 2021
