Deputetëve të rinj të Kuvendit të Kosovës u kanë mbetur vetëm pak orë për të përmbyllur seancën konstituive, pasi e premtja shënon ditën e fundit të afatit 30-ditor të përcaktuar nga Gjykata Kushtetuese.

Ekspertët e çështjeve juridike, Eugen Cakolli dhe Naim Jakaj, pajtohen se tejkalimi i këtij afati do të përbënte shkelje kushtetuese. Megjithatë, ata kanë qëndrime të ndryshme lidhur me veprimet që mund të ndërmerren më pas.

Eugen Cakolli, nga Instituti Demokratik i Kosovës, thotë se moskonstituimi i Kuvendit brenda afatit do ta vendoste vendin përballë një shkeljeje të rëndë kushtetuese.

Sipas tij, data 7 gusht përbën një afat absolut dhe nuk mund të shtyhet, edhe pse Kushtetuta e Kosovës nuk përcakton qartë pasojat juridike që do të prodhonte mosrespektimi i tij.

“Më shumë sesa zbrazëti kushtetuese, mungesa e këtij, le të themi, sanksioni, unë besoj që është fakti që nuk është supozuar kur është shkruar Kushtetuta që mund të arrijmë pikën ku Kuvendi nuk e konstituon as veten”, thotë Cakolli.

Më 6 gusht, kryetari i Lëvizjes Vetëvendosje, Albin Kurti, kërkoi shtyrjen e seancës konstituive, duke e arsyetuar këtë me nevojën për më shumë kohë për diskutimet rreth çështjes së presidentit. Ai nuk propozoi emër për kryeparlamentar, duke bërë që procesi i konstituimit të ndërpritej.

Cakolli vlerëson se, nëse Kuvendi nuk konstituohet deri në mesnatë, kryesuesi i seancës, Avni Dehari, nuk do të ketë më bazë kushtetuese për ta thirrur vazhdimin e saj.

“Unë besoj që është e qartë që deputetët, pas mesnatës së sotme, nuk kanë të drejtë të mblidhen as me vetiniciativë, e lëre më që t’i thërrasë zoti Dehari, në këtë rast, si kryesues i seancës, për shkak të moshës së tij”, shprehet ai.

Sipas Cakollit, bllokada nuk do të ndikonte vetëm në funksionimin e Kuvendit. Ai thotë se ministrat dhe zëvendësministrat që aktualisht janë në detyrë, pasi kanë bërë betimin si deputetë, nuk mund të vazhdojnë njëkohësisht të ushtrojnë edhe funksionet ekzekutive.

Për rrjedhojë, ai e cilëson Qeverinë në detyrë të Kosovës si “pa legalitet dhe pa legjitimitet”, ndërsa paralajmëron se vendimet e saj mund të kundërshtohen në gjykata.

Cakolli thotë se rruga e parë juridike pas moskonstituimit të Kuvendit brenda afatit do të ishte inicimi i një rasti në Gjykatën Kushtetuese. Në planin politik, megjithatë, ai e sheh përfundimin e krizës si pothuajse të paracaktuar.

“Zgjedhjet janë të pashmangshme, thjesht mbetet të gjendet rruga drejt tyre”, deklaron Cakolli.

Ai shton se Kosova ka humbur tashmë kohë për shkak të krizave institucionale dhe se zgjedhjet e reja do të ishin skenari më i pafavorshëm. Megjithatë, nëse Kuvendi nuk arrin të formohet, Cakolli nuk sheh alternativë tjetër kushtetuese për zgjidhjen e ngërçit.

Naim Jakaj, nga Instituti i Kosovës për Drejtësi, gjithashtu e konsideron shkelje kushtetuese mosrespektimin e afatit për konstituimin e Kuvendit, por ndryshon me Cakollin sa u përket hapave pas mesnatës së 7 gushtit.

Jakaj argumenton se, përderisa nuk është përcaktuar një sanksion i drejtpërdrejtë për moskonstituimin brenda afatit, mbetet e mundur që seanca konstituive të thirret edhe pas 7 gushtit.

“Normalisht, që edhe nëse kalon afati i sotëm, ai [kryesuesi Dehari] duhet ta thërrasë seancën konstitutive. Fatkeqësisht, nuk ka pasojë juridike. Sikur të kishte, do të vepronte në mënyrë të detyrueshme”.

Ai shfaq rezerva edhe për mundësinë që çështja t’i dërgohet sërish Gjykatës Kushtetuese.

Sipas Jakajt, një procedurë e re në Kushtetuese nuk do ta zgjidhte patjetër krizën politike, pasi kjo gjykatë nuk do të kishte çfarë të shtonte përtej konstatimit se “deputetët e Kuvendit të Kosovës janë të obliguar që të veprojnë në interesin më të mirë të vendit dhe që [Kuvendi] është dashur të konstituohet brenda 30 ditëve”.

Megjithatë, Jakaj paralajmëron se vazhdimi i bllokadës mund të sjellë pasoja të rënda.

Ai e lidh krizën e tanishme me afatin për zgjedhjen e presidentit, duke rikujtuar se ushtrimi i detyrës së presidentit nuk mund të zgjasë më shumë se 6 muaj, pra deri në fillim të tetorit.

Albulena Haxhiu, kryetare e legjislaturës së 10-të, u betua më 6 gusht si deputete e legjislaturës së 11-të. Ajo e ushtron detyrën e Presidentes që nga prilli 2026, kur Vjosa Osmanit i përfundoi mandati pesëvjeçar në krye të shtetit të Kosovës.

“Ne do të hyjmë në një situatë të cilën nuk e kemi shkelur asnjëherë… kjo do të prodhojë pasoja të cilat ne nuk i kemi parë më herët, dhe të cilat në rendin demokratik lirisht mund të quhen rrënim i demokracisë”, thotë Jakaj.

Ai paralajmëron se, nëse institucionet e reja nuk krijohen deri në përfundimin e mandatit të ushtruesit të detyrës së presidentit, Kosova mund të mbetet pa një autoritet që do të kishte mundësi të shpallte zgjedhjet ose t’ia jepte mandatin për formimin e Qeverisë kandidatit për kryeministër.

Jakaj u bën thirrje partive politike që të gjejnë sa më shpejt një marrëveshje për konstituimin e Kuvendit, krijimin e Qeverisë dhe zgjedhjen e presidentit, me qëllim që vendi të mos përballet me atë që ai e quan “anarki institucionale”.

Thirrje për përmbylljen e procesit brenda afatit kushtetues kanë bërë edhe përfaqësues të tjerë të shoqërisë civile në Kosovë.

Grupi për Studime Juridike dhe Politike (GLPS), përmes një reagimi publik, deklaroi “se interesat partiake kanë tejkaluar interesin publik duke bllokuar funksionimin e institucioneve dhe duke dëmtuar besimin e qytetarëve”.

“Sot nuk ka më hapësirë për justifikime, interpretime të gjëra politike apo shtyrje të mëtejshme. Ekziston vetëm një detyrim i qartë, konstituimi i Kuvendit brenda afatit kushtetues. Çdo dështim për ta përmbushur këtë obligim do të ishte shkelje e kushtetutës dhe një akt i papërgjegjshëm politik dhe institucional”, tha GLPS në reagimin e tij./REL

The post Çfarë pasojash sjell moskonstituimi i Kuvendit të Kosovës deri në mesnatë? appeared first on Albeu.com.

Deputetët e Kuvendit të Kosovës pritet të mblidhen sonte për të nisur konstituimin e legjislaturës së re.

Lajmi është bërë i ditur ekskluzivisht për KosovaPress nga burime brenda Kuvendit të Kosovës.

Seanca konstituive mund të nisë rreth orës 20:00 ose 21:00. Në këtë mbledhje, Lëvizja Vetëvendosje pritet të propozojë emrin e kandidatit për kryetar të Kuvendit.

Ndërkohë, kreu i VV-së, Albin Kurti, dhe kryetari i LDK-së, Lumir Abdixhiku, ndodhen në takim, ku po diskutojnë mundësinë e arritjes së një marrëveshjeje për çështjen e presidentit.

Para takimit me Kurtin, Abdixhiku deklaroi se Kuvendi duhet të konstituohet sot, duke theksuar se partia që ai drejton nuk do të nënshtrohet. Kurti, nga ana tjetër, tha se do të ketë lajme sapo të arrihet një marrëveshje.

Një ditë më parë, Kurti nuk paraqiti kandidat për postin e kryetarit të Kuvendit, pasi kërkoi më shumë kohë për të negociuar një marrëveshje politike me LDK-në.

The post Kuvendi i Kosovës pritet të konstituohet sonte appeared first on Albeu.com.

Pas suksesit të edicioneve të mëparshme, sytë janë sërish drejtuar tek shtëpia më e njohur televizive, ku personazhe të njohur të publikut do të përballen me sfida, lojëra dhe situata që premtojnë drama, humor, strategji dhe momente të paharrueshme.

Çdo ditë në Big Brother VIP Kosova do të jetë e mbushur me dinamika dhe surpriza që mund të ndryshojnë rrjedhën e lojës dhe të zgjojnë debat tek fansat.
Ky edicion paralajmëron se risitë dhe elementet e reja do të jenë më të mëdha dhe më të papritura se çdo herë më parë, duke e bërë këtë edicion një nga më interesantët dhe të papredentët në historinë e formatit në Kosovë.

Me nisjen e edicionit të katërt, Big Brother VIP Kosova synon jo vetëm të rikthejë emocionin e spektaklit, por edhe të vendosë standarde të reja në televizionin argëtues, duke u bërë një nga temat më të diskutuara dhe të ndjekura për javët që vijnë, si në mediat tradicionale, ashtu edhe në rrjetet sociale.

The post Sonte nis Big Brother VIP Kosova 4, premton emocione dhe surpriza për publikun appeared first on Albeu.com.

Qendërmbrojtësi ka shfaqur një shqetësim muskulor në kofshën e majtë dhe gjatë ditës së djeshme është stërvitur veçmas grupit.

Ai është mbajtur nën vëzhgim të vazhdueshëm nga stafi mjekësor, por nuk ka mundur të rikuperohet në kohë për të qenë i gatshëm për këtë përballje.

Ndeshja Letoni -Shqipëri, zhvillohet sot në mbrëmje në stadiumin “Skonto Stadions”, duke filluar nga ora 20:45.

The post Shqipëri-Letoni/ Arlind Ajeti nuk do të jetë i gatshëm për ndeshjen e sotme, zbulohet arsyeja appeared first on Albeu.com.

Tri nuse të vërteta pranojnë të shkojnë në dasmat e njëra-tjetrës, të komentojnë dhe vlerësojnë me pikë elementet e dasmës si dekori, fustani i nusërisë, atmosfera dhe ushqimi.

Por jo vetëm kaq. Kleçka qëndron në fund, pasi ato kanë edhe një votim të fundit për të përcaktuar fituesen.

Pyetja është: Cilën nga dy dasmat konkurente voton si dasmën më të mirë?

Këtu, në përpjekje për të eleminuar konkurenten më të fortë kemi ndeshur edhe votime le të themi “strategjike” që në fund kanë rezultuar të gabuara!

Është pikërisht paparashikueshmëria, elementi surprizë, sekreti i shikueshmërisë rekord. Por edhe komentet pikante, batutat, përgjigjet flakë për flakë që i japin adrenalinën.

Sonte do të jenë tri nuse që vijnë nga jashtë Shqipërisë në konkurim. E para, Evi, vjen nga New Yorku dhe e pati dasmën në Adorions Palace.

Edhe e dyta, Jonida, ka ardhë nga jashtë, nga Friburg i Gjermanisë, ku ka ndërtuar biznesin e vet me Arbrin. Edhe Jonida e pati dasmën në Adorions Palace. Ndërsa nusja e tretë është Armelda. Ajo vjen nga Çikago por është me origjinë dibrane. Dasma e saj ishte në Hotelin e Gjuetisë në Lezhë.

The post Sonte në mbrëmje fillon transmetimin një nga programet më të dashura të shqiptarëve, “Lufta e Nuseve” appeared first on Albeu.com.

Pas një pune kolosale, shtëpia më e famshme në Shqipëri vjen krejtësisht e ridizajnuar, me stil modern, me ambiente të reja, plot ngjyra e drita.

Gjithçka do të zbulohet këtë mbrëmje, kur dera e BBV do të hapet për të mirëpritur konkurrentët, që për herë të parë në këtë edicion nuk do të jenë vetëm personazhe të famshëm, por edhe figura jopublike, që i veçon historia që do të ndajnë me publikun.

Për herë të parë po ashtu, pritet një shkëmbim banorësh mes formatit shqiptar të “Big Brother Vip” dhe atij Italian “Grande Fratello”.

Me teknologji moderne, mbi 100 kamerat e vendosura në çdo cep të shtëpisë do të jeni syri i publikut, që do të ndjekë 24 në 24 jetën e banorëve nëpërmjet dy kanaleve BBV 1 dhe BBV 2 në platformën Digitalb.

Big Brother, nuk është thjesht një reality show, por është shndërruar në fenomenin televiziv që mban mbërthyer publikun shqiptar, duke e përfshirë në diskutime e debate sociale.

Spektaklin premierë me performanca ekskluzive dhe shumë surpriza mund ta ndiqni sot në orën 21:15 në Top Channel, në dy kanalet e dedikuara të Digitalb si dhe në kanalin zyrtar të Top Channel në Youtube.

The post “Big Brother VIP 4” starton sonte, spektakli premierë nis me surpriza appeared first on Albeu.com.

Në gjithë këto javë sigurisht që bashkëudhëtarë të aventurës së personazheve kanë qenë edhe kafshët, shpendët, ata që me plot gojën mund t’i quajmë miq zemre. Nuk i harrojmë as bimët, serat, lulet, kopshet atypari, sigurisht as sfidat përmes të cilave përgjatë javëve kanë lënë fermën personazhet VIP. Dhe kur kanë kaluar thuajse tre muaj, jemi në tik-takun e mbrëmjes finale, në përballjen e 6 finalistëve: Çiljeta Xhilaga, Florian Agalliu, Baby G, Ditea Berisha, Dijonis Biba dhe Renis Gjoka. Njëri prej tyre do të fitojë çmimin e madh prej 100 mijë eurosh, duke u renditur kështu edhe si fituesi i edicionit të parë të “Ferma VIP”, program që çeli siparin në Shqipëri nën vulën e suksesit të padiskutueshëm të producentes Holta Dulaku. Në orën 21: 00 të gjithë para ekranit, në “Vizion Plus” kjo mbrëmje do të jetë e paharrueshme.

The post Surpriza dhe sfida/ Sot finalja e madhe e Ferma VIP appeared first on Albeu.com.

Këtë vit, do të na përfaqësojë këngëtarja e njohur Besa Kokëdhima me këngën “Titan” derisa këndon e dyta me renditje.

Besa e cila ka bërë disa modifikime në këngë nga versioni i parë, pritet të rrëqeth publikun me performancën e saj elektrizuese; kështu së paku është parë nga pamjet e provave.

Ajo do të jetë në shoqërinë e tre valltareve, të cilat do t’i japin ngjyrim të mëtejmë performancës së saj

Eurovisioni këtë vit po mbahet në Malmo të Suedisë pas fitores triumfuese të Loreen në edicionin e vitit të kaluar.

Gjysmëfinalja e parë u mbajt të martën më 7 maj ku përformuan 15 shtete, prej të cilave 10 vende siguruan finalen e madhe.

Sidoqoftë, sot, në gjysmëfinalen e dytë do të performojnë 16 shtete; kjo është renditja:

Malta;

Shqipëria;

Greqia;

Zvicra;

Republika Çeke;

Austria;

Danimarka;

Armenia;

Letonia;

San Marino;

Xhorxhia;

Gjeorgjia;

Belgjika;

Estonia;

Izraeli;

Norvegjia;

Holanda.

The post Shqipëria performon sonte në gjysmëfinalen e dytë të Eurovisionit – Besa Kokëdhima do të elektrizojë skenën me këngën “Titan” appeared first on Albeu.com.

15 këngë do të konkurrojnë, por vetëm 10 do të kualifikohen në finalen e madhe të së shtunës.

Shfaqja fillon në orën 21:00 CEST, drejtpërdrejt nga Malmo Arena në Suedi.

Prezantuesit e këtij spektakli janë: Petra Mede dhe Malin Akerman.

Të enjten, gjysmëfinalja e dytë do të gjejë 10 kualifikueset e fundit nga 16 këngë.

Shqipëria në ndërkohë do të këndojë në gjysmëfinalen e dytë të Eurovisionit.

Sivjet përfaqësohet nga artistja e mirënjohur shqiptare, Besa Kokëdhima me “Titan”.

Më poshtë ua sjellim listën e vendeve që do të performojnë në natën e parë të Eurovision:

The post Sonte nis Eurovision 2024 appeared first on Albeu.com.

Një program ky i cili do të transmetohet çdo të premte në orën 21:00, ku një njoftim lidhur me këtë ka ardhur dhe pak më herët prej bukuroshes Bora Zemani.

Me një look të kuruar dhe tepër elegante, Bora nëpërmjet një postimi në Instagram ka ndarë disa fotografi të saja e veshur me një kostum serioz të zi, dhe me flokët e stiluara të cilat duken si vetë emri i programit ‘Cherry’.

The post ‘Shihemi sonte’/ Bora Zemani vjen si kurrë më parë! appeared first on Albeu.com.