Sllovaki Archives - Albeu.com

“Rrufeja e kuqe”, fenomeni i rrallë fotografohet në Sllovaki, mahniten qytetarët

M C — Wed, 03 Jul 2024 20:22:00 +0000

Një fenomen i rrallë ka ndodhur në Sllovaki. E njohur si “rrufeja e kuqe”, pamjet janë kapur nga një fotograf çek, dukuria mahnitëse e motit shkaktoi shpërthime elektrike mhanitëse të dritës.

Duke postuar fotot në rrjetet sociale, fotografi Horálek shkruan:“Moti i fortë me stuhi mbi Europën Qendrore solli një nga fenomenet më spektakolare, por edhe më misterioze: The Red Sprites”.

Vëzhguar për herë të parë në 1989, ata u bënë një objektiv për shumë fotografë dhe kameramanë të specializuar. Fotografimi i tyre konsiderohet shumë i vështirë sepse fotografi kurrë nuk e di paraprakisht se kur mund të shfaqet fenomeni. Për shkak të lartësive të tyre dhe kohëzgjatjes së shkurtër, rrufetë e kuqe vërehen rrallë.

Ato u zbuluan aksidentalisht nga fizikani John Ëinckler në vitin 1989, teksa ai po ndihmonte në testimin e një videokamere të re.

The post “Rrufeja e kuqe”, fenomeni i rrallë fotografohet në Sllovaki, mahniten qytetarët appeared first on Albeu.com.

Autobusi përplaset me trenin në Sllovaki, raportohet për disa të vdekur dhe të plagosur

D Marku — Thu, 27 Jun 2024 17:54:31 +0000

Të paktën 4 persona vdiqën dhe 5 të tjerë u plagosën pasi një tren dhe një autobus u përplasin pranë Nove Zamky në Sllovaki. Treni po udhëtonte nga Praga për në kryeqytetin Budapest të Hungarisë. Sipas asaj që raportojnë mediat vendase, autobusi doli nga rruga dhe u përplas me trenin plot me turistë. Sipas dëshmitarëve, [...]

VIDEO/ Plagosi rëndë kryeministrin sllovak, dalin pamjet e autorit pas arrestimit, tregon pse e qëlloi

Xh — Wed, 15 May 2024 18:32:24 +0000

Mediat sllovake kanë publikuar pamjet e autorit 71-vjeçar, që plagosi me armë zjarri kryeministrin e vendit, Robert Fico.

Këto pamje janë regjistruar pasi ai është arrestuar, ndërsa referuar mediave të huaja, ka deklaruar se sulmin ndaj Robert Fico e ka kryer pasi nuk bie dakord me politikat e qeverisë së tij.

‼️ Video of the first interrogation of the man who shot Fico 5 times

The writer Juraj Cintula, who shot #Slovak Prime Minister #Fico, said he did it because he disagreed with the government’s policies. pic.twitter.com/DDPBLnyxFj

— NEXTA (@nexta_tv) May 15, 2024

Autori është shkrimtari i njohur në vend, Juraj Cintula, ndërsa tashmë pritet që të merret në pyetje dhe të zbardhet dinamika e plotë e ngjarjes së rëndë.

Nga ana tjetër, raportohet se Fico ndodhet në gjendje kritike për jetën./albeu.com

The post VIDEO/ Plagosi rëndë kryeministrin sllovak, dalin pamjet e autorit pas arrestimit, tregon pse e qëlloi appeared first on Albeu.com.

Peter Pellegrini fiton zgjedhjet presidenciale në Sllovaki

D Marku — Sun, 07 Apr 2024 09:33:33 +0000

Peter Pellegrini, një aleat i ngushtë i kryeministrit populist Robert Fico, e ka mposhtur një kandidat properëndimor për t’u zgjedhur president i ri i Sllovakisë, duke e pasuar Zuzana Captovan.

Pellegrini i fitoi 53 për qind të votave në rundin e dytë të zgjedhjeve presidenciale të shtunën, duke e mposhtur ish-ministrin e Jashtëm, properëndimorin Ivan Korcok, i cili i fitoi rreth 47 për qind të votave.

“Mund t’ju premtoj se do të jem president i të gjithë qytetarëve sllovakë. Zotohem se do të jem gjithmonë në anën e Sllovakisë”, tha Pellegrini pas triumfit në zgjedhje.

Pellegrini u bë presidenti i gjashtë i Sllovakisë prej se ajo e fitoi pavarësinë pas rënies së Çekosllovakisë më 1993.

Caputova, një mbështetëse e madhe e shtetit fqinj Ukrainës në luftën e saj kundër pushtimit rus, nuk garoi fare për mandatin e dytë për presidente.

Triumfi i Pellegrinit nënkupton se tani kryeministri Fico me aleatë i kanë në dorë Parlamentin, Qeverinë dhe Presidencën e Sllovakisë.

Presidenti i kombit me 5.4 milionë banorë e zgjedh kryeministrin pas zgjedhjeve parlamentare dhe i emëron gjykatësit e Gjykatës Kushtetuese. Presidenti mund ta përdorë edhe veton kundër ligjeve, megjithëse Parlamenti mund ta shfuqizojë veton me një shumicë të thjeshtë, si dhe mund t’i sfidojë ato në Gjykatën Kushtetuese. Ai ka të drejtë edhe t’i falë të dënuarit me burg.

Qeveria, e udhëhequr nga kryeministri, zotëron shumicën e pushtetit ekzekutiv.

Partia Smer e Ficos i fitoi zgjedhjet parlamentare shtatorin e kaluar falë një platforme proruse dhe antiamerikane.

Partia e Pellegrinit Hlas e zuri vendin e tretë dhe iu bashkua koalicionit qeverisës me Ficon dhe partinë ultranacionaliste, Partia Nacionale e Sllovakisë.

Kritikët druajnë se Sllovakia nën sundimin e Ficos do ta braktisë rrugën properëndimore dhe do ta ndjekë drejtimin e Hungarisë, e cila udhëhiqet nga kryeministri populist Viktor Orban.

Qeveria e re menjëherë e ndali furnizimin me armë për Ukrainën. Mijëra njerëz kanë protestuar vazhdimisht nëpër rrugët e Sllovakisë së fundmi kundër politikave proruse të Ficos, përfshirë kundër planeve për ta ndryshuar Kodin Penal dhe për t’i marrë nën kontroll mediat publike.

Korcok ishte kritik i vendimeve të Qeverisë, për të cilat protestuesit druajnë se mund ta minojnë sundimin e ligjit, ndërsa Pellegrini e mbështeti Qeverinë e re dhe nuk i vuri në dyshim politikat e saj.

Korcok është ish-ambasador sllovak në Shtetet e Bashkuara dhe në Gjermani, i cili shërbeu edhe si i dërguar i vendit në NATO dhe në Bashkim Evropian.

The post Peter Pellegrini fiton zgjedhjet presidenciale në Sllovaki appeared first on Albeu.com.

Gara për president në Sllovaki, rezultatet përfundimtare të raundit të parë: Kryeson Ivan Korcok

D Marku — Sun, 24 Mar 2024 11:35:10 +0000

Rezultatet përfundimtare të raundit të parë të zgjedhjeve presidenciale në Sllovaki kanë treguar që ish-ministri i Jashtëm Ivan Korcok është në krye të garës.

Korcok, liberal, udhëheq me 42.5 për qind të votave, sipas rezultateve zyrtare të publikuara prej Komisionit zgjedhor të dielën.

Ai do të garojë tani me kryetarin e Parlamentit të Sllovakisë, Peter Pellegrini, në rrethin e dytë të zgjedhjeve, më 6 prill, pasi asnjëri kandidat nuk e ka fituar shumicën, sipas REL.

Pellegrini i ka fituar 37 për qind të votave, pavarësisht se në sondazhet para zgjedhjeve janë përmendur shifra më të mëdha.

Dalja në zgjedhjet e së shtunës ka qenë 51.9 për qind.

Partia e Pellegrinit është pjesë e koalicionit qeverisës në qeverinë e krahut të majtë të kryeministrit Robert Fico.

Partia populliste e krahut të djathtë, Partia Kombëtare Sllovake, është po ashtu pjesë e koalicionit.

Korcok përkrahet prej opozitës.

Presidentja aktuale, Zuzana Caputova, nuk ka garuar për një mandat të dytë pesëvjeçar, pavarësisht popullaritetit që gëzon.

Në garë për president kanë qenë nëntë burra.

Në debate kanë mbizotëruar temat e luftës në Ukrainë, dhe mospajtimet e brendshme mes udhëheqësisë së Ficos dhe opozitës liberale, pasi aktualisht Sllovakia është thellësisht e ndarë në pozicionimet politike.

The post Gara për president në Sllovaki, rezultatet përfundimtare të raundit të parë: Kryeson Ivan Korcok appeared first on Albeu.com.

Rrugët e Sllovakisë “ziejnë” nga protestat masive

D Marku — Fri, 19 Jan 2024 22:20:59 +0000

Mijëra njerëz kanë marrë pjesë në protestat e organizuara në Sllovaki kundër planeve të qeverisë së populistit Robert Fico për të ndryshuar kodin penal të shtetit. Koalicioni qeveritar i Ficos dëshiron të heqë zyrën e prokurorëve specialë, e cila merret me krimin e organizuar dhe ekstremizmin. Këto raste do të shqyrtoheshin nga prokurorët rajonalë, të cilët nuk janë marrë me këto krime në 20 vjetët e fundit.

Ndryshimet e tjera përfshijnë reduktimin e ndëshkimit për rastet e korrupsionit dhe krimeve të tjera. Gjithashtu është propozuar edhe suspendimi i dënimeve. Koalicioni dëshiron të përdorë procedurën e shpejtë parlamentare për të miratuar ndryshimet në kodin penal. Protesta pati në 24 qytetet e mëdha sllovake.

Protestuesit vazhdimisht kanë brohoritur “mafia, mafia”. Partia më e fuqishme opozitare Sllovakia Progresive i ka bërë thirrje qeverisë që të tërheqë “propozimin e çmendur”.

Protestat janë organizuar vetëm një ditë pasi Parlamenti Evropian vuri në dyshim aftësinë e Sllovakisë për të luftuar korrupsionin dhe për të mbrojtur buxhetin e BE-së nëse miratohen ndryshimet.

The post Rrugët e Sllovakisë “ziejnë” nga protestat masive appeared first on Albeu.com.

Sllovakia pezullon dërgimin e ndihmës ushtarake në Kiev

Xh — Thu, 26 Oct 2023 12:23:00 +0000

Kryeministri i ri i Sllovakisë, Robert Fico, ka njoftuar pezullimin e ndihmës ushtarake për Ukrainën, duke kufizuar ndihmën e Bratislavës për Kievin në “ndihma humanitare dhe civile”.

“Ne e konsiderojmë ndihmën për Ukrainën si ndihmë ekskluzivisht humanitare dhe civile, ne nuk do të furnizojmë më armë Ukrainën,” tha Robert Fico.

Partia e majtë, populiste Smer e Robert Fico fitoi zgjedhjet në shtator me premtimet për t’i dhënë fund ndihmës ushtarake për Ukrainën, për të goditur imigracionin dhe për t’i dhënë Sllovakisë një politikë të jashtme “të pavarur”.

Robert Fico drejton një koalicion qeveritar me tre parti që përfshin gjithashtu HLAS (Partia Social Demokratike) dhe SNS (Partia Kombëtare Sllovake) pro-ruse e ekstremit të djathtë./Albeu.com

The post Sllovakia pezullon dërgimin e ndihmës ushtarake në Kiev appeared first on Albeu.com.

Fqinjët e Sllovakisë rrisin kontrollet kufitare për shkak të emigrantëve

Xh — Wed, 04 Oct 2023 18:52:19 +0000

Republika e Çekisë dhe Polonia kanë ndërmarrë veprime të bashkërenduara më 3 tetor për rritjen e kontrolleve përgjatë kufijve të tyre me Sllovakinë, për ta frenuar emigrimin e jashtëligjshëm dhe kontrabandën.

Austria i ndoqi hapat e tyre pak më vonë.

Kontrollet, të cilat e kanë zemëruar Sllovakinë, filluan sot dhe do të zgjasin 10 ditë.

Republika e Çekisë, Hungaria, Polonia dhe Sllovakia kanë qenë aleatë në kundërshtimin e planeve të Bashkimit Evropian për emigrimin, siç janë kuotat, në të kaluarën. Por, duke qenë se të gjitha këto vende janë në Zonën Shengen të BE-së për lëvizjen e lirë pa viza, kontrollet e shtuara gjatë kohëve të fluksit të ngritur të emigrantëve, kanë shkaktuar ndarje politike dhe tregtare.

Emigrimi i jashtëligjshëm ishte temë kyçe në zgjedhjet e fundjavës së kaluar në Sllovaki, dhe do të jetë në zgjedhjet e Polonisë në fund të këtij muaji.

“Këto masa janë të nevojshme për luftë efektive kundër grupeve të trafikuesve dhe emigrimit të jashtëligjshëm”, tha ministri i Brendshëm i Çekisë, Vit Rakusan, dje në X, ish-rrjetin social të njohur më parë si Twitter.

Të martën më vonë, ministri i Brendshëm i Austrisë, Gerhard Karner, tha se Vjena do të bëjë kontrolle të njëjta në kufirin e saj me Sllovakinë.

Qeveria sllovake tha se do të reagojë ndaj vendimeve të Çekisë dhe Polonisë të mërkurën. Kryeministri në detyrë i Sllovakisë, Ludovit Odor, tha se kjo çështje duhet të rregullohet “në mënyrë evropiane”.

Sllovakia është përballur me një numër në rritje të emigrantëve të jashtëligjshëm, të cilët kalojnë përmes saj në Gjermani dhe në Evropën perëndimore. Emigrantët, kryesisht djem të rinj nga Lindja e Mesme dhe Afganistani, kanë ardhur kryesisht përmes të ashtuquajturës rruga ballkanike, përmes Hungarisë nga Serbia.

The post Fqinjët e Sllovakisë rrisin kontrollet kufitare për shkak të emigrantëve appeared first on Albeu.com.

Sllovakët zgjedhin sot mes kandidatit pro-rus dhe liberalëve pro-perëndimorë

K Agaj — Sat, 30 Sep 2023 08:21:19 +0000

Sllovakët kanë filluar të votojnë të shtunën herët në zgjedhjet parlamentare në të cilat pritet një luftë e fortë mes ish-kryeministrit majtist, Roberto Fico – i cili është zotuar t’i ndalë ndihmat ushtarake për Ukrainën – dhe liberalëve pro-perëndimorë.

Sondazhet kanë treguar rezultat të barabartë mes dy partive para votimit të zgjedhjeve të së shtunës, fituesi i të cilave do ta ketë mundësinë ta formojë një qeveri për zëvendësimin e administratës së përkohshme, e cila e ka udhëhequr vendin me popullsi prej 5.5 milionë banorë që nga muaji maj.

Nëse Fico fiton, atëherë kjo nënkupton se Sllovakia do t’i bashkohet Hungarisë si dy vendet e BE-së që e sfidojnë konsensusin e bllokut për mbështetjen e Ukrainës, në një kohë kur Bashkimi Evropian po përpiqet të jetë i bashkuar në kundërshtimin e pushtimit të Ukrainës nga Rusia.

As partia e Ficos, SMER-SSD (Drejtimi Social Demokrat), e as Partia Sllovakia Progresive (PS), e cila udhëhiqet nga nënkryetari i Parlamentit Evropian, Michal Simencka, nuk pritet ta fitojnë shumicën në këto zgjedhje, që do të thotë se e ardhmja e qeverisë së do të varet nga rezultatet e disa partive të vogla, nga ato liberale te ato të ekstremit të djathtë.

Partia Zëri e Peter Pellegrinit, ish-pjesëtarit të SMER-SSD dhe kryeministrit nga 2018 deri më 2020, pritet të dalë e treta dhe mund ta thotë fjalën e fundit për formimin e qeverisë së re.

Ai i ka mbajt të hapura mundësitë, por e pranoi këtë javë se partia e tij është më e afërt me Ficon.

Qëndrimet pro-ruse të Ficos pasqyrojnë disponimin e shoqërisë sllovake, i cili tradicionalisht ka qenë relativisht më i ngrohtë për Rusinë. Kjo ndjesi është përforcuar nga narrativet pro-ruse dhe dezinformatat në rrjetet sociale.

“Fico ka përfituar nga i gjithë ankthi të cilin e solli pandemia (koronavirus) dhe lufta (në Ukrainë), nga zemërimi që është përhapur në Sllovaki në tri vjetët e fundit, dhe nga nxitja e atij zemërimi”,. Tha sociologu Michal Vasecka.

Fico është zotuar se do ta ndalë furnizimin ushtarak për Ukrainën dhe se është i etur për bisedime për paqe. Ky është një qëndrim i përafërt me atë të liderit të Hungarisë, Viktor Orban, i cili kundërshtohet nga Ukraina dhe aleatët e saj, të cilët thonë se kjo vetëm do ta inkurajonte Rusinë.

Ai i ka kritikuar edhe sanksionet ndaj Rusisë.

Qendrat e votimit u hapën në orën 7:00, ndërsa votimi do të mbyllet në orën 22:00. /REL

The post Sllovakët zgjedhin sot mes kandidatit pro-rus dhe liberalëve pro-perëndimorë appeared first on Albeu.com.

Rama takon Macron në Sllovaki, çfarë diskutuan

Tau Lanti — Wed, 31 May 2023 14:46:21 +0000

Kryeministri Edi Rama ka marrë pjesë ditën e sotme në konferencën globale të sigurisë Globsec në Bratislavë.

Gjatë qendrimit në Sllovaki, kreu i qeverisë shqiptare ka zhvilluar një takim edhe me Presidentin e Francës, Emmanuel Macron.

Ka qenë kryeministri rama i cili ka bërë publik takimin e tij me Macron përmes rrjeteve sociale.

Me anë të një postimi në Facebook, Rama shkruan se gjatë takimit me Macron ka diskutuar për situatën në Ukrainë si dhe marrdhëniet BE-Ballkani Perëndimor.

Postimi i Ramës:

?Bratislavë, Sllovaki – Me Presidentin e Republikës së Francës, Emmanuel Macron, në një takim shumë miqësor, ku u prekën me thellësi temat e rajonit tonë në sfondin e konfliktit në Ukrainë, marrëdhënia e Ballkanit Perëndimor me BE-në dhe nevoja për një qasje të re politiko-ekonomike, si edhe marrëdhëniet bilaterale Francë-Shqipëri ?????

The post Rama takon Macron në Sllovaki, çfarë diskutuan appeared first on Albeu.com.