Deputetja e LSDM-së, Slavjanka Petrovska, ka drejtuar kritika të forta ndaj Ministrisë së Mbrojtjes dhe ministrit Vllado Misajlovski, duke i fajësuar se nuk i kanë mbajtur zotimet ndaj të punësuarve dhe se për dy vjet nuk kanë zhvilluar negociata për një marrëveshje të re kolektive.

Sipas saj, Qeveria ka pasur kohë të mjaftueshme për të hyrë në bisedime për një kontratë të re kolektive, por nuk e ka bërë një gjë të tillë.

“Kishit dy vjet për të negociuar ose rinegociuar marrëveshjen kolektive. Nëse do të dëshironit vërtet një marrëveshje më të mirë, ajo do të ishte nënshkruar menjëherë pasi të kishte skaduar ajo e mëparshmja”, deklaroi deputetja e LSDM-së.

Petrovska theksoi gjithashtu se ministri më herët kishte hedhur akuza të pabaza ndaj sindikatave dhe ishte përpjekur t’i zvogëlonte veprimet e tyre.

“Ai mendoi se duke formuar një sindikatë, nëpërmjet bashkëpunëtorit të tij të parë, do t’i kundërsulmonte sindikatat. Kjo mund të kishte funksionuar kur ai ishte pjesë e ekipit të Nikolla Gruevskit, por sot është viti 2026 dhe të drejtat e punëtorëve dhe sindikatave janë në një nivel shumë më të lartë”, tha Petrovska.

Ajo shtoi se ribalancimi i propozuar i buxhetit dëshmon se Ministria nuk ka paraparë mjete të mjaftueshme as për përmbushjen e obligimeve që dalin nga marrëveshja kolektive ekzistuese./Telegrafi/

The post Petrovska i përgjigjet Misajlovskit: Koha e Gruevskit ka mbaruar, sindikatat nuk mund të heshten më appeared first on Albeu.com.

Pjesëmarrja e deputetes së LSDM-së dhe ish-ministres së Mbrojtjes, Sllavjanka Petrovska, në aktivitetin “Biseda për të ardhmen”, ku më 1 korrik u prezantua një “platformë e re demokratike” me synim rritjen e nivelit të debatit shoqëror në vend, do të shqyrtohet javën e ardhshme nga organet dhe forumet e Lidhjes Socialdemokrate të Maqedonisë.

Këtë njoftim e dha sot kryetari i LSDM-së, Venko Filipçe.

I pyetur drejtpërdrejt për këtë çështje, Filipçe u shpreh se përgjigjja e tij është po aq e drejtpërdrejtë: “Në lidhje me pyetjen konkrete, do të përgjigjem konkretisht – organet e partisë do të debatojnë për këtë gjatë javës së ardhshme”.

Gjatë muajve të fundit, Petrovska ka dalë publikisht me vlerësime kritike për situatën brenda partisë, duke thënë: “Nëse nuk ndryshojmë, do të zhdukemi.”

Më herët, në përgjigje të interesimit të gazetarëve, kreu i LSDM-së tha se kjo platformë është një tjetër projekt politik i Hristijan Mickoskit, të cilin LSDM-ja e cilëson si “ZNAM 2.0”, dhe që sipas tij ka vetëm një qëllim: të thellojë përçarjen në opozitë dhe të dobësojë LSDM-në.

“Unë nuk do t’i komentoj projektet e Hristijan Mickoskit. Më vjen keq që një pjesë e shokëve hoqën dorë nga partia dhe ideologjia e tyre. Kjo është parë edhe më parë. I tillë ishte projekti ZNAM, i cili tashmë po dështon gradualisht. Organizatori është i njëjtë dhe financuesi është i njëjtë”, deklaroi Filipçe.

Ai shtoi se mbetet i gatshëm për çdo debat dhe diskutim, por theksoi se ato duhet të zhvillohen brenda strukturave partiake.

The post Filipçe paralajmëron debat në LSDM për përfshirjen e Petrovska në platformën e re politike appeared first on Albeu.com.

Lajmin e riktheu në kujtesë ministrja e Mbrojtjes, Sllavjanka Petrovska, e cila sot në mëngjes, kujtoi këtë datë përmes një postimi në Facebook.

“Republika e Maqedonisë së Veriut dy vjet anëtare e NATO-s. Data e sotme është në rendin e më të rëndësishmeve që nga pavarësia e shtetit, ditë kur e rrumbullakuam qëllimin strategjik – anëtarësimin në aleancën më të fuqishme ushtarake dhe politike. Së bashku jemi më të fuqishëm”, shkroi ministrja Petrovska.

Në rrethana të jashtëzakonshme, kur bota përballej me pandeminë e Covid-19, u.d. ambasadorja e vendit në SHBA, Vilma Petkovska në Uashington, i’a dorëzoi dokumentin origjinal për ratifikim, nga Protokolli i Prespës për anëtarësim, ndihmës sekretarit amerikan të Shtetit për Evropë dhe Euroazi, Filip Riker.

Kujtojmë se me rastin e dy viteve anëtarësim në NATO, ndërtesa e MPJ-së mbrëmë ishte ndriçuar me ngjyrat e Aleancës./albeu.com/

The post Maqedonia e Veriut 2 vite në NATO, Petrovska: Rrumbullakuam qëllimin strategjik appeared first on Albeu.com.