Specialisti i qarkullimit rrugor, Gerhard Baka, teksa ishte i ftuar ditën e sotme në ‘Kafe Shqeto’, u shpreh se fatkeqësisht kjo kategori vë në siklet ata drejtues mjetesh të rregullt, këmbësorët që ecin në korsitë e tyre, sepse kanë rriskun për t’u përplasur nga monopatinat që edhe pse e kanë të ndaluar, i shohim të ecin në korsitë e këmbësorëve.

“Në këtë rast e vetmja gjë që duhet të bëjmë është që t’i këshillojmë e t’i sensibilizojmë duke i treguar se rregullat e qarkullimit rrugor nuk duhen shkelur dhe se duhet bërë i përgjegjshëm edhe për pjesën tjetër të njerëzve”- u shpreh Baka.

Deklarata e tij:

“E kemi të theksuar te neni 185/188 se si duhet të sillemi ne ndaj kësaj kategorie dhe ku themi se duhet ta ndëshkojmë një përdorues patine që është duke qarkulluar në karrexhatë, ndërkohë që duhet të qarkullojë në korsinë e dedikuar për biçikleta, ne nuk mund të aplikojmë të njëjtën masë në atë segment ku nuk ka korsi për biçikleta. Pra është mungesa e sinjalistikës që ne na penalizon për të ndëshkuara këta kategori ku ata nuk respektojnë rregullat e qarkullimit rrugor.

Si kundër themi që ne nuk e vendosim masën nëse vazhdon lëvizjen me semafor të kuq.

Në rast se ndëshkojmë një motomjet apo mjet i cili vazhdon lëvizjen, ndonëse sinjalizimi i semaforit ja ndalon atë, të njëjtën ndëshkim duhet të kenë edhe këto kategori të tjera. Duhet ndëshkuar njëosj edhe përdoruesi i mjeteve, monopatinës, apo biçikletave pasi duhet të jetë subjekt i të njëjtit saksion sipas predispozitave të rregullave rrugore.

Në momentin që këto dispozita mungojnë në pamje të parë duket sikur polici po tregohet neglizhent apo i paaktivizuar për të marë masa kësaj kategorie.

Në këtë rast e vetmja gjë që duhet të bëjmë është që t’i këshillojmë ti sensibilizojmë duke i treguar se rregullat e qarkullimit rrugor nuk duhen shkelur dhe se duhet bërë i përgjegjshëm edhe për pjesën tjetër të njerëzve. Fatkeqësisht ne shohim që kjo kategori vë në siklet ata drejtues mjetesh të rregullt, këmbësorët që ecin në korsitë e tyre sepse kanë rriskun për t’u përplasur nga monopatinat që ecin aty siç është rasti tek ‘Sheshi Skënderbej’ sepse shohim masivisht që edhe pse aty është e ndaluar, drejtuesit e motomjeteve për t’i rënë shkurt futen mes per mes sheshit”.

The post Specialisti: Skuterat elektrikë po kthehen në burime aksidentesh në Tiranë appeared first on Albeu.com.

Referuar shifrave më të fundit të INSTAT, në muajin gusht janë shënuar 180 raste të plagosur nga aksidentet, ku 11 persona kanë humbur jetën. Shifrat tregojnë për 15 të aksidentuar më shumë se muaji paraardhës.

Drejtori i Qendrës Kombëtare të Urgjencës, Skënder Brataj thekson se numri i aksidenteve është rritur jo vetëm për shkak të mos respektimit të kodit rrugor nga drejtuesit e automjeteve po edhe nga përdoruesit e skuterave elektrikë, të cilët kalojnë në rrugë pa respektuar semaforët apo rregulla të tjera të qarkullimit.

“Duhet të sensibilizohemi të gjithë pasi bëhet fjalë për mijëra përsa i përket numrit të aksidenteve nëse i referohemi periudhës janar-gusht, përfshirë këtu edhe aksidentet e shkaktuar nga përdorimi i skuterave elektrikë, të cilët i respektojnë më pak nga të gjithë rregullat e qarkullimit. I sheh kudo, kundër sensit”, tha Brataj.

Përdoruesit e monopateve apo skuterave elektrike nuk ndëshkohen me gjobë edhe kur ata shkelin rregullat  e qarkullimit.

“Monopatet janë njëlloj si motori apo biçikleta. Shikon akoma biçikleta në rrugë kur ekziston korsia e biçikletave apo monopate që futen në mes të makinave në rrugë duke u bërë burim aksidentesh”, shtoi Brataj.

Kodi Rrugor e ka të përcaktuar ndëshkimin me gjobë edhe për këmbësorët, që nuk respektojnë semaforin apo vizat e bardha por në këtë rast kodin nuk e respekton as policia./TCH

The post Numri i lartë i aksidenteve, Brataj: Përdoruesit e skuterave nuk i respektojnë rregullat appeared first on Albeu.com.