Lajmin e ka bërë të ditur Shefi i Sektorit të Veterinarisë në Drejtorinë e Bujqësisë së qarkut Berat, lirjan Ramaj, i cili ka shpjeguar edhe masat që janë marë për karantinimin e fermave dhe masat që do të merren në vazhdim për eleminimin e tyre.

“Kemi dy raste në dy ferma në fshatin Polenë në Skrapar, ku pas shenjave të konstatuara në terren nga veterinerët tanë dhe pas analizave të kryera, bagëtitë kanë rezultuar pozitive. Në njërën nga fermat janë 191 krerë të infektuara dhe në fermën tjetër janë 72 krerë të prekur nga sëmundja e murtajës së ruminantëve të vegjël.

Janë marrë të gjitha masat, fermat janë futur në karantinë, pritet të kryehet proçesi i eleminimit të kafshëve të të dyja tufave, është përcaktuar “zona e kuqe” prej 3 km dhe nga veterinerët tanë të shërbimit të kontrrollit. Po bëhet inventari i të gjitha fermave, ndërkohë që zona rreth 10 km përreth këtyre fermave po mbajet në vëzhgim nga veterinët. Në bashkëpunim me policinë, janë ngritur pika kontrrolli sepse është e ndaluar lëvizja e kafshëve të imëta nga ferma në fermë dhe nga ferma në kullotë. Momentalisht kemi vetëm këtë vatër në qarkun tonë.

Është një sëmundje që përhapet vetëm nëpërmjet kontaktit të kafshëve. Shenjat e kësaj sëmundjeje janë: lotim i syve, diarre, temperaturë e lartë që shkon në 41-42 gradë, plagë në gojë dhe pas 3-ditësh kafshët ngordhin. Ne jemi në pritje të urdhrit të Ministrisë së Bujqësisë për formën dhe mënyrën e e elminimit, që do të kryehet këto ditë”, ka thënë Ilirjan Ramaj.

Ai i ka bërë thirrje fermerëve të qarkut të Beratit, që nëse evidentojnë ndonjë rast në bagëtitë e tyre të marrin menjëherë numrin e gjelbër që ka vendosur ministria ose të njoftojnë veterinerët e zonës, ndërkohë që u ka kërkuar të mos i shtegtojnë kafshët nga një zonë në një zonë tjetër se bëhen shkak për përhapjen e sëmundjes.

The post Murtaja/ 263 bagëti të infektuara në Skrapar, karantinohen dy ferma appeared first on Albeu.com.

Deri në këtë moment, Partia Socialiste, ka siguruar 2,935 vota, ndërsa Partia Demokratike, ka grumbulluar 1,373 vota.

Procesi i numërimit vijon ende për dy kuti të tjera.

Skrapar

PD – 1373

PS – 2935.

Ne proces numërimi 2 kuti.

The post Skrapar/ Numërohen 19 nga 23 QV, ja sa vota ka marrë PS dhe PD appeared first on Albeu.com.

Banorët tregojnë,nëpërmjet disa dokumentave të firmosura, se kanë qënë banorët e fshatit Çerenisht ata që kanë hedhur firmat për kryerjen e punimeve në fshatin Zogas dhe bashkë me ta kanë firmosur edhe disa punonjës të administratës.

Kryeplaku i fshatit Zogas,Isa Plaku, ka deklaruar se në fshat ka ardhur një kompani dhe ka shkatërruar gjithçka në zonë, pasi banorët nuk po lëvizin dot as me bagëtitë për ti kullotur.

Plaku shprehet se kjo firmë guri është pa asnjë leje,edhe pse në bashki i është thënë se firma ka marrë leje nga Ministria. Kryeplaku i fshatit deklaron se firmat për fillimin e këtyre punimeve janê marrë në mënyrë të parregullt dhe se këto punime janë duke dëmtuar tokat e bukës.

Banorët e fshatit Zogas shprehen se kjo firmë guri është anonime, sepse nuk ka asnjë tabelë që të tregojë kur do të fillojnë apo kur do të mbarojë punimet,sa është sipërfaqja ku do të shtrihet dhe nuk kanë asnjë lloj dokumentacioni.

Banorët pohojnë se nuk është bërë asnjë lloj dëgjese publike me ta dhe se punimet e kësaj firme janë duke shkatëtruar mjedisin,po dëmtojnë tokat bujqësore dhe po dëmtojnë blegtorinë në këtë fshat.Ky fshat-shprehen ata-mbahet me blegtori dhe firmat kanë dëmtuar të gjithë sipërfaqen e pyllëzuar ku kullosin bagëtitë e zonës.

Duke deklaruar se ata nuk do ta ndalin rezistencën e tyre ndaj këtij shkatërrimi,banorët e fshatit Zogas kërkojnë të pezullohen punimet dhe të bëhet dëgjesë publike me banorët e fshatit.

The post Skrapar/ Banorët e fshatit Zogas protestë kundër punimeve të firmës së gurit: Po prekin tokat bujqësore dhe kullotat appeared first on Albeu.com.

Postimi i Metës:

Ditë pranvere në Skrapar!

Falenderim dhe mirënjohje për drejtuesit, anëtarët dhe simpatizantët qëndrestarë dhe patriotë të Partisë së Lirisë që provuan sot se krenarinë e skraparlinjve nuk e kanë thyer dot as pushtuesit më të egër dhe jo më sorrat e pabesa të “Rilindjes” të kalbur në themele e çdo qelizë të saj të kriminalizuar dhe të korruptuar.

12 vjet “Rilindje” mavi dhe mashtrime duhen ndëshkuar masivisht në 11 Maj dhe unë kam besim të plotë në përgjegjshmërinë e skraparlinjve për të ardhmen e vendit.

Pesë Prioritetet tona madhore për 4 milion shqiptarë plus i japin zgjidhje të drejtpërdrejtë problemeve më të mëdha që ka sot Skrapari sepse i japin fund shpopullimit të kësaj treve patriotike dhe me potenciale të jashtëzakonshme për zhvillim, përmes mbështetjes së fuqishme për bujqësinë dhe blegtorinë me pagesa të drejtpërdrejta, për të rinjtë dhe të rejat e mrekullueshëm, si edhe për pensionistët që aq shumë kanë kontribuar për zhvillimin e vendit.

Malet tona më të larta!

The post ”Ditë pranvere në Skrapar”, Meta: 12 vjet “Rilindje” mavi dhe mashtrime duhen ndëshkuar masivisht në 11 Maj appeared first on Albeu.com.

Si rezultat i një hetimi proaktiv të ndjekur në bashkëpunim me Prokurorinë e Beratit dhe në vijim të planit operacional mbarëkombëtar të koduar “Territor i pastër”, Komisariati i Policisë Skrapar finalizoi operacionin policor të koduar “Rehova”, ndërsa u asgjësuan rreth 287 fidanë kanabis (në kubikë dhe në tokë).

“Gjatë operacionit në këtë fshat, rezultoi se 27-vjeçari kishte përgatitur disa vende në zonën e pyllëzuar, me qëllim kultivimin e bimëve narkotike, si dhe se kishte kultivuar në kubikë dhe në tokë, 287 fidanë cannabisi. Si rezultat u kap në flagrancë dhe u vu në pranga shtetasi A. B., 27 vjeç, banues në fshatin Rehovë”, thuhet në njoftim.

Materialet  i kaluan Prokurorisë pranë Gjykatës së Shkallës së Parë të Juridiksionit të Përgjithshëm, Berat.

The post Arrestohet në flagrancë 27-vjeçari në Skrapar, kultivonte kanabis në pyll, asgjësohen 287 fidanë appeared first on Albeu.com.

Sipas informacioneve, konflikti ka nisur për motive të dobëta.

Shtetasi me inicialet H. I., i cili mori mjekim në spital dhe është jashtë rrezikut për jetën.

Sakaq, policia ka arrestuar në flagrancë shtetasin L. B., 36-vjeç, banues në Çorovodë.

Njoftimi:

“Specialistët e Seksionit për Hetimin e Krimeve të Komisariatit të Policisë Skrapar arrestuan në flagrancë shtetasin L. B., 36-vjeç, banues në Çorovodë, pasi dyshohet se gjatë një konflikti për motive të dobëta, ka goditur me mjet prerës (thikë), shtetasin H. I., 35-vjeç, banues në Skrapar, i cili mori mjekim në spital dhe është jashtë rrezikut për jetën”, thuhet në njoftimin e policisë.

The post U konfliktuan për motive të dobëta, plagoset me thikë 35-vjeçari në Skrapar appeared first on Albeu.com.

Dyshohet se 55-vjeçari vuante nga probleme të shëndetit mendor. Pasi 55-vjeçari nuk ishte kthyer në shtëpi, familjarët kishin filluar ta kërkonin dhe ka qenë bashkëshortja e tij ajo që e ka gjetur të varur me litar dhe më pas ka njoftuar policinë.

Menjëherë në vendngjarje kanë shkuar efektivë të shumtë policie,që pasi kanë kryer këqyrjes e vendngjarjes kanë konfirmuar se në trupin e viktimës nuk ka pasur shenja dhune.

Trupi i pajetë i viktimës është transportuar drejt morgut të Spitalit Rajonal Berat,ndërkohë që policia konfirmon se 55-vjeçari vuante nga probleme të shëndetit mendor.

The post E rëndë/ Gruaja gjen të vdekur burrin në kasollën e bagëtive në Skrapar, dyshimet e para appeared first on Albeu.com.

Ata kishin braktisur në një zonë të hapur malore motorët më të cilët kishin mbërritur në Skrapar dhe pasi kishin ecur për në këmbë për disa orë kishin humbur orientimin në pyjet e thellë të Postenit.

Djali i njërit prej turistëve kishte ngritur alarmin nga Franca, duke telefonuar e njoftuar edhe ambasadën. Menjëherë pas njoftimit, dhjetëra efektivë të Komisariatit të Policisë Skrapar janë nisur drejt malit dhe vetëm pas 12-orë kërkimesh ata i kanë gjetur turistët në vendin e quajtur “qafa e gjarprit”.

Asnjë nga turistët nuk është i lënduar dhe ata janë kthyer me policinë në vendin ku ata kishin parkuar motorët dhe janë larguar më pas nga qyteti i Skraparit.

The post Kishin humbur në zonën malore të Skraparit, gjenden pas 12 orësh kërkime turistët appeared first on Albeu.com.

Prej plumbave fatmirësisht nuk u lëndua asnjë nga familjarët, që thirrën policinë të tmerruar.

Shërbimet e Komisariatit të Policisë Skrapar kanë organizuar punën dhe kanë mbërritur menjëherë në vendngjarje, ku si rezultat i ndërhyrjes së shpejtë të tyre dhe Forcave të Posaçme Operacionale, u bë i mundur neutralizimi i autorit dhe arrestimi i tij. Pas arrestimit të 34-vjeçarit Luftim Tërpollari, policia ka sekuestruar armën e zjarrit kallashnikov dhe 21 fishekë luftarakë.

Mësohet se ngjarja ka ndodhur pas konflikteve të shpeshta mes autorit Luftim Tërpollari dhe pronarit të banesës, shtetasin S.H., 61-vjeç, i cili nuk ishte dakord me lidhjen që kishte pasur vajza e tij me të.

Mësohet se Tërpollari kishte shkuar në banesë me kallashnikov për të rrëmbyer vajzën e shtëpisë, me të cilën ishte i dashuruar.

Ndërkohë, 61-vjeçari S.H., nuk ka qenë dakord me këtë lidhje dhe vajza e tij kishte rënë dakord me babain, duke i shkëputur të gjitha lidhjet me 34-vjeçarin prej 1-muaji.

The post Shkoi të rrëmbente vajzën që donte, si ndodhi ngjarja në Skrapar, 34-vjeçari terrorizoi familjen me kallashnikov appeared first on Albeu.com.

Ngjarja ka ndodhur në mbrëmjen e 20 gushtit, ku 34-vjeçari L. T. ka qëlluar me armë zjarri kallashnikov, drejt mureve të banesës së shtetasit S. H., 61 vjeç, për të kanosur anëtarët e familjes së tij, për shkak të një konflikti për motive të dobëta që kishte me ta.

Arma e zjarrit kallashnikov me të cilën u qëllua, dhe 21 fishekë luftarak, u gjetën dhe u sekuestruan nga Policia, në cilësinë e provës materiale.

Materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Berat, për veprime të mëtejshme./Albeu.com/

The post 34-vjeçari nga Skrapari terrorizon një familje, qëllon me breshëri kallashnikovi drejt banesës (VIDEO) appeared first on Albeu.com.