Sipas “Blick”, babai dhe katër djemtë e tij pritet të dalin para gjykatës, nën akuzën e abuzimit, ndërsa thuhet se ai ka sjellë të mitura nga mosha 14 deri në 17 vjeç si “gra” për secilin nga 4 djemtë, dhe për një dekadë e gjysmë ata abuzonin me to duke i detyruar të bënin punët e shtëpisë dhe duke i mbajtur në banesë, ndërsa askush nuk kishte kuptuar asgjë nga tortura që u bëhej..

Viktima e parë u soll në Zvicër nga Shqipëria në vitin 2003, ku 17-vjeçarja asokohe e njihte burrin e saj vetëm nga fotot, pasi martesa ishte e sajuar mes prindërve të vajzave. Prindërve të së resë iu premtua se vajza e tyre do të kishte një jetë më të mirë në Zvicër. Një vajzë tjetër ishte vetëm 14 vjeç, jetonte në varfëri dhe sipas hetuesve, prindërit e saj ia shitën për një shumë prej 300 eurosh.

Albrim F., 65 vjeç, së bashku me djemtë thuhet se kanë ushtruar dhunë fizike dhe psikologjike, si dhe i kanë kërcënuar me vdekje dhe izoluar.

“Më shumë se 20 herë e ka goditur me brez. Edhe pse ishte shtatzënë, ai e ka rrahur nusen deri sa i ka dalë gjak dhe i ka shtrënguar fytin me të dyja duart”, thuhet në aktakuzën e njërit prej të pandehurve.

Gratë rrallë lejoheshin të dilnin vetëm nga banesa dhe nuk kishin pothuajse asnjë kontakt me familjet e tyre. Avokati Dominic Nellen përfaqëson dy nga gratë në gjykatë dhe i ka shoqëruar për tre vjet.

Për Nellen është e qartë, pas sjelljes çnjerëzore qëndron e drejta zakonore mesjetare shqiptare e kanunit dhe të gjitha fijet u bashkuan me kreun e klanit Albahrim F.

“Është një klan i madh familjar me sundimtar patriarkal vjehrrin. Ishte në qendër, jepte urdhrat”.- thotë avokati.

Në vitin 2019, gratë më në fund arritën të arratiseshin, 16 vjet pasi viktima e parë u soll në Zvicër.

The post TRONDITËSE/ Burri nga Kosova akuzohet se ka blerë vajza të mitura nga Shqipëria për djemtë e tij, i mbanin si skllave në Zvicër appeared first on Albeu.com.

Aksioni është ndërmarrë nga policia federale dhe sipas DW në të janë përfshirë rreth 700 forca të policisë, që kanë kontrollur 33 objekte njëkohësisht në Berlin, Hamburg, Vestfali, Saksoni. Pjesë e aksionit kanë qenë edhe autoritetet sllovake, që kanë ndërhyrë në Bratisllavë.

Sipas policisë federale, një shtetase vietnameze, një nga dy personat e akuzuar si organizatorë të skemës së trafikut, u arrestua në Berlin.

Një grua tjetër u ndalua në Bratislavë. Dyshohet se ato kanë kontrabanduar vietnamezë nga Sllovakia në Gjermani përmes kontenierëve kundrejt një shume deri në 21.000 euro për këtë. Sipas hetuesve, të prekurit janë detyruar t’i paguajnë këto para edhe përmes punës.

“Meqenëse njerëzit nuk mund t’i mblidhnin këto para menjëherë, janë detyruar të punojnë për pagat e kontrabandistëve,” tha një zëdhënës. “Veçanërisht grave u është dashur të punojnë në sallone thonjsh, studio masazhi dhe “shtëpi publike”.

Policia federale gjermane tha se hetimet vijojnë për të zbardhur mundësinë nëse ky rrjet mund të ketë pasur një shtrirje edhe më të gjerë.

The post Skllave dhe punonjëse s*ksi, merr fund rrjeti i trafikimit të qenieve njerëzore në Gjermani appeared first on Albeu.com.