Shqiptari, ndaj të cilit ishte shpallur një urdhër-arresti, është ndaluar nga Policia teksa fshihej në një kamion të gomuar për t’i shpëtuar kontrolleve me qëllim kthimin në vendlindje.

Ai është dërguar në burgun e Barit në dispozicion të Autoritetit Gjyqësor. Ky arrestim i shtohet atij të një tjetër shqiptari, i ndodhur ditët e fundit në një qendër tregtare në Marcianise, pas hetimeve të kryera nga karabinierët.

Të dy personat dyshohen se ishin pjesë e së njëjtës bandë, për të cilën kishte një urdhër paraburgimi të lëshuar nga gjyqtari hetues i Gjykatës së Vallo della Lucania.

Hetimet për aktivitetet e bandës në Cilento dhe lidhjet e saj me subjektet shqiptare duket se janë pjesë e një tabloje më të gjerë, e cila përfshin edhe krime që lidhen me trafikun e drogës.

Operacionet e fundit në fakt kanë çuar në arrestime të shumta lidhur me importimin e drogës nga Shqipëria në Portin e Barit.

The post Tentoi të arratisej drejt Shqipërisë, arrestohet në port “skifteri” shqiptar appeared first on Albeu.com.

Në disa prej rasteve grabitësit kanë qenë shtetas shqiptarë, të cilët veprojnë në zonat luksoze të Marbella, Madrid, Valencia e Barcelonës.

Pikërisht njëri prej “skifterëve” shqiptarë më në zë, i cili njihet me nofkën “Alberto” është rrëfyer në një intervistë për gazetarin Carlos Quílez, në podcastin ‘Sumario Abierto’ të gazetës spanjolle El Español.

Fillimisht grabitësi shqiptar, i cili pretendon se kontrollon një rrjet prej 100 “skifterësh” ka rrëfyer grabitjet në shtëpitë e Benzema, Ronaldos dhe Johan Cruyff.

“Ne e grabitëm Benzemën në rastin kur ai nuk na kapi. Ne gjithashtu tentuam të vidhnim shtëpinë e Cristianos në Madeira, por plaçka nuk ishte joshëse”, tha Alberto.

Më pas ka treguar se në vitin 2012, hynë në shtëpinë e Cruyff, pa e ditur se ishte e tija dhe se dolën prej aty me vetëm 20.000 euro sende të vjedhura. Sapo u futën brenda, vunë re fotot e tij me Dennis Bergkamp dhe arritën të kuptonin se me kë kishin të bënin.

Më pas ai ka treguar sesi i është shmangur tundimit për të vjedhur shtëpinë e tetë herë fituesit të “Topit të Artë”, Lionel Messi.

Kreu i bandës së grabitësve nga Shqipëria dhe Kosova, i cili aktualisht është në arrati tha se shmangu “pleshtin” argjentinas nga lista e tij sepse kishte shumë respekt për të.

“Rreth një vit më parë të tjerë më ofruan (për ta vjedhur) shtëpinë e prindërve të tij, të familjes së Messit. Messi ishte në Paris në atë moment. Shkova për ta parë, sepse e njoh shumë mirë zonën. Nuk doja për shkak të respektit për Messin. Nuk e kam bërë pasi kam respekt ndaj tij. Pikë”.

Më tej, skifteri shqiptar ka zbuluar se ka parandaluar edhe të tjerë që ta grabisnin rezidencën e Messit.

“Kam ndaluar disa herë njerëzit që donin të grabisnin shtëpinë e Messit, njerëzit që më kërkonin mendim, por nuk mund t’i ndaloj të gjithë… Për aq sa kam mundur t’i ndaloj jam shumë krenar.”

The post Grabiti vilën e Ronaldos por jo atë të Messit, “skifteri” shqiptar habit me aryen që jep appeared first on Albeu.com.

Gjatë muajit shkurt, 27-vjeçari nga Shqipëria ka hyrë në dy farmaci, një sallon lojërash fati dhe një kompani dërgesash postare, ku me anë të një thike që posedonte ka kërcënuar personat brenda këtyre ambienteve duke marrë në total 1320 euro.

I riu është arrestuar pas hetimeve të kryera nga autoritetet përkatëse të zonës së Kalamarisë, ndërsa pas një kontrolli të kryer në banesën e tij janë gjetur dhe konfiskuar thika me të cilën kryente grabitjet dhe rrobat që përdorte.

The post Ishte kthyer në tmerrin e bizneseve, arrestohet “skifteri” shqiptar në Greqi appeared first on Albeu.com.