Sipas dëshmisë së tij, Henrik Hoxhaj, do të ishte personi që do ta ndihmonte Tasin për vrasjen, “punë” për të cilën i ishte premtuar një apartament në Fier dhe një shumë parash edhe nga Viron Tavanxhi.

Ai thekon se nuk mori asnjë lekë pasi nuk e realizoi dot punën.

Dëshmia e Skerdi Tasit:

Nga Henriku mësova se kishte marrë porosi edhe nga një tjetër për këtë punë, nga Renato Çami.

Këtë ma konfirmoi Henriku. Ai fliste me të me një Blackberry. Henriku mbante kontakte edhe me nipin e Renatos.

Unë prezent në takimet e Henrikut me Renaton nuk kam qenë. Për tentativën ndaj Hajredin Beharit, lokali ndodhet afër rrethrrotullimit të parkut.

Një lokal i vogël në anë të rrugës. Unë qëllova nga jashtë lokalit. E pamë që objektivi ndodhej aty. Ishte me 3-4 vetë të tjerë.

Unë kur qëllova isha 1 metër larg derës. Unë kam pasur veshur një bluzë me kapuç dhe pantallona xhins.

Besoj se qëllova 5-6 herë. Një breshëri qëllova. Ai u shtri nën tavolinë dhe mendova se e godita.

Pas 100 m më priste Riku (Henriku). I thashë që e godita. Shkuam tek lokali i Rikut. Pastaj kaluam nga Gjanica, hodha pistoletën në lumë.

Pas disa ditësh takova Henrikun. Aty debatuam. Më tha, pse e more përsipër kur nuk e bëje dot. Shënjestra kishte shkuar në polici dhe kishte thënë disa emra të dyshuar. Një prej tyre ishte porositësi i vërtetë. Riku më tha, mirë që na dha punë, që nuk e bëmë dot, por tani t’i hapim edhe probleme me policinë.

Henriku më tha se kishte dhënë shpjegime në polici. Henriku më konfirmoi se emri i porositësit ishte në dosjen e policisë.

Nuk mora asnjë lek për këtë punë, pasi nuk e realizuam dot.

The post Atentati ndaj Aredin Beharit/ Skerdi Tasi: S’mora asnjë lekë për këtë punë, ja kush ishte porositësi appeared first on Albeu.com.

Sipas bashkëpuntorit të prokurorisë, grabitja në vitin 2012 e një argjendarie në qytetin e Fierit, rezulton të jetë kthyer në përplasje mes individëve të një grupi kriminal dhe disa hajdutëve serialë në qytetin e Fierit.

Armando Mita dhe Ervin Fejzullahu, janë dy emra të njohur për policinë kriminale të Fierit, të cilët janë autorë të grabitjes së një argjendarie që ndodhet përballë piceri “Roma”.

Argjendaria, është në pronësi të dajës së Viron Tavanxhiut alias Erion Prifti një i dënuar në Itali me 22 vite burg për vrasjen e një tuniziani dhe plagosjen e një shqiptari.

“Ora News” mëson se Tavanxhiu është anëtar i një grupi kriminal në Fier, ndërsa falë hetimeve private ai kishte zbuluar se kush ishin dy personat që kishin bërë grabitjen e argjendarisë së dajës të tij.

Skerdi Tasi, u ka treguar prokurorëve se rreth vitit 2012 apo 2013 është njohur me Viron Tavanxhiun nga Fieri.

Në këtë periudhë, shton bashkëpuntori i prokurorisë, në rrugën që njihet me emrin “Pedonalja”, përballë pica “Roma” është grabitur një argjendari.

“…në këtë grabitje kanë marrë pjesë Ervin Fejzullahu dhe Armando Mita. Unë Armando Mitën e kisha shok dhe armën tip kallashnikov, që kanë përdorur në grabitje, Armandos, ia kam dhënë unë. Këtë armë unë e kam siguar tek një shok tjetër i imi, të cilit pas kryerjes së krimit armën ja kam kthyer përsëri. Kisha dijeni se çfarë do të bënin, por nuk kam marrë pjesë në këtë ngjarje. Në dijeninë time, për këtë grabitje është dënuar Armando Mita, ndërsa Fejzullahu jo…”-ka treguar Skerdi Tasi.

Pasi Mita dhe Fejzullahu bënë grabitjen e argjendarisë, disa ditë më vonë  Skerdi Tasi ka takuar, Armandon, për të shitur 2 kg flori që ata kishin grabitur.

Gjatë diskutimit Armando, i ka thënë që të pyeste njerëz se kush dëshironte të blinte florinj, duke i lënë të kuptohej se dhe ai do pyeste.

Qëllimi ka qënë shitja e 2 kg flori, me qëllim përfitimi të vlerave monetare.

Për këtë qëllim Skerdi Tasi ka kontaktuar me Migjen Xhaferrin, të cilin e njihte, pasi ai është një nga pronarët e lokalit që Tasi, kishte punuar si kamarier në Fier.

Xhaferri më thotë: “…Çfarë keni bërë, pasi ai që keni grabitur është daja i Vironit…”?!

Tasi, duke njohur Migjenin, e kanë lënë së bashku të takohen me Vironin për të diskutuar që çështjen ta linim me kaq, pasi dëmi i ishte bërë dajës së tij.

“…Mbas diskutimeve që patëm në tavolinë ramë dakord që e mira ishte të gjenim Ervin Fejzullahun, i cili dispononte vlerën prej 2 kg flori”.

Ata do i bënin presion nëpërmjet Vironit dhe t’ia kthenim dajës së tij sasinë e floririt të vjedhur.

Ditët në vazhdim Skerdi Tasi, i ka kërkuar Armando Mitës automatikun kallashnikov që i kishte dhënë për të kryer grabitjen.

Ervin Fejzullahu, shkon ta marrë automatikun në vendin ku e kishin fshehur.

Por aty ku ishte arma, ka dalë nga disa shkure, Vironi me disa shokë të tij, që po e prisnin se kush do shkonte të merte automatikun.

Në momentin që Ervini, shkon aty e kap Vironi dhe e pyet duke i thënë: “…ku i ke florinjtë…”?

Por Ervini ia kthen duke i thënë se: “…nuk i kam këtu, i kam në një vend tjetër, do t’i sjell do t’i sjell…”.

Dhe në këtë moment i ka shpëtuar nga duart Vironit, dhe Ervini fillon dhe ikën me vrap.

Por sipas Skerdi Tasit, në këtë moment Viron Tavanxhiu, ka qëlluar me pistoletë duke e plagosur me armë në këmbë.

Plagosja e tij, bëri që më pas vetë Vironi ta mari dhe me shoferin e tij, e dërgon në spitalin e Fierit të plagosurin.

Pas disa ditësh nga kjo ngjarje, Armando Mita dhe Ervin Fejzullahu, u arrestuan nga policia e Fierit, për grabitjen e argjendarisë.

Ndërkohë pas kapjes së dy personave, Skerdi Tasi, thotë se ishte larguar në Itali, por gjatë kësaj kohe ka forcuar më tepër miqësinë me Viron Tavanxhiun.

The post I penduari i drejtësisë: Vironi nga Fieri, qëlloi dhe plagosi grabitësin që i vodhi 2 kg flori dajës në argjendari appeared first on Albeu.com.

63-vjeçari që po udhëtonte me një “Mercedes-Benz ML” shpëtoi nga pumbat që i tejshkuan makinwn.

Sipas agresorit ai nuk ka qenë shënjestra e vërtetë.

Dëshmia e tij para hetuesve

“Në atë vend kam qëndruar rreth një orë në këmbë duke pritur, nuk më kujtohet sa ka qenë ora kur kam parë automjetin ML me targa Tirane, në timonin e së cilës mendova se ishte një person me të cilin dy javë më përpara kisha pasur debat të fortë.

Në momentin që pashë automjetin kam nxjerrë nga trupi një arme zjarri e tipit skorpions dhe kam qëlluar mbi makinën. Në momentin që pashë se personi që ishte në makinë nuk ishte ai që prisja kam ndaluar së shkrepuri armën dhe jam larguar me vrap. Kam vënë re se drejtuesi i automjetit eci disa metra përpara dhe u kthye me makinë prapë.

Menjëherë pas momentit të qëllimit kam marrë rrugën dytësore me drejtimin nga diga e liqenit, ajo që është shëtitorja e liqenit. Armën e kam futur poshtë xhupit për ta fshehur dhe pasi kam ecur rreth 300 metra, nuk jam i sigurt për distancën, armën e kam hedhur në ujërat e liqenit rreth 10-15 metra nga bregu.

Vendin e mbaj mend vetëm po të afrohem atje. Pas hedhjes së armës kam vazhduar rrugën në këmbë për të kryqëzimi i 21 dhjetorit. Aty, pasi mbërrita kam gjetur një furgon me të cilin kam udhëtuar deri në qytetin e Fierit.

Nuk kam asnjë njohje dhe as konflikt me L.Masha. Armën e kam pasur në banesën time në qytetin e Levanit, ka qenë nga trazirat e vitit 1997 në banesë. Në Tiranë e kam sjellë disa ditë para se të ndodhte ngjarja, e kisha fshehur ne parkun e Liqenit Artificial.

Personin që kam pasur konflikt nuk e njoh me gjeneralitete, e njoh vetëm si fytyrë. Konflikti ka qenë i rastësishëm pranë digës së Liqenit. Mua më ishte fiksuar se kalonte në atë vend ku kam qëlluar me armë.

Ju sqaroj edhe njëherë se atë ditë kam ngatërruar person dhe këtë gjë e vura re menjëherë pasi u afrova te makina mbi të cilin kisha qëlluar me armë zjarrri. Në atë moment kam ndaluar të shtënat dhe jam larguar nga vendi i ngjarjes”./albeu.com

The post Qëlloi pronarin e shkollës së njohur private në Tiranë, agresori: Nuk ka qenë ai shënjestra e vërtetë appeared first on Albeu.com.