“FK Kukësi njofton se Skënder Gega do të jetë trajneri i ri i skuadrës sonë për sezonin 2022-2023. Presidenca e klubit dhe trajneri kanë arritur marrëveshjen ditën e sotme dhe është vendosur që Gega të jetë në krye të stolit.

Skënder Gega rikthehet në Kukës pas një sezoni e gjysmë, duke qenë se në sezonin 2020-2021 drejtoi ekipin në Ligën e Europës dhe në kampionat, duke u larguar pas javës së 11 për shkak të gjendjes shëndetësore.

Prezantimi i trajnerit Gega do të bëhet ditën e hënë në ambientet e zyrave të klubit në stadiumin “KUKËS ARENA”. Klubi i Kukësit i uron mirëseardhje trajnerit Gega dhe suksese në krye të stolit tonë”, njofton klubi verilindor. / h.ll/albeu.com

The post Zyrtare: Skënder Gega në krye të Kukësit, njoftimi i klubit appeared first on Albeu.com.

Te Kukësi nuk kanë humbur kohë për të gjetur trajnerin e ti dhe bëhet fjalë për një rikthim.

Skënder Gega do të jetë trajneri i ri i Kukësit. Supersport raporton se të hënën ai do të prezantohet në “Kukës Arena”.

Ai ishte edhe vjet në krye të Kukësit, por nuk e mbylli sezonin. Për disa ndeshje madje nuk ishte as në pankinë, për shkak të infektimit me Covid-19. /h.ll/albeu.com

The post Trajneri i ri i Kukësit emër i njohur, prezantohet të hënën appeared first on Albeu.com.

Gega dikur shpalli kampion Partizanin dhe sot është prezantuar me një frymë optimiste dhe prej fituesi të vërtetë duke thënë se do e kthejë klubin në luftën për të fituar trofe.

“Ne jemi miq me presidentin, dashamirësia nuk ka munguar as kur kemi qenë kundërshtarë. Ky është një profesion që e dashuroj, nuk është e thënë të jesh vetëm tek ekipet e vendeve të para. E kam për nder dhe ndihem i respektuar që do të jem në krye të ekipit të një qyteti si Korça. Jam optimist, ekipi është i mirë, është i mbushur me djem të rinj.

Do i marrim me qetësi problemet, e rëndësishme dhe thelbësore është t’i besojmë njëri-tjetrit.  Jam munduar të shmang presionet kudo ku kam shkuar. Unë e shoh Skënderbeun si pretendent për të bërë hapa gradualisht, unë besoj. Të shohim ndeshjen më të afërt, që është dita e diel.

Organika e ekipit? Më pëlqen që kampionati ka kaq shumë rivalitet. Kjo është sfida ime, kam ardhur për presidentin Takaj dhe Skënderbeun në një moment të vështirë. Kam parë grupin, ekipi është i mirë, por të besojmë te njëri-tjetri. Pa optimizëm nuk vazhdohet përpara në futboll.

Kam qenë suport për Memellin, ka bërë punë të mirë. Fati i ka munguar. Skënderbeu ka potencial për të dhënë më tepër, sepse janë djem të rinj. Lojtarët të kenë këmbët, mendjen dhe zemrën. Asgjë nuk u mungon.

Laçi? Skënderbeu ka edhe traditë, ka fituar tituj, pse jo të mos vazhdojmë në të njëjtën rrugë. Ndeshja me Laçin është shumë e vështirë, ata janë ndër ekipet më të mira të Superiores. I respektojmë shumë, por do tentojmë të bëjmë më të mirën tonë”, ishin fjalët e tij./ h.ll/albeu.com

The post Skënder Gega prezantohet te Skënderbeu: Do rikthehemi për të fituar trofe appeared first on Albeu.com.

“Panorama Sport” zbulon se pas një bisede mes presidentit Ardjan Takaj dhe trajnerit Skënder Gega, ky i fundit ka pranuar të firmosë një kontratë 1.5 vjeçare. Një mision i vështirë për Gegën, por do të kërkojë tashmë të shpëtojë Skënderbeun. Lajmi konfirmohet për gazetën nga burime zyrtare në klubin korçar.

Skënder Gega drejtoi Partizanin drejt titullit kampion e tashmë do të përpiqet të shpëtojë Skënderbeun.

The post Skënderbeu gjen një super trajner, fitoi titullin 3 vite më parë appeared first on Albeu.com.