Një tjetër mesazh kërcënues ndaj Kosovës ka ardhur nga Serbia, kësaj radhe në formën e një grafiti me mbishkrimin “Kur ushtria të kthehet në Kosovë”, i vendosur në Peruçac të zonës së Bajina Bashtës. Mbishkrimi është realizuar me shkronja të mëdha dhe ngjyrat e flamurit serb në një mur përgjatë rrugës për në Mitrovac të Tarës.

Sipas mediave serbe, grafiti ka dalë më 9 gusht, pikërisht në të njëjtën ditë kur presidenti serb Aleksandër Vuçiq lëshoi kërcënime ndaj Kosovës përmes një prej burimeve më strategjike ujore të saj, liqenit të Ujmanit, duke përmendur “ndryshimin e rrjedhës së lumit Ibër”.

Të dielën, Vuçiq deklaroi se Serbia po angazhon ekspertë të fushës së ndërtimtarisë dhe inxhinierisë për të analizuar mundësinë e devijimit të rrjedhës së Ibrit, duke e lidhur këtë me atë që ai e cilësoi rrejshëm si “maltretim të popullit serb”. “Meqë po e maltretojnë kaq shumë popullin tonë, të shohim, kemi arsye të ndryshme për ndryshimin e rrjedhës së Ibrit, pastaj do të shohim se çfarë do të bëjnë shqiptarët dhe si do të sillen,” u shpreh Vuçiq, duke tentuar të paraqesë një imazh të shtrembëruar të gjendjes në Kosovë.

Grafite me përmbajtjen “Kur ushtria të kthehet në Kosovë” nuk janë të reja. Për vite me radhë, mesazhe të tilla janë parë në lokacione të ndryshme në Serbi, përfshirë edhe Beogradin. Në vitin 2023, ato u vendosën në rrethimin e godinës së Shtabit të Përgjithshëm të Ushtrisë Serbe dhe në disa pjesë të tjera të kryeqytetit serb. Po ashtu, herë pas here, këto mbishkrime janë shfaqur edhe në veriun e Kosovës.

Grupi më i njohur i tifozëve të Crvena Zvezdës ka pretenduar autorësinë për pjesën më të madhe të këtyre grafiteve, duke i financiuar vetë, dhe ka shtuar se i pari i këtij modeli ishte realizuar nga tifozët e Partizanit.

The post Mesazhi provokues pas kërcënimeve të Vuçiqit për Ujmanin: Në Serbi shfaqet grafiti “Kur ushtria të kthehet në Kosovë appeared first on Albeu.com.

Deklarata e fundit e ministres serbe Paunoviç ka shkaktuar polemika të mëdha dhe një sërë reagimesh në Kosovë, si edhe nga Bashkimi Europian. Për pasojat që kjo çështje mund të ketë në sigurinë kombëtare, eksperti kosovar i sigurisë Bedri Elezi foli drejtpërdrejt nga studioja e News24.

Sipas Elezit, qëndrimi i shprehur nga ministrja nuk duhet parë si rast i veçuar, pasi ai përfaqëson strategjinë dhe sjelljen e vërtetë të Beogradit zyrtar ndaj Republikës së Kosovës. Ai vlerësoi se kjo retorikë përdoret si sinjal dhe si nxitje për grupet radikale, kriminale e terroriste që veprojnë në veriun e vendit.

Eksperti e vendosi deklaratën në kontekstin e zhvillimeve të fundit, duke rikujtuar se dy ditë më herët presidenti serb, Aleksandër Vuçiç, kishte dalë publikisht në mbrojtje të Milan Radoiçiçit, përgjegjësit kryesor për sulmin terrorist në Banjskë.

“Kemi një lloj përqafimi të politikanëve serbë ndaj grupeve terroriste që kryen sulmin në veri. Kjo deklaratë e ministres provokoi qëllimisht reagimin ndërkombëtar, duke tentuar të motivojë strukturat paralele për të destabilizuar rendin kushtetues të Kosovës” – u shpreh Elezi.

Ai shtoi se në prapavijë të kësaj qasjeje qëndron edhe interesi i Rusisë dhe Iranit për hapjen e vatrave të reja të tensionit në Ballkan. Sipas tij, qëllimi është që vëmendja e SHBA-së dhe aleatëve të saj të largohet nga krizat e tjera globale.

Elezi kritikoi edhe reagimin e institucioneve shtetërore në Prishtinë, duke e cilësuar menaxhimin e situatës si të pamjaftueshëm. Në vlerësimin e tij, shpallja e ministres serbe person i padëshirueshëm apo paralajmërimet për kallëzime penale mbeten masa sipërfaqësore, të destinuara vetëm për “konsum politik e mediatik”.

Sipas ekspertit të sigurisë, duhej të mblidhej menjëherë Këshilli i Sigurisë Kombëtare për analizimin e situatës flukse dhe rritjen e vigjilencës së inteligjencës.

Ai kërkoi gjithashtu përgatitjen e dosjeve me prova konkrete dhe përcjelljen e shkresave zyrtare drejt shteteve të Kuintit dhe organizmave ndërkombëtarë, në vend të deklaratave në media.

Po ashtu, Elezi vlerësoi se duhet t’i drejtohet një kërkesë zyrtare NATO-s për rritjen e pranisë së saj, veçanërisht në kohën kur është përfolur për zvogëlim të forcave.

The post Bedri Elezi: Deklarata e ministres serbe zbulon qasjen e Beogradit dhe inkurajon grupet radikale në veriun e Kosovës appeared first on Albeu.com.

Kosova e ka përfshirë në listën “persona non grata” një prej zyrtareve të larta të shtetit serb.

Snezhana Paunoviq, ministre e Administratës Publike dhe Vetëqeverisjes Lokale të Serbisë, nuk do të mund të hyjë apo të kalojë tranzit në territorin e Republikës së Kosovës, pasi ndalesa ndaj saj është e përhershme.

Ky vendim erdhi pas deklaratës së saj se, “po të ishte në vend të Sllobodan Millosheviqit, do ta spastronte etnikisht Kosovën në vitin 1998”.

Deklaratën Paunoviq e dha për median serbe “Kurir”, pikërisht në Ditën Ndërkombëtare të Përkujtimit të Gjenocidit në Srebrenicë, në Bosnjë e Hercegovinë.

Fjalët e saj u kundërshtuan ashpër në Kosovë nga përfaqësues politikë dhe institucione, të cilat reaguan ndaj gjuhës dhe qëndrimit të saj. Reagime të forta pati gjithashtu nga Bashkimi Evropian dhe komisionerja për Zgjerim, Marta Kos.

Paunoviq ka lindur në Pejë të Kosovës. Sipas informacionit zyrtar të ministrisë që ajo drejton në Serbi, ajo është ekonomiste e diplomuar.

Ajo është pjesë e Partisë Socialiste të Serbisë që nga viti 1992. Kjo forcë politike, e njohur si partia e Sllobodan Millosheviqit, personit përgjegjës për masakrat dhe luftërat në Ballkan, aktualisht drejtohet nga Ivica Daçiq.

Brenda kësaj partie, Paunoviq ka ushtruar disa funksione të rëndësishme. Për dy mandate, ajo ka qenë nënkryetare e Asamblesë Kombëtare të Republikës së Serbisë, si edhe shefe e grupit parlamentar të Partisë Socialiste të Serbisë (SPS).

Nga viti 2017 është anëtare e Kryesisë së SPS-së, ndërsa që prej vitit 2024 mban postin e nënkryetares së Partisë Socialiste të Serbisë.

Në dhjetor të vitit 2021, Paunoviq vizitoi komunën e Shtërpcës bashkë me disa deputete të tjera nga Serbia. Gjatë kësaj vizite, ato u takuan me kryetarin e komunës, i cili vjen nga Lista Serbe.

“Kështu njihet se sa shumë Lista Serbe i përket Republikës së Serbisë dhe se si institucionalisht, në këtë rast si Parlamenti i Serbisë, është krenare për këta njerëz që bëjnë një punë identike vetëm në një nivel pak më të ulët, shumë më të vështirë se ne në Parlamentin tonë, dhe mendoj se kjo mbështetje e ndërsjellë është pafundësisht e rëndësishme”, kishte deklaruar mes tjerash Paunoviq.

Tashmë, Kosova e ka shpallur atë “persona non grata”.

Megjithatë, kjo nuk përbën rastin e parë kur zyrtarë serbë përdorin gjuhë fyese dhe linçuese kundër shqiptarëve në Kosovë dhe shqiptarëve në Luginën e Preshevës.

Vite më parë, ish-ministri serb me qasje proruse, Aleksandar Vulin, i kishte cilësuar shqiptarët si “šiptari” gjatë një emisioni televiziv. Ai kishte deklaruar se “bandat nga Kosova po vjedhin pyjet dhe po qëllojnë mbi policinë serbe”.

The post Snezhana Paunoviq, zyrtarja serbe të cilës Kosova i ndaloi përgjithmonë hyrjen appeared first on Albeu.com.

Deputeti i shqiptarëve në Kuvendin e Serbisë, Shaip Kamberi, ka dënuar me forcë deklaratën tronditëse të Snezhana Paunoviqit, ministre e Pushtetit Lokal, e cila u shpreh se po të gjendej në pozitën e Sllobodan Millosheviqit gjatë vitit 1998, do të ndërmerrte pastrim etnik në Kosovë.

Si pasojë e këtyre fjalëve, Kamberi njoftoi se do të ndërmarrë hapa për largimin e saj nga posti.

Duke paralajmëruar pasojat e mosveprimit, ai theksoi se heshtja dhe inercia institucionale do të interpretoheshin si një mbështetje e heshtur e pohimit të saj dhe një qëndrim zyrtar i gjithë kabinetit qeveritar.

Kamberi vuri në dukje se retorika fashiste e anëtarëve të ekzekutivit serb konfirmon se mentaliteti i epokës së Millosheviqit është ende i gjallë, duke e konsideruar deklaratën të patolerueshme dhe emergjente për një përgjigje institucionale.

Për këtë qëllim, ai bëri të ditur se i është drejtuar me një kërkesë zyrtare trupit diplomatik ndërkombëtar të akredituar në Beograd.

Sipas tij, një shprehje e tillë nuk mund të shihet si një rast i veçuar. Ajo buron nga një kulturë e mohimit të vazhdueshëm të krimeve të luftës, lavdërimit të kriminelëve të dënuar, zbehjes së vendimeve të gjykatave ndërkombëtare dhe rishkrimit të së kaluarës.

Duke folur për pasojat mbi pakicat, Kamberi theksoi se për shqiptarët e Luginës së Preshevës, deklarata të tilla nga zyrtarë të lartë shtetërorë krijojnë një ndjenjë të thellë pasigurie dhe shtrojnë pyetjen legjitime se çfarë mbrojtjeje mund të presin nga institucionet.

Ai kujtoi gjithashtu se si shtet kandidat për në BE, Serbia ka detyrimin të garantojë dhe mbrojë të drejtat e komuniteteve minoritare, dhe se deklarata e ministres përplaset hapur me këto detyrime e tejkalon çdo normë demokratike që përbën themelin e Bashkimit Evropian.

The post Reagon ashpër Shaip Kamberi ndaj thirrjes për spastrim etnik të ministres serbe, kërkon shkarkimin e saj appeared first on Albeu.com.

Tenistja 16-vjeçare nga Çekia, Sara Bejlek, fitoi ndeshjen e saj të fundit kualifikuese të Grand Slam të premten e kaluan kundër Heather Watson të Britanisë së Madhe.

Pasi mposhti Watson, Bejlek respektoi protokollin e shtrëngimit të dorës me kundërshtarin e më pas me gjyqtarin e karriges dhe më pas shkoi të festonte me të atin dhe trajnerin e saj. Gjithçka dukej normale, megjithatë, pas një përqafimi me babain e saj, i cili duket në sfond me një peshqir të bardhë rreth qafës së tij, ai e përqafon vajzën dhe më pas i vendos dorën në prapanicën e saj duke e prekur disa herë pa pushim, por më e keqja është se ai i dha edhe një puthje në buzë.

Creepy coaches #WTA #USOpen #Bejlek
She’s 16 ?? pic.twitter.com/8ORvrHTVkX

— Eggy ? (@TheBoiledEgg) August 27, 2022

Pas kësaj, tenistja 16-vjeçare shkon te trajneri Jakub Kahoun dhe festimi është praktikisht identike, ku mungonte vetëm puthja.

Reagimet në Twitter, ku videoja është bërë virale, nuk ka vonuar dhe janë tejet të larmishme, ku ka nga ata që kërkojnë një hetim serioz të WTA-së, por gjithashtu ka nga ata që këto veprime janë të zakonshme sidomos në Republikën Çeke./ h.ll/albeu.com

The post E turpshme në US Open, tenistja 16-vjeçare preket në vende intime nga babai dhe trajneri i saj (VIDEO) appeared first on Albeu.com.