Këshilli Shqiptar i Medias dhe Aleanca për Media Etike përmes një reagimi konsiderojnë që përderisa këto të dhëna kanë rënë në duar të shumëkujt, aq më shumë i takon medias që në mënyrë të përgjegjshme të orientojë publikun tek ajo pjesë e informacionit që është me interes publik, duke mos cenuar pa të drejtë privatësinë e shtetasve.  KSHM dhe AME kanë përcjellë disa sekrete profesionale që çdo medie duhet t’i ketë parasysh kur raporton mbi raste të tilla me të dhëna sensitive të qytetarëve. Fokusi i orientimit të debatit është te interesi më i lartë publik.

Deklarata:

Çfarë duhet të respektojnë mediat në rastin e rrjedhjes së informacioneve sensitive mbi pagat. KSHM dhe Aleanca për Media Etike, e vlerësojnë kritike situatën e krijuar me rrjedhjen e të dhënave personale të shtetasve, si pagat, targat, etj. Ndërsa rrjedhjet mund të mos jenë dokumente të marra në mënyrë legjitime (shembuj botërorë janë që nga Wikileaks, tek Lista LeGarde, deri te Pandora Papers, etj) shpesh ato mund të përmbajnë dokumente me interes publik.

Nisur nga kjo, KSHM dhe Aleanca për Media Etike konsiderojnë që përderisa këto të dhëna kanë rënë në duar të shumëkujt, aq më shumë i takon medias që në mënyrë të përgjegjshme të orientojë publikun tek ajo pjesë e informacionit që është me interes publik, duke mos cenuar pa të drejtë privatësinë e shtetasve.

KSHM dhe AME, i bëjnë thirrje të tëra mediave që të kenë parasysh disa elementë të rëndësishëm.

Media ka të drejtë për të përpunuar të dhënat e rrjedhura për të informuar publikun. Përpunimi i të dhënave duhet të orientohet vetëm drejt temave që kanë interes publik dhe jo që paraqesin kërshëri publike. Të shmangen nga ky përpunim, sa më shumë të jetë e mundur, detajet personale të shtetasve. Në rast se media, konsideron se rroga dhe institucioni që e paguan një individ përbën çështje me interes të lartë publik, para se të publikohen të dhënat e përpunuara, individëve të përmendur duhet t’u jepet patjetër hapësira për të komentuar. KSHM dhe AME, konsiderojnë se sjellja e përgjegjshme e mediave në këtë situatë është kusht themelor për ta orientuar debatin mbi këto lista aty ku duhet: tek interesi më i lartë publik.

The post Skandali me listat e pagave dhe targat, çfarë duhet t’i përcjellin mediet publikut: Sekretet appeared first on Albeu.com.

Kujtojmë se sot u thellua akoma më shumë skandali duke u publikuar targa dhe të dhënat e tjera për makinat e mbi 500 mijë qytetarëve në vend.

Prokuroria ka nisur hetimet në lidhje me këtë ngjarje, mëngjesin e sotëm janë marrë në pyetje 14 ekspertë IT të Tatimeve, ISSH dhe AKSHI-t, si dhe ka kryer një inspektim të kompjuterëve.

Kryeministri Edi Rama ka folur ditën e djeshme për këtë skandal ku u shpreh se e kishte idenë kush fshihet pas, duke iu referuar kështu opozitës. Ai tha se prokuroria mund ta marrte në pyetje. Gjithashtu deklaroi se gjëra të tilla ndodhin në çdo vend të botës./albeu.com

The post Skandali me listën e pagave, nisin dorëheqjet e para te Tatimet appeared first on Albeu.com.

Basha shkruan se nxjerrja në pazar e të dhënave sensitive të qytetarëve nuk mbulohen dot me shfaqje dhe se Rama është shkatërruesi i mirëqenies së shqiptarëve.

“Pasi i ka varfëruar, përgjuar, shantazhuar për të masakruar zgjedhjet, doli me devizën e vjetër “ç’thotë partia bën populli, ç’do populli bën partia”, sepse propaganda është e vetmja gjë që di të ofrojë përballë furisë së skandaleve që e ekspozojnë si shkatërruesin e mirëqenies së shqiptarëve. Afera mafioze e inceneratorëve dhe nxjerrja në pazar e të dhënave më sensitive të qytetarëve të një vendi anëtar të NATO-s, nuk e mbulon dot me shfaqje bajate. Këto skandale, vjedhjesh, mashtrimesh, manipulimesh që po lëkund themelet e shtetit, s’kanë nevojë për shfaqje, por kërkojnë drejtësi për të çliruar shqiptarët nga shteti i kapur nga korrupsioni”, shkruan Basha./albeu.com

The post Skandali me pagat dhe targat, Basha: Rama, shkatërruesi i mirëqenies së shqiptarëve appeared first on Albeu.com.