Kjo pasi ligji i ri “për mbrojtjen e të dhënave personale” u ndalon partive politike që të përdorin të dhënat e shqiptarëve. Duke u nisur nga skandali i “partonazhistëve” me rregullimin e ligjit të ri partitë politike nuk e kanë më “kënaqësinë” që të përdorin të dhënat, përveçse të anëtarëve të tyre.

“Me kusht që të zbatohen masa të përshtatshme për mbrojtjen e të drejtave themelore dhe interesave të subjekteve të të dhënave, lejohet përpunimi i të dhënave sensitive në rastet kur: është i nevojshëm për veprimtarinë e ligjshme të organizatave jofitimprurëse politike, filozofike, fetare dhe sindikaliste, me kusht që përpunimi të lidhet vetëm me anëtarët ose ish-anëtarët e organizatës ose me persona që kanë kontakte të rregullta me të në kuadër të veprimtarisë së saj, si dhe që të dhënat personale të mos përhapen jashtë organizatës pa pëlqimin e subjekteve të të dhënave”, thuhet në nenin 9, pika 2 shkronja d e projektligjit.

Kujtojmë se databaze i “patronazhistëve” u publikua pak para zgjedhjeve të 25 prillit të vitit 2021 dhe përmbante të dhënat (ID number, nr celular, kontakte) të vjedhura të 910 mijë votuesve në vend.

Gjatë kësaj kohë dolën të dhënat personale të mijëra qytetarëve, si dhe targat e makinave të shumë të tjerëve./albeu.com/

The post S’ka më “patronazhistë”, çfarë thotë ligji i ri appeared first on Albeu.com.

Meta është shprehur se e mbështet nismën e Konfindustrisë për pezullimin e përkohshëm të procesit të fiskalizimit të detyrueshëm për bizneset, deri në dhënien e sigurive të plota teknike dhe ligjore nga shteti për mbrojtjen e të dhënave tregtare të bizneseve.

Kreu i shtetit gjithashtu ka kërkuar që të ngrihet sa më parë komisioni hetimor parlamentar për nxjerrjen e përgjegjësve lidhur me skandalin e të dhënave.

“Pasi jam njohur zyrtarisht, si dhe duke vlerësuar interesin e madh publik, kushtetues, sigurisë kombëtare dhe përgjegjësive euroatlantike të vendit, mbështet nismën e Konfindustrisë për pezullimin e përkohshëm të procesit të fiskalizimit të detyrueshëm për bizneset, deri në dhënien e sigurive të plota teknike dhe ligjore nga shteti shqiptar për mbrojtjen e të dhënave tregtare të bizneseve.

Skandali i rrjedhjes së të dhënave personale të qindra mijë qytetarëve shqiptarë në dhjetor 2021 drejtpërdrejt nga agjensia shtetërore përgjegjëse AKSHI, tregon problematikat e shumta të sotme të sigurisë së rrjeteve të informacionit.

U tërheq vëmendjen institucioneve shtetërore, që në rastin e ngjashëm të mundshëm të rrjedhjes së të dhënave masive të siguruara në kohe reale nga procesi i fiskalizimit me detyrim edhe nga dhjetra kompani private ndërmjetëse, pasojat do të jenë shumë më të rënda sesa të skandalit të dhjetorit 2021.

Në ketë rast pasojat do të jenë të rënda për mbi 120 mijë biznese, që rrezikohen nga penalizime gjyqësore në vlera të jashtëzakonshme për shtetin shqiptar, goditje në afatgjatë për ekonominë dhe deri në cenim të sigurisë kombëtare dhe rendit kushtetues.

Mbështes gjithashtu kërkesën për ngritjen e komisionit hetimor parlamentar për nxjerrjen e plotë dhe marrjen e përgjegjësive penale dhe financiare të institucioneve shtetërore dhe kompanive private, shkaktarë të skandalit të rrjedhjes në publik të të dhënave personale të qytetarëve dhe bizneseve në dhjetor 2021”, ka shkruar Meta./albeu.com/

The post “Do të ketë pasoja shumë të rënda”, çfarë po paralajmëron presidenti Meta appeared first on Albeu.com.

Ata akuzohen nga prokuroria se nxorën të dhënat e më shumë se 690 mijë qytetarëve.

Policia prangosi dy specialistët e IT-së, në Drejtorinë e Tatimeve, Eni Qirjako dhe Andi Agaraj si dhe 2 përmbaruesit privatë Klodian Sota dhe Endri Ikonomi, që i blenë të dhënat kundrejt shumave monetare që varionin nga 20 mijë deri në 30 mijë lekë.

Sipas burimeve mësohet se Eni Qirjako është lënë me masën e sigurisë “detyrim paraqitje”. Ndërkohë për 3 të tjerët është dhënë masa e sigurisë “arrest shtëpie”.

Në një dalje për mediat, kryeprokurorja e Tiranës Elizabeta Imeraj, tregoi edhe skemën se si vepruan katër të akuzuarit. “Specialistja e IT, e punësuar tek AKSHI ka pasur akses tek pagat, ka hyrë dhe i ka marrë të dhënat, i ka shpërndarë tek kolegu i saj, pa autorizim ua ka shitur subjekteve private” tha ajo.

Referuar dosjes hetimore, transferimi i të dhënave është bërë në periudha të ndryshme kohore, nga tetori i vitit 2020 deri në shtator të vitit 2021. Të dhënat dyshohet se janë nxjerrë nga databasa e sistemit CATS. Sipas dosjes hetimore, Qirjako është vënë në dijeni të shpërndarjes së pagave në dhjetor të vitit të kaluar, dhe ka konstatuar se data dhe ora e krijimit të file-ve që janë bërë publike përmes ëhatsapit përkon me të dhënat që i ka dërguar kolegut të saj, Andi Agarat.

Për këtë ajo ka vënë në dijeni drejtorin e saj Ervin Muça, ndaj të cilit po zhvillohen hetime në gjendje të lirë. Kryeprokurorja Imeraj paralajmëroi edhe një tjetër hetim, pas publikimit të më shumë se 530 mijë targa të mjetesh të qytetarëve.

“Kemi sekuestruar edhe serverat në DPRSHTR pas daljes së targave” tha ajo.

Katër të arrestuarit akuzohen për shpërdorim detyre të kryer në bashkëpunim dhe korrupsion, ndërsa prokuroria do ti kërkojë gjykatës që hetimet ndaj tyre të ndiqen nën masën e arrestit me burg./albeu.com/

The post Nxorrën “sheshit” pagat e shqiptarëve, lirohen nga burgu 4 personat e akuzuar appeared first on Albeu.com.

Në një postim në rrjetet sociale, Basha shkruan mes të tjerash se skandali pagave dhe ai i patronazhistëve nuk janë gjë tjetër veçse konfirmimi i masakrës zgjedhore.

Komentet Basha i bëri përmes një postimi në Facebook, gjatë kohës që Rama po mban një komunikim virtual me qytetarët.

“E vërteta vonon, por nuk harron! Skandali i pagave dhe skandali i patronazhistëve nuk janë gjë tjetër veçse konfirmimi i masakrës zgjedhore, konfirmimi i raportit të OSBE/ODIHR, konfirmimi se ndryshimi u pengua dhunshëm nga partia-shtet. Frymëzuesi dhe mbrojtësi i nxjerrjes në pazar të të dhënave personale të qytetarëve shqiptarë duhet të mbajë përgjegjësi dhe drejtësia duhet t’i shkojë deri në fund këtij skandali të paprecedentë që ka tronditur themelet e shtetit”, ka shkruar Basha./albeu.com/

The post Basha reagon sërish për skandalin e të dhënave: E vërteta vonon por nuk harron appeared first on Albeu.com.

Lajmin e ka bërë të ditur ministrja e Infrastrukturës, Belinda Balluku, pas pyetjes lidhur me sigurinë e të dhënave që gjenden në portalin “e albania”.

Balluku tha se kompania “Jones Group” do të kontraktohet për mbrojtjen e të dhënave.

Pyetje: A ka qeveria projektligj që “E Albania” të menaxhohet nga privati?

Balluku: Nëse ky është një lajm që qarkullon është i rrem. Nuk ka plan për privatizim i “e albania”. Të dhënat personale disponohen tashmë dhe janë kthyer në lojë por nuk ka një plan të tillë. Për hapat, Rama e ka bërë me dije që në Janar kemi kërkuar mbështetje të një kompania të madhe Jons Group që sot e ka një prezencë në Shqipëri. Mbron për sulmet kibernetike. Kemi kërkuar të vijën ditët e para në janar për të bërë një analizë për databaset./albeu.com/

The post A do të privatizohet “e-Albania” pas skandalit të të dhënave? Si përgjigjet ministrja Balluku appeared first on Albeu.com.

Balla në fjalën e tij është shprehur  se ai nuk ka shumë komente në lidhje me këtë çështje, pasi sipas tij tashmë kjo është një çështje që ka kaluar në duart e prokurorisë.

Ndër të tjera ai ka theksuar ndër të tjera se publikimi i të dhënave të tilla është një destabilizim dhe lëkundje e fortë mes punëmarrësve dhe punëdhënësve.

Kreu i grupit të PS ka deklaruar ndër të tjera se në lidhje me këtë rast, në sezonin e ri parlamentar do të bëhet rishikimi dhe forcimi i ligjit për ruajtjen e të dhënave personale.

“Në të gjithë këto vite në Kuvend dhe në politikë, jam në mendimin që në momentin që prokuroria hyn në hetim të gjithë duhet që të heshtin. Destabilizimi që ka krijuar një publikim i tillë prish shumë marrëdhënie punëmarrës dhe punëdhënës dhe kujtoj se shtete shumë më të forta dhe më të mëdha bien pre e sulmeve të tilla. Ky është sa sulm kibernetik aq edhe rrjedhje të dhënash dhe mendoj se ndëshkimi më i madh duhet të bëhet në këtë rast për të parandaluar rastet e tjera.

Unë mendoj se institucionet e drejtësisë përveç deklarimit të të dhënëve duhet të bëjnë një hetim të plotë dhe në lidhje me deklarimet dhe mosdeklarimet që ka dëmtuar marrëdhënien mes punëdhënësit dhe punëmarrësit.

Në sesionin e ardhshëm parlamentar ne do të rishikojmë ligjin për mbrojtjen e të dhënave personale ndaj sulmeve të tilla dhe qëllimit destabilizues punëmarrës dhe punëdhënës”, ka thënë ai.

The post Skandalet me publikimin e të dhënave personale, Balla: Drejtësia të hetojë dhe deklarimet e rreme appeared first on Albeu.com.

Një pjesë e institucioneve të administratës shtetërore “majmin” me para punonjësit e tyre.

Gjithashtu lista e targave që pasoi ato të pagave e të numrave të telefonit, e thelloi edhe më tej skandalin, duke nxjerrë në shesh mjetet luksoze që përdorin një pjesë e administratës, të blera nga paratë e buxhetit të shtetit.

Nga lista e targave rezulton se Autoriteti Rrugor Shqiptar mban rekord për numrin e mjeteve të regjistruara, plot 66 të tilla, shumica të tipit Mitsubishi, Ford, Toyoya, Hyundai.

Në vendin e dytë renditet Prokuroria e Përgjithshme me 30 mjete, të cilat janë vendosur në funksion të të gjithë hetuesëve, ku më e “preferuara” duket se është tip “Skoda”, ndërsa më pas renditen mjetet Hyundai, BMë dhe Mazda.

Më pas renditet, Agjensia Kombëtare e Burimeve Natyrore me 13 mjete, dhe Instituti i Shëndetit Publik me 12 të tilla.

Nga ana tjetër, Gjykata e Tiranës ka 9 mjete në dispozicion, ndërsa Gjykata e Posaçme e Apelit për Korrupsion dhe Krimin e Organizuar përdor 5 të tilla, mes tyre një Linkoln dhe Mercedez Benz.

Gjithashtu edhe në institucione të tjera bie në sy shpenzimet e tepërta të parave të buxhetit për gjëra të panevojshme./albeu.com/

The post LISTA/ Dolën “zbuluar” nga skandali i të dhënave, çfarë makinash përdorin institucionet e pavarura? (FOTO LAJM) appeared first on Albeu.com.