Ka disa ushqime që mund t’i blejmë dhe mbajmë deri në konsumin e plotë pa u shqetësuar për afatin. Këto janë disa prej tyre që është mirë t’i mbani në kuzhinë.

Mjalti

Mund të ndryshojë pak ngjyrën dhe strukturën, por nëse mjalti është i mbyllur mirë në një kavanoz, ai nuk skadon kurrë.

Oriz

Orizi i bardhë mund të ruajë lëndët ushqyese deri në 30 vjet nëse ruhet në enë hermetike.

Kripë

Kur mbahet larg lagështisë është e “pavdekshme”.

Salcë soje

Nëse shishja që përmban salca e sojës nuk është hapur kurrë, atëherë ajo mbetet e pandryshuar.

Sheqeri

Sheqeri si mjalti kur ruhet në një enë të mbyllur hermetikisht nuk prishet kurrë.

Fasule

Nëse ato janë të mbrojtura nga insektet, atëherë fasulet nuk skadojnë.

Pije alkoolike

Nuk keni nevojë të nxitoni për të përfunduar shishen e uiskit që hapët dje me miqtë tuaj sepse alkooli nuk skadon.

Qumësht pluhur

Nëse është në një mjedis të freskët dhe me hije, qumështi pluhur mund të zgjasë deri në pesë vjet.

The post Nuk skadojnë asnjëherë, këto janë 8 ushqimet më “jetëgjata” appeared first on Albeu.com.

Niveli i lartë i yndyrnave të keqija në gjak rrit rrezikun e sëmundjeve të zemrës, ndaj doktorët rekomandojnë gjithmonë përdorimin e këtij vaji në gatim. Megjithatë ky eliksir shëndeti nuk është si mjalti apo vera që me kalimin e viteve shija përmirësohet, por nëse ruhet si duhet vaji i ullirit do të ketë po të njëjta vlera ushqyese.

Mendoni për vajin e ullirit si të ishte lëng i freskët i shtrydhur! Pas një kohe ai do e humbasë shijen e do të skadojë ! Nëse mbahet në shishe plastike jetëgjatësia e vajit shkon deri në 20 muaj.

Duhet ta ruani në një vend të freskët, të errët, brenda bufesë. Drita dhe nxehtësia përshpejtojnë prishjen e vajit.

Mbylleni shisheni në mënyrë që të parandaloni oksidimin e vajit nga oksigjeni i ajrit.
Vaji i ullirit nuk mbahet në frigorifer dhe i ruajtur në kushtet e duhurua (në shishe qelqi) mund të rezistojë deri në dy vite.

The post A skadon vaji i ullirit? Kjo është mënyra e ruajtjes që të mos humbasë asnjë vlerë ushqyese appeared first on Albeu.com.

Gjatë kontrolleve në subjektin e tij, janë gjetur dhe sekuestruar një sasi e konsiderueshme e pijeve që u kishte përfunduar afati i skadencës.

Lajmin e bëri të ditur Policia e Shtetit përmes një njoftimi. 

Njoftimi i Policisë:

Finalizohet operacioni policor i koduar “Skadenca”

Operacioni i zhvilluar nga Seksioni për Hetimin e Krimit Ekonomiko-Financiar në DVP Shkodër.

Arrestohet në flagrancë një shtetas që tregtonte pije të skaduara.

Specialistët e Seksionit për Hetimin e Krimit Ekonomik Financiar në DVP Shkodër, në vijim të punës për goditjen e veprimtarisë kriminale në fushën e krimit ekonomik dhe financiar, bazuar në informacionet e marra në rrugë operative, kanë organizuar dhe finalizuar operacionin policor të koduar “Skadenca”.

Si rezultat i këtij operacioni u bë arrestimi në flagrancë i shtetasit D. H., 56 vjeç, banues në lagjen “Salo Halili” Shkodër, për veprën penale “Importimi, prodhimi, shitja ose ruajtja e ushqimeve të rrezikshme për shëndetin ose jetën e njerëzve”.

Shërbimet e Policisë, gjatë kontrollit të ushtruar në subjektin tregtar që administronte ky shtetas, në lagjen “Salo Halili”, Shkodër, kanë gjetur dhe sekuestruar sasi të konsiderueshme me pije (lëngje frutash), të cilave u kishte kaluar afati i skadencës.

Materialet iu referuan Prokurorisë së Rrethit Gjyqësor Shkodër, për veprime të mëtejshme./albeu.com/

The post Tregtonte pije dhe ushqime të skaduara, e pëson 56-vjeçari (VIDEO) appeared first on Albeu.com.

Sado të jenë shpenzimet tuaja, ka disa gjëra që duhen patur parasysh.

Së pari, edhe nëse të pëlqen shumë një produkt si një rimel apo një krem pudër, të dyja kanë një afat dhe duhet të hidhen kur kalon një kohë e gjatë. Nuk është ide e mirë t’i mbash.

Datat e skadimit janë vendosur për një arsye shumë të fortë, sepse përbërja dhe përdorimi i produktit mbi atë datë mund të shkaktojë infeksione të rënda.

Produktet e lëngëta dhe kremrat strehojnë bakteret, veçanërisht nëse janë në një tip kavanozi dhe përdorni gishtat për të marrë një pjesë të produktit.

Artistja e kozmetikës dhe blogerja Joyce Connor paralajmëron se produktet e makeup që përdoren për një kohë të gjatë mund të shkatërrojnë edhe lëkurën. Në rastin e rimelit mund të të shkaktojë infeksion të syve. Mos harroni të lani duart para se të merrni me gishta një sasi kremi, e mira është që të ketë spatulën e saj.

Nëse nuk të kujtohet se kur ka skaduar produkti, disa e kanë të dukshme. Për shembull, nëse rimeli nuk lëshon më atë tingullin si në fillim kur e ke blerë, do të thotë se duhet hedhur dhe jo për ta lënë të konsumohet deri në fund. Aroma gjithashtu tregon shumë. Në përgjithësi një rimel duhet të zgjasë tre muaj dhe jo më shumë.

Tek produktet e lëngshme gjithashtu fillon të ndryshojë aroma, dhe përbërja vajore fillon të ndahet nga masa tjetër, për shembull e kremit.

Për të mos u harruar janë edhe furçat dhe sfungjeri që përhap kremin pudër. Sfungjeri i makijazhit duhet larë sa herë ta përdorni dhe të ndërrohet një herë në dy muaj me një të ri.

Mesi i sfungjerit mund të grumbullojë baktere nëse nuk pastrohet plotësisht dhe rregullisht. Furçat që përhapin rouge-n dhe tonet duhet të lahen çdo javë dhe të lihen të thahen brenda natës. Furçat me cilësi të mirë mund të zgjasin me vite nëse pastrohen rregullisht dhe lihen të thahen larg nxehtësisë.

Kur furça fillon të lëshojë fijet, do të thotë se është koha për një të ri. Për t’i larë ato mund të përdorni dhe një shampo të thjeshtë, nëse janë sintetike. Por mund të përdoren edhe solucione anti-bakteriale.

The post Si të kuptosh që rimeli ka skaduar? Disa këshilla higjiene ndaj produkteve kozmetike appeared first on Albeu.com.