Forcat irakiane të sigurisë përdorën gaz lotsjellës dhe bomba zhurmuese në përpjekje për të zmbrapsur demonstruesit, duke plagosur disa prej tyre. Protestat çuan në anulimin e një seance të parlamentit të parashikuar të mbahej sot.

Nëpërmjet një deklarate, kryeministri i Irakut Mustafa al-Kadhimi urdhëroi forcat e sigurisë të mbrojnë demonstruesit ndërsa u kërkoi këtyre të fundit që të protestonin në mënyrë paqësore.

Protestuesit, mbështetës të klerikut me ndikim Muqtada al-Sadr, janë kundër formimit të qeverisë së ardhshme të udhëhequr nga Korniza e Koalicionit, një aleancë partish shiite që mbështen nga Irani.

Të mërkurën, qindra ndjekës të klerikut al-Sadr sulmuan ndërtesën e parlamentit pas njoftimit se Mohammed al-Sudani do të ishte kandidati për kryeministër, duke sinjalizuar se përpjekjet për të formuar qeverinë do të vazhdojnë pavarësisht kërcënimeve të al-Sadr-it./VOA

The post Agravon situata në Irak, protestuesit e “tërbuar” hyjnë sërish në parlament appeared first on Albeu.com.