Rritja në masën 2.5% do të realizohet mbi pagën bruto për çdo pozicion pune. Ashtu siç u zbatua edhe për kategoritë e tjera të administratës, edhe për punonjësit e arsimit parauniversitar parashikohet përveç indeksimit dhe shtesa mbi pagën sipas vjetërsisë. Efektet e rritjes do të llogariten nga 1 janari 2026.

Rritja e rrogave është parashikuar në projektvendimin “Për disa ndryshime në vendimin nr. 425, datë 26.6.2024, të Këshillit të Ministrave, “Për miratimin e strukturës dhe te niveleve të pagave të punonjësve mësimorë dhe të punonjësve të tjerë jo mësimorë në institucionet arsimore dhe ne institucionet plotësuese të sistemit arsimor parauniversitar” të propozuar nga Ministria e Shtetit për Administratën Publike dhe Antikorrupsionin.

Në projektvendim theksohet se indeksimi i pagave për vitin 2026 bazohet në indeksin e ndryshimit të çmimeve të konsumit, në masën 2.5% dhe do të realizohet për të gjithë punonjësit mësimorë dhe punonjësit e tjerë jomësimorë, në arsimin parauniversitar, për vitin 2026, njëjtë si edhe për funksionarët/nëpunësit civilë/nëpunësit në të gjitha institucionet e administratës publike.

“Nëpërmjet këtij projektvendimi realizohet indeksimi në masën 2.5% i elementit të pagës bruto mujore “paga pëi pozicion”. Ndërkohë meqenëse llogaritja e elementit tjetër të pagës bruto mujore shtesa për vjetërsi në punë” aplikohet mbi pagën për pozicion, automatikisht edhe ky element indeksohet me 2.5% deri në 5.17%.

Më konkretisht, indeksimi i vlerave të pagës për pozicion, reflektohet në të tre lidhjet e pagave të vendimit nr. 425/2024, aktualisht në fuqi, për punonjësit mësimorë, për punonjësit e shërbimit psiko-social, dhe për punonjësit e tjerë jomësimorë, të institucioneve arsimore dhe plotësuese të sistemit arsimor parauniversitar.

Gjithashtu, për punonjësit e sistemit të arsimit parauniversitar, si edukatorë, kujdestar konvikti, mësues, punonjës psiko-social, oficer i sigurisë, instruktorë dhe koordinatorë të cilët aktualisht kanë një vlerë të pagës për pozicion nga 58,000 lekë në muaj deri në 74,000 lekë në muaj, nëpërmjet këtij projektvendimi, parashikohet përveç indeksimit në masën 2.5%, edhe një rritje e vlerës së pagës për pozicion, duke e çuar rritjen e pagave për këta punonjës në total në masën 3,000 lekë në muaj, apo 4 deri në 5.17%”, theksohet në relacion.

Nga miratimi i këtij projektvendimi përfitojnë rreth 36,390 punonjës mësimorë dhe jomësimorë.

Për 30,000 punonjës mësimorë dhe punonjës psikologë/punonjës social dhe oficerë të sigurisë në institucionet arsimore të sistemit të arsimit parauniversitar, në varësi të Ministrisë së Arsimit, efektet llogariten rreth 114.5 mln lekë në muaj për pagat dhe sigurime shoqërore e shëndetësore;

Për 1,500 punonjës mësimorë të sistemit të arsimit professional, në varësi të Ministrisë së Ekonomisë dhe Inovacionit, efektet llogariten rreth 6 mln lekë në muaj për pagat dhe sigurimet shoqërore e shëndetësore;

Për 4,890 punonjës mësimorë të sistemit të arsimit parashkollor, të qendrave kulturore të fëmijëve dhe të konvikteve shkollore, efektet llogariten rreth 16.7 mln lekë në muaj për pagat dhe sigurimet shoqërore e shëndetësore./Monitor.al

The post Rritja e pagave në sistemin arsimor/ Nga mësuesit te oficerët e sigurisë, ja kush përfiton appeared first on Albeu.com.

Ajo shprehet se Rilindja ka shkatërruar arsimin. Sipas saj, kjo është një arsye më shumë për të protestuar më 11 korrik.

Gjithashtu, ajo thekson se në 11 vjet, Edi Rama me keq-qeverisje dhe keqdashje, i ktheu shkollat nga vatra të dijes në fole të ilegalitetit.

Sula ka renditur disa nga shkaqet që e kanë rrënuar sistemin arsimor dhe që shpallin hapur braktisjen që partia-shtet i ka bërë arsimit dhe fëmijëve.

Deklarata e plotë:

“Të dashur pedagogë, mësues, nxënës dhe studentë:

Në 11 vjet Edi Rama, me keq-qeverisje dhe keqdashje, i ktheu shkollat nga vatra të dijes në fole të ilegalitetit.

Ai mashtroi mësues e nxënës, studentë e pedagogë, për financimin e arsimit publik me 5% të PBB. Sot niveli i arsimit është vetëm xxx shumë më pas se financimi në qeverisjen e PD. Shqipëria investon nën 0.08% të GDP për kërkim, 4-10 herë më pak se disa vende të Rajonit të ËB.

Nxënësit 15-vjeçarë u renditen të fundit në botë për të menduarin krijues, pas Palestinës dhe Uzbekistanit nga testimi ndërkombëtar PISA.

Janë përkeqësuar treguesit e analfabetizmit funksional, dhe aftësitë e nxënësve në lexim kanë shkuar prapa ne kohe, në vitet 2000. PISA vërtetoi që prapambetja në formim e nxënësve 15-vjeçar të zonave rurale me ato urbane është thelluar përtej 2 vite shkollore.

Vijon skandali i testimeve të Maturës shtetërore- nga dalja e të gjitha tezave në minutat e para të provimit, tek problemet e rënda të formulimit të testeve që penalizojnë në vlerësim nxënësit. Degradimin e plotë të Maturës e tregon heqja e njërës lëndë me zgjedhje e cila ka përgjysmuar nivelin e formimit të thelluar akademik të maturantëve.

Qeveria shpenzon për nxënës/student vetëm 1000 euro në vit, 10-15 herë më pak se në vendet e OECD.

Politizimi: kontrolli total përmes patronazhistëve i arsimit. Denigrimi i figurës së mësuesit, mungesa e mbështetjes, dhe e rritjes së pagave. Shkollat kthyer në pika shpëndarje droge edhe nga drejtorët patronazhistë.

Ligji për Arsimin e Lartë, zhduku autonominë universitare dhe lirinë akademike

Arsimi po braktiset me shifra të frikshme prej shpopullimit: 60 mijë studentë më pak në universitete se 10 vite më pare; – 110 mijë nxënës më pak në arsimin parauniversitar,

Ikja dramatike e trurit dhe e intelektualëve, ngjashëm me vendet e Afrikës na rendit ndër 10 vendet në botë me emigrim më të lartë.

Universitet shqiptarë të rankuara më shumë se 1000 vende poshtë atyre të rajonit (si Kroacia, Sllovenia apo Serbia)- sipas rankimeve ndërkombëtare

Këto janë vetëm disa nga shkaqet që e kanë rrënuar sistemin arsimor, që shpallin hapur braktisjen që partia-shtet i ka bërë arsimit dhe fëmijëve.

Për të ndalur këtë sistem de-arsimues që sot gjendet në pikën fundore, për të ndalur shpopullimin masiv të shqiptarëve që largohen për motive mbijetese, rritjen e analfabetizmit, dhe gjithë sëmundjet e rënda që e kanë ngërthyer arsimin – ju ftoj, veçanërisht mësuesit, pedagogët, nxënësit e studentët, si kolegia juaj dhe mësuesja juaj, që më 11 korrik, ora 20:00 t’i bashkoheni protestës së opozitës.

Për të mirën e fëmijëve tanë, për të mirën e kombit”, shprehet ajo.

The post Partia Demokratike rendit shkaqet që e kanë rrënuar sistemin arsimor: Rama i ktheu shkollat në fole të ilegalitetit appeared first on Albeu.com.